الموضوع: رحله عائليه لمدة ثلاثة ايام ؟؟ وينك يا اهل الكويت

في هذه السنه نويت اقوم برحله عائليه لجميع دول الخليج برا
وبما اني بزور الكويت الي ما قد زرتها
احببت احد يضع لي برنامج سياحي عائلي لمدة ثلاثة ايام
وشقه رخيصه وجيده في الكويت وشكرا

مواضيع عشوائيه ممكن تكون تعجبك اخترناها لك:

• أتمنى
• طلب من اهل الكويت فندق بودل
• أصدقاء تايلاند من الكويت
• استفسار لأهل الكويت الكرام
• قرب موسم السفر والقروبات الكويتية
• وين الاقي الجت سكي الدباب البحري في الكويت؟
• كويت السبيعنات صور نادرة
• تقرير شامل وطني الكويت
• هل من يد مساعدة ؟
• جولة بالهليكوبتر في سماء الكويت فيديو صور
• علب عسل؟
• ايش اسوي في تركيا؟؟؟؟
• صور جميلة من الكويت بمناسبة قرب العيد الوطني
• سؤال للكويتات الذربات أبي رقم كوافيرة تجي البيت شغلها عددددل
• استفسارات كويتيه
• ابغي اعرف ياأهل الكويت شورايكم
• أحدث و أرقى مطاعم الكويت
• معلومات للمسافرين بسيطة
• بالله عليكم ساعدوني بكروت الأفراح في جوانزو
• فديتكم ياهل الكويت ابي جدول سياحي

شقق بودل مجهزة للسعوديين ( كأنك في الدمام )

في البدايه ياريت تجاوبني على هالاسئله علشان اقدر افيدك
عندك سياره ؟
كم عددكم وهل معاك اطفال ؟
متى موعد وصولكم بالسلامه ؟

السلام عليكم

حياكم الله اخوي بالكويت

بالنسبة للشقق هني http://www.arabtravelersforum.com/travel164933/

بالنسبة للبرنامج السياحي هني http://www.arabtravelersforum.com/travel236586/

اخوي ادخل الرابطين هذيلي راح يفيدونك وايد واي استفسار حاظرين وحياك الله

حيالك اللة بالكويت اخى الكريم اى شى تبى من عيونى فى فنادق مسوين خصم حلو الشخصين مع الافطار باليوم 45 دينار

فندق خمس نجوم اما بخصوص الاماكن:

اليوم الاول : الذهاب الى اكوابارك مدينة مائية للاطفال والكبار وبعدها التوجة الى مطاعم على البحر اذا تبى غالى موجود اذا تبى الرخيص هم موجود الوجبات السريعة وبعدها الذهاب الى الشقة للراحة باليل الذهاب الى مجمع المرينا وتجلس
ففية حتى اليل ويوجد بداخلة السينما.

اليوم الثانى الذهاب الى مدينة الترفيهة حتى المغرب وبعدها الذهاب الشقة للراحة باليل الذهاب الى الافنيوز تقضى به
حتى اليل ويوجد بداخلة سينما.

اليوم الثالث الذهاب الى حديقة الشعب او حولى بارك وبعدها الذهاب الى الشقة وفى اليل الذهاب الى ابراج الكويت وبعدها الذهاب الى المركز العلمى .

حياك الله بالكويت ديرة الخير والناس الطيبة , اليوم الاول بعد ما ترتاح تقدر تاخذ العائلة الكريمة لمجمع المارينا مول عالبحر ويمه مجموعة كافيهات ومطاعم و تقدر تقضي هاليوم كله بشارع سالم المبارك يم مجمع المارينا اذا طلعت منه على يسارك مجموعة مجمعات ومطاعم وكافيهات طب وتخير وعلى يمينك سوق السالمية القديم اللي يعتبر شعبي نوعا ما كله محلات ومطاعم وجبات سريعة هارديز و كنتاكي و فيه بعد محلات حلوة مو كلها شعبية وبضاعة رخيصة ارخص من المجمعات وفيه محلات تبيع العاب للاطفال ومحلات كلها احذية وانت بكرامة مجمع كامل او مجمعين احذية في احذية , وتقدرون تسهرون بواحدة من السينمات الموجودة باي مجمع من هالمجمعات المارينا او الفنار او ليلى جاليري , اليوم الثاني تروحون المدينه الترفيهية وهي طبعا مكانها بعيد شوي فراح يقضي اليوم كله عليها لانها همن بعد كبيرة , اليوم الثالث يا انك تروح مجمع الافنيوز وتقضي فيه يوم كامل لانه كبير وكل شي فيه وحتى مكان للاطفال اسمه بروي راح يستانسون فيه كثير وحسب موعد سفركم تضبطون خروجكم وعودتكم للفندق , او انك تروح للمركز العلمي عالبحر فيه اكواريوم وفيه العاب للاطفال وفيه سينما علمية على حسب الوقت المتوفر عندك

حياكم الله بين اهلكم بالنسبه للشقق انصح بسارة بلازا خلف الفنار اقرب للمجمعات من بودل وطبعا لازم تروح مطعم فريج صويلح او الستينات اكل كويتي وكل اهل الخليج يحرصون انهم يروحونله

سوق السالميه لونه وردي عند دوار الجوازات انصحك في عائلي من الدرجه الاولي ومغطي ومكيف وفيه ملاهي وسوق حلو ورخيص وفيه سوبر ماركت ومطاعم متنوعه ومقاهي

أهم شئ السكن ولا تفكر تاخذ إلا شقق... جرب البسكتي - بنيد القار

ألا يا رايح الكويت ، وصيه وصلها عني ، أبيك تقول لهم مشتاقه ، و بلغهم سلام مني



اهلين اخوي ،، اول شي اتمنى لك سفره ممتعه واكيد حتكون ممتعه دامك بتزور الكويت ياجعل ربي يحفظها ويحميها ..[font="arial"][size="4"]

[b][color="black"]
** بالنسبه للشقق الفندقيه وطبعن كلها قد سكنا فيها واسعارها جدن مناسبه :

1- فينيسيا .. الموقع : دوار دسمان .. وهذا رقمهم 0096522470782

2- ارينزا تاور .. الموقع : السالميه .. وهذا رقمهم 0096525747131

3- المنتصرين .. الموقع : السالميه .. وهذا رقمهم 0096525751442

4- رويال كازا .. الموقع : السالميه .. وهذا رقمهم 0096525740705

5- كونتينينتال .. الموقع : الفروانيه .. وهذا رقمهم 0096522612111



و بالنسبه للجدول السياحي راح اكتبلك اخي الكريم نبذه عن الاماكن الموجوده بالكويت وانت شوف ايش يناسبك ويناسب العائله الكريمه =)

** المجمعات ، وراح اعددها بالترتيب من الافضل حسب وجهة نظري :

1- الافنيوز .
2- 360 .
3- الكوت .
4- المنشر .
5- الرايه .
6- الفنار .
7- مارينا .
8- شرق .
9- السالميه .
10- المباركيه

بآآآآك

نسيت اقولك اخي الكريم عن محل للعصائر مرررررره يجنن ، ولازم كل مارحت الكويت ننصاه $:

اسم المحل "عصير الضاحيه"

و إطلب منهم "عصير عوار قلب" فعلن هو اسم على مسمى

وتلاقي المحل بالضاحيه على امتداد شارع الحب

ضروري تجربونه وبالعافيه