الموضوع: فزعة تكفون ابغى وصف هذي الاماكن

ياشباب تكفون ابغى وصف دقيق اي واحد يقدر يساعدني ويوصف لي هذي الاماكن من فندق هوليدي ان السالمية لاتردوني....
1. مسرح نقابة العمال
2.مسرح سينما غرناطة بخيطان
3.مجمع الافينيوز
4.مجمع 360
5.سوق المباركية

ادري كأني زودتها بس ادري انكم ماتقصرون وماتخلوني...

مواضيع عشوائيه ممكن تكون تعجبك اخترناها لك:

• ممكن تساعدوني محتاجة فندق ولا شقق ما يتعدى سعرها دينار ضروري
• مفاجآت العيد في «الشعب الترفيهي» و«مرح لاندس و«سليل الجهراء»
• طالبتكم لا تردوني
• متى تفتح الاسواق
• مطعم مغل محل السالميه عاجل
• اسواق ومجمعات شعبية للهدايا ؟
• منتجع جميرا الكويت للرقي عنواااااان
• نافورة الافنيوز
• فقدنا المحفظه ؟ ايش الحل
• طيران الجزيرة تحصل على موافقة مصرية لتشغيل رحلات إلى القاهرة
• الان امطار غزيرة على الكويت
• ابغي اعرف ياأهل الكويت شورايكم
• طلب للكويتين فقط ممكن ؟
• نبذة دولة الكويت الحبيبة صور من بلدى الكويــ ام الخير ـــت
• أفخم فندق بالكويت مساعدة
• أريد مطعم إيراني راقي ونظيف
• حياكم بتصويري فندق رجنسي بالكويت
• بسرة كل بنات الكويت الغالية يدخلون
• ممكن طلب ؟؟
• وش الحل؟

بساعدك بثلاثة منهم


مسرح غرناطة


طريق المطار 55 اتجاه المطار في منطقة خيطان خذ يسار


الافنيوز الدائري الخامس ( منطقة الري - اتجاه الجهراء )


360 ( الدائري السادس - منطقة الزهراء - اتجاه الجهراء )


و اسف على القصور

المشاركة الأصلية كتبت بواسطة thelion
http://www.arabtravelersforum.com/tr...0/#post5979338

ياشباب تكفون ابغى وصف دقيق اي واحد يقدر يساعدني ويوصف لي هذي الاماكن من فندق هوليدي ان السالمية لاتردوني....
1. مسرح نقابة العمال
2.مسرح سينما غرناطة بخيطان
3.مجمع الافينيوز
4.مجمع 360
5.سوق المباركية

ادري كأني زودتها بس ادري انكم ماتقصرون وماتخلوني...

بالنسبه للافنيوز خل الفندق يمينك واطلع خط البحر ليما توصل دوار ( دوار البدع ) اخذ ربع الدوار يمين وبعدها كمل سيده كله لاتلف ولا لفه ( الدائري الخامس ) يعني كله سيده ليما تشوف يمينك الافنيوز

اما 360
نفس الشي اطلع من الفندق ليما توصل الدوار نفسه هني اخذ نص الدوار ( يعني سيده ) ليما توصل اشاره المسيله وهم تكمل سيده جنك بتروح المطار وتلقى مجمع 360 يينك


اذا اوكي جذي الوصف عشان اكمل الباقي

مثل ما وصفوا لك الشباب واذا الوصف اوكي مثل ماستنا اهي يزاها الله خير بتكمل وانا بكملك
مسرح نقابه العمال في ( ميدان حولي )
من عند اشاره الفدق اللي يصير يسارك المركز العلمي اخذها يوتيرن فوق تحت وكمل سيده خط الخليج يصير مركز سلكان ومارينا يسارك وتكمل لين توصل اشاره حديقه الشعب تاخذا يسار وبعدين يمين وكمل سيده راح توصل دوار منطقه حولي التعليميه اخذ الدوار يسار وبعدها دوار ثاني يسار وامش مع الشارع راح تشوف المرح جدامك..

هذا الوصف واذا تبي وصف ثاني في بعد

المشاركة الأصلية كتبت بواسطة ولد خمس نجوم
http://www.arabtravelersforum.com/tr...8/#post5980878

بساعدك بثلاثة منهم


مسرح غرناطة


طريق المطار 55 اتجاه المطار في منطقة خيطان خذ يسار


الافنيوز الدائري الخامس ( منطقة الري - اتجاه الجهراء )


360 ( الدائري السادس - منطقة الزهراء - اتجاه الجهراء )


و اسف على القصور



جزاك الله خير وماقصرت بس المشكلة كيف اصول هالدائريات ووين طريق 55...

المشاركة الأصلية كتبت بواسطة الماسة الكويت
http://www.arabtravelersforum.com/tr...4/#post5981744

بالنسبه للافنيوز خل الفندق يمينك واطلع خط البحر ليما توصل دوار ( دوار البدع ) اخذ ربع الدوار يمين وبعدها كمل سيده كله لاتلف ولا لفه ( الدائري الخامس ) يعني كله سيده ليما تشوف يمينك الافنيوز

اما 360
نفس الشي اطلع من الفندق ليما توصل الدوار نفسه هني اخذ نص الدوار ( يعني سيده ) ليما توصل اشاره المسيله وهم تكمل سيده جنك بتروح المطار وتلقى مجمع 360 يينك


اذا اوكي جذي الوصف عشان اكمل الباقي



ماستنا 100% الوصف كملي جزاك الله خير

المشاركة الأصلية كتبت بواسطة q8ya metnaqla
http://www.arabtravelersforum.com/tr...4/#post5983204

مثل ما وصفوا لك الشباب واذا الوصف اوكي مثل ماستنا اهي يزاها الله خير بتكمل وانا بكملك
مسرح نقابه العمال في ( ميدان حولي )
من عند اشاره الفدق اللي يصير يسارك المركز العلمي اخذها يوتيرن فوق تحت وكمل سيده خط الخليج يصير مركز سلكان ومارينا يسارك وتكمل لين توصل اشاره حديقه الشعب تاخذا يسار وبعدين يمين وكمل سيده راح توصل دوار منطقه حولي التعليميه اخذ الدوار يسار وبعدها دوار ثاني يسار وامش مع الشارع راح تشوف المرح جدامك..

هذا الوصف واذا تبي وصف ثاني في بعد



وصف ممتاز الله يعطيك العافية واضح شكرا لك...

اخيي مبارك علينا وعليك مابقي من الشهر اسأل الله لنا ولك القبول والجنة ووالدينا تحيه طيبه

اما بالنسبة لسوق المباركية فهو سوق شعبي كل اللي تبي موجود فيه اطلب تجد

بالنسبة لوصفه سهل امسك اي لوحة إرشادية تقول لك الكويت وخذ طريق الملك فهد تجي على آخره من جهة اليسار ولاتنسى تدعي لي ولو تابع برنامج مع الناس للاستاذ سعود الورع ياكثر مايقول اسم هالسوق ويمدح فيه وحبيت هالسوق منه ورحت له وجدته اكثر مماقال

اتمنى اني وصلت ولو شي من الوصف


اخوك المحب ابو خالد

تقريبا كل الاماكن وصفناها
باقي مسرح سينما غرناطه بخيطان
نفس الشي اطلع من الفندق ليما دوار البدع وسيده يعني كان بتروح المطار نفس الشارع اللي بتروحل حق مجمع 360 بس
لاتروح المجمع هم كمل سيده مو اللفه اللي بعدها اللي بعده يكون بين الفروانيه وخيطان تمشي شوي المسرح يمينك


يعني من الفندق كله سييده لي طريق المطار بعد 360 ثاني لفه يمين اخذها يصير المسرح يمينك

المشاركة الأصلية كتبت بواسطة thelion
http://www.arabtravelersforum.com/tr...8/#post5984738

جزاك الله خير وماقصرت بس المشكلة كيف اصول هالدائريات ووين طريق 55...



مادري شنو تقصد
اللي انا اقصده بعد الفندق باشارتين يصير دوار البدع
ويمين هالدوار يصير الدائري الخامس ( اسم الطريق الدائري الخامس )

اللة يعطيك العافية ماستنا فهمت عليك جزاك اللة خير بس اخر شئ ممكن توصفين لي مسرح نقابة العمال من الفندق وسوق المباركية لان اخوي ولد خمس نجوم وصفة صعب شوي جزاكم اللة خير جميعا..

رحم للة والديك اختنا الماسة واللة يكتب لك الاجر ان شاء اللة....

الحمد الله الاعضاء ما قصروووو وياك
حياك بتقريري ( رحلتي الي الكويت ) فية كل شيئ عن الكويت و مناطق الاماكن السياحية
بس لو تجي الكويت و ندك ماجلان افضل لك و لم معك

المشاركة الأصلية كتبت بواسطة thelion
http://www.arabtravelersforum.com/tr...8/#post6008708

رحم للة والديك اختنا الماسة واللة يكتب لك الاجر ان شاء اللة....



تسلم اخوي
ورحله موفقه ان شاءالله

اختي الماسة انا ادري تعبتك معي وطلباتي كثير بس السموحة اختي منك وباقي الاعضاء جزاكم اللة خير جميعا بس عندي شئ تذكرتة واخر طلب ان شاء اللة .....
كيف اروح من الفندق الى المنفذ النويصيب اذا جيت ارجع السعودية؟

سامحوني....