الموضوع: ودي استأجر سيارة في كيب تاون

السلام عليكم ورحمة الله وبركاته


بصراحة ودي استأجر سيارة في كيب تاون

هل من الشروط لابد يكون عندي بطاقة ائتمانية ؟

واذا كان عندي مسبقة الدفع ( بطاقة البنك الأهلي ) تنفع والا ؟

وكم المبلغ اللي لازم يكون في البطاقة ( هذا أهم شي لأن ممكن احطلهم بالبطاقة الف أو الفين ريال بالكثير ما أقدر اكثر ) ينفع والا ؟

مواضيع عشوائيه ممكن تكون تعجبك اخترناها لك:

• يا خبراء جنوب افريقا ابي معلومات عن
• رحلتي إلى إرتريا أسمرا صوره وحكاية
• ما هو أفضل فندق في كيب تاون
• اي السفاريات؟؟
• فيه احد يعرف هالسفاري
• رحلة سريعة الى ارض الهجرة الاولى
• اقرب نقطه توصلها السعوديه تكفوووووووووووون
• اسعار فنادق جنوب افريقيا حتى اللحظه
• هل جنوب افريقيا دولة موبؤه؟؟؟؟
• إلى أفريقيا مع حبي
• مساعدة بالنسبة للخطوط الجوية تكفوون
• أرجو المساعدة من الجميع عن جوهانسبرج
• رحلة إلى كيب تاون ارجو المساعدة يا دارك
• ودي اجر سيارة كيف؟؟
• هل تكفي عشرة ايام
• تقرير مبسّط عن مدينة دربان
• عاجل لخبراء جنوب أفريقيا؟
• يا ترى ما هي افضل وسيلة لكتابة تقرير عن رحلتك ؟
• اين سفارة جنوب افريقيا في الرياض
• هل تستاهل دار السلام اقضي فيها يومين

شروط استئجار سيارة بجنوب افريقيا :

- بطاقة ائتمانية (محفورة الارقام)
- رخصة قيادة مترجمة
- جواز سفر
- حجز مسبق (يفضل)

بالنسبة للمبلغ اللي يكون في البطاقة لا بد ان يغطي قيمة الايجار كامل + التأمين

وبدون بطاقة الاتمان لن تستطيع الاستئجار الا بصعوبه بالغة جداً ونادراً ...


وفقك الله ...

بالنسبه للموقع انالقيت موقع رخيص ومتعاملين مع هيرتز مباشره
وفيه تامين شامل وكيلوات مفتوحه بس مثل ماذكر اخونا فوكس لازم بطاقه ائتمانيه تكون كافيه ويكون رصيدها يغطي التامين والحجز
الموقع هو http://www.tempestcarhire.co.za

بارك الله فيكم كفيتوا و وفيتوا ما قصرتوا

بس الظاهر ما راح استأجر لهذا السبب

بطاقه ائتمانيه تكون كافيه ويكون رصيدها يغطي التامين والحجز

أخوي موظف الله يعطيك العافية
كلامك خلاني ارجع أفكر باستأجار سيارة
بس ياليت تقولي
وشو السيارة اللي استأجرتها؟؟ وكم المدة؟؟
وكم كلفتك؟؟
وكم المبلغ اللي طلبوا منك كتأمين؟؟

لاحرمت الأجر

بالنسبه للسيارات عندك من 200 ريال لليوم وانت طالع وعلى حسب نوع السياره اللي انت تختاره اختر المده وبعدها يطلع لك انواع السيارات وموصفاتها بس اهم شي شف المكيفه ولاتنسى فيه عادي وفيه اتوماتيكي بس انا اخترت اتوماتيكي خبرك الدركسون يمين عكسنا يعني ماينفع عادي وللمعلوميه المبلغ شامل التامين وبالنسبه للمبلغ اللي لازم يحجزونه ماتكلمو عنها بس اغلب الشركات مثل ماذكرو الشباب انهم يحجزونه لين تسلم السياره بس مايتجاوز 1000 ريال
وانت اكتب لي المده وممكن اقولك السيارات الموجوده
تحياتي

الافضل تكون سيارة اوتوماتيك وصغيرة عشان استهلاك الوقود ...

موفقين يا شباب ..

الله يجزاكم الجنة ما قصرتوا

أخوي موظف ربي يسعدك ويبارك فيك
تسلم على نصيحتك

أخوي فوكس ربي يسعدك ويبارك فيك تسلم على نصيحتك

الله يوفقكم اللي احتاجه سيارة صغيرة مكيفة و اوتوماتيك ( كم تكلف )

ربي يحفظكم
إذا ممكن طريقة الحجز من الموقع بالتفصيل

أخوي موظف ودي أستأجرها لمدة 7 ايام
بانتظار ردك
الله يعطيك العافية

الزبير حدد المده يعني متى بتوصل ومتى بتروح من كيب تاون وحدد الاوقات يعني بالضبط علشان اشوف لك احسن سعر
بس لازم انت اللي تحجز بالنت لانهم بيطابقونها في كيب تاون
انتظرك

الله يجزاك الجنة ويوفقك ويسعدك انت ومن تحب

بإذن الله الوصول لمطار كيب تاون يوم السبت 20 نوفمبر الساعة 1 الظهر

وبإذن الله المغادرة من مطار كيب تاون يوم السبت 27 نوفمبر الساعة 6 الصباح

أهم شي اذا ما عليك كلافة ودي تأكدلي موضوع

كم المبلغ اللي احطه بالبطاقة غير قيمة استئجار السيارة


ربي يسعدك ويوفقك دنيا وآخرة

قمة في التعاون والروح المرحة وحب الخير ومساعدة الاعضاء

شكراً اخي موظف على هذا الجهد المبذول ...

بارك الله فيكم اخواني

وفي انتظار ردودكم

بيض الله وجهك

الموقع اللي حطيته قبل هذا الموقع هل هو مضمون ( اللي في الصفحة الأولى )

www.tempestcarhire.co.za


لأني ما عرفت اتعامل مع هذا الموقع ( https://www.rentalcargroup.com )


بس الحمد لله بشكل عام عرفت اتعامل مع هذا الموقع ( http://www.tempestcarhire.co.za )


لقيت هذي السيارة ( أظن نفس السيارة الاولى اللي نصحتني فيها )


Group B: Nissan Tiida 1.6 A/C or similar ( كيف اتأكد انها اتوماتيك )

وهل ( A/C ) يعني إنها مكيفة ؟؟؟؟

ولقيتها عندهم للمدة كاملة تقريبا ( 1215 ريال )


ولقيت هذي ( أظن نفس السيارة الثانية اللي نصحتني فيها )


Group D: Chev Aveo Automatic or similar


ولقيتها عندهم للمدة كاملة تقريبا ( 1452 ريال )


وسعر الجي بي اس ( gps ) للمدة كاملة تقريبا 183 ريال


وكيف اعرف انها شاملة تأمين والا لا ؟؟؟؟؟


وش رااااااااااااايكم ؟؟؟

اخوي الزبير مثل ماقلت لك الانقلش مش ولابد مره ممكن يساعدك اخوي الزبير
الموقع اللي عطيتك يوضح لك السياره هل هي اتوماتيك او عادي وغير كذا يوضح لك مكيفه والا لا
وسهل مره ويطلع القيمه بالريال السعودي وخصمو بس علي مبلغ 60 يورو لين اوصل لهم ثم يخصمون الباقي
كل اللي تسويه حدد المده والمكان ثم بيطلع لك السيارات وشف مكتوب مانويل او اتوماتيك ثم اختر علامه استفهام يوضح لك شروط السياره من ناحي التامين وباقي الشروط
كل المواقع من ناحيه ضمانها مالي خبره فيها
الموقع اللي انت استخدمته دخلت عليه مالقيت شي يوضح هل هي عادي او اتوماتيك احسن لك اسال احد يعرف الانقلش
وبالنسبه للجي بي اس تقدر تاخذه من محل في المطار اسمه فودا شوب

بارك الله فيكم اخواني جاري المحاولة الآن

بصراحة تعجز كلماتي عن شكركم

ربي يسعدكم دنيا وآخرة ويدخلكم الجنة بدون حساب

بإذن الله كل شي تمام

المهم الله يوفقك وانت ضبط وضعك قبل ماجي لاني ان شفتك بزعجك ازعاج وين رحت وش شفت واسئله بتوجع راسك
رحلتي بعدك باربع ايام
الله يوفقك
المهم لاتنسى نصايح الشباب بخصوص السفر من الافياش وصرف الفلوس واهم ملاحظه لاتنساها
السياره تاخذها فل وترجعها فل والا بياخذون عليك شي واجد وودي احط جوالي بس تعليمات المنتدى تمنع علشان ان بغيت شي انا في الخدمه
تحياتي

بارك الله فيك

ماقصرت يالغالي

ابرك الساعات انا في الخدمة

موفق

هل السواقه في جنوب افريقا مثل اوربا او اصعب ؟؟
والاطفال لازم كارسيت ؟؟

المشاركة الأصلية كتبت بواسطة اصعب جرح
http://www.arabtravelersforum.com/tr...0/#post7680010

هل السواقه في جنوب افريقا مثل اوربا او اصعب ؟؟
والاطفال لازم كارسيت ؟؟



??????????

السواقة في جنوب افريقيا نظام بريطاني
يعني عكسنا
من اليمين
لكن ماهي صعبة كم يوم وتتعلم ويجب الانتباه للتقاطاعات وعلامة stop
في الشوارع بمثابة الاشارة عندنا
بعد يفضل تضع حرف L
يعني انك متدرب في السواقة عشان الناس ماتعصب عليك لمن تخطأ

يعني لابد من الرخصه الدوليه ولا الرخصة حقنا تمشي