الموضوع: قالوا بعد اسبوعين شوي الا القى اتصالين؟

السلام عليكم ورحمة الله وبركاته


قبل اسبوع خلصت المقابله وكل شي كان تمام


وعطوني اوراق صفرا وقالوا عطها فدكس وجوازاتكم بعد اسبوعين بتخلص



تو لقيت مس كول من رقمين يوم دقيت غليهم اثرهم السفاره الامريكيه


وكلمت الساعه خمس الا ثلث رد هندي



قال انهم مشغولين كلم قبل خمس


كل ثلاث دقايق ويقول نفس الكلام


خمس الا خمس قالي ما ادري وش السالفه ليه ما رديت (ليه ما قلت من اول مكالمه)

ما علي منك اصبر لين يدقون


وسكر


ودقيت خمس الا دقيقتين رد وقال سكرنا



الوكاد ابي اعرف وش السالفه


هل ناقص شي؟؟؟؟؟؟؟؟

الي عنده خبره ياليت يفيدني وشكرا" مقدما"

مواضيع عشوائيه ممكن تكون تعجبك اخترناها لك:

• سؤال فني؟ كم مدة الفترة ما بين اصدار الفيزا والسفر الي أمريكا
• الموقع الالكتروني للسفاره
• الأوراق المطلوبه للفيزا السياحيه الأمريكيه ؟
• أسئلة مهمة للمقابلة الاسبوع القادم بأذن الله
• سؤال سريع بالله عليكم جاوبونى لاهل الخبرة
• أماكن للاطفال بنيويورك بحكم خبرتكم ابي فزعتكم
• ارجو المساعدة يا اخوان ..
• الله يعافيكم جابوني بسرعة
• ياجماعة ابي مساعدتكم ضروري فيزا من السفارة الامريكية بالكويت
• بليزززززززززززززز الله يعطيكم العافيه ساعدوني
• تـم بحمد الله إصدار الفيزا اليوم
• فندق مطار نيويورك
• استفسار بخصوص المقابلة و حجز الطيران
• عمل برنامج سياحي لاولاندو فلوريدا
• سؤال ضروري عن الفيزا
• رحتلي الى امريكا اورلاندوكولورادوانيويورك
• اخي العزيز استفسار لو سمحت
• خطة فنادق كاليفورنيا
• افيدوني عن تخصص
• إستفسار بخصوص قبول الفيزا من عدمها

هلا بك اخوي .. يمكن ضيعو رقم الارساليه حقت فديكس عشان يرسلو لك الجواز .

ارسل على ايميل سفارة جده وقلهم انكم دقيتو علي وشتبون ولا تخاف اخوي لانهم راح يدقون عليك ثانيه ولاتتعب نفسك في الاتصال عليهم لانهم ماراح يردو عليك

بالتوفيق وطمنا ايش يصير معاك

جزاك لله خير اخوي وان شاء الله يكون ما قلت


وابشر باقولك وش يصير اول باول

ما تدري يمكن انهم دقوا عليك يقولون لك فيزتك جاهزة

صار معي نفس الشي دقوا علي بعد 4 أيام وقالوا لي الفيزا جاهزة

اشكر بداية الاعضاء لاهتمامهم بالقضايا والمواضيع التي تطرح في هذا الصرح الشامخ

انا باقولكم السالفه من طق طق الى السلام عليكم

ملاحظه: ما حصل لي اليوم يدل على مدى نظامية السفار الامريكيه واهتمامها بالمراجعين


طبعا" السالفه وقفت امس اني ما قدرت اكلمهم


الساعه 2 الفجر امس ارسلت ايميل حطيت فيه معلوماتي كلها الي هي

ارقام الجوازات

رقم الموعد

تاريخ الموعد

رقم الحاله لدى السفاره الي كاتبينه على الورقه الصفراء

وقلت لهم ان جاني اتصالين ولم استطع الرد

وقلت ياليت تقولون لي اذا فيه شي ناقص او انكم تكلموني على جوالي وحطيت الرقم

................


اليوم الساعه 8 الصبح وانا قعدت ادقدق على ارقام السفاره الي هي 014881563 و 014883800

وحولني موظف الاستقبال على التحويله 4445

ولم اجد رد

ومع المحاولات اليائسه طلع لي تحويله ثانيه الي هي 4737


وبعد عدة محاولات رد علي واحد من التحويلات الساعه تسع ونص تقريبا" الصباح


وقلت له اني تلقيت اتصال من السفاره

طلب مني رقم الجواز

وبعدين قالي هم يبون يتاكدون ان الفورم DS-2019 معي وان القنصل وقع عليه

وبرضه بيتاكد ان الفورم DS7002 معي وموقع عليه انا والشركه حقتي والشركه الي باروح اشتغل معهم

**** ملاحظه فيزتي هي J1 لي ولزوجتي وبنتي J2 *********

انا كنت اسوق السياره وقلت له الظاهر كل شي تمام


قال خلاص باحط ملاحظه على الفيزه حقت وان شاء الله كل شي يصير تمام


.................................

ويوم رجعت البيت الساعه 2 الظهر لقيت السفاره رادين على ايميلي الساعه 11 الصبح (مع اني مرسله في نفس اليوم الساعه 2 الصبح)

وقالوا لي ان الي مطلوب هو انك ترسل لنا الفورمين DS-2019 و DS7002


*** ملاحظه انا ايميلي كان جاف ولاكن ردهم كان بادي ب Sir

يعني من جد معاملتهم كانت راقيه الى ابعد ردجه وكانوا يقولون please send the forms if you can
.....
بعدين ارسلت لهم ايميل الساعه 2
رديت بالشكر لهم على معاملتهم

وبعدين قلت ان الفور DS-2019 نعم معي وموقعه القنصل وذكرت اسم القنصل وقلت للاسف ما عندي سكانر عشان اسوي له سكان وارسله في الايميل واذا مصرين تحتاجونه قولوا لي وشلون اوصله لكم

وقلت برضه الفور DS-7002 معي وحطيته في الايميل كمرفق

......................

بعد عشر دقايق جاني اتصال من السفاره

ورديت وقالت لي انهم يبغون المعلومات نفسها وذكرت لها اني ارسلت ايميل قالت خلاص باشيك وارد عليك


.................................


بعد نص ساعه الا ردوا على نفس الايميل وقالوا Thank you


************************

وانتهت السالفه....................


انا انصح الاخوان ان يكون الاتصال بالسفاره عن طريق الايميل في حالة صعوبه الاتصال بالتلفون لانه راح يكون اسهل وواوضح


ان ارسلت للايميل حق سفارة الرياض الي هو:

mailto:[email protected]

_____________________________________________

ارجوا من الاعضاء الي يتعرض لاي موقف ان يطرحه في المنتدى لكي تعم الفائده ويتعلم منه الاخرون

مع تمنياتي للجميع بالتوفيق

خلال إنجاز معاملة الهجرة والتي إنتهت بحصولي على تأشيرات الهجرة لي وللأسرة, أرسلت عدة إيميلات وكنت أتلقى الرد خلال 24 ساعة حتى لو كان يوم عطلة حيث كان يصلني رد آلي يفيد بأن السفارة مغلقة وبأنهم سيردون على الايميل يوم كذا وكذا, وكنت أستلم إيميل ثاني فيه الرد على طلبي.
من هذه الجهة خلك مطمئن, لديهم موظفين للرد على الإيميلات, (هذه من تجربتي)
بالتوفيق للجميع

أخوي ايش هم الرقمين انا جالي اتصالين بس اعاود الاتصال على الرقمين يقول مكالمتك لا تتم حسب الطريقة التي استعملتها

من فضلك ايش هم الأرقام

شكرا

انا الرقم اللي جاني 4884123 مادري هذا منهم ولا لا

جربت اتصل على الرقم الي قلت 4884123

وطلع لي مكالمتك لا تتم حسب الطريقه التي استعملتها

شكل هذا رقم كبينة اتصالات