الموضوع: الله لايعوق بشر وهندي السفاره

السلام عليكم ورحمة الله وبركاته


اول شئ ياجماعة الخير احتاج مساج لمدة ست شهور متواصل ولله مانيب بخير من ظهري وعظامي :110:


أعطيكم سالفتي بالتفصيل الممل :24:

مواصل البارح عشان انام بدري واصحصح لسفاره يافرحه ماتمت اخذت شقه والله لايوريكم انام دقيقه اصحى ساعتين المكيف يجيب المرض حررررررر موت ولله لو نايم بالشارع اصرف ابررد :109:

المهم قفلت معي انا مزاجي قلت هذي اولها ينعاف تاليها ،، صحيت 3 ونص صليت وتروشت ورحت للسفاره من 5 ونص وانا مرتز حصلت 3 قدامي .. قلت وين الي يقول زحمه وتعال بدري ،، المهم جلسنا الى الساعه سبع ونص واقفين ولله تكسرت ارجولي وظهري الله لايوريكم (( تذكرت الحريم الله يعينكم على الحمل ووجع الظهر ):109:


ماجات سبع ونص الا السرى وراي ولله ياجماعه من دون مبالغه اذا 40 واحد شوي ( واحسن مافيهم شغلو لنا بخار بارد يجي من فوق )،،و جاتنا وحدتن شقراء امريكيه الظاهر طحت بحبها ودي اتميلح عندها بس ماعرف الا هاور يو ونايس توميتيو ،، جلست تشيك تشوف تسديد السيفس ورسوم السفاره بعدها اخذو الجولات ودخلنا وتفتيش وهيك ووجع راس،، دخلنا واخذنا ارقام اي شخص اوراقه فيها نقص يروح يكمل النقص وياخذ رقم ثاني من جديد انا النقص الي كان عندي ماكتبت تاريخ نهاية كل مرحله فقط كتبت الدخول ،، وايضا التوقيع ع الاي توني والابلكشينات ،، المهم حصلت هندي جالس ينفخ ولله ياهو قفلها معي ،، عاد قلت له من قرادة حظي ريلاكس يابيسب ( بيسب بالهندي اي يأخ :biggrin: ) عاد كان مضبطني معطيني رقم ومقدمني ،، انا قلت ولا ماقلت وتقفل معه وجالس يهذر انجليزي قلت اي دونت سبيك انجلش وتقفل معه قال رايح امريكا ولا تعرف انجليزي قلت بدرس عربي هناك ،، المهم اخذ الرقم الي معي وقال اخذ رقم ثاني وانتظر قلت مهيب مشكله فاضي وماعندي شغل ،، جلست ربع ساعه جاء دوري شيكت الاوراق ،، اخذنا رقم المقابله جلسنا بالصاله محشررررر ياجماعه امه امه عالم عالم تقول حراج ابن قاسم ... والي قهرني وحدتن جالسه بالنص واخوها الكمخه جنبها وماده ارجولها افوق الكرسي سيقانها طالعه والعالم ماغير عيونهم فيها ولا همها ( الله يخلف على الكمخه الي جنبها :m9 صوتو علي بصمت انتظرت ساعه ,, صوتو لي للكاونتر 10 انشهد انه حبيب ياجماعه ،، جلس معي دقيقتين .. قال بتدرس بامريكا لغه وجامعه قلت ايه ،، قال ليش مارحت ع حساب الوزاره ولله مدري بالضبط وش قلت له .. الي اعرفه قلت بروح ع حساب الوالد ,, قال اوكي ادفع حق الفديكس عشان الجواز وفيزتك بعد اسبوعين بعدها قال سوري بعد اسبوع ..،، وسبحان الله كنت مانيب متفائل اولها مانمت زين واقف بالشمسسس ومتهاوش مع الهندي الجواز القديم في ختوم سوريا يعني مقفله ،، ولا سئلني وش موديك سوريا ،، والحمدلله رب العالمين ،، توي واصل الشرقيه قبل شوي ولله حاولت انام مانمت قلت اجي هنا واكتب ماحصل لي بالسفاره ،،


احب اشكركم جميعا

واخص بالشكر الاخ امباكت والاخ الحياه خبرات والاخ دمعتي

والاخت ميااااره والاخت بنت الصقور

ماقصرو معي الله يوفقهم ويكتب لهم الي فيه خير ،،
شكرا لكم جميعا

واتمنى التوفيق للجميع

:24:

مواضيع عشوائيه ممكن تكون تعجبك اخترناها لك:

• بخصوص لخبطه بفهم المواعيد الرجاء التوضيح
• كل ما يتعلق بتجارة السيارات المستعملة من اميركا
• أنا أول مرة أسافر امريكا ومحتاجة اجابة
• مراكز تعلم اللغة في اورلاندو
• ساعدوني في سفرتي الى امريكا
• امريكا للمبتدئين محدث
• مسافر الى امريكا بأقرب وقت .. كل المتواجدين فيها اتمنى مشاهده الموضوع
• الى المشرف
• رحتوا ديزني اورلاندو بدون اطفال؟ ابيكم شوي
• استفسار بشأن تغيير المرافقين في الفيزا
• مسـآعده رجــآء مبتعثه سعوديه
• انا شاب من سوريا اريد الحصول على الفيزا الامريكية كيف ؟ وكم ثمنها ؟؟؟؟
• وش رأيك في تأشيرتي ؟
• فيزا لزوجتي متى اطلعها
• نريد معلومات عن الحي المالي في نييورك
• اول مرة أسافر أمريكا
• أستفسار
• مقابلتي في السفاره
• خبراء كاليفورنيا وأن الله في عون العبد ما دام العبد في عون أخيه
• الخطوط البريطانيه و أمريكان أيرلاينز أصحاب الخبره الرجاء الدخول

مبرووووك .. وعقبالك التخرج و الشهاده الكبيرة

بالنسبة للهنود من الحين لازم تتعود ترا ما في فرق بينك وبين اي انسان ثاني .. وهذا احلى ما في امريكا.....

انا و لابيض و الاسود و المسيحي و اليهودي والي ما عنده ديانه والامريكي و الاوروبي و الاسيوي كلنا نصف بنفس الطابور و نتعامل نفس المعامله ..

الله يسهلك وتطلع الفيزا بالسلامة ..

ويوفقك في سفرتك .