ساعدوني في رحلة علاج بنتي

**ahmedgaper** · 02-02-2015, 07:33 PM

السلام عليكم ورحمة الله وبركاته
احبتي اعضاء منتدى العرب المسافرون
يشهد الله ان مالنا غناة عنكم لولا الله ثم انتم كان حنا في خبر كان
انا مسافر في شهر ابريل ان شالله تعالى 2014 طبعا رحلتي رحلة علاج إلى هايدلبرج بألمانيا في مستشفى جامعة هايدلبرج
وكل ما احتاجه منكم افادتي في بعض النقاط:
أولا: المبالغ الماليه ونوعها المسموح بها للدخول + كم اخلي في جيبي

ثانيا: السكن في الشقق المفروشه وماهو أقرب سكن وأرخص سكن من مستشفى الجامعة
ثالثا: وسائل التنقل والأفضل من ناحية السعر
رابعا: الأسواق وأفضلها وأرخصها والسوبرماركت والمطاعم الحلال
خامسا: أي معلومات إضافية ونصائح تجودون بها وتفيدني في رحلتي العلاجية

ولكم مني جزيل الشكر والعرفان

مواضيع عشوائيه ممكن تكون تعجبك اخترناها لك:

**ahmed2** · 02-02-2015, 07:33 PM

الله يشفي بنيتك ويرفع عنها ,,,,, ويرزقك برّها وتحطها وتحطك تاج على راسك وراسها.

بالنسبة ياخوي العمله المسموح فيها اليورو وتقدر تدخل معك كاش الى 10000 يورو تقريبا 50000 ريال سعودي
وتقدر تاخذ بطاقة فيزا وهو الافضل
يعني ممكن تشيل 3000 يورو في جيبك والباقي في بطاقة الفيزا
واذا احتجت كاش الصرافات عندك.
ودي اعرف كم المده اللي بتجلسون فيها في المانيا؟
كم عمر البنت (الله يحفظها لك)؟
متى تاريخ وصولكم ؟

انتظرك ياغالي

**ahmed1** · 02-02-2015, 07:33 PM

وعليكم السلام ورحمة الله وبركاته
الله يشفي بنتك ويقومها بالسلامة
اخوي قايد عنادك ماقصر
لكن انا عندي كم نقطة ابي ابينها لك اول شي مثل ماقال اخونا يكون معك مبلغ اقل من عشرة الاف يورو عشان ماياخذون منك شي الامر الاخر بالنسبة لهايدلبيرغ فيها خليجيين كثير وخاصه للعلاج وكمان لدراسة وفيها مطاعم اسلامية وخاصه تركية
الامر الاخر لزم تنتبه بارك الله فيك من نقطه مهمه جدا جدا جدا الا وهي للاسف بعض اخواننا العرب يستغلوننا نحن الخليجيين خاصه في العلاج لانهم غالبا هم الي يترجمون وهنا للاسف يكون بعضهم ضعيف نفس عموما اتمنى منك انك تكون على بينه طبعا السعر المتعارف عليه هو 50 يورو لساعتين ترجمة الامر الاخر اذا تقدر تمشي امورك بدون مترجم يكون افضل
لاتشيل هم الامور الثانية وارخص سوبرماركت هو ليدل بس ما اعرف اذا فيه في هايلبيرغ ولا لا بس اعتقد موجود في كل مكان واذا علاجكم على حساب الدوله فالملحق الصحي السعودي في برلين واذا انت مو سعودي فالكويتي في فرانكفورت عموما أي طلب نحن وبقيت الاخوان تحت الخدمة شفى الله مريضكم