الموضوع: افيدوني الله يعافيكم ضروري بشان برنامج سفرتي

السلام عليكم اخواني الكرام
عندي نيه ان شاء الله اني اذهب لاوربا
وتم تحديد الوجهه مبدئيا
الوصول الى فرانكفورت والعوده ايضا فرانكفورت
لاني حصلت سعر تذاكر جدا مناسب ..
ابي برنامج
مده من 12-14 يوم تقريبا
طبعا ودي استاجر سياره من فرانكفوت ثم الذهاب الى ميونخ
ومن ثم الى النمسا
وهل الاسعار وحده من فرانكفوت وميونخ لاجار السياره ..
ابغى ارئكم ونصايحكم
علما اني اول مره اذهب الى اوروبا
الله يعافيكم لا تبخلون علي بكل شي
في انتظاركم .

مواضيع عشوائيه ممكن تكون تعجبك اخترناها لك:

• الطريق بين فرانكفورت و فيينا
• شرايكم بفندق
• أحتاج خبراتكم وآرائكم
• استفسار بخصوص استئجــار السيـارهـ
• فزعتكم يا اخواني
• مساعده بتخطيط رحله
• الاخت دموع الوجد
• ماحصلت سكن في وين أسكن ؟؟ الله يجزاكم الجنة ساعدوووووووووني
• لوسمحتوا أبي مساعدتكم وأقترحوا علي فنادق مناسبة في هامبورغ وميونخ
• الى خبراء المانيا والنمساء
• لخبراء المانيا ، المسافه بين المدن
• ماهي وسائل النقل المتاحة
• ساعدوني في ميونخ
• استفسار كيف ادخل الصور في التقرير
• نصائحكم لي الاماكن التي تستحق الزياره ميونخ انترلاكن ميلان كابرون
• جولتي الاوروبيه المانيا سويسرا النمسا فرنسا ضرووووري
• يومين في ميونخ وعده أسأله
• استفسار عن رحلة لشهر العسل بدول أوروبا
• المسافة بين ميونيخ وانتر لاكن
• عطور المانيا

طبعا الذهاب في شهر سمبتر نهاية من 20 سمبتمبر تقريبا الى 5 اكتوبر
رايكم بالاجواء
وافضل شركه لاستئجار سياره كم سعرها ويكون عليها تامين شامل لمده 12-14 يوم طبعا اوتماتيك ديزل
وهل رايكم اضيف سويسرا لزيارة مدينتين ع الاكثر ؟؟

السلام عليكم ورحمه الله وبركاته

اذا مسافر لوحدك ومخطط تضرب شرق وغرب انسي تاخذ سيارة
الافضل التنقل بالقطار اورخص طبعا لازم تجيد اللغه الانجليزية

السفر انا وزوجتي
في انتظار راييكم
وايهم افضل التنقل بالقطار او استئجار سياره
اما بالنسبة للغه مييييييييييح ههههه يعني لكم عليها موووو مره

ابي تفيدوني ايهم افضل للوصل فرانكفورت او ميونخ ومن ثم الذهاب الى النمسا
علما اني لقيت الوصل الى فرانكفوت ارخص من ميونخ من الرياض طبعا
وايش ارخص استخدام القطارات او استئجار سيارة ؟؟
محتااار جدا ومتلخبط
في انتظاركم اخواني

ممكن الوصول لفرانكفورت وثاني يوم على ميونخ لمدة يومين
قاراميش يومين على حدود النمسا
زيﻻمسي حسب اختيارك
ثم سالزبورغ
ترا متعة السفر بالسيارة غير
بس مشكلتك في العودة الى فرانكفورت من الموبايل

المشاركة الأصلية كتبت بواسطة الجااااسر
http://www.arabtravelersforum.com/tr...3/#post8237753

ممكن الوصول لفرانكفورت وثاني يوم على ميونخ لمدة يومين
قاراميش يومين على حدود النمسا
زيﻻمسي حسب اختيارك
ثم سالزبورغ
ترا متعة السفر بالسيارة غير
بس مشكلتك في العودة الى فرانكفورت من الموبايل



طيب وش رايك بالبرنامج
فرانكفورت يوم واحد
رست 3 ايام
انترلاكن 4 ايام
زيلامسي 3 ايام او سالزبورغ
قارمش يومين
فرانكفورت يوم

وش رايك بالبرنامج طبعا من راسي بعد البحث في خرائط قوقل ..

وليه مشكله في العوده الى فرانكفوت من أي ناحيه ياليت تفيدني الله يعافيك

السلام عليكم اخواني الكرام
الله يعافيكم ان شاء الله قررت اتجه الى اوروبا واول مرره يتم الذهاب اليها وتحديدا
الى المانيا - سويسرا- النمسا
وابي رائيكم بشكل مبدئي في هذا الجدول
طبعا الوصول والعوده فرانكفورت
انا وزوجتي شخصين فقط
من 22سمبتر الى 5 اكتوبر
الميزانية بدون تذاكر 30 الف هل هي كافيه دخول ملاهي وانشطه واكل واجار سياره وبنزين الخ
طبعا لايوجد تسوق
رست 3 ايام 20-23
انترلاكن 4 يام 23-27
زيورخ يوم واحد 27-28
كابرون 3 ايام 28- 1
ميونخ يومين وتسليم السياره في ميونخ 1-3
ثم العوده الى فرانكفورت بالقطار يوم واحد 1
العوده الى ارض الوطن

رااااايكم ياخواني طبعا قابل للتعديل او الاضافه

الله يخليكم ابي تفيدوني وتساعدوني بكل التفاصيل

ياغالي اتمنى تضع استفساراتك في موضوع واحد

ان شاء الله بتكفيك ال 30 وجدولك ميه ميه ,,, ممتاز

المشاركة الأصلية كتبت بواسطة قايدعنادك
http://www.arabtravelersforum.com/tr...4/#post8237944

ان شاء الله بتكفيك ال 30 وجدولك ميه ميه ,,, ممتاز

مشكور ع الرد اخوي وودي اسالك
بخصوص المواقف المجانية للسياره في كل تنقلاتي مانصيحتك لي عشان ما اتوهق ؟؟
وايضا هل الافضل اسلم السياره في ميونخ او فرانكفورت

سلم السياره في مطار فرانكفورت
اخر ليله في فرانكفورت روح للمطار قبل السفر بيوم وخزن احداثية المواقف للسيارات الايجار
وارجع نام وقبل رحلتك بثلاث ساعات ونص توجه للمطار وسلم السياره واقص البوردنق وانت مرتاح
عموما مطار فرانكفورت يبعد تقريبا عن وسط فرانكفورت 18 -20 دقيقه

طبعا سويت تعديل بسيط وابي رايكم
رست 3 ايام 20-23
انترلاكن 4 يام 23-27
زيلامسي او كابرون 3 ايام 27- 30
ميونخ يومين 1-3
ثم العوده الى فرانكفورت يومين 3- 5

تحملمووني تعديل آخر

او اخلي الوصول ميونخ والعوده ميونخ واستلام السيارة والتسليم منها
ويكون الجدول
ميونخ ومباشرة الى زيلامسي 4 ايام
انترلاكن 4 ايام
رست يومين
ميونخ 3 ايام + قارمش
رااااااايكم

الاخير حلو
بس بين زيلامسي وانترلاكن 7 ساعات بالسياره ,,,, ريح في منطقه في المنتصف يوم واحد
السلامه اولا لك اخوي ولعائلتك ,,,,, والنصيحة بجمل

المشاركة الأصلية كتبت بواسطة قايدعنادك
http://www.arabtravelersforum.com/tr...6/#post8238506

الاخير حلو
بس بين زيلامسي وانترلاكن 7 ساعات بالسياره ,,,, ريح في منطقه في المنتصف يوم واحد
السلامه اولا لك اخوي ولعائلتك ,,,,, والنصيحة بجمل

مشكور اخوي ع تجاوبك معي الله يجزاك خير
بس وش تنصحني بالسكن بعد الخروج من زيلامسي والتوجة الى انترلاكن ؟؟
**
وابيك تجاوبني بخصوص المواقف في كل مكان هل هي مجانية او برسوم وكيف اعرف ؟؟

اسكن ماينفيلد ,, او بريغنز ,,, او كونستانس