الموضوع: إلى سيدات الكويت

السلام عليكم ورحمة الله وبركاته

أنا من الممكله العربيه السعوديه ..~



شفت عند وحده من الأقارب صنيه بايركس لها غطا بلاستيك قوووي

وتحفظ هذي الصنيه بشنطه عند الخروج من المنزل لحفظ الطعام

وقالت لي أنه من الكويت وتذكر أنه شرته من أحدى الجمعيات .. بس ماتذكر أي وحده

بس سؤالي ..

هل كل الجمعيات تبيع أواني بهذا الشكل

وأييذا فيه وحده عندها نفس الصينية تخبرني من وين شرتهااا

الله يعطيكم العاافيه

مواضيع عشوائيه ممكن تكون تعجبك اخترناها لك:

• رقم شقق ايبيس الله يخليكم
• ارجو المساعدة بخصوص مدرسة ؟؟
• كل ماتحتاج معرفته عن الكويت؟
• صور من رحلتي إلى الكويـت م
• ارجوووووووكم جاوبوني بسرعه
• يا أهل الكويت قرأت فى موضوع عن مترو لانفاق
• شريكم في طيران الكويت
• شروط تأجير السيارة ؟
• ساعدوني بالمجمعات
• مطاعم الدهاليز ،،،
• طيران الجزيرة توفر خدمات جديدة على الدرجة السياحية
• احدث وافخم الشقق الفندقية بالسالمية
• استفسار عن قرية مارينا
• أخواني أريد استديو جيد لتحميض الصور
• إستفسار ياهل الكويت
• بلييييييييييييييييز
• ارجوا المساعده عن شقق مفروشه بها حمام سباحه خاص
• القرية التراثية مشروع كويتي وأفتخر بحلته السادسة
• ارجوكم افيدونى
• افضل المطاعم ريوق وغدى

مرحبا
انا عندي وحده بس قديمه حيل اخذتها من سوق شعبي انا اشبهها بجنطه البيتزا هاهاه بس مانصح فيها مالها معنى
الحوافظ احلى يعني اللي عندي غطاها بلاستك اخضر وجنطتها خضرا

حبيبتي الاواني المنزلية وهالسوالف تلاقينها بمعظم الجمعيات التعاونية بس هم مو كلها وتحصلين بكل جمعية تشكيلة غير وممكن تكون أحلى عن الثانية وراح أذكر لج بعض الجمعيات اللي فيها بالاضافه الى انج تحصلينه أيضا بالاسواق الشعبية عندنا مثل سوق المعلم وفاشن مل ذاك اليوم مارتهم وشفت أنواع المواعين والاشكال بس على السريع ما فصفصتهم عدل...

أما بخصوص الجمعيات اللي فيها مواعين حلوه وهالسوالف عندج جمعية الفيحاء أستانس على تشكيلة الصواني والاستكانات والمطارات عندهم انا ما اشتري منهم بس اشوفهم عند بنت خالتي ودايما برمضان ينزلون تشكيله يديدة وحلوة وتخلص بسرعه

أما الجمعية الثانية اللي أرشحها لج (وبقوة) لأنها جمعيتي

أقصد الجمعية اللي فيها رقم حسابي اشتري منها علشان تزيد ارباحنا أتغشمر وياج...هي جمعية الشامية بدون مبالغة كل شي تبينه تحصلينه فيها والمواعين تحت بالسرداب كل شي من صواني الى استكانات مطاطير الشاي والقهوة ومواعين الحلو والسلطات و...أشكال الوان كل شي فيها يعني هذي أرشحها لج ان شاء الله مضمون شغلج تحصلينه فيها

أتمنى أكون ساعدتج حبيبتي

تحياتي

اذا تبين المواعين الجديده واسعار عجيبه انا اقولج
سوق شعبي الامتياز بالفروانيه
سوق شعبي السلطان او العنود بجليب الشيوخ هذا اي شي جديد عندهم قبل السوق وعندج الباشا بخيطان ودريم مول تحت بالسرداب وامممممممممممممم وبعد انا اكتب لج الاشياء اللي تلقين فيها الجديد
تبين اشياء فخمه عندج فياصل بالجابريه
وبالري عند سنتر بوينت فيه اثنين نفس الشارع تخصص توزيع فنادق اليوم رحت لهم حمدالله والشكر حتى الكراسي تارسينهم شوارفسكي هاههاهههاه ووعندج تريفاليو ورا الافنيوز وعندج a2z هذا بالشويخ هذا روعه بس غالي
وعندج،،،،،،،، بس انا انصح بالعنود والسلطان والامتياز الجديد كله عندهم باسعار رخيصه

كل جمعيه تختلف بضاعتها عن الأخرى وتلقين اشكال والوان والاسواق الشعبيه مليااانه مواعين وصحون وفناتك مثل

سوق قصر السلطان
قصر الراقي
دبي مول
الشاهبندر

اما اذا تبين شي سبشل ومييز عندج

الفياصل
وهوم سليكشن

بس اسعارهم غاليه

واي استفسار حياج الله

حياج الله


ماقصروا الخوات


وكل الجمعيات التعاونيه فيها الاماعين

واحسن لج روحي سوق المعلم بمنطقة حولي بالسرداب ستجدين كل ما تحتاجيينه واكثر

البنات ما قصروا

وارشح لج جمعيه الفيحا لوجود تشكيله مميزه واسعارها معقوله


وحياج الله

السلام عليكم ورحمة الله وبركاته :-


أشكر كم جميعا ياسيدات الكويت

والله أحب الكويت الله يحفظها