السلام عليكم 
شحالكم اخواني خواتي ^^
مشتاقين لتربتكم والله.. مشتاقين لجوكم.. مشتاقين للكويت..
زرتها في الصيف من غير تخطيط.. وهذي الزياره شجعتني اني ازوركم مره ثانيه بس ويا ربعي هالمره..
اول شي حي الله اهل الامارات وبتنورون الديره ،، والديره مشتاقتلكم 
ف بإختصار .. نحن 4 شباب.. والحمد لله مالنا في الخرابيط.. وين تشاورون علينا نسكن؟؟
بالنسبه للسكن بعطيك جم فندق وشوفهم
1- holiday inn kuwait downtown
شارع عبدالله الاحمد ، دسمان ، الكويت
2-safir international hotel
شارع الخليج العربي ، مقابل ابراج الكويت
3- plazzo hotel
منطقه حولي على الدائري 3
+965-22671600
4- costa del sol
منطقه الشعب البحري، شارع الخليج العربي
5- plaza athenee hotel
بنيد القار، قطعه 18
هذيل اشوفهم زينين وان شاء الله احد من الشباب يفيدكم اكثر بالسكن
النقطه الثانيه.. قريت في احد المواضيع عن وجود مخيمات في البر للإيجار.. شو رايكم انتو؟؟
المخيمات في وتلقا ارقامهم في الوسيط والصفاه و 808080 كلهم جرايد اعلانات ومجانية واذا حصلتوا يفضل انكم تشوفون المخيم قبل ما تحجزونه.
عندي إستفسار اخير.. لخبراء المطاعم فقط..
اذكر في زيارتي الاخيره تغديت في مطعم.. الفكره فيه انك تيلس في مثل دائره.. وتطلب طلبيتك.. والطلبيه توصل لك على سير يكون قدامك..
ويبيع برجرات صغيره ومن هالسوالف..
في حد عرف المطعم إللي اقصده؟؟
ماعليكم امر ابا اسمه وموقعه ^^
المطعم ياطويل العمر slider station
على امتداد شارع الخليج العربي مقابل قصر السيف
يعني من بعد سوق شرق ودوار المسيد الكبير راح يكون على ايدكم اليسار
+965-22464311
22465047
وفي واحد ثاني يمة بس القعده تختلف عنه اسمه burger hub
وتسلمون مقدما..
وعسانا ما راح نتعبكم ^^
واي خدمه ثانيه واستفسار حاضرين
وحياكم الله بديرتكم
رد مع اقتباس
المفضلات