السلام عليكم
بكل اختصار
قررت اطلّع فيزا امريكا مع الوالدة مع انها ما اتوقع تسافر بهالوقت لكن لظني ان المقابلة ستكون اسهل ;p
عبينا كل البيانات الخاصة فيني و في الوالدة و حطينا بيانات وهمية كالمدة و الفندق اللي بتسكن فيه و المصرف على منو ;p طبعا علي
و حطينا موعد المقابلة يوم 3-3-2009 يوم الثلاثا .. والموعد 8 ونص الصبح .. و دشينا الساعه 9 داخل بعد التفتيش و الورقة اللي يعطونها لأي شاب و تكتب فيها اسمك و عمرك و اسم الوالد والوالدة و وين سافرت بالعشر سنين اللي فاتت و بأي ثانويه كنت ووقت تخرجك و ايضاً الجامعة و وين موظف حاليا و منو مسؤولك و متى توظفت ! لوووية و للأمانه ماعرفت اعبيها كلها و خربطت فيها شوي و يوم دشينا دااخل خذينا رقم و نطرنا ربع ساعه و رحنا حق الكاونتر والحمدلله لبنانيه اللي كانت موجوده و خذت جوازاتنا و الاوراق كاملة و يزاها الله خير عدلت بكذا شغلة و خاصة الورقة اللي يعطونك ياها قبل لا تدش داخل و عدلت باللي انا خربطت فيه و ما ردتني ولا سوت سالفة
المهم قالت نطروا لي ما الرقم مالكم يطلع و نطرنا ربع ساعه
و رحنا للكاونتر و لقينا فيه فلبينيه امريكية;p ماشالله سمحة و خوش وحده ..قالت باخذ البصمات لي و للوالدة و اسألتني ليش بتروحون امريكا .. قلت لها سياحة طبعاً .. انت تشتغل بالمكان الفلاني؟ قلت نعم .. والوظيفة كيت ؟قلت نعم .. سافرت من قبل العراق ايران افغانستان اعتقد و مادري وين قلت لا لا لا لا ورا كل دولة ;p
قالت اووكي خلاص .. عطتنا صور للجوازات و فيها ورقة لل dhl ورحنا مكتبهم اللي برا و عطيتهم بياناتي و كل شي و الحمدلله الفيزا اوصلت البيت بعد يومين و فيها عشر سنين
\\
الحمدلله سهالة و مافيها عبالة ولا اطلبوا منا كشف حساب ولا هم يحزنونمواضيع عشوائيه ممكن تكون تعجبك اخترناها لك:
- الاخ ارجو المساعدة
- افيدوني ياجماعة عاجل جداً هل يمكن الذهاب للمقابلة بدون الجوازات القديمة
- هل في حل
- بليز مساعده
- ارجو المساعدة لم اجد موعد في تقويم الفيزا لاكثر من سنة ؟
- احتاج سائق خاص ومعلم لغةخاص في اورلاندو
- هل من مانع من استخدام الكاش
- إلى كل سكان وزاور أمريكا
- الفيزا في ثلاثة ايام
- اول مرة أسافر امريكا وارجوا المساعدة
- خطوة جيدة من قبل الوزارة
- فزعتكم بخصوص لوس انجليسمحتاار
- رايح لوحدي كاليفورنيا سياحة وابي نصايحكم
- نرجو الاجابة سيارة ولا نركب طيران وش رايكم
- استفسار بخصوص ال ورخصة القيادة
- بنت الصقور وغيرها من طلبة الفزعات ارغب بالمساعدة
- بالنسبة للفيزا والتكلفه
- للي يفهم بالاب توبات الي تدخل على السفاره الامريكيه
- هل لازم تكشف زوجتي
- من العايدين لكل السعوديين بأمريكا
رد مع اقتباس
المشاركة الأصلية كتبت بواسطة traveler777
المفضلات