الموضوع: فزعتكم يا أهل الكويت

مرااااااااااااااااحب

ان شاء الله تكونون بخير وصحه وعافيه مع موجه البرد هاذي اللي مو طبيعيه با المره

المهم

نويت انا وزوجي ان ازور بلدنا الثاني الكويت

طبعا هذا الفضل يعود لهذا المنتدى الرائع

لاني سويت لي فره على منتدى الكويت وحسيت انه لازم انزورها

يعني مو معقوله الواحد يروح اوروبا وشرق اسيا وبعض الدول العربيه

ويترك اهله ومن هم اولى با الزياره ومايزورهم

فقلنا على بركه الله

توكلنا على الله

ونويناهابعد شهر بأذن الله بأجازه نصف العام الدراسي

بس ابي خدمه منكم...واستفسارات تدووووووور براسي

منها:

هل الجو بعد شهر تقريبا بيكون حلو وخاصه اني معي طفلين وانا بهج من البرد ابي مكان رطب ومو بارد ذبحنا البرد..بعرف وش الجو با الظبط بيكون بعد شهر
وابي فندق او شقق فندقيه((ياليت باارقام التلفون )) تكون راقيه ونضيفه ومكانها ممتاز وقريب من الاسواق والمطاعم واي مكان ممكن يقصده السائح علماً اني بروح بسيارتنا ماراح احتاج لتكاسي او اي وسيله نقل بأذن الله.
وبعد عندي استفسار انا بصراحه لما اسافر اوجه متاعب مع الاطفال وخاصه لما اكون بأوروبا بصراحه ينكدون الطلعه بس شسوي مابيدي حيله
وانا احب السنما بشكل ماتتصورونها يعني عادي يسمحون للأطفال الدخول لصلات السنما عادي وخاصه اذا كان كوميدي..بصراحه بمصر عادي ماوجهنا مشكله بس بأحد الدول الثانيه((الخليجيه))بدون ذكر اسماء يعني قالنا كاشير التذاكر انه كيف ترضى على طفلك يشاهد افلام للكبار علمن ان الفلم كان مصري كوميدي وحسيت انه مافيه شي يخدش الحياء مره بحيث ان طفلي مايشاهده لان التلفزيون في البيت وعادي يشوفون معي هاذي النوعيه من الافلام.
واطفالي في سن الثامنه والسادسه وين الاقي اماكن حلوه وتعجبهم عندكم في الكويت
وهل هناك في المراكز التجاريه العاب للطفال كما هو الحال عندنا في السعوديه في بعض المولات يكون هناك ركن للملاهي والعاب الاطفال وماهي المراكز هاذي اذا كان فيه.
واذا ممكن وهذا لخواتي الكويتيات ابغى اسماء ماركات كويتيه واماكن وجودها با الظبط وابي بعد محلات الاء دشتي للمكياج وين القاه .

ادري طولت عليكم وكثرت الطلبات بس شسوي مالي غنا عنكم انتم سبب زيارتي للكويت..وترى اذا تذكرت شي برجع واستفسر ثاني فياليت تتحملوني شوي ..واوعدكم اذا رجعت بحط تقرييييييييييير كامل ومصور عن ها الرحله حتى مشترياتي يمكن احطه في التقرير:101:


ياليت الاقي الجواب الشافي على اسألتي
وبأقرب وقت

ولكم مني كل الشكر والامتنان

اختكم السعوديه

مواضيع عشوائيه ممكن تكون تعجبك اخترناها لك:

• افتتاح فرع لسلسلة محلات رد مانجو في مول
• سأكون في الكويت في العيد فهل من مجيب
• استفسار عن حملة الحوطي للحج
• عااااجل يااهل الكوت الكرام معلومة بسيطة للتأكيد
• اسأل عن اسعار الفنادق والشقق الفندقيه بأيام العيد في المباركية
• طقس الكويت غدا
• الكويت كما رأيت
• استفسار عن الكويت
• اسعار الملابس
• كم سعر الصرف
• ماهو أحسن مطعم فلافل بالكويت؟
• الله يسسسعدكم ردو وعطونا من خبرتكم
• ساعدوني يااهل الكويت
• فندق في الكويتصور
• بكم سعر البنزين في الكويت
• حجزت في فندق ريجينسي ولكن كيف أوصله؟؟
• الكويتية تفتتح الحجز عبر موقعها بالانترنت
• ما هذا المشروع
• لاهل الكويت الحبيبة
• أم شيخة أول مرة تطلب المساعده من اهل الكويت

يا هلا ومرحبا فيج اختي السعودية بديرتج الكويت
وبتنور الكويت بوجودكم ان شاء الله

بالنسبة لإستفساراتج

الجو
بإذن الله بعد شهر الا الجو ادفى من الحين بوايد

الفنادق والشقق الفندقية
بالنسبة للفنادق اذا ميزانيتكم تمام فأقترح عليج فندق المارينا بالسالمية مكانه في قلب السالمية او فندق ريتز وعندج بعد ماريوت مكانة زين والشيراتون بعد مكانه حلو
اما الشقق الفندقية ماعندي خبرة فيها ان شاء الله باقي الاعضاء يفيدونج

السينما
عادي يدخلون اطفال
انا دخلت فيلم كركر ومعاي ولد اختي عمره 5 سنين محد كلمني

المراكز التجارية اللي فيها العاب للاطفال
المارينا مول
المثنى
الافنيوز (محل بروي + ايكيا)
سوق السالمية
المنشر
سوق شرق
الاوقاف
كويت ماجيك

ماركات كويتية
ما فهمت شنو اللي تقصدينة
شلون ماركات كويتية .. قصدج مصممين؟؟

الاء دشتي
الاء دشتي عندها صالونين
الجابرية 5321217
السالمية 5648880


اتمنى اكون فدتج اختي
وان شاء الله تقضين وقت حلو بالكويت بس لا تنسين الكاميرا لأن بنكون بإنتظار تقريرج عن كويتنا الغالية :24:

اول شي حياج الله بالكويت..

و ان شاء الله تستانسون فيها :106:








هل الجو بعد شهر تقريبا بيكون حلو وخاصه اني معي طفلين وانا بهج من البرد ابي مكان رطب ومو بارد ذبحنا البرد..بعرف وش الجو با الظبط بيكون بعد شهر



بعد شهر
والله يقول خبير الطقس الكويتي د. صالح العجيري ان قمة البرد بتكون على آخر شهر يناير :101:
والله أعلم !
عموما احنا بالكويت على نص شهر 2 يبدا الجو يتعدل و يصير دافي :24:
و على شهر 3 يبدا فصل الربيع :24:
^
^
خبيرة الطقس و الارصاد الجوية Hambka Q8 لول :109: :109:








وابي فندق او شقق فندقيه((ياليت باارقام التلفون )) تكون راقيه ونضيفه ومكانها ممتاز وقريب من الاسواق والمطاعم واي مكان ممكن يقصده السائح علماً اني بروح بسيارتنا ماراح احتاج لتكاسي او اي وسيله نقل بأذن الله.



والله يمدحون

فندق الكورنيش - السالميه (قريب من المارينا مول و السالميه عموما)
http://www.ritzkuwait.com/corniche/images/corniche2.swf

رقمهم : 5740006



و بعد بمدحون مارينا رويال - السالميه
و هذا سايتهم http://marinaroyal.com/arabic/lo_ar.htm



و بعد
فرح موتيل - شرق (قريب من سوق شرق)

هذا رابط لرحلة الاخت "هديل المنامه" للكويت http://www.arabtravelersforum.com/tr...E3%E6%CA%ED%E1

و هذا رقم فرح موتيل
رقم الهاتف : 2439010 , 2442104 , 2442103



و بعد عندج حصه هاوس و هذا بروشور عرضهم






و هذا الموقع فيها وايد فنادق و ارقامهم :101:
http://www.kuwaithotels.info/








وبعد عندي استفسار انا بصراحه لما اسافر اوجه متاعب مع الاطفال وخاصه لما اكون بأوروبا بصراحه ينكدون الطلعه بس شسوي مابيدي حيله
وانا احب السنما بشكل ماتتصورونها يعني عادي يسمحون للأطفال الدخول لصلات السنما عادي وخاصه اذا كان كوميدي..بصراحه بمصر عادي ماوجهنا مشكله بس بأحد الدول الثانيه((الخليجيه))بدون ذكر اسماء يعني قالنا كاشير التذاكر انه كيف ترضى على طفلك يشاهد افلام للكبار علمن ان الفلم كان مصري كوميدي وحسيت انه مافيه شي يخدش الحياء مره بحيث ان طفلي مايشاهده لان التلفزيون في البيت وعادي يشوفون معي هاذي النوعيه من الافلام.




لا عادي ما يقولون شي عندنا :109::109:








واطفالي في سن الثامنه والسادسه وين الاقي اماكن حلوه وتعجبهم عندكم في الكويت
وهل هناك في المراكز التجاريه العاب للطفال كما هو الحال عندنا في السعوديه في بعض المولات يكون هناك ركن للملاهي والعاب الاطفال وماهي المراكز هاذي اذا كان فيه.



بالمارينا موول فوق بالفود كورت اكو مكان حق الاطفال عشان يلعبون ! :24:
و بعد
في سوق شرق - فوق جنب السينما "ارض الاطفال" ..!
و

بالمارينا اكو عند مارينا كريسنت - البحر
نطاطيات و نقازيات بالهواء الطلق ! :101:








واذا ممكن وهذا لخواتي الكويتيات ابغى اسماء ماركات كويتيه واماكن وجودها با الظبط وابي بعد محلات الاء دشتي للمكياج وين القاه .



اخت PiNk ماقصرت و حطت رقم آلاء دشتي ! :106:
ماركات كويتية ! :114:

اتوقع تلقين معارض مثل معرض بيت 32 في منطقة الروضه
بنات كويتيات يسوون معارض و يبيعون شغلات اتوقع يعجبج
و هذا سايتهم عشان تشوفين اذا اكو معرض اب وقت زيارتج :24:

http://www.bait32.com/


















و اذا بغيتي اي شي بعد

لا يردج إلا لسانج (كيبوردج) :109:

حياج الله :24::101:

حياج الله بالكويت يالغالية
اولاا العطلة بتبلش 25/1ويكون الجو بعده بارد................بس ماعلية كثري بالجاكيتات والكبابيس والدسوس وملافع بعد ولبسيهم كله فوق بعض وانشالله ماكو الا الخير لاتحاتين.....................
بالنسبة للسينما عندنا ابدا مافي مشكلة يدش لو عمرة سنتين بس اهم شي التذكرة.........وانا عيالي بعمر عيالك الله يحفظهم لج انشالله وهواة افلام رعب بالسينما والحلو عندنا بعد ان الافلام ما يكون فيها مشاهد خارجة يعني اطمني علي الاخر ..................
الاماكن اللي تونس اليهال ....................عندك سوق السالمية اللي عند دوار الجوازات فية فوق فرع شركة طفل المستقبل وهوا الاكبر..................مسكر داخل المجمع يعني دافي لليهال وكبير وفية العاب متنوعة وقطار سريع .................انشالله يعجبهم+عندج في اغلب المجمعات صالات صغيرة في بالمارينا مول.............وفي بمجمع المثني................وفي بالمهلب................وفي بمجمع الاوقاف............وفي بمجمع مغاتير بالفروانية................وفي صالة كبيرة ايضا بكويت مجك ابو حليفة.............وعندج حولي بارك بمنطقة حولي هم فيها العاب مكسوفة وصالة مغلقة..............
تسالين عن ماركات كويتية ...............عندج انسام الخلف اسم الاتيلية انسام كولكشن بالجابرية........
وبالنسبة لشراء العاب للاطفال................عندج فنتاسي وورلد...............بسوق شرق فوق بجانب السينما والمطاعم....................وعندج بعد ركن كبير بمركز سلطان بالدور الارضي بسوق شرق..........
والمجمعات اللي انصح بزيارتها سوق شرق-مارينا مول-الفنار-المهلب-سوق السالمية -مجمع العربيد والحمرا مول وهذيلة بالفروانية للعبي والدراعات....................واي شي تبين طلبي من عيوني يالغالية

هذا تقرير عن دولة الكويت كتبته حديثا به معلومات سياحية ممكن تفيدكم .

http://www.arabtravelersforum.com/travel161565/

بالنسبه للجو في الكويت فاعتقد جونا نفس جو الرياض يعني ان الجو في الكويت في عطله نص السنه راح يكون باذن الله دافي الي معتدل البروده .
وحياج الله بالكويت

حياج الله أختي في الكويت...!

الجو إن شاء الله في الشهر القادم راح يكون بارد لكن أهون بــواايـــد من الوقت الحالي...!

--------

بالنسبة للسكن...!
أنا اقترح عليج اختي و بشده السكن في منطقة السالمية...
ليش؟ لأن أغلبية المجمعات, المطاعم, المقاهي, و غيرها الكثير تقع فيها...
و أرشح لج الآتي:-
1- فندق المارينا(للعلم سعره غالي بس يستاهل)...2- فندق هوليدي ان السالمية...3- ريتز السالمية(فيه بعد شقق).4- الكورنيش...
و بالنسبة للشقق الفندقية بالسالمية...توجد شقق سارة بلازا جيدة جداً خلف مجمع الفنار و جميل مستواها...

و كذلك تقدرين تسكنين في مدينة الكويت, او المناطق اللي تفصل الكويت عن السالمية عالبحر...
و في الرابط التالي فنادق الكويت و شققها بالتفصيل...http://www.arabtravelersforum.com/travel159240/
...

-----------------------------

بالنسبة للمجمعات...
تقريبا أغلبها تضم أقسام للأطفال. و دور سينما و مقاهي...!

و هذي المجمعات اللي انصح بزيارتها...
1- مجمع الأفنيوز...يقع في منطقة الري,(اسلك طريق الدائري الخامس السريع حتى تجده يمينك).
يعتبر أكبر و اجدد المجمعات بالكويت لازم تزورونه, و فيه أقسام للألعاب للأطفال, و 12 صالة سينما.

2- مارينا مول...يقع بشارع الخليج العربي(و شارع سالم المبارك من الخلف) في منطقة السالمية, و فيه اقسام لألعاب الأطفال, و دور سينما.

3- سوق شرق...يقع بشارع الخليج العربي بعد ابراج الكويت, و فيه دور للسينما, و اقسام للألعاب, و العديد من المقاهي الللي تطل عالبحر.

3- مجمعات شارع سالم المبارك...شارع سالم المبارك يضم لوحده العديد من المجمعات كثيرة جدا, و يضم كذلك المطاعم و المقاهي و دور السينما العديدة و من المجمعات(الفنار"خلفه تقع شقق سارة بلازا" - البستان - ليلى جاليري - الزهرة - سنترال بلازا - جاليريا 2000 - و غيرها العديد...).

تقريبا أغلبية المجمعات فيها أقسام لألعاب و دور سينما...لكن الأفنيوز و المارينا و سوق شرق ضروري زيارتهم .

و هذا الموضوع عن الطرق للوصول إلى المجمعات من اخونا : عاشق الخيال الله يجازيه الخير يا رب...
http://www.arabtravelersforum.com/travel159327/

---------------------------

كذلك من الأماكن اللي حلوة زيارتها...

1- المركز العلمي...اكبر أكواريوم بالشرق الأوسط و يضم مراكز تسلية للكبار و الصغار...يجب زيارته...
و يقع في شارع الخليج العربي(قريب من فندق هوليدي ان و المارينا و شارع سالم المبارك).

2- منتزه الشعب الترفيهي ... يقع بشارع الخليج العربي بعد ماتطوفين المارينا و هو ملاهي جميلة و جيدة نوعا ما.

3- أبراج الكويت ... قبل سوق شرق بشارع الخليج العربي, و مرفق حلو..مطعم, و مكان لمشاهدة المدينة من الأعلى مجهزة بالتلسكوبات و محل الهدايا...

4- مدينة الكويت الترفيهية...ملاهي كبيرة ... تقع في منطقة الدوحة...و الطريق إليها يبيله شوي قد يصل إلى 30 دقيقة...

و العديد من الأماكن الأخرى...
نصيحة : السكن بالقرب من شارع الخليج العربي, و شارع سالم المبارك لأن هذي الأماكن حلو السير فيها و التمشي...
حيث الأسواق و المطاعم تكون قريبة جدا من كل شي.

-------------

أسف عالإطالة و تمنياتي لكم بقضاء وقت رائع.

هل الجو بعد شهر تقريبا بيكون حلو وخاصه اني معي طفلين وانا بهج من البرد ابي مكان رطب ومو بارد ذبحنا البرد..بعرف وش الجو با الظبط بيكون بعد شهر



بعد شهر بكون الجو بادر بس أكيد أدفا من الحين






وابي فندق او شقق فندقيه((ياليت باارقام التلفون )) تكون راقيه ونضيفه ومكانها ممتاز وقريب من الاسواق والمطاعم واي مكان ممكن يقصده السائح علماً اني بروح بسيارتنا ماراح احتاج لتكاسي او اي وسيله نقل بأذن الله.



ان شاء الله تحصلين اللي تبينه بهالرابط

http://www.arabtravelersforum.com/travel159240/






وانا احب السنما بشكل ماتتصورونها يعني عادي يسمحون للأطفال الدخول لصلات السنما



السينمات موجوده بكل الأسواق تقريبا
و انا أفضل سينما الأفينيوز ـ المارينا
و عادي يدخلون الأفلام ، ما راح اقولون شي :106:






واطفالي في سن الثامنه والسادسه وين الاقي اماكن حلوه وتعجبهم عندكم في الكويت
وهل هناك في المراكز التجاريه العاب للطفال



الأخت همبكة ما قصرت ، و اذا تبين مدينة ملاهي عندج المدينة الترفيهية و حديقة الشعب






ادري طولت عليكم وكثرت الطلبات بس شسوي مالي غنا عنكم انتم سبب زيارتي للكويت..وترى اذا تذكرت شي برجع واستفسر ثاني فياليت تتحملوني شوي ..واوعدكم اذا رجعت بحط تقرييييييييييير كامل ومصور عن ها الرحله حتى مشترياتي يمكن احطه في التقرير:101:



ما طولتي و لا شي و اذا تبين بعد أكثر لا اردج شي
و ننطر تقريرج ، و ان شاء الله اكون اول المتابعين له

و شوفي هالرابط ان شاء الله افيدج :101:

http://www.arabtravelersforum.com/travel161249/