الموضوع: أين تخرج مع عائلتك؟ موضوع للنقاش

السلام عليكم

في الحقيقة أنني أحتار كثيرا عندما أنوي الخروج مع زوجتي والأبناء للتنزه ولا أعرف إلى أين أذهب
فقد مللنا من المطاعم
والأبناء محظوظين قليلا لأنهم يجدون الكثير من الأماكن التي بها بعض الألعاب مما يجعلهم يستمتعون
ونبقى أنا وأم ضرار لا نعرف أين نتنزه
الأسواق والمجمعات التجارية أصبحت لا تناسب المحافظين فقد كثر بها المراهقين والمتسكعين حتى أصبح الزوجان شكلهما غريب في هذه الأماكن
الأماكن المفتوحة ذات الجلسات الخارجية لا يمكن الجلوس فيها لا في الصيف ولا في الشتاء
فأين نذهب ؟

ملاحظة: الموضوع لجمع الآراء والأفكار التي قد يستفيد منها الجميع ، ولا نرغب بأي طرح غير محافظ أو خارج عن الموضوع (أين تخرج مع عائلتك؟)

بانتظار آراء الجميع فقد يكون لديكم ما لا نعرفه :101:

مواضيع عشوائيه ممكن تكون تعجبك اخترناها لك:

• بغيت خدمة من اهل الكويت
• هل بالكويت فنادق ملاصقة لمجمعات تجارية؟
• ابي استسفر ممكن؟
• لأهل الكويت الغالين أبي أعرف متى تكون إجازتكم الصيفية
• الكويتية تخصم لتذكرة المعاق ومرافقه
• قريبامول الكويت
• أهلي أهل الكويت جئتكم غدا زائرا
• مواقع حجز الطيران على الأنترنت مع مواقع حجز الشقق والفنادق على الأنترنت؟ عاجل
• لاتخيبون ظني يااهل الكويت
• كم استفسار قبل مااجي لكم
• برنامج لايام للكويت
• رحلتي تحت المطر الى حديقه الشعب صــــووور
• ابي إحداثية مجمع البيرق على جهاز القارمن
• سؤال عن فناندق الكويت
• رحلة للكويت
• الى كل كويتي او سعودي راح للكويت او اي واحد عنده خبرة
• افضل الطرق برا؟؟؟؟
• الله يوفق ويسعد الله يساعدني
• مدينة الكويت الترفيهية
• من سبق له التعامل مع هذا المترجم ؟؟

سافر برة الكويت اقرب حل لك

بصراحه شعور متبادل اخوي ابوضرار

انا عن نفسي حاليا احاول اخذ اعيالي إلي البر ترتاح نفسيا من زحمه لكن الله يكون بالعون علي الجو البارد جدا

........................

1- من الأماكن المحببة لي...الواجهات البحرية...

سواء كانت الواجهة الممتدة من المركز العلمي الراقي إلى ما بعد المارينا...!
و المناظر الجميلة...
على يمينك (الخليج العربي و منظر لمدينة الكويت و المركز العلمي و عدد من المقاهي و المطاعم و العاب الأطفال)...
و على يسارك منظر مدينة السالمية الجميلة و مجمعاتها...


المركز العلمي


الخليج العربي و مدينة الكويت


الهارد روك


المارينا مول

http://www.flickr.com/photos/lucky_khan/344097536/
فندق المارينا كما يظهر من الكرسنت...

-------------------------------

واجهة الأبراج...



-----------------

شاطئ و كورنيش الشويخ



http://www.flickr.com/photos/boturki/2105418766/

--------------------
شاطئ مدينة الفحيحيل "مجمع الكوت و المنشر"...

http://www.flickr.com/photos/sajari/508009086/
شاطئ الفحيحيل

----------------------------------------------------------------

2- من الأماكن ايضا القريبة من القلب لي و للعائلة زيارة الأبراج...!

http://www.flickr.com/photos/al-fassam/2126023157/
الأبراج من الداخل...!

و من الأماكن الأخرى...!
المركز العلمي...


الحقيقة هذا المرفق على كثر زياراتي له ما امل منه...
لأن الصغار يحبونه و يحبون زيارة الأكواريوم فيه...
:24:

-----------------------------------


3- طبعا غير المجمعات الجميلة...
و أجملها الأفنيوز مجمع راقي و هادئ...

http://www.flickr.com/photos/yo_ghurt/425052543/
الأفنيوز

و المجمعات الأخرى الهادئة ابرزها الكوت و المنشر المتلاصقين بالفحيحيل...

http://www.flickr.com/photos/j3k2/2065282675/
المنشر
http://www.flickr.com/photos/kuwaiti_muwali/522269152/
الكوت

و عدد كبير من المجمعات اللي ماتنعد بالكويت...!

-------------------------------

4- من الأماكن الأخرى اللي احب زيارتها السينمات...
و دايما أحرص تكون في نص الأسبوع او السينمات البعيدة عشان الهدوء
:109::24:

و صراحة يصعب حصر الأماكن في بلدنا ...

تحياتي لك مشرفنا الغالي.

خوش فكرة مشرفنا ابوضرار لان الموضوع شكله ماراح يخلى من المعلومات والاشياء المفيدة حق الليبزورون الكويت واللي بالكويت بعد

بالنسبة لي

انا دايما اخذ اخواني الصغار وانروح السينما او اي مكان فيه العاب واهم يفضلون حديقة الشعب ومجمع المنشر بعد ما افتحو fun ahoy فيه والالعاب في المرينا مول (انفضل المجمعات التجارية لان يكون فيها كل شي مطاعم وسينما والعاب) والصراحة اسعد لحظات حياتي اني اشوف اخواني مستانسين ضحكتهم تسوى الدنيا ومافيها

ما قصرت بو ضرار على فكرة الموضوع :101: ، عساك عالقوة


ما احس ان الأسوقه صارت بس للشباب ( أو المراهقين )
بالعكس :114: ، انا كل روحاتي للسوق تكون مع الأهل
لغرض التسوق أو التمشي
بس يمكن أكون بعض الأسوقه اللي اكون كلامك عنها صحيح 100%

و أكثر سوقين ، اغلب اللي فيه عوايل ، سوق شرق و الكوت
و خاصه قعداتهم اللي بره :24:


بالنسبة لي :114:

الكوت عندي من أحلى الأسواق للتمشي
اونس و هادي ومو زحمه و القعدات الي بره شي صج خيالي


و اذا كان الجو زوين ( مو وايد برد ) أحب اتمشى مع الأهل في شاطىء شويخ


و طبعا ما انسى المركز العلمي ، بس مشكلة المركز العلمي ان الأشياء اللي فيه ما تجدد بسرعه
يعني تلقى اسابيع و الأفلام الأيماكس وحده ، لكن اظل من الأماكن الحلوة

أي مكان حلو و يخطر ببالي ان شاء الله اخبركم عنه


كل الأماكن حلوة بالكويت ، لكن متى تختار الوقت المناسب

[blink]أتمنى لكم طلعات حلوة
[/blink] :106:

اهلا فيك بوضرار ..

مستشارنا ..

(( ترى كانت لي سفره لهونج كونج وكوانزوا)) راح احطها ان شاءالله بالقريب العاجل

بالنسبه لموضوعك وسؤالك ..

موضوع وايد يدور بيينا وخاصه اذا كان فيه عطله ..

رايي ان حسب الجو .. ووقت الطلعه

يعني اذا كانت طلعتنا باللي نكتفي بالسينما وطبعا نحجز عن طريق النت

واذا طلعتنا الصبح نتريق بالبيت ويكون لبسنا رياضي يعني اكثره مشي وطول البحر نمشي وممكن نقعد بأي استراحه موجوده بالبحر وفيه طلعا مكان للعب اليهال ..

ولا تنسى الوفره وناسه ترى في حديقة الكمال هناك فيها العاب وحيوانات للأطفال وممكن تأجر خيمة طول اليوم اب 3 دنانير كويتي .. وومكن تشوي هناك بس تكون عدتك كلها معاك


وانا معاك لاعت جبدنا من المجمعات والفراره فيها ما لها اي داعي ..

ولا تنسى عندنا حدايق وايد بالكويت .. في حديقة جمال عبدالناصر بالرووضه وفي حديقة كيفان اللي بكيفان وفي بعد وايد بس ما تحضرني .. اخذ غداكم وروحوا استمتعوا بالجو .. وكفاية نسبة الاكسجين تكون عاليه بالحديقه


واذا لكم خلق للمتاحف ترى الكويت مترووسه واغلبها الدخول مجاني .. واليهال وايد يستانسون


واذا الميزانيه زينه اقرب طريج للبحرين بالسياره ليلتين قمة الوناسه ..


ولي رجعه للموضوع

اعتقد ان الطلعه مع الاهل بس يحتاجلها توقيت مناسب

يعني الواحد اذا يبي يطلع مع ام عياله ما كو احسن من الايام اللي ما فيها اجازات وبعد الاحسن اذا طلعت فتره الامتحانات تلقى المجمعات والسينمات والمطاعم والقعدات على البحر جدا هاديه

الافينيوز + مارينا
هالمجمعين اكثر شي فيهه المتسكعين و القزيزه "اللي ماعندهم لاشغل و لا مشغله" !! @@

^
^
احسن وقت تروحلهم من الصبح لما 5 المغرب و عقب رد البيت!








بالنسبه لي طلعاتي ويا الاهل

يا سوق + يا مطاعم + ياسينما..
ولا
نقعد بالبيت "بالخيمه" و نسوي باربكيو

أشكر الجميع على المشاركة في هذا الموضوع

يبدو أن الكثير لم يفهموا قصدي
أنا أقصد أن الطلعه عائلية أي مع زوجتي وأبنائي فلا المشي الصباحي يصلح ولا المجمعات التجارية تصلح لي ولأم ضرار لأن لا حاجة لنا بها إلا إذا أردنا التسوق ولكننا نحتاج إلى التمشية والترفيه لنا وللأبناء
والسفر أيضا غير مناسب لأنني قلت أنني أريد مكان للتمشية وليس للسفر
وأما عن الوقت المناسب فإنه ليس بأيدينا لأن نهاية الأسبوع هي الأنسب مع ذلك فإنني لا أتنزه بها مع عائلتي إلا ما ندر

وأرجو طرح المزيد من الآراء لتزداد الفائدة
وأكرر شكري للجميع على المشاركة في إثراء الموضوع

أماكن كثيره أحب أروحها مع العائله منها:
- السينما
- المركز العلمي
- القهاوي و القعدات اللي عند سوق المباركيه ... وناسه
- يوم البحار ... فيها قعدات روعه تطلب شاي أو نخي و باجيلا أو خبز رقاق يم يم ... و فيه مطعم تتعشى منه مشويات
- البر و المزارع و الجواخير
- القعدات اللي عند الابراج
- بعض المطاعم
- القعده على الشواطيء بالصيف

و غيرها من الاماكن اللي تونس بالجمعه مع العائله

الأماكن في الكويت كثيرة جدا ولكن ليس كلها يصلح ...........


ومن الأماكن وقد ذُكرت من قبل قرية يوم البحار....محافظة...مقهى...جلسات داخلية وخارجية.... تمشي...ألعاب....مسجد


مسطحات خضراء...سوق تراثي...متحف....تمشي على البحر ....بصراحة حلوة حيل .....تستاهل ألي يروحلها.



تآخذ زوليتك وقهوة وشايك والقدوع لاتنساه....وقواري الجهال...وعلى أي حديقة تكون عارفها من قبل...مثل النافورة حلوة

وماتقام فيها الموسيقى إلا نادرا وغيرها كثير في الكويت.


وإلا تخليها قعدة على الشاطئ تشوفلك شاطئ فاضي وتقعدون وطقها سوالف وتطلبون عشاكو وتشون !!!!!!!!


وإلا حديقة الحيوان ترى التمشي فيها يكسر الروتين وتتذكرون يوم كنتم صغار والمدرسة يسون لكم رحلة لحديقة الحيوان


وإلا تأجر لك مخيم بالوفرة وإلا مزرعة...وفيه مزارع تأجر خيام ب5 دنانير لليوم.

وإلا المدينة الترفيهية فيها ألعاب للكبار مثل (المنخل) واحد بيوهقه هاهاها...لا أتغشمر معاك ألعاب كثيرة تصلح للكبار

وطيح الكلافه.


وإلا تأجرلك طراد وتسوي لك رحلة بحرية....وتتأمل الطبيعة البحرية الساحرة...إلا تسحبها لفيلكا وتلقي نظرة على هالجزيرة

القديمة بقدم الإنسانية.


وإلا رحلة جوية بطيارة هيلكبتر...بس لايكون تخاف من الطيارة ترى أأمن وسيلة نقل بعد ستر الله عليها.


وإلا أجر لك شالية بمنتجع شيك فلامنجو...إلا الهلتون...وإلا شالية شخصي.


وإلا إعزم صديق أو أخ أو نسيب ولاتزعل مع عايلتة بأي مكان ترى والله فيها تغيير وتبادل خبرات ومعرفة الأهل بلأهل وغيرها

من الفوائد!!!!!!!



وإلاتتمشى بسوق المباركية بصراحة متعة وغيرها كثير....قعدة بكوفي...وإلا مطعم وسأل المرام عن المطاعم أدري راح


تدلك لأنها تحب الخير للأخرين وشلون إذا في بوابة الكويت أكيد أكثر.


وأسمع عن سليل الجهراء ومارحتله...وغيرها من الأماكن الكويت غنية بالأماكن بس يبيلها شويت تنسيق للأبتعاد عن الزحام بحسن التوقيت وكذلك إختيار الوقت المناسب وأعتقد ذكرنا:

حدائق

بر

بحر

جو

أسواق

مطاعم


متاحف...كثيرة ماذكرتها بس الأخوان وهي كثيرة عد وخربط وهي جميلة بحق

مطاعم

أسواق


مزارع


شاليهات


مخيمات


مقاهي


أماكن ترفيهية


ولك أن تختار ماتشاء بس عاد لابد أن تختار الوقت المناسب وكلامنا هذا للجميع ولابد أن نعترف أنا بحاجة أكثر وخصوصا


للأماكن محافظة....وأعتقدالهدف من الخروج نهاية الإسبوع هو كسر الروتين والترويح عن النفس وهذا يتحقق بما لدينا من


أماكن مع تكييف النفس بما هو موجود وكذلك جبر النقص بما لدى الإنسان من خبرات من إضفاء جو أكثر من المتعة على

المكان!!!!!


أتمنى للجميع التوفيق والسداد.

يعطيك العافية اخي ابوضرار.........................فعلاا هالموضوع يحير وين نروح بالبرد والمجمعات صراحة انا مااروح لها الا للضرورة للتسوق فقط اما للتمشي لاا....................وبعد وايد اخاف علي يهالي من البرد وافضل قعدة البيت .............واذا طلعنا في الويك اند نطلع بالنهار نتغدا برة وبعدها نروح اي صاله العاب مغلقة لليهال وبس ونرد البيت قبل الليل والمركز العلمي حلو بس مايصير نروحلة كل اسبوع ................مسكين زوجي ياطالع معنا مع اليهال او طالع معي للجمعية او مركز سلطان .............هذا الشتا ومايسوي ..................اقترحوا علينا اماكن

المشاركة الأصلية كتبت بواسطة المتفائل جدا
http://www.arabtravelersforum.com/tr...6/#post1781116

...وإلا مطعم وسأل المرام عن المطاعم أدري راح


تدلك لأنها تحب الخير للأخرين وشلون إذا في بوابة الكويت أكيد أكثر.


وأسمع عن سليل الجهراء ومارحتله....



:109:
تسلم أخوي المتفائل على كلامك الطيب :106:

المطاعم الحلوه بالكويت كثيره .و تصلح للعوائل منها ..
فريج صويلح - قيصر - ميس الغانم
أما بالنسبه لسليل انا رحت له و سويت عنه تقرير مصور لكن للاسف ما تظهر الصور لانها تشفرت
ان شاء الله راح أرد أصوره و أحط لكم تقرير عنه
و أي خدمه انا تحت امركم :106:

شكرا المرام هذا أقل شي نقدمه لك أنتي تستاهلين أكثر وكل البوابات تشهد بذلك مو بس بوابة الكويت وأنا شفت تقريرك عن سليل الجهراء بس فعلا الصور مو واضحة!!!!!!

المتفائل جدا ما قصر ذكر الاماكن اللي تطري على بالنا و اللي ما تطري

اخذوا ابساطكم و لابتوباتكم و روحوا بحر السالمية اللي يم ريزون اذا تبون بالضبط شفتوا المستشفى اللي مثل برج العرب؟ اهناك في internet wireless

فكرة اخرى اذا سطحكم حلو قعدوا فيه جدام الدوه

و طلعة من اروع ما يكون روحوا اب سيارتكم الى السعودية (( مو سفرة طلعة طويله)) و روحوا الخفجي تبعد عن الكويت يمكن ساعة و نص و هناك في فندق اسمه شاطئ الخفجي تغدا او تعشه فيه اكله لذيييذ و تمشوا بالمنطقة و انتوا طالعين قبل حدود السعودية اب كيلو او كيلووين في بقاله اسمها اعتقد الرحال المسافر عجييييييييييييييييييييييبه خبزهم لذيييييذ و فطايرهم عجيبة
و بس

honeymooner
انا رحت لشاطئ الخفجي لما كنت راده من الخبر

والشاطئ ما شاء الله عليه حلوو وهادي وبالنسبه للمطعم اهوو حلوو بس انا تغديت فيه اما العشاء ما تعشيت

بس فيه مشكله (( الشاطئ ما يصير احد ينزله بس تقعد بالقعده الموجوده بره ومحد ينزل للبحر الا اللي ساكنين في الفندق ))
وعلى فكره يوم رحت له لقيت اغلب اللي فيه كويتين

مشكورين عالموضوع
انا بعد وياك انه الواحد يحتار بالطلعه العائليه ،
جرب ومنت خسران
غير اتجاهك الى محافظة الاحمدي او الجهراء
انا جربت قبل فتره نزلت الى محافظة الاحمدي وتوجهنا الى عدة اماكن مثل الكوت بالفحيحيل القعده عند النافوره ، حديقة الاحمدي بالاحمدي ، والاحمدي ((خاصه شمال الاحمدي)) تحس (دوله) غير ماشاءالله من المناظر والمزروعات وتقعد بالحديقه بالجو الحلو الهادي ، وفي بعد اماكن نحاول نكتشفها عن قريب .
التغيير شي جميل وانا من عشاق التغيير بصوره كبيره

بصراحة وأنا بعد وياكم .........رحت الخفجي ....فندق شاطئ الخفجي بصراحة............. حلو وأكلهم أروع.................



ونمت فيه بصراحة كانت رحلة حلوه وبسيطة وغير مكلفة !!!!!!!!

ماشاء الله من خلال ردود الأعضاء تعرفت على اماكن كثيرة
بإمكاني زيارتها في دولة الكويت

وانا متواجدة حاليآ في الكويت

السلام عليكم بصراحة انا مع راي ابو ضرار لانة نفس الشي منة اعاني يا مطاعم يا سينما او بالصيف على شاطي الكوت اجلس اجيب فرشة وشاي وقهوي واطلب من مطعم وامشي يومي جذى ومليت لانة نفس الشي اكررة كل اسبوع والحل ما قصروا اللى ردوا على الموضوع بجرب اغير
ويسلموا

افكار حلوة ...........

موضوع جدا مميز .. استفدت منه كثير .. الله يبارك فيكم

المشاركة الأصلية كتبت بواسطة ابوضرار
http://www.arabtravelersforum.com/tr...6/#post1775329

السلام عليكم

في الحقيقة أنني أحتار كثيرا عندما أنوي الخروج مع زوجتي والأبناء للتنزه ولا أعرف إلى أين أذهب
فقد مللنا من المطاعم
والأبناء محظوظين قليلا لأنهم يجدون الكثير من الأماكن التي بها بعض الألعاب مما يجعلهم يستمتعون
ونبقى أنا وأم ضرار لا نعرف أين نتنزه
الأسواق والمجمعات التجارية أصبحت لا تناسب المحافظين فقد كثر بها المراهقين والمتسكعين حتى أصبح الزوجان شكلهما غريب في هذه الأماكن
الأماكن المفتوحة ذات الجلسات الخارجية لا يمكن الجلوس فيها لا في الصيف ولا في الشتاء
فأين نذهب ؟

ملاحظة: الموضوع لجمع الآراء والأفكار التي قد يستفيد منها الجميع ، ولا نرغب بأي طرح غير محافظ أو خارج عن الموضوع (أين تخرج مع عائلتك؟)

بانتظار آراء الجميع فقد يكون لديكم ما لا نعرفه :101:



مشرفنا العزير أبو ضرار : في الحقيقه أعاني بنفس المشكله ..بحيث أن طابعنا غييور ونحب الخصوصيه . بالنسبه لي أذهب مع الاطفال لرحلات بريه مع تواجد السكن الخاص بي أو لأحد من العائله وكذلك الرحلات البحريه.. ولكن أين الحل .. فقد عشنا بين العصرين الحديث والقديم... الله يفرجها. أشكرك على هذا الموضوع.

ياليت تثبتون الموضوووووووع لأنه يستحق ذلك...ولكي تعم الفائدة.

ينطيكم العافيه