الموضوع: واوا على الكويت

تحقق حلمي بزيارة الكويت وصراااحة كانت لقيتها بلد رائع وشعب أروع لقينا منهم أحسن معاملة

رحت الكويت في أول ايام العيد الفطر السعيد وسكنت في Hawthorn Hotel موجود بحولي منطقة لقيت أنها هادية وحلوة وماهي بعيدة أبد عن شارع السالمية وشارع الخليج العربي الفندق سعرة كان حلو 25 ديناير عرض للعيد صراحة هو عادي حلو بس اللي بينام ويطلع

زرت في الكويت سوق الأفينوز وشرق ومارينا واماكن كثيرة وصراااحة أنصحكم بمطعم زعتر وزيت للفطور روعة اتمنى أزورها مرة ثانية وقت البرد

بس أنزعجت من شئ التدخين كثير مررررررة منتشر بين الكويتين بالمجمعات الصغير والكبير كان ودي ادخل سينما في الأفينوز ماقدرت من كتمة الدخان والمصريين كمان الدخان عندهم شي رهيب والله أني الان رجعت كتمة في صدري من كثر الدخان مفروض يكون في رقابة وتشديد في المجمعات والمطاعم حتى لما رحت فريج صويلح هذا المطعم الرائع صراحة كنت أقوم كل شوي من كتمة الدخان وبس

مواضيع عشوائيه ممكن تكون تعجبك اخترناها لك:

• سكن بحدود دينار ك ، في العاصمة أو السالمية أو أي منطقة ؟؟؟
• «الكويتية» توقع عقداً بتكلفة ملايين دينار لتأجير طائرة إيرباص
• منتجع بالجليعة
• ارجوووو المسااعده ضرووري
• استفسار عن البطاقه الجديده ؟؟
• عن مهرجان هلا فبراير
• ابي شركة تأجر مرسيدس اخر موديل مع السائق
• فـــن الرســـم والتــلويـــن في الكــويــت
• ممكن اروح الكويت وابي مساعدتكم
• منتجع شيك فلامنجو الكويت
• منع استخدام الهاتف النقال باليد اثناء القياده بالكويت
• الجهـــــــــــــراء
• زيارتي الأولى للكويت
• الطريق من الكويت الى دبي ؟
• شاليهات للتأجير بمدينة صباح الاحمد البحرية
• كما وعدتكم تقريري عن مطعم مراكش
• بنات الكويت وين أحصل البلايز الطويلة التوبات ؟
• فزعتكم يا أهل الكويت
• ايش فيها الكويت اماكن حلوة
• اريد حلا من اهلنا بالكويت

حياك بالكويت متى ما تبي بالبرد افضل لك ...........والتدخين بلوة الله لا يبلينا فيها.........وانا معاك اني اخذ الفندق بس للنوم لاني كله بره الفندق بالسفر ........نبي صور عن الرحلة وتقرير.....يعطيك العافية

يا حيالله ام سعود نورتي الديره والحمدالله لقيتي اللي يسرج واحنا واهل السعوديه ترى ديره وحده ما نفرق عنكم كلش يعني كأنها ديرتج
وصاجه التدخين شي مو طبيعي .. بس انتي حسيتي فيه بزياده لانج يايه بالعيد تعالي بأوقات عاديه مثلا بالعيد الوطني السعودي تعالي راح تلاقين شوي الوضع رايق اكثر ... انا لما رحت الطايف والبحرين لاحظت ان يمنعون التدخين بالمجمعات بس احنا حدهم ماخذين راحتهم ياريتنا نقلدكم بهالشي

حمد الله على السلامة يا ام سعود و التدخين مشكلة عندنا و السماح لهم مشكلة اكبر
و لو جيتي باوقات عادية راح تقل نظرن لقلة الناس و في الشتاء ذا كان زحمة بامجمع
راح تكووون مشكلة اكبر الان التكيف يكوون مو شغال ف مافي فلاتر للتنظيف يعني سحابة دخان

اسفرت و انورت يا ام سعود و الحمدلله استانسي بزيارتج
اما التدخين فالشكوى لله حتى بالمستشفيات يختنق الواحد و هو يمشي
حياك الرحمن و تنورين دوم .

فعلا فعلا واااااااااااااو
الكويت فيها شئ غريب ما ادري شنو
الشعب راقي والبلد متحضر ويعجبني شي بالكويتيين الوطنيه اللي مافيه احد ينافسهم عليها
هنيئا للكويت وهنيئا لا هلها

حياج الله في ديرتج ونورتي الديره

حياج الله و نورت الكويت

و اتوقع ان زحمة العيد لها دور كبير في ان الدخان يكون كثيير ! انا اتجنب الاماكن العامه في العيد فما عندي فكرة ..

و الله يهديهم ان شاء الله و يفكهم من شر التدخيين

المشاركة الأصلية كتبت بواسطة وفاااء
http://www.arabtravelersforum.com/tr...1/#post4236211

فعلا فعلا واااااااااااااو
الكويت فيها شئ غريب ما ادري شنو
الشعب راقي والبلد متحضر ويعجبني شي بالكويتيين الوطنيه اللي مافيه احد ينافسهم عليها
هنيئا للكويت وهنيئا لا هلها





وااااي انت عسل .. حبتج العافية .. و من ذوقج والله

شكرا لكل من رد على موضوعي والله الكويت روعة وأهلها أروع الله يسعدهم واتمنى أزورها مرة ثانية عجبني موقع شقق الكورنيش ودي في زيارتي القادمة ان شاء الله أسكن فيها

يعطيكم العافيه

صراحه كلامك 1000% بالنسبه للتدخين ان

صراحه كلامك 1000% بالنسبه للتدخين انشاء الله يمنعونه

حيااكم الله

وباذن الله هالزيارة تتكرر

وبالنسبة للتدخين للاسف كلامج صح
هذي شغلة نعاني منها ونتمنى ان المسؤوولين يشوفون حل لها

نورتي اختي

دايما الشخص الراقي يشوف ارقى ما في الدولة ولا تلتفت للضغائر وكل مكان لة عيوبة شكرا لج ولذوقج وشكرا لك من رد وقال كلمة طيبة بحق الكويت هذا من رقي اخلاقكم والله

دايم الشخص الطيب والايجابي يشوف بعينه مايعكس طبيعته وشكرا لج غاليتي وتشرفينا بكل سنه

مره سمعت نشيد للمنشد قطري نسيت اسمه

وكان في بدايتها طفل يقول(( كل من زارها حبها)) ومن قبل مااروحها سمعت كذا شخص يقول كل اللي يزورها يحبها

وبالفعل جلست فيها اسبوع وكانت اجمل ايام حياتي فيها


بجد كان نفسي اطول فيها او ازورها مره تانيه

فعلا شعب مضياف وكريم وشهم يحترم من يحترمه
يحب الغريب ويقدره
شكرا اهل الكويت