الموضوع: ارغب في معلومات عن معهد انترناشينال هاوس ومدينة توركي

السلام عليكم ورحمة الله

حصلت على بعثه دراسه للغه الانجليزيه في معهد انتر ناشيونا هاوس بمدينة توركي

أتمنى الحصول على أي معلومات عن هذه المدينه

السكن للعائله
الأسعار
نبذه عن المدينه
البنوك
الأطعمه الحلال
هل بها عرب ولا لا

مع أحترامي للجميع

مواضيع عشوائيه ممكن تكون تعجبك اخترناها لك:

• تنصحوني ادرس اللغه في امريكا لمدة اربع اشهر اين
• اسئلة مهمة ارجووووووووووووووكم ضروري
• بغيت رايكم جزاكم الله خير
• مساعده منكم بلييز ياشباب
• استفسار عن مدينه ساندرلاند
• ابي مساعده
• استفسار عن الحاق بلبعثة
• الى كل من يسأل عن إعلان موعد التسجيل في برنامج خادم الحرمين للابتعاث الخارجي
• هاه وش أسوي ؟ أمريكا ولا كندا ؟؟
• جامعة كالغري أو مكماستر أرجو المساعدة
• حياكم الله استفسار منكم اخواني
• تكفووووووووون واللي يوفقكم وينجحك يارب
• مصيبــة تعديـل الطلــب
• ما هو افضل حي للسكن في بورمث؟؟ وما هو اسوء حي يجب الابتعاد عنه؟؟ ارجو الإفادة
• ابروح الوزارة وابطلب بعثه ادخلو الله لا يهينكم
• الله يجزاكم خير افيدوني
• يعرض كافة الجامعات حول العالم التي تدرس ماجستير القانون
• تكفون ساعدوني في التسجيل يا اخواني
• استفسار هل جوال يعمل في أمريكا ولاية اوريغون
• سوال لاهل الخبره ؟؟؟؟؟

تكفووووووووووووووون

المشاركة الأصلية كتبت بواسطة مجدي مجدي
http://www.arabtravelersforum.com/tr...0/#post1520999

السلام عليكم ورحمة الله

حصلت على بعثه دراسه للغه الانجليزيه في معهد انتر ناشيونا هاوس بمدينة توركي

أتمنى الحصول على أي معلومات عن هذه المدينه

السكن للعائله

العوائل يالحبيب حظوظ ممكن تكون عائله حلوه وممكن لا لكن تغيير العوائل سهل مره لاتشيل هم


الأسعار

من 100 باوند الاسبوع الى 110
واذا طلبت غرفه مع دروه مياه مستقله من 120 الى 150


نبذه عن المدينه

المدينه حلووووه مره وعلى البحر وعن لندن 3 ساعات بالقطار واقرب مطار لها مطار exeter تقريبا 35 دقيقه من توركي

البنوك

كل البنوك موجوده

الأطعمه الحلال

فيها كم مطعم حلال

والمعهد فيه مطعم حلال

هل بها عرب ولا لا

فيها عرب لكن لا يذكرون خصوصا انك تبي تجي بعد نهايه الصيف ..

مع أحترامي للجميع



حياك واي استفسار حاضر ... احدثك من قلب الحدث من توركي ..

دمت بود

الف شكر على لطفك

1-ماهي افضل وسيله للاتصال بالسعوديه سواء بالموبايل او الثابت؟
2-ماهو عنوان وتلفون المعهد؟
3-هل يوجد انترنت عند العوائل واذا مافيه كيف اشترك وبكم؟
4-هل استطيع احظار زوجتي لنفس العائله التي اكون معها بحيث اتحمل انا التكاليف؟
5-هل يوجد نادي للسعوديين او اجتماع اسبوعي على الاقل؟
6-هل يوجد نادي صحي في المعهد؟
7-اين يمكنني ان امارس الرياضه(كرةالقدم،السله،السباحه،الطائره)وركزلي على كرة القدم لأنها رياضتي المفضله؟
8-هل يوجد مندوب بالمعهد للتسجيل في دائرة الهجره؟
9-ماهو المطلوب لفتح الحساب وماهو البنك الذي تتعامل معه الملحقيه السعوديه؟
10-هل يوجد مساجد بالمدينه او مركز اسلامي وماهو عنوانه؟
11-ماهو المبلغ الكافي لمدة شهرين اذا كانت العائله تقدم لي وجبتي العشاء والافطار
لأن المكافأه ستتاخر لمدة شهرين؟
12-سمعت ان المعهد يقيم رحلات لخارج بريطانيا وداخلها هل هذا صحيح؟
13-ماهي الأماكن التي يمكنني زيارتها داخل المدينه وماحولها من مدن؟
14-كيف يمكنني متابعة الدوري الانجليزي ودوري ابطال اوروبا وغيرها؟
15-كيف هو تعامل المعهد مع صلاة الجمعه هل يسمحون لي بالخروج للصلاه دون اعتباره تاخير؟
16-ماهي افضل وسيله للتنقل؟

وسامحني لو كثرت عليك

1-ماهي افضل وسيله للاتصال بالسعوديه سواء بالموبايل او الثابت؟

بطاقات الاتصال ب 5 باوند تعطيك تقريبا 100 دقيقه
وهيدا الرابط يخدمك

http://www.arabtravelersforum.com/travel103827/

2-ماهو عنوان وتلفون المعهد؟

http://www.ih-westengland.co.uk/ihtorquay/index.html


3-هل يوجد انترنت عند العوائل واذا مافيه كيف اشترك وبكم؟

اغلب العوائل عندهم وتقدر تطلب عائله عندها انترنت مجاني للطلبه وتغيير العائله مره سهل لاتشيل هم لهذا الموضوع .


4-هل استطيع احظار زوجتي لنفس العائله التي اكون معها بحيث اتحمل انا التكاليف؟

نعم وتقدر تطلب عائله ماعندها رجال او عائله عندها غرفه كبيره ومستقله مع دوره المياة.


5-هل يوجد نادي للسعوديين او اجتماع اسبوعي على الاقل؟

ماكو نادي .. ولا اجتماع ..


6-هل يوجد نادي صحي في المعهد؟

مافهمت وش تقصد ..؟


7-اين يمكنني ان امارس الرياضه(كرةالقدم،السله،السباحه،الطائره)وركزلي على كرة القدم لأنها رياضتي المفضله؟

اغلب طلبه المعهد يلعبون بملعب قريب من المسجد لكن الظاهر اغلب شي يوم الجمعه مو كل يوم
والباقي ممكن تشترك بنادي او هيك ..


8-هل يوجد مندوب بالمعهد للتسجيل في دائرة الهجره؟

يوجد .. بس الموضوع بسيط تمر على البوليس وتعطيهم جوازك و 34 باوند ورقم تلفونك واذا خلص جوازك يدقون عليك وتروح تاخذه مع ID بس ..


9-ماهو المطلوب لفتح الحساب وماهو البنك الذي تتعامل معه الملحقيه السعوديه؟

تفتح حساب باي بنك تبي عادي .. ويطلبون منك ورقه من المعهد وماتخذ العمليه 15 دقيقه وفيه بنك HSBC عندهم حساب اسلامي اسمه امانه ..


10-هل يوجد مساجد بالمدينه او مركز اسلامي وماهو عنوانه؟

يوجد مسجد واحد
Address: Torbay Islamic Centre
130 Avenue Road,
Torquay, Devon TQ2 5Lq, UNITED KINGDOM

Phone: 01803 211818
Fax: 01803211818

11-ماهو المبلغ الكافي لمدة شهرين اذا كانت العائله تقدم لي وجبتي العشاء والافطار
لأن المكافأه ستتاخر لمدة شهرين؟

والله على حسب صرفك .. لكن معدل الصرف للشخص الواحد بتقديري 15 باوند باليوم مره ممتاز


12-سمعت ان المعهد يقيم رحلات لخارج بريطانيا وداخلها هل هذا صحيح؟

اللي اعرفه داخل بريطانيا بس ..

13-ماهي الأماكن التي يمكنني زيارتها داخل المدينه وماحولها من مدن؟

كثير مدن وقرى قريبه من توركي .. لكن فيه مدينتين كبار مثل بلمث واكستر
وغيرها واجد ..

14-كيف يمكنني متابعة الدوري الانجليزي ودوري ابطال اوروبا وغيرها؟

مدري والله وش تقصد انت تبي تروح للملعب او تبي تشوفهم بالتلفزيون ..


15-كيف هو تعامل المعهد مع صلاة الجمعه هل يسمحون لي بالخروج للصلاه دون اعتباره تاخير؟

المعهد يوم الجمعه يخلص الحصص قبل صلاه الجمعه يمديك تلحق على الصلاه بوقت كافي ..


16-ماهي افضل وسيله للتنقل؟

داخل المدينه الله لايهينك ارجولك والباص وخارجها الباص والقطار والطيران او اذا انت مطول ممكن تشتري سياره ..


وسامحني لو كثرت عليك


اذا عندك كمان اسئله عادي تدلل ..لكن انت جاي على حساب الملحقيه الثقافيه ولا ايش ..!

ودمت بود

شف ترى المدينة صغيرة ما تستاهل انك تشتري سيارة
لا مافي نادي صحي بالمعهد بس في نادي اسمه الريفيرا ستنر بس لازم اشتراك
بالنسبة لمتابعة الدوري النجليزي بالمقاهي ولا بالتلفزيون اللي عند العايلة إذاكنت تبي
تحضر مباريات ترى التذكرة غالية مهب زينا على عشرين ريال يعني يمكن توصل التذكرة
بخمسين باوند أوأكثر للمباريات القوية وباقي الاسئلة الأخ يوسف كفى وفى وإذا فيه
اسئلة ثانية حاضرين

الصراحه انا عاجز عن شكرك اخي يوسف وكذلك اخي سليمان اشكركم جزيل الشكر معلومات شافيه ووافيه والصراحه انا سررت بما قرات وسعيد بكم وبالمدينه قبل مااشوفها وحبيت اقول لكم اني قرات موضوع حلو عن توركي راح انزله لاحقا.

اخي يوسف انا مبتعث على حساب وزارة الدفاع لانني موظف فيها وتعاملي داخل بريطانيا مع الملحقيه العسكريه.

بالنسبه للمباريات انا اقصد المتابعه من خلال التفزيون.

وعندي كم استدراك اذا سمحتم

#بالنسبه لإحظار الزوجه كم متوسط التكلفه؟

#كيف هو دوام المعهد متى يبدا ومتى ينتهي وهل هو اختياري؟

#كيف يمكن التنسيق مع العائله بخصوص صوم رمضان لاني قادم في 3 رمضان انشاء الله؟

#انا سمعت ان النادي يقيم رحلات اسبوعيا هل هذا صحيح؟

#ماهي نوعية الملابس التي يمكنني احظارها يعني حر ولا برد وماهي طبيعة الناس في اللبس في المعهد وغيره هل اي لبس يمشي ولا كل مايعجبك والبس مايعجبك!!؟؟

#هل الانترنت مجاني للطلاب؟

#هل اسعار الباص للطلاب ارخص؟

#بناء على السؤالين السابقين هل المعهد يعطونك كارت او بطاقه يعني بطاقة طالب مثلا؟

#اخي سليمان كم كلفة الاشتراك بالنادي وماهي الرياضات المتوفره؟

مرة اخرى الف مليون شكر على سعة صدوركم واجاباتكم الشافيه وهذا ما اتذكره من اسئله حاليا ولو خطر على بالي اي سؤال را ح انزله في نفس الموضوع

كم كلفة الاشتراك بالنادي وماهي الرياضات المتوفره؟
الكلفة اللي أعرفه انه باليوم 7باوند يوم كامل للجاكوزي والساونا والجم
والنادي فيه مسابح وملاعب تنس
أسئلة ثانية حاضرين

بصراحة أعجز عن شكر الأخ العزيز على قلبي Yousef Al-yousef والأخ العزيز suliman n :113:

وبصراحة كفوا وفوا ولما يتركوا لنا شي نذكره غير انه مهما ذكرنا فلن نعطي معلومات مثل ما أعطوها لك أخي العزيز مجدي

فالله يعطيهم العافية والله لا يحرمنا منهم :115:

مع خالص حبي :101:

المشاركة الأصلية كتبت بواسطة ملبورن
http://www.arabtravelersforum.com/tr...9/#post1542809

بصراحة أعجز عن شكر الأخ العزيز على قلبي Yousef Al-yousef والأخ العزيز suliman n :113:

وبصراحة كفوا وفوا ولما يتركوا لنا شي نذكره غير انه مهما ذكرنا فلن نعطي معلومات مثل ما أعطوها لك أخي العزيز مجدي

فالله يعطيهم العافية والله لا يحرمنا منهم :115:

مع خالص حبي :101:





اشكر طلتك الحلوه
واطرائك
وماقدمنا الا القليل لهذا المنتدى
دمت بود

مساء الود

التقرير متعوب عليه بس الحقيقه فيه اشياء كثيره خالفت الواقع

لي عوده على الموضوع

دمتم بود

تقرير كامل ومفصل بالرغي وجود بعض المبالغات
مثل الطلاب العرب اللي تقول ان تصرفاتهم سيئة بس ما توصل للشرب

في الحقيقه انا نقلت الموضوع كما هو

واعتقد انكم اعرف مني بالمدينه واقدر على تمييز وتصحيح المعلومات الوارده في التقرير

كما ان هذا جهد بشري يحتمل الصواب والخطأ

واتمنى منكم كما عهدتكم التعقيب المفيد على الموضوع

وسامحونا لو ثقلنا عليكم

ودمتم

باقي أقل من عشره أيام إستغل الوقت ولا تضيع وقتك!!!!!!!!!!!!!!

الله يعطيكم الف عافيه

بس ممكن اقتراح


ليه ما تسوون مقارنه ووضع بعض الاسعار يعني كم يكلف الشهر في معهد مع السكن او كم يكلف ثلاثه شهور للفائده من يدري يمكن يدرس احد في المدينه اذا عرف الاسعار وكم تكلفه بدون مصاريف الجيب لانها تختلف من شخص لاخر

مجرد اقتراح شباب

المشاركة الأصلية كتبت بواسطة panorama
http://www.arabtravelersforum.com/tr...8/#post1566378

الله يعطيكم الف عافيه

بس ممكن اقتراح


ليه ما تسوون مقارنه ووضع بعض الاسعار يعني كم يكلف الشهر في معهد مع السكن او كم يكلف ثلاثه شهور للفائده من يدري يمكن يدرس احد في المدينه اذا عرف الاسعار وكم تكلفه بدون مصاريف الجيب لانها تختلف من شخص لاخر

مجرد اقتراح شباب



اقتراح جداً جميل :24: وان شاء الله شباب توركي ما يقصرون

ولكن بحول الله كلنا راح نكون يد واحده وماراح نترك أحد بدون مساعدة :115:

مع خالص حبي :101:

الشهر عليكم مبارك يا اهل توركي


الله يعينكم على صيانه وقيامه



يقولون النهار طويل


:110:

المشاركة الأصلية كتبت بواسطة panorama
http://www.arabtravelersforum.com/tr...7/#post1584997

الشهر عليكم مبارك يا اهل توركي


الله يعينكم على صيانه وقيامه



يقولون النهار طويل


:110:



الله يبارك بايامك ويعيننا واياك

والنهار شبه عادي الفطور هاليومين حوالي الساعه 7و 20 وكل يوم ينقص طبعا

والوضع جدا عادي بما ان الجو بارد ماكو اي مشكله ..

ومشكور على هالطله الحلوه

دمت بالف ود

المشاركة الأصلية كتبت بواسطة Yousef Al-yousef
http://www.arabtravelersforum.com/tr...4/#post1530684



16-ماهي افضل وسيله للتنقل؟

داخل المدينه الله لايهينك ارجولك والباص وخارجها الباص والقطار والطيران او اذا انت مطول ممكن تشتري سياره ..



اخوي ماعليه بسالك سوال ..

هل من السهل شراء سيارة في برطانيا . ؟؟ وكيف الوضع مع الرخصه ؟ وتقريبا كم اسعار السيارات هناك ؟

واذا فيه شئ زود خبرني تكفا

لاني انا باذن الله جاي بدرس

بس الى الان ماحددت المدينه .. محتار وادور على معهد زين .. مارايك في المعهد اللى انت فيه

من ناحيه الاسعار ؟ والمعامله ؟ وكيف يعني هل الدراسه فيه تجيب نتيجة .. ومن ناحيه قرب العائله

لاني درست قبل فتره في كامبردج .. الحقيقه اعطوني عائله بعيده مره عن المدرسه ماغير بباص اجي

وشكرا لك واتمنى الرد ,, على لاني احتاجك جزاك الله خير

[QUOTE=يـاسـر;1590329]اخوي ماعليه بسالك سوال ..

هل من السهل شراء سيارة في برطانيا . ؟؟

سهل مره ولا يحتاج تروح للشرطه او اي مكان ثاني ممكن تشتري السياره من شخص وهذا سهل جدا
او عن طريق معرض سيارات وهيدا كمان سهل ..


وكيف الوضع مع الرخصه ؟

الرخصه اللي معك من بلدك تمشي هون ولا احد يقولك شي .. واذا تبي تطلع رخصه بريطانيه كمان سهله ويقل عليك التامين .

وتقريبا كم اسعار السيارات هناك ؟

والله انت والسياره اللي تبي لكن بالعاده السيارات اللي تمشي الحال من الالف باوند ونازل بس لازم تتاكد قبل تشتري السياره ان ال MOT حقها باقي فيه فتره طويله لان هذا زي الفحص الدوري عندنا ممكن تشتري سياره مابقى على الفحص حقها الا شهر وبعدها تروح تفحصها تكلف كثر قيمتها اصلاحات ..

واذا فيه شئ زود خبرني تكفا ..؟

فيه طال عمرك التامين غالي شوي وطبعا على حسب العمر وعنوان السكن فكل ماتكون كبير بالسن يقل التامين واذا كنت ساكن في مناطق امنه يقل التامين ..
وضرائب الطرق كل 6 اشهر 100 باوند او سنه ب 180 باوند ..
والشي المهم البنزين غالي .. اللتر ب 1 باوند تقريبا ..

لاني انا باذن الله جاي بدرس

بس الى الان ماحددت المدينه .. محتار وادور على معهد زين .. مارايك في المعهد اللى انت فيه

من ناحيه الاسعار ؟ والمعامله ؟ وكيف يعني هل الدراسه فيه تجيب نتيجة .. ومن ناحيه قرب العائله

لاني درست قبل فتره في كامبردج .. الحقيقه اعطوني عائله بعيده مره عن المدرسه ماغير بباص اجي ..



والله يالحبيب ان ما ادرس بالمعهد الحين لكن كان مش بطال فيه مدرسين كويسن بس ادارة المعهد متساهله شوي مع الطلبه يعني اذا ماتعرف مصلحه نفسك ماعليهم منك ..
فيه في بينتون Paignton معهد كويس والمدينه حلوه وصغيره وقريبه مره من توركي
وهيدا رابط المعهد
http://www.lalgroup.com/england/laltorbay/index.html

وفيه قريه صغيره قريبه من توركي كمان اسمها Totnes فيها معهد لغه حليو بس اذا تبي تطول اتوقع تبي تمل من القريه لانها مره صغيره وهيدا رابطهم
http://www.totenglish.co.uk/
ومن ناحيه الدراسه تجيب نتيجه اولا على حسب الشخص لكن لاتتوقع انك تبي تستفيد من المعهد 100%
اذا استفدت من المعهد بنسبه 30 او 35 % فهذا شي ممتاز الفايده دائما من العائله او من الشارع ..
وبالنسبه للعوائل اعتقد ان العوائل حظوظ انت وحظك لكن ممكن تغير العائله وهذا شي سهل مره وممكن تطلب عائله قريبه من المدرسه ما اعتقد فيه اي مشكله ..


وشكرا لك واتمنى الرد ,, على لاني احتاجك جزاك الله خير..


واعتقد انك لو ماتدفع للمعهد الا حق شهر واول ماتجي وتشوف الوضع اذا اعجبك ولا تغير لانك اذا دفعت مبلغ حق ثلاث او ست شهور وبغيت تغير تبي تكون العمليه صعبه شوي وممكن ما يرجعون لك المبلغ ..

واخيرا لاتنسانا من دعواتك واي استفسار حاضر

دمت بالف ود والله يرعاك

والله تصدق .. راحت عن بالى اني ادرس شهر مثلا واجدد معاهم .. بحيث انه لو ماعجبني وكذا اقدر اغيره

شكرا لك على تنبيهي ..

طيب الان انا محتار ,, ابغا مدائن حلوة وتكون مناسبه لمده دراسه سنه

اتمنى من الاخوان مساعدتي الله يجزاكم بالخير ان شاء الله

واحجز فيها شهر .. وان عجبتني .. اجدد معهم او اغيرهم .. فكرتك هاذي حلوة

لكن تظل المدرسه الى الان ماحُددت ,,

والامل في الله ثم فيكم يااخواني في مساعدتي

اخ يوسف ممكن اسألك ايش افضل معهد في المدن التاليه: توركي, اكستر, بينقتون

هل تنفع المدن التاليه للفتاه؟

شكرا لك

الله يوفقك ياخي يوسف دنيا واخره
انا حقيقتن عندي دوره لمدة سنه في توركي معهد اتر نشيونال هاوس
وصراحتن مدري كيف اسوي
اول مأوصل لمطار هيثرو ؟؟؟؟؟؟؟؟؟؟؟
وش اسوي وكيف اروح للمدينه وهل المعهد يستقبلني
مع العلم بأني ابسكن عند عائله عن طريق المعهد
مع شويت نصايح منك لاهنت

السلام عليكم
لو سمحتوا انا ابسافر بعد عشرة أيام ان شاء الله الى توركي
الي يقدر يجاوب على استفساراتي على الخاص اكون له شاكر(ياليت يراسلني)