الموضوع: خبراء فرانكفورت استفسار وفقك الله

اسعد الله اوقاتكم بكل خير

لدي ان شاء الله ترانزيت لمدة 6 ساعات وشوي

وحبيت اتمشى في وسط فرانكفورت وافطر فيها لاني الترانزيت بيكون في الصباح

ياليت احد يتكرم ويجاوبني على :

- المسافة بين المطار وبين وسط المدينة لاني اسمع عن شارع تسايل ؟

- ماهي وسيلة النقل المقترحة (باص او تاكسي او .... الخ) والطريقة وارقام المحطات او الباصات ؟

- مقهى او مطعم معين ؟

مواضيع عشوائيه ممكن تكون تعجبك اخترناها لك:

• منكم نستفيد فلا تحرموننا
• قرب الصيف وطيران الامارات مسوي تخفيض ملاحظاتكم على برنامجي
• خبراء ميونخ سؤالي عن مخطط الرحلة والسكن والتنقل بليز
• تكفون تكفون تكفون ياخبراء ألمانيا أريد رأيكم بهذا البرنامج؟؟
• انشطه ل ايام في ميونخ
• برنامج الملاحة العملاق لاوروبا مكرك للايفون
• الفزعه
• محتاج فيزا لألمانيا
• مساعده تخطيط برنامج لاوروبا
• تاشيرة الشنجن يا اهل الخبره
• اي خبر عن سالفة البكتيريا
• لكل مساهم بمعلومة دعوة في ظهر الغيب بإذن الله عن ذكر أفضل مايتم زيارته في رحلتي
• قارميش الساحرة وما جاورها قريب وبعيد
• لخبرا تاجير السيارات في المانيا وسويسرا سؤال بسيط ؟
• بغيت برنامج لفرنسا وألمانيا لو سمحتوو
• استفسار عن الشينغين
• اقرب المدن السويسرية من كونستانز ؟؟
• استفسار جدا هام عن فيزا الشنغن
• اربعه ايام والفيزا مستلمها من السفاره الالمانيه
• خطة رحلتي الي اوروبا

السلام عليكم

هلا وغلا الغالي

عندك اما التاكسي ( 20 دقيقه ) او القطار ..

هل اتحب اشيك على موقع القطارات !

انت تامر ..

اما المطاعم فهل اتحب العربيه !

اذا العربيه فهي قريبه من المحطه الرئيسيه في فرانكفورت ..

شوف الي ايناسبك وانا تحت امرك الغالي

الاخ العزيز الجنبلاطي
توصل مطار فرانكفورت بالسلامه انشاء الله
اول شي اتسويه اتحاول ان كان معاك شنط كبيره تخليها في صناديق الامانات وتاخذ معك فقط الاشياء المهمه او حقيبه الكتف ان احتجت لها وبعدها تنزل مباشرتا من داخل المطار الى الطوابق السفليه اللي فيها محطه القطارات لما توصلها راح اتشوف انها تنقسم لطابقين طابق للقطارات الكبيره اللي تنقل المسافرين لمدن اخرى وتسمى بالالماني DB
وطابق اخر للقطارات الصغيره او التريين او ما نسميه هنا في المانيا الاس بان S Bahn وبيكون لون الحرف ازرق تنزل على الرصيف وتستنى القطار رقم S8 او S9 اي واحد منهم وتشتري التذكره اللي ما تتجاوز اربع يوروات تركب الاسبان وتبدي تحسب المحطات اللي راح يتوقف فيها ان محطتك بتكون الخامسه او السادسه لان الاخامسه بيكون اسمها هاوبت فاخه Hauptwache والمحطه السادسه اسمها كونستابلارفاخه Konstablerwache المحطيتن هذول بيكونون بدايه ونهايه شارع التسايل في قرب فرانكفورت ولكن تحت الارض انت تنزل باي محطه تختارها وتطلع الى الطوابق العليا لحد ما توصل مستوى الشارع اتكون في بدايه او نهايه شارع التسايل
هذي هي اسرع وارخص وافضل طريقه حتى توصل فيها لشارع التسايل من مطار فرانكفورت الرحله ما راح تاخذ معك غير 13 دقيقه بالضبط لان الاسبان وقته محسوب بين المحطات هنا في فرانكفورت خصوصا وفي المانيا بصوره عامه

طبعا نسيت اقول لك ان حبيت العوده بتكون من وحده من هذول المحطتين تنزل تحت وتدور القطاراين نفسهم اما S8 او S9 وتستقل واحد من القطارين وولكن بالاتجاه المعاكس يعني باتجاه المطار ويكون القطار مكتوب عليه في المقدمه او على اللوحه حقه الانضار في الرصيف فيزبادن Wiesbaden Hbf هذا الاتجاه له يوصلك من فرانكفورت الى المطار

ملاحضه مهمه نسيت اذكرها في البدايه وانت في المطار لازم تستقل واحد من القطارين اللي يتجهون للتسايل ويكون مكتوب عبيه Hanau Hbf المتجه الى هناوي هو اللي بيوصلك من مطار فرانكفورت الى التسايل

الاخ القطري
الف شكر ... الله يحفظك

الاخ ابابيل
كفيت ووفيت .. الله يوفقك

من ناحية المقاهي والمطاعم ما افضل العربية ابدا

ياليت مقاهي تكون قهوتها وافطارها رائع في شارع التسايل

اخوي العزيز ان نزلت في محطه الكونستابلار فاخه وهي نهايه شارع التسايل واكملت السير باتجاه محلات C&A ستجد نفسك انتقلت تدريجيا لمنطقه عربيه ويكثرون المغاربه والاتراك فيها وهي كلها مطاعم وكافتيريات عربيه وتركيه

الان وجدت خارطه الاسبان ارفقها لك حتى يسهل عليك التعرف على المحطات والاتجاهات اللتي ستمر بها

العفو منك ياخوي القطري
بالعكس انت الخير والبركه

وتوني انتبهت ان الاخ كان قصده بكلامه انه ما يفضل المطاعم العربيه

بالنسبه للكافتريات والمطاعم الغربيه فموجوده كثير في التسايل ولكن ليس كلها نفس المستوى في جوده الطعام والاسعار

ولكن من خبره المعيشه هنا تقريبا افضل كافتيرا وحتى مطعم هي الموجوده في الطابق الاخير من الكالاري كاوفهوف فيها منضر يرد الروح لانك بتكون فوق البنايات كلها وتطالع فرانكفورت من فوق هذا بالنسبه للجلسه اما بالنسبه للخدمه فهي من طراز اخدم نفسك بنفسك يعني تدخل تاخذ صينيه وتلف على البوفيهات وتحط اللي تشتهيه نفسك وبالكميات اللي تعجبك وبالاخير تذهب للكاسه او الكاشير تحاسب على طلبك وبعدها تاخذلك طاوله تجلس فيها بالنسبه للاخوه العرب اللي ما يعرفون قرائه اللغه الالمانيه وايش يكون مكتوب في وصل الدفع التاكد من العروض او سوال الموضفه لانهم دايما اتكون عندهم عروض ان اخذت من نوع معين تقدر تبقى نفس الصجن تمليه اكثر من مره من نفس الصنف ويكون العرض ساري لمده النهار كامل وعلى سبيل المثال لو اشتريت قهوه خلي الوصل معك وانت جالس تقدر تشرب من نفس نوع القهوه خلال هذا النهار انشاء الله عشرين مره كل اللي عليك لين وصلت الكاسه او الكاشير تراويها الوصل

ويوجد مطعم موجود في الساحه اللي قريبه من نهايه شارع التسايل ومقابل بنايه كومبيرتس بانك العاليه اسم المطعم فايبيانو Vapiano-Restaurant هذا الله يسلمك ياخوي اول ما تدخل المطعم يعطوك كارت مغناطيسي مثل كروت الفيزا كارت او كروت البنك وبعدها تدخل الصاله تلاقي الطباخين موزعين امام الكاونترات انت تطلب طلبك اللي تبغيه من انواع الوجبات الموجوده والطباخ يكون امامك يبدي يطبخ الوجبه جاهزه وامام عينك طبعا مع ملاحظاتك الخاصه انت تعطيهياه هل تبيه حار او بدون حروره او مالح او يضيفه امور اخرى وطبعا توصيه على اشياء اخرى من عصاير ومشروبات او مقبلات يجهزها لك في الحال وبالاخير يجهز طلبك يعطيك الطلب ويطلب منك كارتك المقناطيسي تعطيه له مباشرتا يدخله المكينه يسجل فيه طلباتك كلها الكترونيا وبيرده لك انت تاخر الاكل وعلين بالصحه والعافيه ولين ما كملت قبل ما تخرج اتمر الكاسه او الكاشير تسدد القائمه

طبعا ياخوي قطري انت معزوم على المطعمين هذيل ان كنت بعدك في فرانكفورت واتمنى اتكون لسه موجود ويكون الوالد بصحه وخير وعافيه

هلا وغلا الغالي

اعتبر العزيمه اوصلت

ولوا كنت في فرانكفورت كان لبيت الدعوه ولكن للاسف في ماليزيا الحين للعمل

تسلم الغالي على كلامك الطيب وماقصرت

الف الف الف الف شكر يالغاليين

احرجتونا بردودكم الرائعة والشافية

وفقكم الله

السلام عليكم
لو سمحتم ممكن رد علي سؤالي
انا سوف اسافر الي تركيا بعد اسبوع ان شلء الله
وسوف انزل ترانزيت في فرانكفورت لمده ساعتين
هل ممكن اخرج من المطار لمقابله احد الاصدقاء؟
وشكرا