الموضوع: مطلوب خطه سياحيه من اخوانكم في السعوديه

السلام عليكم

كيف حبايبنا اهل الكويت

يا جماعه انا ابي منكم خدمه صغيره

حنا شباب عددنا خمسه ناوين نجي الكويت بالسياره اخر شهر شعبان

وعندي كم طلب لو تكرمتوا

1- نبي خطه سياحيه للشباب نبي اشياء تونس فيها فله ما نبي حدائق او متاحف والمده خمس ايام

2- اذا واحد عنده معلومات عن المتطلبات عند الجوازات لان اعمارنا تحت ال 21 والسياره باسم الوالد

3- هل السواقه في الكويت سهله وواضحه يعني بنمسك خريطه وبيمشي حالنا ولا لا ؟؟


واي نصيحه تقدرون تقدمونها لنا من اماكن يجب انلا نفوتها

وجزاكم الله خيرا مقدما وشكرا ...

مواضيع عشوائيه ممكن تكون تعجبك اخترناها لك:

• وشلون الجو عندكم
• شششــركات السيــاحيـة في الكـــووويت
• استفسار عن فندق او شاليه
• الطريق إلى لا ميريديان تاور الكويت
• رايكم شباب احسن خدمة نت من شركات الإتصالات
• هل يوجد فندق او شقة للايجار بالساعة في الكويت؟
• افتتاح اكبر موقع شامل للفنادق والشقق فى الكويت
• فندق في الكويتصور
• كم تبلغ المسافة بين الكويت والامارات براً
• افضل منتجعات الكويت ؟
• تقرير زيارتي للمركز العلمي بدولة الكويت م
• هل يوجد فندق في حولي أو قريب منها
• هلا باهل ديرتنا الثانيه مسافر يناديكم
• ساعدوني يابنات الكويت
• رايح الكويت وابي افضل اماكن في الكويت ازورها سياحية وتجارية
• شنو هذا إلي ؟
• زيارتي الى مطعم
• مجمع 360 في الكويت
• زائـــرة من السعودية الى الكويت
• ياليت تساعدوني لإيجاد طراد أو لنش في شارع الخليج

اخي العزيز حياك الله بديرتك الكويت

اما انكم اصغر من 21 هذي مو مشكله عندنا بالكويت هذي من عندكم بالسعوديه وبخصوص السياره نفس الشي اذا طلعت من السعوديه بدون مشاكل عادي والسياحه بالكويت حاليا فقط بالمجمعات والمطاعم لان الجو ما يساعد وبما انكم شباب تكون المدينه المائيه (الاكوبارك) ممتازه على هذا الحر ودليل للمجمعات يكون وياكم جهاز جارمن او اي جهاز ملاحه موجود بالتلفون

يارجال الكويت حلوة في كل الاوقات ، واللي يسأل ما يتوه

السلام عليكم

حياكم الله اخوي بالكويت

بالنسبة للسياره لازم تتأكد انك ما تحتاج توكيل من الوالد باستخدام السياره

بالنسبه لقيادة السياره بالكويت سهله وما كو صعوبه مثل اي دوله

مثل ماقالوا الاخوان ماعندكم غير المجمعات وخصوصا هالايام رطوبه قويه

واي استفسار حاظرين

يعطيكم العافيه على الردود

يعني الحين الجو في الليل يساعد على الطلعه ولا حتى الليل حر ورطوبه ؟؟؟

وبالنسبه للجت سكي والحركات هذي على كم اسعارهم وفي عندكم البرشوت اللي يسحبه قارب ؟؟

وبالله سكن حلو ويكون سعره مناسب ويكون في منطقه حول المجمعات والحركات هذي (يكون الليله بما يقارب 45 دينار)

الرجاء الرد وشكرااا

حياكم اللة بالكويت ونتشرف فيكم اخوانا :

الاماكن:

مجمع الافنيوز _ مجمع الفنار _ مجمع المرينا _ مجمع 360 _ مجمع المهلب _ مجمع الكوت_مجمع دسكفرى.

جميع المجمعات بها سينمات.

الاماكن الترفيهية:

مدينة الترفيهية_ حديقة الشعب_حولى بارك _ اكوابارك مدينة مائية _ المسيلة مدينة مائية _ المركز العلمى _ ابراج الكويت


اما بخصوص الجت سكى متواجدة على البحر للايجار تقريبا الساعة 15 دينار ويوجد بجانب مطعم مركز السلطان فى تاجير

قارب فى شغلات وايد حق البحر للاجار.

اما بخصوص الحجز فى فندق خمس نجوم مسوى عرض الشخصين مع الافطار 45 دينار والفندق على البحر اذا تبى دزلى

رسالة خاصة اما بخصوص السيارة لازم الوالد يسوى توكيل باسمك حق السيارة اى استفسار اخر حاضرين.

يعطيك الف عافيه على الرد الوافي

اما بالنسبه للفندق انا اقصد سكن لخمس اشخاص ب45 دينار

يعني تكون اجنحه فندقيه او شقق مفروشه

وهل يسمحون باعطاء غرف لنا بدون عائله ؟؟

عادى فى اماكن كثيرة تستقبل الشباب انا اعرف شقق فندقية بس بمنطقة الفروانية 40 دينار للشقة مع الافطار

لخمس اشخاص اذا تبى اساعدك

ايه والله يليت تساعدني

بس كيف منطقة الفروانيه مكانها يعتبر ممتاز؟

ولو تقدر ترسل لي رقمها

ويعطيك العافيه

ان شاء الله ما نكون تعبناك اخوي وشكرا

بسم الله الرحمن الرحيم

اخوي علشان تكون قريب من المجمعات والبحر والاماكن السياحية حاول تسكن في السالميه او حولي او بنيد القار افضل لك .

شقق تراس للشقق الفندقية ,, ولهم 3 أفرع ..
بالفنطاس فرعين
وفرع في حولي
وهذا اهوا ارقامهم
حولي : 99200539
الفنطاس 1 : 99327701
الفنطاس 2 : 97133767
اللي موجود بحولي فهو وايد موقعه حلو ,, بجانب مجمع المهلب ومركز سلطان وحولي بارك

الفنطاس بعيد شوي عن السالميه

شوف هني اخوي واختار السعر الي يناسبك

http://www.e.gov.kw/sites/kgoarabic/...ip_Hotels.aspx

http://kuwaithyattsuites.com/suites/arabic.asp

http://www.saraplaza.com/Ar/default.aspx

http://www.boudl.com.sa/ar/index.php?p=home

حياك الله

والله ما قصرة يعطيك العافيه

جاري البحث في الروابط

[size="5"]السلام عليكم
سألتك زوجي لانه العام رايح مع اخوه وقالي انه سكن بشقه مرتبه بمنطقة بنيد القار واسمها خالد هاوس وقال انه في حولها شقق كثير واسعارها معقوله
انا اقترح عليك ايضا تاخذون شاليه على البحر من الشاليهات الموجودة في بداية الكويت يعني بعد ما تطلعون من الجمارك بكم كيلو /sizeتجلسون فيها يومين سباحه وفلة وبعدين تنزلون على الكويت , احنا جربنا شاليهات السيشل روووووعة مرة ...... ]

المشاركة الأصلية كتبت بواسطة بيت الكويتى
http://www.arabtravelersforum.com/tr...0/#post4016890

حياكم اللة بالكويت ونتشرف فيكم اخوانا :

الاماكن:

مجمع الافنيوز _ مجمع الفنار _ مجمع المرينا _ مجمع 360 _ مجمع المهلب _ مجمع الكوت_مجمع دسكفرى.

جميع المجمعات بها سينمات.

الاماكن الترفيهية:

مدينة الترفيهية_ حديقة الشعب_حولى بارك _ اكوابارك مدينة مائية _ المسيلة مدينة مائية _ المركز العلمى _ ابراج الكويت


اما بخصوص الجت سكى متواجدة على البحر للايجار تقريبا الساعة 15 دينار ويوجد بجانب مطعم مركز السلطان فى تاجير

قارب فى شغلات وايد حق البحر للاجار.

اما بخصوص الحجز فى فندق خمس نجوم مسوى عرض الشخصين مع الافطار 45 دينار والفندق على البحر اذا تبى دزلى

رسالة خاصة اما بخصوص السيارة لازم الوالد يسوى توكيل باسمك حق السيارة اى استفسار اخر حاضرين.




اخوي ممكن تفاصيل اكثر عن الفندق لاني جاية الاسبوع القادم
شخصين
نبي فندق قريب من المولات والمطاعم وسعره بين 40 بالكثير 45