خذ راحتك ابو هتان ونحن في خدمتك..اتوقع شهر يناير لاتكون الامطار فيه كثيرة.والله اعلم.


بالنسبه ياعزيزي لترتيب المدن حتجده عند اغلب الفاهمين بنفس الطريقة.
والسبب الطبيعة الجغرافية
فمثلا مرتفعات كاميرون مافيها مطار فالوصول لها بيكون بر
وهي ترتبط بخطين كويسين الاول لكوالا والثاني لبينانغ.
لذلك من كاميرون الى لنكاوي لايوجد طريق ميسر وسهل انما صعب ومتعب ومن قارب الى مرفا ومن مرفا الى تاكسي ويضيع يومك.
وعشان كذا ماتجي كاميرون بعد لنكاوي.


ثاني شي من اسباب وضع التريب بهالصورة:
هو التسوق والمطار
فدايم الافضل ببداية البرنامج نحط سلانقور لقربها من المطار وانت تكون جاي من رحلة طويلة ومعك عايلة مرهقين فشي قريب من المطار
بيكون كويس وسلانقور هي الانسب.
ودايم اخر محطة هي كوالا لان كوالا كبيرة وزاراتها متعدده وتحتاج اكثر من غيرها بالايام والاهم وجود الاسواق فيها والمولات
فيسير تقضي براحتك ولاعندك تنقلات لمدن اخرى وتتعب في شيل الشنط وحط الشنط.
تخيل انك تخلي كوالا اول محطة وتمر الاسواق وتشتري هدايا واغراض وشنط زيادة ثم تنقلها معك لنكاوي وكاميرون وبينانغ
ولاتنسى ان الانتقال بالطيران له وزن وبيذبحونك وتروح دراهمك في الوزن بالمطار.
عارف اني طولتها بس ابي تكون الصورة واضحه.؟


وترى الانتقلات بين المدن حسب خطة السير. يعني من سلانقور الى لنكاوي مامعك الا طيران.
من بينانغ الى كاميرون ماكو الا بر.
من لنكاوي الى بينانغ معك طيران او عبارة بحرية.الافضل انتقالك بطيران عشان العايلة الكريمة اذا امكن.


تبي مثلا اقتراح ثاني لترتيب الجدول:
سلانقور الانتقال بالباص ولابه غيره.
كاميرون الانتقال بالباص ولابه غيره.
بينانغ الانتقال بالعبارة اوالطياره.
لنكاوي الانتقال فقط بالطيران.
كوالا.


الميزانية 30 الف ماشاءالله تكفيكم وزياده.
لو قلنا متوسط الصرف في اليوم 500رينقت بيكون عندك 500*17=8500 بالسعودي خلها 11000.(اكل وشرب-تكاسي-تذاكر مزارات)
وعندك الفنادق ماتوصل 9000ريال. وخط 5000ريال احتياط وهدايا وتذاكرة طيران وباصات. ففقط. والله اعلم.


كازامي

مواضيع عشوائيه ممكن تكون تعجبك اخترناها لك: