الموضوع: معلومات عن نورث كارولاينا

السلام عليكم ياجماعة...
انشاء الله ناوين انروح في الصيف نورث كارولاينا سمعنا انها مشهورة جدا بالأثاث واحنا نوينا نأثث منها..
طلب منكم ياجماعة اللي عندة اي معلومات أو عناوين محلات مشهورة أو مولات تجارية أو شقق سكنية اهم شيئ تكون نظيفة وفخمة مع السعر ان وجد وهل هناك مطاعم عربية (مسلمة) مع ذكر الاسم أو ملحمات تذبح حلال..اللي عنده أي معلومات زيادة غير اللي ذكرتها يكون مشكور عليها يعني احتاج فكرة واضحة جدا عن المنطقة وياحبذا لوكان فيه صور ايضا ..وكلكم ذوق على تعاونكم ...وانا في انتظار ردكم.

مواضيع عشوائيه ممكن تكون تعجبك اخترناها لك:

• اريد معرفة معلومات عن ولاية اريزونا
• الافضليه باالفنادق باورلاندو؟؟
• استفسار عن الفيزا لجزر الكاريبي الرجاء مساعدة اخوكم العريس
• أرجو المساعدة في ترتيب خطة السير
• للخبراء أسأل عن جمعيات ومنظمات وعضويات تقنية المعلومات والكمبيوتر في أمريكا ؟؟
• مساعدة ظروري للغاية
• بليز ساعدوني
• عن سان دييغو بليييييز من يفيدني؟؟
• الحصول على فيزا لزوج امريكية
• هل أطلب جوازي القديم ؟ أفيدونا بارك الله فيكم
• القيادة في اميريكا
• مساعده عاجله
• استفسار عن لوس انجلس وسان ديغو
• نموذج الـ انتهى
• وين احصل رادر كوبرا في امريكا اي محل
• الملحقية السعوديه في الولايات المتحده الامريكيه
• الهجرة إلى أمريكا
• الرخصه الدوليه
• شقة في نيويورك
• السفارة الأمريكية بالرياض تكفون

بالتوفيق اخي الكريم وانا ايضا سوف اذهب لها ايضا هناك موضوع عن الرحلات باسمي وموضوع اخر ايضا سوف اضع لك الرابط سوف تجد فيه اجابات عن اسئلتك بحكم اني سئلت عنها وراح تفيدك ان شاء الله

واتمني معرفه اي مدينه في نورث كارولينا سوف تسافرون لها انا رايح رالي ودورهام

تفضل المواضيع بالاسفل واي خدمه الكل ماراح يقصر ان شاء الله
http://www.arabtravelersforum.com/travel170316/


http://www.arabtravelersforum.com/travel50467/


طبعا بعد شكر الله احب اشكر جميع الاخوان الي ردوا علي واجابوا بكل محبه وكرمه وطيب خاطر وحب مساعده للجميع وهذا طبعهم في هالمنتدي الطيب وليست مجامله

الف شكر ابو فيصل جزاك الله خير...
وانا في انتظار المزيد من المعلومات عن السكن واللي عنده ىصور والمولات الموجوده..
اكرر خالص شكري وتقديري...

السلام عليكم
بالنسبة لنورث كرولاينا هي ولايه كبيره فيها عدة مدن المشهوره فيها ( رالي وهي عاصمة الولايه , دورهام , كاري , شارلوت, ولمنقتاون وغيرها من المدن )حسب علمي مصانع الأثاث في منطقه تسمى بالروكي مونتن وهي ليست الروكي مونتن المشهوره وتبعد عن رالي مايقارب الثلاث ساعات وحسب ماأعرفه من الناس الموجودين هناك ان هذه المصانع شبه انقرضت والسبب ان اغلب المصانع اتجهت للصين طبعآ لرخص العماله هناك ولكن مايمنع من المحاوله والتأكد اكثر اذا رحتوا هناك. بالنسبه للأكل الحلال فهو متوفر بكثره في اغلب المناطق وان كانت رالي اكثر لوجود الجاليه العربيه فيها بكثره انا مااشتري الا من رالي اذا كنت هناك مع اني اسكن في دورهام وتبعد تقريبآ ربع ساعه عنهم .وايضآ يوجد مطاعم عربيه بس السعر دبل .كل منطقه فيها مولات ومحلات مشهوره يعتمد وين تسكن في دورهام فيه( النورث قيت & والسوث بوينت ) في رالي يوجد ثلاثه مولات ( كربتشر والباقي والله نسيت اساميها مع العلم اني انا والعائله مطيحين فيها على طول) بالنسبه للسكن يعتمد على اي مدينه رايحين طبعآ مافيه شقق عندهم نظام الكمب بس حلوه واشرح صدر وايضآ عندهم نظام كم المده اذا مده طويله يعني بالشهور فيها كمب لها واذا مده قصيره فيه كامب يحاسبك باليوميه والله يعينك على السعر ( اذا المده طويله 3 شهور فما فوق يطلع عليك اليوم تقريبآ 60 دولار والمده القصيره اسبوع وعليها يطلع عليك اليوم 90 - 100 دولار ) فيه الفنادق وطبعآ نظامها معروف باليوم . انا انصحك بأيجار سياره لان مناطقها بعيده ومتفرفه تحتاج سياره وأفضل من التكاسي مع العلم ان اكثر سواقين التكاسي عرب ومن السودان بالتحديد . الجو في الصيف حلو الحراره توصل20 -25 في النهار والمطر ماشاء الله بكثره .انا من السعوديه واروح هناك كل سنه لمدة 4 الي 5 شهور الصيف لعلاج أولادي ومستعد لأي خدمه ومعلومات اخرى. ابونواف

شكرا جزيلا أخ ابو نواف والله يعطيكم الصحة والعافية ودعائي بالشفاء العاجل ان شاء الله .
معلومات جيدة ..الف شكر.

الاخ العزيز ابونواف شكرا للاضافه المهمه والمعلومات القيمه والله يشفي اولادك وجميع مرضي المسلمين اللهم امين

هل تنصح بالبقاء في رالي حتا لو عندي دوره في دورهام لانه مبين المسافه مو بعيده بالسياره

احسست انه رالي اشرح واحسن والظاهر انهم رالي ودورهام مدن صغار ... لو تقارنها باحد مدن السعوديه حجما وسكان مثل ايش من المدن المعروفه الدمام الخبر مثلا الرياض او جده ؟؟

هل استاجرت سياره انا ادور علي شركه تعطي سعر كويس وسيارات زينه مادور سياره صغير ادور اربع ابواب تحت ال 45 دولار

واخر شي هل جربت الهولندي وخطوط نورث ويست ؟

مع الشكر الجزيل مره اخري لك وللجميع

معليش اخ كريستال قطينا بموضوعك

اشكركم على مشاعركم.
اخوي ابوفيصل نعم رالي ودورهام قريبين من بعض وتقريبآ نفس الشئ تعتبر من المدن الصغيره وصحيح رالي اشرح شوي من دورهام ويقولون السكن في رالي ارخص من دورهام مع ان رالي هي العاصمه ولكن دورهام فيها الجامعات ومستشفى جامعة دوك والمشهور عالميآ والناس تجيه من كل العالم للعلاج والدراسه .المسافه تقريبآ عشر دقائق بينهم وانصحك تستأجر سيارة افضل لك.فيه في دورهام فرع لشركة Avis يديره واحد باكستاني بس يعجبك يعطيك افضل وارخص سعر اسمه شابيير مكتبهم في المدينه قريب من مول النورث قيت ولهم مكتب في مطار رالي بس رح للباكستاني افضل انا كان معي جيب فورد اكسبلورر موديل السنه ايجاره 40 دولار في اليوم . احنا نروح على Aa امريكن ايرلاين انا من الناس اللي مايحب يطير 13 او 14 ساعه متواصله وبعدين عندي العيال مايتحملون يعني لازم ننزل ونريح 4 ساعات ونطيرعلشان كذا نطير ( الدمام - دبي - لندن - رالي ) مطار رالي ما يعتبر مطار دولي مع العلم انه تنزل فيه من لندن ولازم تأخد تصريح من السفاره وحسب الظروف اللي عندك احنا عندنا تصريح علشان حالة الأولاد . يمدحون طيران الأتحاد والسعودية حلوه انا جربتها مره بس زي ماقلتلك الطيران المتواصل يتعبنا .

السلام عليكم اخوي ابو نواف شكرا جزيلا على المعلومات ..بس حبيت استفسر عن السكن ايش تقصد بالكمب هل هو موتيل او منتجع او شبه منتجع اللي يسمونه تايم شير واذا عندك عنوان أو سايت او موقع على الانترنت تقدر تعطينا اياه اكون شاكر لك.............
اخوك كريستال.

الله يعافيك على هل المدح . وهذا واجبي لأي واحد بيتغرب او بيسافر برا . الأخ لازم يوقف مع اخوه وترى السالفه كلها كتابه وشويت معلومات وانت اكيد بتسوي نفس الشئ معي او غير لو احتاج اي معلومات وهذا احلى مافي المنتدى اللي فعلآ استفدت منه كثير . عمومآ الزحمه اعظم من زحمة الدمام وعلى فكره الزحمه في الهاي واي مش داخل المدينه ولا ابالغ اذا قلتلك يمكن الزحمه تكون على طول كيلو او كيلوين ولكن السرى يمشي ما يوقف والسرعة 40 الي 50 كيلو . مطعم العم ناصر في دورهام وانا اقوله العم ناصر لانه رجل كبير ومحترم وتربطني فيه علاقه قويه من 5 سنوات واذا دخلت على اللينك اللي عطيتك ورحت الي muslim businesses بتشوف اسمه I love NY Pizza اضغط عليه بيعطيك على الخريطه مربع فيه العنوان ورقم التلفون وفيه سوبرماركت المدينه في رالي يبيع منتجات عربيه ولحم ودجاج حلال Almadina supermarket اسعارهم شوي غاليه بس هم افضل الموجود( انتبه لتاريخ الصلاحيه على اي شئ تشتريه الله يهديهم يبون يبيعون وبس ). بالنسبه للتلفونات عندهم كذا شركه وانا انصحك singler phone شركه كبيره ولهم محلات في كل مكان وتقدر تستخدمه في اي ولايه اخرى . اذا سكنت ان شاء الله ادخل على موقع mapquest وحط عنوانك وبعدين عنوان الشركه وراح يعطيك اقرب محل لك خذ جوازك وقدم على شريحه او شريحتين اذا ام العيال معك وترى المكالمه بين الجوالين ببلاش اذا من نفس الشركه .
( انا زيك اذا جاء الليل اتنح وخصوصآ بعد دوام او الليل دوام الشفت وما يسوي . وتراه مفيد بعض الأحيان وهناك بتشوف شعب متنح من جد ) وشكرآ ابو نواف

مرحبا ابوفيصل
انا في سابك شركة ابن زهر وترى خويك شوي غشيم وشلون ارسل لك ايميلي على الخاص شكلك تحب الأكل واجد مركز على المطاعم اكبس في البيت افضل ترى الكبسه لها طعم ثاني هناك . المشكله ان الديره كل شئ فيها متفرق ماتقدر تقول مكان قريب منه كلش بس زي ماقلتلك اول طريق السبعين من رالي الي دورهام فيه محلات ومطاعم وكوفي شوب وسينما يمكن هذا احسن مكان وكل الكافي شوب اللي فيه حلوين الجلسه فيه داخل وفيه برا ولا تفوت الجلسه برا اذا الجو غيم والجو كل يوم مغيم . الجوال السعودي شغال بس الحسبه واجد . نعم هي نفس الشركة AT &T .
شرق الولايه على البحر وفيه رحلات بحريه منطقه اسمها wilmington

الله يسلمك يالغالي انا في الظهران بعيد عنك الله يعينك اذا كل يوم مشوار للجبيل

والله الاكل مو كثير مهم قدر انه يكون مكان حلو وفيه ناس بس لاني جمعت معلومات كويسه الا المطاعم

بالنسبه للرساله اضغط علي اللنك الي تحت والباقي سهل


http://www.arabtravelersforum.com/pr...=newpm&u=48697

ماقصرت ويانا المعلومات كلها مهمه ومفيده لاتنسانا من صالح الدعاء سلمك الله

السلام عليكم يا اخ ابو نواف ..شكرا جزيلا ما قصرت الله يعطيك الف عافية معلومات جدا قيمة ..واعتقد ان الأخ ابو فيصل ما قصر الله يعطيه الغافية ماخلى شي إلا سأل عنه أفادنا كثير لأنه توجد اسئلة ممكن تكون رايحة عن بالنا بس انا حبيت اسأل عن شارلوت اذا عندك فكرة عنها من ناحيت السكن والأجواء والمولات والمطاعم والأماكن الترفيهية فيها وكيف الأمن فيها وآسين ثقلنا عليك.

السلام عليكم
أخوي ابوفيصل ضغط على اللنيك بس عطاني ليس لديك صلاحية الوصول إلى هذه الصفحة وش الحل
أخوي كريستال بالنسبه لشارلوت رحت لها مره وحده والمدينه مره حلوه و اكبر من رالي ودورهام حتى من ناحية المباني متطوره اكثر في الشوارع المولات عندهم
south park mall
concord mills mall
المطاعم والله ماعندي فكره كافيه عنها . اللنيك هذا يعطيك جميع معلومات عن شارلوت
http://www.visitcharlotte.com/default.asp
شكرأ

اخوي ابونواف الله يسعد ايامك بكل خير ............... ارسلت ايميل لشبير ولكن يبدو ايميله فيه مشكله ياريت تتاكد لي من الايميل الامر الاخر (كم كانت اجرة السياره باليوم وجدت في بعض المواقع فوق ال 40 لين ال 60 دولار للدودج تشارجر مثلا

اذا هو اقل من هالسعر كان بها

وياريت تعطينا مكان يصلح لتقضية الويك اند حتا لو مسافه ساعه او ساعتين من رالي او دورهام ووش احسن الاماكن بعد الدوام

وهل المحلات تغلق ابوابها بدري مثل بعض المدن في بريطانيا مثلا ماتجي الساعه 8 مساء الا كلهم مسكرين

وأيامك ان شاء الله وينك قطعت انا فكرتك سافرت. للأسف ماعندي ايميل شبير وعمومآ الأسعار عنده تقريبآ نفس الشي من 40 - 60 دولار ولكن هو افضل منهم بأنه يعطيك سعر السياره الكبيره بسعر السياره الصغيره وأسعاره ثابته ماتزود وايضآ الشخص راقي في تعامله ومرن في نفس الوقت انا جربت شركات ثانيه مثل انتربرايس انحش عنهم اسعارهم كل شهر تزود عليك وعلى فكره اسعاره شامله التـأمين يعني 40 - 60 دولار السعر كامل . في الويك اند اقرب شي البحر ويبعد تقريبآ 2 - 3 ساعات وانا انصحك حط عليها ساعه زياده ورح فرجينيا و واشنطن فيه منطقه جهة الغرب وتبعد 4 ساعات اسمها سموكي مونتنSmoky Mountains منطقه جبليه وفيها شلالات وانهار جدآ جميله . نعم المحلات تقفل بدري

المشاركة الأصلية كتبت بواسطة sout_almo6ar
http://www.arabtravelersforum.com/tr...4/#post2018054

:24: موضــــوكم شدي ,استمتعت فيـــه قرايته .علي قولت الأمريكان
have a nice trip

علي فكره ما بعد أمريكا سيـــاحه من أروع ,احلي البلاد.تراني أمووووووووووووت بال USA



ياهلا فيك اخوي واحنا تشرفنا برايك وتعليقك ولاتنسانا من ارائك ونصايحك خصوصا لو زرت هالمنطقه من قبل :24: