الموضوع: استفسار لأهل الكويت الكرام؟؟

السلام عليكم ورحمة الله وبركاته
انا مسافرة للكويت عقب اسبوع ان شاء الله
بس ابغي اعرف محلات الاطفال ومحلات الجلابيات الكويتية الروعة؟؟؟
وعناوينهم لو سمحتوا :108:
ولا هنتوا يا الجميع

مواضيع عشوائيه ممكن تكون تعجبك اخترناها لك:

• صور من منتجع وفندق النخيل الجديد بالكويت
• جهاز للإيجار
• اسواق بيع ملابس الأطفال
• استفسار عن صالون في الكويت
• رحلتي بعد بكرا وابغااا مساعده
• هل يمكن الخروج بالبطاقة ؟؟؟
• ارجو الافادة يا اخواني واخواتي
• بخصوص واشياء اخرى ؟
• ربيع الكويت
• صور و مواصفات الشالية الرئاسي بفندق هيلتون المنقف
• مساعده في ايجار شقق وفنادق بالكويت
• ترشيح أفضل شاليهات في الكويت الحبيبة
• ابي سكن قريب لمنطقة بنيد القار ساعدوني يالطيبين
• وفاة الأمير الوالد الشيخ سعد العبدالله الصباح
• اين اماكن تأجير الجت سكي بالكويت
• ياليت شباب الكويت يضعون وصف واضح لمجمع أفيونز ؟
• جايكم ومعاي ضيف أمريكي
• طق يامطر طق ،،، الأمطار تغطي الكويت الآااااااان
• فريج عقاب مطعم للأكلات الشعبية الكويتية بعدسة عسل
• آبي مسآعده يآهل الككويت

اختى الكريمة طير الامارات

في البداية مرحبا بك في بوابة السفر الى الكويت


ونتمنى لك طيب الاقامة في بلدك الثاني


شوفي الروابط التالية احتمال تفيدك


http://www.travel4arab.com/vb/showth...C7%C8%ED%C7%CA


http://www.travel4arab.com/vb/showth...C7%C8%ED%C7%CA

تحياتي ...

السلام عليكم
شكرا اخوي nice - man على مرورك
جزاك الله خير

أختي طير الامارات ياهلا ومرحبا بين أهلك في بلدك الثاني الكويت..... :101:

أما عند استفسارك عن محلات الدرايع الكويتية فالاخ nice_man ما قصر، بس حبيت أضيف اذا كنت من محبي الدرايع ذات الطابع الهندي فهناك محل مختص بالدرايع والخامات الهندية الراقية :107: ويوجد المحل في الصفاة بمنطقة البلوكات بالمرقاب سألي عنه والكل راح يدليك ، وهناك محل بعد في مجمع المهلب بحولي ويوجد ايضا في المجمع محلات لملابس الاطفال ،،،،

وهناك الكثير من المصممات الكويتيات يصممون الدراريع (ما شاء الله عليهم) :113: بس ما عندهم محلات معينه واذا كنت حابه تشوفين تصاميمهم فيوجد أماكن معينه يعرضون فيها تصاميمهم (معارض خاصة) وتكون في بيت ديفا وبيت كاريزما مقابل مستشفى الاميري وبيت لوذان بالسالمية ، بس ما أعتقد هذه فترة يوجد معارض خاصة لان فترة صيف والناس مسافرة ووووو......... بس راح تكون هناك معارض خلال شهر سبتمبر لعرض الداريع الرمضانية (كل عام وأنت بخير)......... :101:

مشكورة أختي رحايل على هالمعلومات
وجزاك الله خير

انا سبق وزرت الكويت اختي

واحب اقولك لايطوفك سوق الديره .. وفيه سوق ثاني بعد مادري شسمه بس اغلب العاملين بهالسوق من العماه الايرانيه

ورحله ممتعه ان شاتء الله
والله يعيينك على الجو .. وانا كنت بالامارات قبل شهر وكان الجو حار بعد .. تحياتي للجميع

شكرا اخي الكريم حساس
وجزاك الله كل خير

مجمع الأوقاف بشرق كله دراريع

مجمع الأوقاف بشرق كله دراريع... مجمع الحمرا مول بمنطقة الفروانيه ... محل اليشمك أعتقد بشارع سالم المبارك...
مجمع الأيوب بمنطقة حولي للدراريع... مجمع المثنى فيه كم محل للدراريع...ومحلات الأطفال للملابس اذا كنت تقصدين عندج مجمع العثمان فيه ملابس روعه للأطفال... ومجمع النقره الجنوبي تحت فيه ملابس للأطفال...أتمنى لك سفره ممتعه وأسفه على الأطاله..........

الاخت wafaa والاخت جكورة اشكركم على مروركم الكريم وجزاكم الله خير

أهلا وسهلا في بلدك الثاني الكويت

إذا ما تتحملين الحر والغبار لا تزورينا الحين إنتظري بعد شهر يمكن يتعدل الجو ، إحنا ميتين من الجو الحار

تحياتي لك وأتمنى لك قضاء إجازة سعيدة بالكويت

احب اضيف مكان .. مجمع العربيد القديم بالفروانية .. عندهم تفصيل دراريع حلوة وبأسعار معقولة تتراوح بين 10 - 35 دينار .. والموديلات معروضة بكل محل وتقدرين تختارين اللون والموديل اللي يناسبج .. طبعا المساومة متاحة
وحياج الله في بلدج الثاني الكويت