الموضوع: أول رحله لي وجهتها للكويت أرجوا المساعده

السلام عليكم ورحمة الله وبركاته ..
أبغى استفسار عن الكويت ..
أنا أول مره أسافر برا المملكه العربيه السعوديه ومتزوج لي عشر سنوات وتعتبر أول رحله خارجيه أنا وزوجتي
وأبغى ترشحون لي سكن ممتاز ..أماكن جميله .. مطاعم راقيه ..
وياليت أعرف الاسعار وكم يساوي الدينار الكويتي الريال السعودي ..
وأبغى أسأل عن الجو في الكويت يعني آخذ لبس صيفي أو شتوي ..
آسف طولت عليكم لكن اول مره أزور الكويت ......
انتظركم ..

مواضيع عشوائيه ممكن تكون تعجبك اخترناها لك:

• اعيش فى ايطاليا و نفسى ازور الكويت ولا اعلم كيف ؟
• وين أقدر ألاقي بلاليط في الكويت ؟
• مناخ الكويت في هذا الشتاء للسياح في اشهر الشتاء
• لوووو سمحتو سؤال اهل الكويت؟؟؟
• الجواز؟؟؟؟
• هل احتاج الى فيزا للدخول الى دولة الكويت ؟؟؟؟
• ابغى اسواق تبيع تقليد ماركات ضروري بكره بسافر
• سارة بلازا الجمال والروعة وحسن الضيافة بالكويت
• السلام عليكم أرجو مساعدتي
• طلب خاص اذا ممكن
• استفسار عن مهرجان باللكويت
• حجز فندق بعطلة العيد
• مسرح المبارزه بالدعيه وين موقعه بالضبط ؟؟
• بخصوص الفندق
• اريد برنامج زيارة لمده يومين في الكويت
• وين أحصل أماكن لتعلم المكياج في الكويت
• عاجل جدا اريد احداثيات مسجد الكويت الكبير
• تقرير عن مـولات الكويت
• أستفسار بخصوص أجار سياره من المطار
• تقريري البسيط عن رحلتي القصيرة للكويت

أولا حياكم الله بديرتكم الكويت وماشاء الله عليكم 10 سنين و أول مرة تسافرون!!

ان شاء الله بتستانسون واتمنى لكم قضاء وقت سعيد وممتع...

بالنسبة للسكن انا أرشح لك فندق المارينا وعلى فكرة انا دايما أرشح هالفندق وذلك لعدة أسباب وأهمها نظافته وفخامته وموقعه الاستراتيجي وقربه من جميع الاماكن اللي راح تحتاجها مشيا على الاقدام وهو يكون على البحر وحوالينه العديد من المطاعم والكافيهات المتنوعه العالمية..ويربط بينه وبين المجمع الاساسي جسر جميل والمجمع يشمل محلات تجاريه وسينما والعاب للأطفال ومطاعم وكافيهات و....الخ يعني راح يكون كل شي قريب منك..

بالنسبة للأماكن الجميله عندك المركز العلمي وعندك العديد من الاماكن ويعتمد اذا معكم اطفال ام لا عندك منتزه الشعب الترفيهي والمدينة الترفيهية و عندك المجمعات التجارية والمولات واللي انا أفضلها( المارينا مول+ الافنيوز ) وغيرها الكثير عندك المهلب في منطقة حولي والكوت و سوق شرق طبعا المجمعات تشمل مطاعم وكافيهات وسينما..

وبالنسبة للعملة توني شيكت على سايت تحويل العملات وطلع لي:

Live rates at 2010.01.18 05:47:30 UTC
100.00 SAR = 7.64253 KWD
Saudi Arabia Riyals Kuwait Dinars
1 SAR = 0.0764253 KWD 1 KWD = 13.0847 SAR

يعني كل 100 ريال سعودي = 7 دنانير وشي


أما بالنسبة للبلس فهو ربيعي يعني اعمل حسابك احتياط بس لا تكثر باللبس الشتوي والاكثر ربيعي معتدل.

راح اكتب لك رد اخر بتفاصيل اكثر وقائمة المطاعم وراح احط لك سايت تحويل العملات بس لاني بالدوام ومشغولة شوي

أنصحك بدار شيخة اذا ودك بجو رومانسي

ادخل سايتهم وشوف

http://www.darshaikha.com

ألف شكر لكم جميعا ..
أولا أنا ما معاي أطفال الا طفله عمرها شهرين ..
وحبيت أستفسر كم سعر الفندق ؟؟
أكرر شكري لك أختي كويتيه رحاله ..
أختي شوشو درا شيخه وشو بالضبط ؟؟
اعذروني بس مالي خبره بالكويت وأبغى أروح وأنا فاهم كل شيء ..

أهلا بك من جديد اخوي ( اللهم صلي وسلم على محمد وعلى آل محمد وصحبه أجمعين)


لا شكر على واجب اخوي وبالعكس احنا حاضرين وبالخدمة ويسعدنا مساعدتكم قدر الامكان

بالنسبة للعملات في سايت انا دايما اشوف العملات من خلاله بحثت لك عنه وتفضل الرابط:

http://www.al-dalel.com/exchange.htm


أما بالنسبة للمطاعم فهي كثيييييييرة والله ما كثر المطاعم عندنا بس انت شنو تحب وشنو تفضل وانا ممكن اعطيك التفاصيل وأقولك كل مطعم بشنو يتميز وشنو تطلب بعد

لدينا مطاعم هندية\ صينية\ لبنانية\ يابانية\ أمريكية\ ايطالية\ كويتية\ مكسيكية\ بحرية\ ايرانية\ فرنسية....

بس انت قولي شنو تحبون وشنو تفضلون وانا أعطيكم التفاصيل بس في بعض المطاعم اللي أنصحك فيها اذا تحب الأكل اللبناني عندك مطعم برج الحمام ومكانه على البحر وأيضا المطعم اللي نصحتك فيه اختي كوكو شانيل مطعم ميس الغانم ويوجد أيضا غيره الكثيييييير بس مابي أحيرك واذا رحت اي واحد منهم وخصوصا برج الحمام اخذ طاولة تكون على البحر لان المنظر جميل جدا وسط البحر..

اذا تحب المطاعم الهندية عندك مطعم مغل محل وله أفرع كثيييرة واحد منها بالسالمية فوق ماركس سبنسر أنصحك فيه وعندك مطعم قيصر وأيضا له أفرع كثيييرة وعالمية ولكن هناك قيصر متخصص بالمطبخ الهندي فقط هو الافضل بالنسبة لي شخصيا وعندك مطعم أشاز ويوجد منه فرع بالمارينا وفرع اخر بالافنيوز ومابي أضيعك زيادة بالمطاعم لانها ماتخلص.

اذا تحب المطاعم الايطالية عندك جوني كارينوز واذا تحب الامريكية عندك فرايديز وتشيليز وابل بيز وجوني روكتس واذا تحب اليابانية عندك ماكي واذا تحب الايرانية عندك شبستان و اذا تحب الفرنسية عندك لينوتغ واذا تحب البحرية عندك النوخذة وفش ماركت وتوتالي فش...المطاعم كثيييييييرة بس حدد لي شنو تفضلون بالضبط واعطيك تفاصيل أكثر حتى بالاطباق.

وأي مساعدة وأي استفسار وأي خدمة لا يردك الا كيبوردك

تحياتي