الموضوع: دام عزك يا كويت

انا جاي امس من الكويت اول مرة ازور الكويت انا وعايلتي
بصراحة ذهلت جدا بهذا الشعب قسم بالله اكثر من طيب والله طيبة وكرم واخلاق
انا يوم الغزو على الكويت وعمري 14 سنة ومن ذاك الوقت ونفسي ازور الكويت
والله يوم رحت في الاجازة الاسبوع الي فات انا واولادي عرفت شي لم اعرفة منذ ولادتي
والله والله على ما اقول شهيد ما حصلت الا كل طيبة وكرم وبشاشة قسم بالله يفرحون فيك كسعودي زائر لهم بصورة تخجلك استمتعنا بزيارتنا اي ما متعة
وانشاء الله نكررها سنويا وانشاء الله في هلا فبراير وانشاء الله اكتب تقرير لزيارتي .
ولا يسعني الا ان اقول دام عزك يا كويت .

مواضيع عشوائيه ممكن تكون تعجبك اخترناها لك:

• خصومات الماركات العالمية في الكويت
• تكفون يااااااااااابنات الكويت ممكن؟
• منتجع حديد
• منتجع سليل الجهراء إطلاله على الصحراء
• سؤال بخصوص منتجع هلتون المنقف؟
• حلاوة نهر خوز
• سؤال بخصوص جواز السفر؟
• مطعم البلد
• وين افخم منتجع؟؟؟
• مطعم بيبيس بيتزا الهوليدي ان السالميه
• استفسار بخصوص نادي الواجة
• اخواني هل الكويت فزعه
• هل يوجد بالكويت طيران الشارقه ؟
• استفسار عن فندق لي رويال الكويت واستفسارات أخرى
• فنادق حول الأفنيوز ؟
• فندق بلازيو وهلا فبراير
• إجراءات وشروط دخول خادمة سائق إلى الكويت بالصور
• أفضل شريحة اتصال لزوار الكويتاستفسار
• الكويت
• استفسار جوازي ينتهي بعد اقل من شهرين هل يمكن دخول الكويت ام لا ؟

مشكوور و يعطيك مليون عاافيه انا اول مشاركه لي و انا من الكويت حولي

هذا من طيب اصلك و الله و ما قصرت على الكلام الطيب الي يفتح النفس

هم انا لما رحت السعوديه كانو اهلها طيبين و ما شاء الله شهادتي مجروحه فيهم

اخوي
الحمد لله على السلامة
وانت تراك سافرت لبلد شقيق
صدقا انا زرت الكويت ثلاث مرات والله ما شفت إلا ياللي انت شفته وذكرته
حتى المكان اللي ما تعرفه تلاقي من يدلك ويوصلك له
من القلب مليون شكر لعيال جابر وعسى دياركم دايم عامرة بالمحبة والأمن والأمان

مشكووور خالد على الكلام الجميل الي قلته

و هذا كله من طيب اصلك

و ان شاء الله تكرر الزياره الى دولتك الثانيه الكويت



الذيب الشمالي

مشكور على الكلام الجميل

الكويت جميله وشعبها اجمل ,, الله يحفظ الكويت وشعبهاا

الحمدالله على السلامه

و مشكووور وهذا كله من طيب اصلك الله يسلمك

يا هلا والله بأخواني السعودييين دار بو متعب
والعين أوسع لكم من الدار
ومشكوووووورين على مشاعركم
الطيبة تجاه بلدكم الثاني الكويت
وبتنوروووون الكويت في كل جية

بصراحه الكويتيين ذوووق واخلاق كلامي من تجربة وواقع

شكرا على الكلام الحلو وانتو اخوان واهل وحبايب
الله يحفظكم ويسعدكم وناطرين التقرير

هذا من طيب اصلك يا خالد وان شاء الله تزور الكويت مرات ومرات بس لا تملنا

حياك الله أخوي خالد
ونشكرك علي هالمشاعر الطيبه وهذا من طيب أصلك
أكيد الشعب السعودي والكويتي شعب واحد وماننسي موقف الشعب السعودي أثناء الغزو كانوا لنا أكثر من أهل
تقبل تحياتي

حيااااااكم الله
نورت الكويت بوجودكم
وان شاءالله هالزيارة تتكرر على طوول

مشكووووور
هذا من ذوقك اخوووي
ونورتوا الكويت بزيارتكم وان شاءالله تنكرر على طول

ودام عز كل الخليجين والعرب وحياك الله والكويت تحب كل من يحبها

يجزاك الله خير على هذا الكلام و احنا بعد لما نروح للسعودية نلقى الاجاويد قدامنا

تحيه طيبه ,,, وبعد

اخي (( خالد ))

حياك الباري ..

وبارك الله فيك على هذه الكلمات الطيبه

اهل واخوان

ربي يحفظكم

نور

أضم صوتي لصوتك أخوي خالد
وأقول ( دام عزك ياكويت )
حبايبنا وأهلنا نستانس وتنشرح نفوسنا بينكم