الموضوع: استفسار عاجل استأجر سيارة وإلا أخليها ع التكاسي في دبي

السلام عليكم و رحمة الله و بركاته

مساءك ورد يا دار الحي و عطر و ياسمين لأروع شعب
حصلت لي فرصة أزور دبي قبل 7 أشهر تقريباً لكن شاء الله وأن المدام تمرض و أنا طبعاً اشتغلت ممرضة

لكن على قول المثل "لأجل عين.. تكرم مدينة"
المهم ما لكم في الطويلة أنا بإذن الله هالمرة ناويها و جايك يا دبي جاااااااايك
استفساري لأهل دبي و لأصحاب التجارب السياحية في دبي

هل استأجر سيارة أو استعمل التكاسي في التنقلات
آخذين في الإعتبار أني ما أدل الطرق في دبي
وإقامتي ما بتتجاوز 3 أيام
أتمنى و لا عليكم أمر تفيدوني بخصوص توفر التكاسي و كم أحط ميزانية للتنقلات في حال كانت التكاسي هي الخيار الأمثل

و دمتم في رعاية الله

مواضيع عشوائيه ممكن تكون تعجبك اخترناها لك:

• محتاجه ترتيب الاماكن بحسب قربها
• كم استفسار أتمنى الاقي الإجابة الشافيه
• من مارس الى مارس
• فوربس الإمارات سادس أغنى دولة في العالم
• وين اهل الخبرة
• اللى عنده خبره بالفنادق يساعدني بليز
• أكثر من ‬ ملايين سائح زاروا دبي في ‬
• استفسار بخصوص استئجار السيارات و طلب الفيزا
• مارأيكم في فندق كورال ديره؟؟ ارجو الرد مسافر غدا
• روز قاردن ولا روز ريحان
• جولة في امارة دبــي وجولة بحرية في مياه بحر الخليج العربي جولاي
• كليوباترا سبا ؟؟؟؟
• ديزني لاند فيدبي
• «صيّف في أبوظبي» يوفر بدائل ترفيهية ترضي الزائرين وتبهجهم
• عروض فنادق دبي الفخمة في شهر رمضان
• هل توجد شقق في دبي او الشارقه او
• لو سمحتو أقرب فندق من فندق جميرا بيتش
• شقق المملكة
• شقق بالشهر
• سؤالي عن دبي مول

مرحبا اخوي
الافضل انك تستاجر ارخص لك بكثير من التكاسي وممكن تستعين ب قارمن او جوال نيفيقيتر ولا راح تضيع ان شاءالله

السلام عليكم ورحمة الله وبركاته

و الله أنا نصحيتي لك تستأجر سيارة من المطار و تسلمها فيه أوفر لك بكثير (بالبطاقة الائتمانية أفضل لك) و لو ما عندك جي بي أس ترى محلات التأجير أغلبها عندهم بس و الله ما أعرف السعر. عموما ترى أغلب الطرق في دبي ما تضيع (لو عارف أتجاهك شرق غرب جنوب شمال) بس خلي بالك من المخارج هي اللي صعبة شوي أحياناً.

و دمتم بخير

و رحلة سعيدة

أنا أشوف أنك تستأجر أحسن لك وتأخذ من الشركات التأجير القارمن وخذ الإحداثيات للأماكن والأسواق من موضوع أخونا
aktd راح يفيدك كثير موضوع الإحداثيات

ياجماعة الخير
كلكم نصحتو الرجل بستأجار سيارة ....
من تجربة -- انا رحت لدبي بعد تشغيل المترو واسـتأجرت سيارة واول يوم استخدمت المترو واكتشفت انه يمر المواقع كلها يعني ما أحتاج السيارة استخدمها في اليومين مشوارين بس واخذت مخالفتين لان النظام حقهم شديد وقلت أسلمها احسن.
صراحة مع وجود المترو لاحاجة لستأجار سيارة من وجهه نظري

استأجر أحسن
لكن النصيحه أستخدم المترو أذا بتسكن في مكان قريب من المترو

من واقع تجربة التكاسي والمترو أفضل بكثير ..

خصوصاً إذا كنت ساكن قريب من طريق زايد ..

لاتنسى تكلفة البنزين العالية ورسوم سالك اليومية وقيمة الايجار والمخالفات ورسوم المواقف وفوق ذلك كله عدم معرفتك بالطرق ..

أرى بأن لاضيع سفرتك وتنشغل بالطريق والوصف والسيارة خصوصاً وأن مدة سفرتك ليست بالطويلة ..

بالنسبه لي ومن واقع تجربه اشوف التاكسي افضل
طبعا التكاسي اشويه غااالي
بس تقدر تركب المترو بمعنى انك اذا جيت تروح لاي موقع انت تبيه
تروح لاقرب محطه لمكان السكن الي انت فيه وتسأل عن اقرب محطة للموقع الي تبيه وتنزل فيها
بعد كذا تاخذ التاكسي يكمل مشوارك

اخوي انا اشوف انك تستخدم المترو
خاصه ان المترو يخدم اهم الاماكن السياحيه في دبي
وبالنسبه للتكاسي اتوقع خلال يومين يزيدون اسعارهم لان بيرفعون اسعار البنزين

اول شي الله يسهل اموركم وتوصلون بالسلامة

اخوي
هذا الشي راجع لحسابتك
واعتمادك علي نفسك

التاكسي من تركب معاه يبدا مشواره بالعداد 3 دراهم
وسعر المشوار يعتمد علي سرعة السائق وزحمة السيارات
وطبعا الاماكن في دبي
من مولات والاماكن سياحية
بعضها قريب من بعض وبعضها بعيد


اجار السيارة من المطار يعتمد اولا
1- لزوم وجود بطاقة الائتمانية
2- لازم تستخدم جهاز ملاحة
وهذه النقطتين اذا ما وفرتهم
انصحك بعدم استجار سيارة من المطار

فا بالنهاية هذا قرارك

انت تدرس الموضوع وتحدد من نفسك تحتاج للتاكسي
او استجار سيارة


وبالتوفيق بسفرتكم

هلا اخوي لخبطة

انا من يومين واصل من دبي

طبعاً ذهبت بسيارتي الخاصه

دبي لايمكن ان تضيع فيها

لانه فيها اللوحات ماتضيع

بس اتبع اللوحات وماراح تضيع

انا انصحك انك تستأجر سيارة وراح تلقاها رخيصه يمكن 120 درهم في اليوم

لانه التكاسي تأكل كثير

انا اخذت تكسي من مول الأمارات الى شارع الرقه اخذ علي 28 درهم والمسافه جدا قريبة

لانه عندهم الحساب بالعداد

اتمنى اني افدتك

ذهبت مرتين لدبي

مرة بالسيارة ومرة بالطيارة

يعني مرة بتكسي ومرة بسيارتي الخاصة




لكن اذا 3 ايام ...

أنصحك وبقوة بتكسي
لان القيادة صعبة شوي هناك من ناحية لو بترجع يوتيرن مثلا ماهي واضحة الامور ..
الا اذا ماعندك مانع تضيع وقت شوي

وعلى حسب مثلا إذا مشاويرك كلها مولات -وهذا الأغلب- يمديك تروح بالمترو وهو أرخص
لكن المترو يقفل على ما اظن الساعة 11 فترجع بتكسي
غالبا أغلى المشاوير ماراح يتجاوز 70 درهم


والله ييسر لك الخير

انا قبل فترة رحت دبي واستاجرت سيارة بالقارمن .. وكانت موفقه وممتازة ..
كانت القيمة 125 ريال يوميا .. سيارة تيدا نيسان ..

التاكسي ..
متوفر لك في كل مكان ومدة وجودك في دبي ثلاث ايام
ماتستاهل انك تاخذ سياره خاصه .. خصوصا انك ماتدل
وفوق هذا بيضيع الوقت في انك تدور على باركينق للسياره
صراحة انا آخر مرتين ركبت المترو ..
اغناني عن التاكسي لأنه يمر في كل الاماكن اللي ابي اروح لها
و حتى دبي مول رحت له بالباص من محطة برج التجاره اللي بشارع زايد
التاكسي رحت فيه بس درراغون تاون لان مافي يمها محطة مترو
الخلاصة .. لا تأجر سياره