الموضوع: استفسار عن رحلة لشهر العسل بدول أوروبا

السلام عليكم جميعا

مبارك عليكم باقي الشهر الفضيل


انا زواجي بعد شهر إن شاء الله .. وودي اروح شهر العسل لدول أوروبا(النمسا -فرنسا-ألمانيا)
تقريبا بحدود 14يوم


وابغى استفسر عن مكتب للفيز بالاحسا او بالخبر والموقع وكيفية حجز موعد وباقي الامور
وترتيب خطه للرحله واسما الاماكن والفنادق الكويسه ،، ونصايح منكم


وشاكره لكم تعاونكم

مواضيع عشوائيه ممكن تكون تعجبك اخترناها لك:

• استفسار عن شريحة الجوال المانيا و سويسرا و النمسا
• عندك فيزا شنجن وفيزة بريطانيا راح عليك التاكس فري
• استفسار بخصوص التاشيره
• تصاريح و بطاقات دخول والحجاب
• مخططي مع الفنادق استشارة عاااجلة
• عرض خدمات
• صدمــه
• البطاقات الإئتمانية مسبقة الدفع
• رأيكم في مخطط سير الرحلة ؟؟؟
• بالنسبه لمدينة منو فيكم راحلها وهل تستاهل
• من فرانكفورت الى قارمش نصائحكم
• الفندق اخذو تامين وما رجع ؟؟؟
• دموع الوجد اذا تكرمتي
• الحجز الوهمي للفنادق للحصول على للتأشيره
• فديتكم
• الله يرضى عليكم
• رحلة عائلية مع أطفال
• طيران من ميونخ لفينا
• لوفتهانزا وسويس تحصدان أعلى التصنيفات الأوروبية من سكاي تراكس
• اخوكم غشيم ويبي فزعة

وعليكم السلام والرحمه

+
اول شي لازم توزعون المخطط حقكم ع الدول اللي راح تروحونها لاجل تقررون الشنقن من اي سفارة تطلعونها اذ المانيا مثلا اكثر ب عدد الايام طلعوها من المانيا و هالموضوعين راح يفيدونك http://www.arabtravelersforum.com/travel860507/ http://www.arabtravelersforum.com/travel650046/


+






وبالنسبة للمخطط انا اشوف استبدال النمسا ب سويسرا افضل لانها اقرب ل المانيا وفرنسا وتوفر وقت وجهد الا بحالة كانت النمسا بلد الوصول .. بهالحالة افضل تكون العوده من باريس والعكس اما اذ المانيا بلد الوصول انصح ب سويسرا وفرنسا فقط








+


والفنادق مانقدر نعطيك خيارات الين تسوون مخطط لرحلتكم والمدن اللي راح تجونها ثم يجي دور الفنادق

شكرا كثير لكبلد الوصول راح يكون المانيا ،، لان اقرب موعد للفيزا لقيناه علي المانياومو مشكله اذا سويسرا اقرب ،، مع ان خاطري كثير ازور النمسا خصوصا زيلامسي وسالزبورغ.. يعني كذا نخلي اكثر الايام بالمانيا ماتقل عن سبع ايام،، طيب ياليت تعطوني مخطط وعن افضل الاماكن

ميونخ يومين
سالزبورغ يومين
زيلامسي 5 ايام
فيينا 3 ايام والعودة منها

14 يوم ع 3 دول نوعا راح يكون الجدول مضغوط < مضغوط والا مندي

ف اما تخلونها المانية نمساوية او المانية فرنسية

المانية نمساوية - الوصول فيينا 3 ايام زيلامسي 4 ايام سالزبورغ يومين
ثم قارمش يومين وميونخ 3 والعوده منها

او العكس الوصول ميونخ والعوده فيينا

المانية فرنسية
باريس الوصول 4 ايام - ثم ستراسبورغ يومين ويومين بادن بادن وبعدها ع رست يورب بارك

ليلتين بجوار بحيرة كونستاس وبعدها ميونخ 4 ايام والعوده

او العكس ميونخ الوصول و باريس العوده


+ عدد الايام يختلف ع حسب ماتشتهون + المدن بامكانكم تحذفون وتضيفون وتعدلون هذا مجرد تخطيط مبدئي

بالنسبة للفيزا قدموا ع اقرب موعد و حددو حجوزات فنادق وهميه لاكثر اقامة بدولة السفارة اللي راح تقدمون لها
وكنسلو اذ طلعت .. اهم شي بالحجز الغاء مجاني

زوجي غير الخطه وقال بنخليها 20يوم على ثلاث دول
المانيا بلد الوصول (ميونخ - كابرون)
النمسا(زيلامسي-سالزبورغ)
فرنسا(باريس)
شرايكمم؟

كابرون في النمسا .. الخبط بين النمسا والمانيا:004:

المهم تقولوا لي عن احلى مناطق المانيا وعن المناطق اللي راح اسوي فيها حجز وهمي

ومتى بالضبط اقدر اكنسل الحجز

امم بعد البحث قلت اقيم في ميونخ يومين وازور قارمش لان بينها وبين ميونخ 3كيلو وهم بالجنوب الالماني وقراب من النمسا
ثم نروح النمسا ونقيم في زلامسي 4 ايام وسالزبورغ3ايام
وبعدين فرنسا-باريس 5ايام

كذا المجموع صار 14 وابغى ازيد الى 18 يوم بس ماعرف وين
وحده من صديقاتي قالت لي مانصحك في فيينا لانها جدا عاديه

انتوا شرايكم

المهم احتاج حجوزات وهميه في المانيا .. بس قريت انو لازم اتأكد انو الحجز قابل للاسترداد ويكون فندق غير اللي راح اقيم فيه فعلا
مثلا احجز فندق في ميونخ يومين واحجز6ايام في فندق بمنطقه ثانيه واكنسله لما اوصل؟؟ بس اي منطقه اختار؟؟

وياليت تعطوني مواضيع تفيدني بالاماكن السياحيه للمناطق اللي اخترتها..

وعندي سؤال بالنسبه لمتطلبات الشنقن للسفاره الالمانيه .. هل يحتاج ورقه تعريف بالعمل من جهة العمل للزوج ؟؟ ولا بس ورقة تعريف بالراتب +اجازه

تعريف بالراتب من الشركة ويكون بالانجليزي ..باريس بعيدة عليكم ليش ما تخلونها انترلاكن والعودة من جنيف

خلو فيينا الوصول عشان مايكون بالمخطط مسافات ب اتجاهات مختلفه
لو يوم الوصول بس ثم انطلقو ل زيلامسي و سالزبورغ ومنها ل ميونخ
ومن ميونخ ل باريس طيران اذ تبون باريس ماتبون سويسرا

المسافة بين ميونخ وقارمش حدود 90 كيلو مش 3 كيلو ههههه

شسوي خاطرنا في باريس

طيب كيف الوصول لفيينا وفيزا حقتنا من السفاره الالمانيه

معليش ترا توني افهم بهالشغلات ومامرة سافرت

زوجي متخوف من الحجوزات الوهميه

وقريت له هالكلام من النت

- يجب أن تستخرج فيزا تشنقن من سفارة البلد الذي سوف تقيم فية أطول مدة حسب حجز الفنادق وأنا سمعت أن بعض السواح لم يتقيدوا بهذا النظام وتم أدخالهم للبلد دون مشاكل ولكن لاتضمن موظف الجوازات فربما يعيدونك الى بلدك .
أما أذا أردت أستخراج فيزا التشنقن من البلد الذي تود الوصول اليه ولاتريد البقاء ألا لفترة قصيرة فالحل أن تعمل حجوزات للفنادق ثم تلغيها وتأخذ أوراق الحجوزات معك
فمثلا أذا كانت فترة سفرتك 15 يوم ولاتريد البقاء في المانيا سوى يومين وتريد أستخراج التأشيرة من ألمانيا فأعمل حجز لليومين مؤكدة في فندق وأعمل حجز أخر لمدة 6 أيام في فندق أخر في ألمانيا وألغي حجز 6 أيام وأحتفظ بصور الحجز لها أثناء سفرك حتى لو تم سؤالك في المطار تفيدهم بأنك سوف تبقى في ألمانيا فترة طويلة



اللي ابغى اعرفه متى الغي الحجز .. لما اوصل المانيا ولا

انتي بالاساس رحلتكم اكثر الايام ب المانيا ؟! والا
بالنسبة للوهمية ماعمري قدمت ل سفارة ب حجوزات صحيحه لانني دايم اطلع الشنقن قبل الرحلة ب شهرين تقريبا ووقتها مااكون حددت الفنادق الاصلية
ف اسوي وهمي من بوكينق ( الغاء مجاني ) واقدم ويقبلون الاوراق واستلم التاشيرة واكنسل اذ طلعت
اما اذ ابي اطلع شنقن من دولة وابي ادخل دولة اخرى بالغالب مايسئلون ليه ؟ لان الشنقن مقبول بكل الدول بس من باب الاستفسار
ف تقولون احنا ب نسكن ب المانيا اكثر .. ف عادي لاتشيلون هم


ولو تبون تريحون روسكم خلو الوصول ميونخ ومنها ل سازبورغ و زيلامسي بالسيارة ثم ارجعو ميونخ وسلمو السيارة ويومين فيها ثم بالطيران الاقتصادي ل باريس

الحين انتم قررتو الوصول ل وين ؟ النمسا او المانيا لاجل اوضح لك خطواتكم
وهل حجزتو اصلن او لا ؟

احنا اكثر الايام بالنمسا بتكون
بس ماخططنا وش اللي بيكون اول شي ننزل فيه

ولسا ماحجزنا ممكن بكره او اللي بعده

لان الاثنين موعدنا للشنقن

عجبني التخطيط اللي قلت لي عنه احس مرتب
بس وش هو الطيران الاقتصادي

انا ابغى ازيد منطقه من المانيا بس وش اختار