الموضوع: الى سيدات وفتيات البحرين الكرام مساعدة واستفسار

بالنيابة عن زوجتي المصون...

اتمنى ان تساعدونا في ايجاد اماكن تبيع جلابيات راقية و "بيالات" او "إستكانات" شاي تكون راقية جداً, سألت العديد ونصحوني بالبحرين ولكن لا اعرف اين...

الجلابيات سبق ان زرنا من اجلها مجمع اللولو وكان جدا متميز ببضاعته ... ولكن هل يوجد غيره؟

اما عن بيالات الشاي... نبحث عن شي كريستالي فاخر, فضة... هناك بعضها تكون زرقاء او خضراء... اقصد اشياء راقية ...

اتمنى ان تجدوا لي ما ابحث عنه... فهذا ما اعتدته منكم كل مساعدة وتقدير...

شكرا جزيلا لكم...

مواضيع عشوائيه ممكن تكون تعجبك اخترناها لك:

• مدارس تعليم القياده في البحرين
• استفسـار عـن شالهيـات الـبندر في البحريـن
• رحلتي الى البحرين الحيبه وسمر ست
• مرفأ البحرين المالي صور معلومات إرشادية
• عندي مؤتمر في المنامة بشو تنصحوني
• الجفير او المناطق القريبة منها
• افتتاح محلات فان كليف واربلز في مودا مول
• استفسار بخصوص سفر الزوجة ببطاقة الأحوال
• إستفسار عن بعض فنادق المنامة
• هل تم افتتاح فندق مجمع السيتي سنتر
• صور مجمع مودا مول وبرج التجارة العالمي
• فندق عائلي
• أيــن أجــد محـلات الأثـاث في بحريــننا
• لوسمحتو ابي مساعده
• فزعة ياهل البحرين
• محتاج جدا جدا رأيكم
• استفسار عن شاليهات مملكة البحرين
• انا من عشاق الربيان والرز الصيني والحمص تنصحوني في اي مطعم؟؟
• سمير اميس
• مسجد الخميس

أخوي أسامة طبعا أحسن محلات الجلابيات الراقية في شارع بالرفاع أسمة البوكوارة هناك ممكن تطب وتتخير الغالي والرخيص وحتى محل المصممة كبرى القصير صاحبة محل السعفة المعروف في هذا الشارع بالتحديد في بدايته أما عن البيالات فأنا أظن أن سوقكم في الرياض سوق طيبة أقصد أحلى بوايد وأرخص طبعا وأحنا ما عندنا الأماكن مثل اللي عندكم الصج ينقال بس إذا كنت حابب تتأكد عندنا سوق يشتهر بأكبر الأطقم الايرانية طبعا والكريستالات بس والله اللي عنكم أحلى وهذا طبعا في السوق الأيراني في مدينة عيسى على ما أظن ما عندنا مكان غيرة يبيع أطقم زي اللي عند الأيرانيين وتقدر تسأل عنه يسمى بأسم السوق الشعبي بمدينة عيسى والله يوفقك أن شاء الله وأن شاء اقامة طيبة عندنا بالبحرين بتنورونا بوجودكم والله

اشكرك جزيل الشكر اختي ريانة دهن العود على ارشاداتك...

هل استطيع ان اطمع قليلاً واحصل على وصف ولو بسيط للوصول الى مدينة الرفاع...؟

اما عن السوق الشعبي في مدينة عيسى فانا ادل (البوابة) التي تدخلك الى مدينة عيسى ومن بعدها توجد اسواق (اظن سوبرماركت كبير ومطعم) هل السوق الشعبي بعيد عن هذه المنطقة؟

مرحبا اخوي

بالنسبه للكرستالات اللي هم الفناجين و الاستكانات .. فبالتأكيد يوجد عندنا محلات فخمه بس غاليه

واشهر هالمحلات هي محلات المحمود

اختي كاس عسل يعطيك العافية.... شارع السهله اين اجده؟

عندك البوكوارة محل السعفة هو المشهور بالجالبيات الراقية

مرحبا اخوي

السهله صعب اشرحها لك

بس اذا تدل محلات الحواج فرع السلمانيه ؟؟

اسمح لي اخي ممكن اجاوبك ، مع اني رجل .

من اسبوعين تقريبا كنت مع المدام في رحله للخبر والبحرين ..
وممكن افيدك

الجلبيات

بالنسبه للجلابيات ، افضل محل بالفعل هو محل كبرى قيصر ويسمى السعفه وله كذا فرع الرئيسي في الرفاع بشارع بوكواره وله فرع في مجمع العالي وفرع اخر في مجمع السيف ، وترا الشغلات في المحل الرئيسي اكثر ، وصعب تلاقي جلابيات نوع واحد وهذا احلى شيء بمعنى كل جلابيه مالها مثيل .
والاسعار هناك تبدأ من 1000 ريال الى 4000 ريال .
والخبر فيها ايضا اشياء حلوه .

[line]
البيالات

بالنسبه للبيالات ةالاستكانات ، ان كنت تبغي النصيحه روح الخبر في مول بنده فيه محل اسمه قوت امام تويزر اص ، شغلاته رهيبه وحلوه وفاخره .، وسعرها مناسب .

اخوي اسامه
انا شخصيا ما اايد انك تشتري من بوكواره

اقولك السبب.... في نفس الشارع في خياط اودي الاهل عنده ويخيط لهم احلى الجلابيات بما لا يزيد عن 350 ريال سعودي اذا كان شغلها واجد...وفي بعض المحلات اللي تعرض في بكواره تشتري وتفصل عنده ويبيعونها اقل شي ب 1000 ريال.... خذ كلام عاقل من راس مجنون...

واذا تبي احلى روح سوق محرق... في خياط اسمه السهرايه والحين اضنه السحرايه او شي قريب هذا ممتاز بس عطه القياسات والموديل حتى لو صوره يسويه لك باسعار حلوه ما تتجاوز 400 ريال



اما اذا انت مجنون زي اللي يكلمك... روح لمحل كبرى اللي في العالي ....تلاقي اشياء مميزه وغاليه

بس مب كل شي عندها حلو


وسلامتكم

^
^

فيدنا اخوي

وين هالخياط ؟؟


انا من الرفاع و سهل اروح !!

هلا كاس العسل,,,,, الاسم خطير هههههههههههههههه

الخياط اللي يخيط اسمه يعقوب بس المحل ما اعرفه ... انا اليوم رايح البحرين ويوم السبت باكد اسمه لك

المهم مكانه
لما تجين من الاشاره اللي داخل مب اللي عند بوكواره الشريفه .. الثانيه
اول لفه على اليمين لفي معاها وبتشوفينه على اليسار. لو صار و غلطت بتكون اللفه الثانيه.

ويوم السبت انشالله اعطيك اسمه

على فكره اخ اسامه

انا ما قريت العنوان صح .... لو ادري ما دخلت وكتبت... الله يسامحك

وبعدين نصيحه..... اذا تبي اي شي عن ملابس الحريم اسال الرجال وخلك من الحريم ... ما وراهم الا الفلس

اسلمت اخوي

واذا عرفت اسم الخياط يكون افضل


الف شكر

ياللي اسمها حلو " كاس عسل "

عرفت اسمه ... مياسين

على فكره توقيعك شوش مخي .... ينخاف منك

اخي فيصل ... اشكرك على تفضلك

اختي كاس العسل... اشكرك على المعلومات وانا سأطبع الوصف وان شاء الله هو واضح

اخي رجل شرقي .... اشكرك على تفضلك والمحل الذي ذكرته في العزيزية بندة جدا رائع وفيها هدايا وتذكارات مواليد رائعه... على فكره يوجد محل متميز خلف مجمع التركي على طريق كورنيش الخبر اسمه بنبينو "حسب ما اذكر" عنده اشياء جدا جدا مميزه في تجهيزات الولاده.

اخي eyesmax .... صدقت ملابس الحريم عند الرجال
هل استطعت ايجاد اسم الخياط يعقوب؟ ويعطيك العافية

هههههههههههه الله يقطع سوالفك الخنفشاريه يا ابو اسم عنكريزي

عرفته مياسين في شارع بيتنا .. يعقبوه الشين .. اللي يسرق موديلاتي و يسويها و يبيعها عالاوادم ..

بعدها ماشتهي البسها تصير الجلابيه كنها يونيفورم كل من لابسها

ترا قاص عليكم انا اسوي عنده جلابيات على 12 دينار و 15 و 16 و اذا عباهم تطريز من فوق الى تحت بالكثير 20 دينار

ههههههههههه شفتيني اقولك يام اسم حلو قمتي تعيبين

انا معاك في الاسعار ذي بس بعضهم اغلى شوي

لكن الحق ينقال.... هو اللي يفصل للمحلات اللي في شارع بوكواره .... وبعدين شغله مرتب

على فكره وديله موديل حلو عشان اسرقه لزوجتي خخخخخخخخخ