الموضوع: استفسار من الاخوات

السلام عليكم خواتي انا انشاء الله نازلة الكويت في هذا الاسبوع وبغيت منكم تدلوني على محلات لبييع الشيلات وتكون اسعارها رخيصة ومحلات بيع الملابس للمحجبات باسعار مناسبه ومقاسات كيرة شوي وملابس اطفال ايضا باسعار مناسبة ومعليش طولت عليكم بس هذي اول زيارة لى للكويت وشكرا

مواضيع عشوائيه ممكن تكون تعجبك اخترناها لك:

• العيش والاستقرار في الكويت هل هو ممكن ؟
• زياره وسياحه للكويت
• انتهاء تطوير الفندق بالصور
• صالون الهامه للرجال
• دليل الفنادق والشقق والمنتجعات في الكويت
• مغربي يريد زيارة الكو يتساعدوني في ايجاد فندق يستخرج فيزا
• يثرب للشقق الفنددقيه استفسار
• هونج كونج من جديد تقرير مختصر
• أوقات الزيارة
• مسافر الى الكويت برا
• مقتطفات من رحلتي للكويت
• كيف دراهم عندنا وعندكم
• موقع مسجد مشاري العفاسي؟
• دليل الكويت الشامل
• افضل المواقع لسكن
• دورة الشيخعبدالله آدم الألباني في الدسمةحياكم
• استفسار من الأخوه الكويتيين
• من ممكلة البحرين أبي جدول يومي يكون رومنسي
• القرقيعان في الكويت
• زيارة لدولة الكويت لمدة يومين

الشيلات والله ما اعرف اماكن رخيصه
وملابس المحجبات كل مكان في بالمهلب
وملابس الاطفال سنتر بوينت ومحلات الافينيوز بروي وماماز اند باباز وفي محلات حلوه

اختي بالنسبة للشيلات سألت و هذيل اللي حصلتهم عندج فولار في الافنيوز والفنار و نوارن في المهلب وسوق شرق واللبس راح اتحصلين كل مكان واكثر شي للمتحجبات و الياهال

عندج مارينا مول (السالمية ) ، الافنيوز على الدائري الخامس ، سوق شرق ( منطقة شرق )، المهلب و العثمان ( منطقة حولي ) ، الفنار ولاند مارك في شارع سالم المبارك السالمية ،

واذا تبين شي راقي الصالحية (منطقة جبلة دوار الجهراء ) ،الراية ( منطقة شرق ) زهرة ،مجمع مريم ، الثريا (السالمية شارع سالم المبارك )،
ان شاء الله افدتج

واذا تامرين في شي بالخدمة

الشيلات قصدج الملافع الملونه تلاقينهااااااااااا في محل فولار في المارينا والافنيوز + محل يبع نفس شغلات فولار وارخص منه يعني ملافع ماركات اوكي اهواااا في مجمع الدانه مقابل مطعم فريج صويلح اسم المحل الملكه

اما اذا تبين ملافع عاديه بتلاقينها في نوران موجود في شرق وفي محل اسمه حمني وايد اسمع فيه ان شغلاته حلوه موجود في مجمع النقره الجنوبي تحت بالسرداب سئلني عنه اوكي

واتمني الباقي يفيدونج

شوفى اختى عندك مجمع كويت ماجيك فى منطقه أبوحليفه فى محافظه الأحمدى اسعاره حلوه ومناسبه وفيه ملابس حق المتحجبات ومحلات العبى ..

السلام عليكم ..

حياج الله بالكــويت وان شاء الله تستانسين فيها ..

بالنسبه للملافع (( الشيلات )) تلقين في منطقه الفروانيه
1. مجمع العربيد بلازا (( محل نوران + محل توب شيك + محل بيت لوذان ))
2. مجمع مبارك الصيفي (( هالمجمع فيه محلات عبي وملافع وتقدرين تشترين جاهز ))


اما بالنسبه للمــلأبس المتحجبات تلقيها ..
1. الافنيوز مول
2. المهلب بمنطقة حولي
3. العربيد بلازا بمنطقه الفروانيه
4. سوق شرق

بالنسبـــه لمـــلابس الاطفــال ..
1. الافنيوز مول
2. سنتر بوينت

اتمنى لج زياره موفقه وسعيده ..

تقبلي مروري
بنت الكويت

الشكر جميع الأخوات على المرور والرد وماقصرتو :24: