الموضوع: لاول مره اسافر لكويتنا الغالي احتاج مساعده

السلام عليكم ورحمة الله وبركاته
اسعد الله صباحكم بكل خير
سوف اسافر للكويت الغاليه على قلوبنا مع عائلتي ان شاء الله الاسبوع القادم
ولكن هي المره الاولى التي ادخل فيها كويتنا الغالي
فأنا اجهل الطرق داخل الكويت
واجهل الاماكن الترفيهيه للعائله
وكذلك السكنيه
والاسواق التي تستحق الزياره
احتاج مساعدة منكم ( ولا عليكم امر ) وضع برنامج سياحي مدة اربعة ايام

مع الشكر والتقدير

مواضيع عشوائيه ممكن تكون تعجبك اخترناها لك:

• استفسار عن حولي
• مساعدة حبيت احجز بالكويت احد عنده شركة نتواصل معها للحجز بالكويت ؟
• كلمات كويتيه قديمه
• ابي مكتب حجوزات للفنادق
• مساعدة يا اهل الكويت بليز
• روتانا تفتتح اول فندق لها بالكويت الشهر القادم
• يا اهل الكويت
• اكتشافات أثرية هامة في الكويت تعيد قراءة تاريخ المنطقة
• الرجاء المساعده والرد بسرعه ارجوكم
• بزور الكويت السبت الجاي
• أين تقع معارض السيارات المستعمله ؟
• بحاجتكم يااهل الكويت لاتخيبون املي الله يخليكم
• عاجل لأهل الكويت وأهل الخبرة
• ايام في الكويت الحبيبه
• جايه الكويت و ابي مساعدتكم ؟
• الي يعرف حق اجراءات فيزا السياحيه للكويت يساعدني بليز
• عاجل ،،،، مجمعات ملابس الأطفال لو تكرمتوا
• من لديه صور عن شقق بودل بالكويت او معلومات لايبخل
• اكبر مشورع في منطقة الفحيحيل خباري
• ايهم افضل السكن في السالمية او بنيد القار

قواك الله اخوي انشالله افيدك بهل جدول :

أول شي بالنسبه للفندق انصحك تسكن بفندق المرينا لان مكانه وايد حلو واحلى فندق بالكويت

وبالنسبه للجدول :

اليوم الاول / تروح تتغذا بمطعم الابراج طبعا الغذا بوفيه وبعد الغذا تنزل الطابق الي تحته وتشوف الكويت كلها من اعلى الابراج وتمتع بالمنظر وبعدها تنزل وبجانب الابراج على طول فيه المدينه المائيه مكان وايد حلو حق الكبار والصغار ويبيلها تقريبا عشان تستانس فيها من 4 إلى 5 ساعات وبعدها طبعا تعشيهم باي مطعم موجود داخل المدينه المائيه وترجع السكن وتنام .


اليوم الثاني / تروح تتغذا بمطعم الصنوبر على البحر مكانه حلو واكل لبناني وسعره مناسب وبعد الغذا تروح المركز العلمي مكان رقي وجميل للكل للكبار وللاطفال وبعدها تروح مجمع المرينا تدخل سينما وبعد السينما تتعشا بمطاعم المرينا ومن بعدها ترد السكن وتنام .


اليوم الثالث / من اول ما تقعدون من النوم طبعا تتريقون بالفندق وبعدها تاخذون تاكسي وتروحون المدينه الترفيهيه طبعا هذا مدينه العاب كبيره جدا وفيها كل شي وتتغذون هناك وتقعدون لي المغرب وبعدها تروحون تقعدون بالقهوه الشعبيه لان القعده وايد حلوه خصوصا بالليل الجو يكون حلو وبعدها تتعشا بالقهوه الشعبي كباب وتكا وعرايس وبعدها الفدق وتنامون .


اليوم الرابع / تروح مجمع الافنيوز تتمشي وتتغذا بالمجمع وهل مجمع احسن مجمع بالكويت وأكبر مجمع تتمشي وتشتريلك اغراض اذا عجبك شي لي المغرب وبعدها تقدر تروح منتزه الشعب الترفيهي مكان وايد حلو فيه العاب وفيه صالة التزلج وفيه شغلات وايد وبعدها تتعشا بالمنتزه وترد السكن وتنام .


اليوم الخامس / تمشى بالمجمعات لان اخر يوم مثل مجمع 360 أو الفنار والمجمعات الي بجانبه وتتغذا بأحد المجمعات لي المغرب لازم وانا انصح كل واحد يزور سوق المباركيه ويقعد بالقهوي التراثيه وبالاكل الكويتي الطيب ويستانس ويرجع السكن وينام .

اتمنى اني وصلت لك جدول طيب وسامحني على القصور

وانا حاضر لاي خدمه ثانيه

لاتنسى زيارة المطاعم التراثيه القديمه
فريج صويلح او مطعم الستينات او مطعم زمان اول
كلهم جربتهم قمة المتعه والطعام الطيب

المركز العلمي اعتقد بعض صالاته فيها صيانه ومغلقه والله اعلم
المباركية متعة والتسوق منها رائع لانخفاض الاسعار فيها

أخوي محمد..

انصحك تاخذ لك GPS (وخاصة القارمن)

رح يفيدك كثير. و رح يخليك ترتب يومك بكل سهولة خاصة انك ما رح تضيع وقت في البحث عن الاماكن او المطاعم..

وبالنسبة للإحداثيات.. تحصلها هنا

http://www.arabtravelersforum.com/travel354824/

الكويت كلها حلووه

الحين ارض المعارض فاتحين جم معرض ياريت تروحون تشوفونه

و بعد شاارع ساالم المباارك اهو بالسالميه حييل حلوو كله مجمعات راقيه يم بعض

اذا تبي غالين تقدر تروح الرايه و الصالحيه يعني كله ماركات حق الاهل

و سووق المباركيه لازم تروحوله لانه صج عجيب و كله من الترااث الكويتي

و في عندك الافنيوز و 360 يهبلوون تبي تروحلهم

الاماكن الترفيهيه

الاكوابارك مدينه مائيه يم الابراج
و المسيله مجابل سلوى هم مدينه مائيه
المدينه الترفيهيه تينن لازم تروحون المنخل و علاء الدين و الاحصنه مالت المدينه الترفيهيه غيير
و الشعب قطار الموت و قلعة الرعب و .......

و ان شااء الله تنورون الكووويييت و تستانسوون بالكويت و تزورونه و نبيض ويهكم

المشاركة الأصلية كتبت بواسطة captin999
http://www.arabtravelersforum.com/tr...3/#post3783418

لاتنسى زيارة المطاعم التراثيه القديمه
فريج صويلح او مطعم الستينات او مطعم زمان اول
كلهم جربتهم قمة المتعه والطعام الطيب

المركز العلمي اعتقد بعض صالاته فيها صيانه ومغلقه والله اعلم
المباركية متعة والتسوق منها رائع لانخفاض الاسعار فيها



الله يجزاك خير اخوي
المشكله وين لاماكن هذي
يعني المركز العالمي وين بالجهراء والا الاحمدي
انا معرفتي قليله
اكرر شكري لشخصك الكريم

المشاركة الأصلية كتبت بواسطة مشــــعل
http://www.arabtravelersforum.com/tr...3/#post3783454

أخوي محمد..

انصحك تاخذ لك gps (وخاصة القارمن)

رح يفيدك كثير. و رح يخليك ترتب يومك بكل سهولة خاصة انك ما رح تضيع وقت في البحث عن الاماكن او المطاعم..

وبالنسبة للإحداثيات.. تحصلها هنا

http://www.arabtravelersforum.com/travel354824/



فعلا كلامك عين العقل بدون القارمن اعتقد راح يضيع الوقت على بالبحث عن الاماكن اللي ذكروها الاخوان

اشكرك جزيل الشكر اخي مشعل
دمت بحفظ الله

المشاركة الأصلية كتبت بواسطة برشلونيه q8
http://www.arabtravelersforum.com/tr...3/#post3783691

الكويت كلها حلووه

الحين ارض المعارض فاتحين جم معرض ياريت تروحون تشوفونه

و بعد شاارع ساالم المباارك اهو بالسالميه حييل حلوو كله مجمعات راقيه يم بعض

اذا تبي غالين تقدر تروح الرايه و الصالحيه يعني كله ماركات حق الاهل

و سووق المباركيه لازم تروحوله لانه صج عجيب و كله من الترااث الكويتي

و في عندك الافنيوز و 360 يهبلوون تبي تروحلهم

الاماكن الترفيهيه

الاكوابارك مدينه مائيه يم الابراج
و المسيله مجابل سلوى هم مدينه مائيه
المدينه الترفيهيه تينن لازم تروحون المنخل و علاء الدين و الاحصنه مالت المدينه الترفيهيه غيير
و الشعب قطار الموت و قلعة الرعب و .......

و ان شااء الله تنورون الكووويييت و تستانسوون بالكويت و تزورونه و نبيض ويهكم



يعطيك العافيه ما قصرت اختي
والكويت منوره بأهلها الله يحفظها من كل شر
ورايتكم بيضا ماقصرتوا
اهلنا وحبايبنا
يعطيك العافيه

الشباب ما قصرو بسشوف توقيعي ( رحلتي الي الكويت ) كاتب عن الاماكن السياحية و اماكنها و الاسواق الشعبية و المولات و سرد منظم و جيد ان شاء الله يفيدك