الموضوع: فيزا امريكا من الكويت

السلام عليكم

بكل اختصار

قررت اطلّع فيزا امريكا مع الوالدة مع انها ما اتوقع تسافر بهالوقت لكن لظني ان المقابلة ستكون اسهل ;p

عبينا كل البيانات الخاصة فيني و في الوالدة و حطينا بيانات وهمية كالمدة و الفندق اللي بتسكن فيه و المصرف على منو ;p طبعا علي

و حطينا موعد المقابلة يوم 3-3-2009 يوم الثلاثا .. والموعد 8 ونص الصبح .. و دشينا الساعه 9 داخل بعد التفتيش و الورقة اللي يعطونها لأي شاب و تكتب فيها اسمك و عمرك و اسم الوالد والوالدة و وين سافرت بالعشر سنين اللي فاتت و بأي ثانويه كنت ووقت تخرجك و ايضاً الجامعة و وين موظف حاليا و منو مسؤولك و متى توظفت ! لوووية و للأمانه ماعرفت اعبيها كلها و خربطت فيها شوي و يوم دشينا دااخل خذينا رقم و نطرنا ربع ساعه و رحنا حق الكاونتر والحمدلله لبنانيه اللي كانت موجوده و خذت جوازاتنا و الاوراق كاملة و يزاها الله خير عدلت بكذا شغلة و خاصة الورقة اللي يعطونك ياها قبل لا تدش داخل و عدلت باللي انا خربطت فيه و ما ردتني ولا سوت سالفة

المهم قالت نطروا لي ما الرقم مالكم يطلع و نطرنا ربع ساعه

و رحنا للكاونتر و لقينا فيه فلبينيه امريكية;p ماشالله سمحة و خوش وحده ..قالت باخذ البصمات لي و للوالدة و اسألتني ليش بتروحون امريكا .. قلت لها سياحة طبعاً .. انت تشتغل بالمكان الفلاني؟ قلت نعم .. والوظيفة كيت ؟قلت نعم .. سافرت من قبل العراق ايران افغانستان اعتقد و مادري وين قلت لا لا لا لا ورا كل دولة ;p

قالت اووكي خلاص .. عطتنا صور للجوازات و فيها ورقة لل dhl ورحنا مكتبهم اللي برا و عطيتهم بياناتي و كل شي و الحمدلله الفيزا اوصلت البيت بعد يومين و فيها عشر سنين
\\

الحمدلله سهالة و مافيها عبالة ولا اطلبوا منا كشف حساب ولا هم يحزنون

مواضيع عشوائيه ممكن تكون تعجبك اخترناها لك:

• احتاج خبرتكم بالولايات المتحدة الامريكية وخصوصا مشرفنا الحبيب
• واشنطن يوميات رحلة عمل من الألف الى الياء
• شباب محتاج مساعده من اهل الخبر متوهق
• لفظ الجلاله الله على جبال ويسلر
• وصلنا واشنطن والامور ممتازه والاجراءات سريعه
• ستوديو في بوسطن للتقبيل
• مساعدتكم جدول في مدينة اورلاندو على يوم
• ارجو المساعده من اهل الخبره
• هل توجد بعثة جديدة قادمة للدراسة في أمريكا ؟
• موعدي الأربعاء القادم جوان أرجو الدخول
• ¸•´¯`•¸ كـاليفــورنيــا فـلــوريــدا ¸•´¯`•¸
• ارجو المساعدة يا اخوان
• خطتي هذا الصيف إن شاء الله
• جهاز المسح الضوئي بالمطارات
• رآيكم في الجدول بقي يومين لا آعلم آين اقضيها
• رحلتي الي اورلاندوا اكتوبر
• بخصوص الفيزا لأمريكا
• الجواز الامريكي وشوية اسئله
• افضل الطرق لزيارة الاماكن السياحية بنيويورك اول يناير الرجاء الرد بسرعه
• استفسارات قبل السفر الي لوس انجلوس

ماشاء الله اخوي
الله يسهل مقابلة زوجي الاسبوع الجاي
اهوا عنده فيزا منتهيه كانت مرافق مريض ان شاءالله تسهل اموره ويعطونه فيزا
ورحله موفقه لك وللوالده الله يحفظها

انا محد رفع ضغطي الا هالفلبينيه لول
قالت انتو مقبولين بس هاك جاوزك واندق عليك و خذ جوازات زوجتي وولدي ويتهم الفيزا بعد يومين واناااااااااا مااااكووووو شيء صارلي شهر لوول قلتلها شنو فايده انكم عطيتوهم وانا لاء ماراح يروحون بدوني ولا تقولي لازم انجيك عليك قلتلها جيكي يا اختي جيكي

ماشالله الله يسهل اموركم

احنا موعدنا باجر .. ممكن سؤآل ؟

انت عبيت النموذجين (157 -156) ولا نموذج واحد بس ؟

ما شالله

العايده لي ان شالله

اخوي فيه زحمة بل سفاره


:114:

traveler777

بذن الله سهالة و ماكو الا العافيه .. اهم شي لا يرتبك لأن عندهم حس مو طبيعي بالشخص اللي جدامهم

قلبي الكويت

غريبة بصراحة .. الظاهر شاكين بشيء ;p

sullmish

لا بس 156 .. والنموذج الثاني للسفرات الاخيرة و وين كنت تدرس و اي سنة و من هالاسئلة
و بشرنا على المقابلة

عاشق زلامسي ..

لا في تنظيم و ماكو زحمه .. اذا وصلت 8 ,, بتخلّص عال 9 ونص بالكثير

اي ماشاء الله خووش شي

انزين هذي المقابله ؟؟ بس جذي ؟؟

يعني خلال يومين يابوا الفيزا ؟؟ وناسه يعني مافي تعطيل

انا كله اسمع انه يطولوون

ياريت اتفيدني لانه ودي اخذ موعد هالفتره

يعطيك الف عافيه

الحريم خلال يومين
الريايل بالكويت اسبوع اذا مافي مشاكل

Notty

الحمدلله سهالة و هذا كل اللي صار بالمقابله

بهالوقت ما يطولون لكن خلال فترة الصيف بيكون زحمه و لوية عندهم


talolo

بس اللي صار وياي ان انا و الوالدة خذيناها بيوم واحد فا لا تحاتون

الله يبشرك بالخير ما قصرت طمنتني

حياك الله عزيزي

السلام عليكم ..

احنا رحنا موعد المقابلة واسئلونا الأسئلة المعتادة وبعدها قالت لنا الموظفة الكبار فيزتكم مدتها ١٠ سنوات والصغار خمس سنوات والخادمة سنة

واذا ماواجهة الخادمة مشاكل راح نصدر لها فيزا بعد ماتنتهي فيزتها ..

المهم رحنا للدي اتش ال وعطونا وصل وقالت لنا موظفة الدي اتش ال انها راح توصلنا خلال ٣ ايام تقريبا

اليوم اتصلت على الدي اتش ال وقالوا لي انها للحين مو خالصة من السفارة ..

تهقون راح يطولون ؟؟ مع انهم خذوا جوازاتنا وحطوا عليها الستيكر الاخضر

ما اتوقع انهم يطولون و صحيح فيزا الاطفال 5 سنين

عسى الله يسهّل إن شاء الله

الاجراءات ماشاءالله سهله
كان موعد زوجي بتاريخ 9/3 وماطول بالمقابله واسالوه الاسئله المعتاده ليش بتسافر ومنو معاك وين تشتغل ومن هالاسئله
وبعدها قالت له الموظفه انت مقبول بعد يومين يوصل جوازك
وفعلا وصل الجواز اليوم والفيزا من تاريخ 11/3 يعني بعد يومين من المقابله بس اللي اخرها اجازه المولد النبوي
كل شى سهالات مو مثل اول

المشاركة الأصلية كتبت بواسطة traveler777
http://www.arabtravelersforum.com/tr...5/#post2733595

الاجراءات ماشاءالله سهله
كان موعد زوجي بتاريخ 9/3 وماطول بالمقابله واسالوه الاسئله المعتاده ليش بتسافر ومنو معاك وين تشتغل ومن هالاسئله
وبعدها قالت له الموظفه انت مقبول بعد يومين يوصل جوازك
وفعلا وصل الجواز اليوم والفيزا من تاريخ 11/3 يعني بعد يومين من المقابله بس اللي اخرها اجازه المولد النبوي
كل شى سهالات مو مثل اول

حتــي احنا مقابلتنا كانت بتاريخ 9/3 وكانت سهالات بس للحين ماوصلت الفيزا :110: مادري ليش !!!!

يمكن علشان الخادمة ؟!!

بقدم على الفيزا والله يستر اخر مره عطوني 6 شهور قبل سنه ومارحت للاسف

هاهاهاهاها اي سهاله انا مرتين اقدم لفيزا للمربيه لاني رايحه علاج حق ولدي عس الله لا ايوريكم مكروه وولدي عاجز عن المشي والجلوس وبالمقابله قدمنا لهم اوراق من مستشفي ولدي ولكن تم رفضها للعلم انه المربيه كبيره بالسن فلبينيه وصارلها 10 سنوات بالكويت وصارلها سنه ونص عندي واهي اتعرف اتوكله وتعطيه علاجه لكن ما ادري شسوي في المرتين تم الرفض !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!