الموضوع: ارجو الافادة بخصوص هذه الفنادق

السلام عليكم انا مسافر ان شاء الله للبحرين لوحدي وابحث عن فندق هادي وجميل وسعره معقول ..احد اصدقائي نصحني بفندق ميشتان بسبب انه جديد ويسكنون به العوايل الخليجية والاخر نصحني بسان روك او بانوراما...فمارايكم لو تكرمتو ارجو الافاده:114:

مواضيع عشوائيه ممكن تكون تعجبك اخترناها لك:

• الجامعة العربية المفتوحة بالبحرين
• محل بالبحرين يبيع الحلوى البحرينية في علب فاخرة بورسلان للضيافة
• استفسار عن الهويه الوطنيه
• ابي اسوي مكياج لبناني خفيف بالعيد عندكم يليت تدلوني وين ومين انتـــظركم ؟
• إستفســار عن أرض المعارض أهل البحرين الطيبين ؟
• استفسار عن البوكينق
• ابي شاليهات للايجار في امواج مع حمام سباحه او دره البحرين
• وش رايكم في شقق انفنيتى
• كل من يحب البحرينـ يدخلـ
• طلب وصف سوق المحرق ومتحف البحرين ومحمية العرين
• أفضل صالون حلاقة وتجميل رجالي
• منتجع ضخم ورائع بالبحرين
• أرجو ترشيح فندق
• ممكن المساعدة بوصف محل جاسم للزراعة للضرورة
• فزعه لو سمحتوا هل البحرين الطيبين
• أرق التهاني والتبريكات لأهل البحرين الحبيبة بمناسبة اليوم الوطني
• الطريق البري من الامارات لمملكة البحرين
• ارجوا المساعدة اريد شاليه في البحرين بمسبح خاص
• بنااات البحريين ابي فزعتكم
• سؤال عن الشقق المفروشة في مدينة عيسى وماجاورها للاهميه

اذا بتروح لحالك اسكن في شارع المعارض احسن لك ياخوي تدري ليش؟؟؟ لانه كل شي جمبك هناك كل شي تبينه تحصله في هذا الشارع في هالمنطقه الحيويه محلات ملابس الكترونيات مطاعم حلويات فنادق شقق كل شي كل شي اسكن في شارع المعارض وبس طيعني ولاتسمع كلام اللي يقولك لا ديربالك من هالشارع ويخوفك ماعليك منه ماعنده سالفه وفي وايد فنادق رخيصه هناك ارخص من المناطق الثانيه تحصل وعليك بفندق ريجنسي بلاس فندق نظيف حلو صحيح انه نجمتين بس فندق مرتب ونظيف والغرف وسيعه والفراش كبير وسعره الليله في الايام العاديه من السبت الى الثلاثاء 13 دينار بحريني لااكثر ولااقل ومااعتقد انه بتحصل فندق بهالنظافه والترتيب والخدمات اللي فيه بهالسعر الحلو هذا رح تسكن فيه ورح تدعيلي لانه انا دايما اسكن فيه مااغيره صارلي سنين
ونفس ماقتلك شارع المعارض للشباب يعني رايح لوحدك عليك بهالشارع اما اذا كنت مع عائله ابتعد عن هالشارع افضل واحسن وبالتوفيق

عموما منطقة الجفير كلها فنادق حلووه وبعضها ينصحون فيه الشباب

مثل الفارس للشقق الفندقية فيه مبنيين قريبه من بعضها تقريبا

بانوراما يمدحونه ايضا

وانت اذا رحت منطقة الجفير بتشوف الفنادق بشكل خيالي وتعدد طب وتخير لنظافة تلك المنطقة

المشاركة الأصلية كتبت بواسطة deshe1
http://www.arabtravelersforum.com/tr...6/#post1019529

اذا بتروح لحالك اسكن في شارع المعارض احسن لك ياخوي تدري ليش؟؟؟ لانه كل شي جمبك هناك كل شي تبينه تحصله في هذا الشارع في هالمنطقه الحيويه محلات ملابس الكترونيات مطاعم حلويات فنادق شقق كل شي كل شي اسكن في شارع المعارض وبس طيعني ولاتسمع كلام اللي يقولك لا ديربالك من هالشارع ويخوفك ماعليك منه ماعنده سالفه وفي وايد فنادق رخيصه هناك ارخص من المناطق الثانيه تحصل وعليك بفندق ريجنسي بلاس فندق نظيف حلو صحيح انه نجمتين بس فندق مرتب ونظيف والغرف وسيعه والفراش كبير وسعره الليله في الايام العاديه من السبت الى الثلاثاء 13 دينار بحريني لااكثر ولااقل ومااعتقد انه بتحصل فندق بهالنظافه والترتيب والخدمات اللي فيه بهالسعر الحلو هذا رح تسكن فيه ورح تدعيلي لانه انا دايما اسكن فيه مااغيره صارلي سنين
ونفس ماقتلك شارع المعارض للشباب يعني رايح لوحدك عليك بهالشارع اما اذا كنت مع عائله ابتعد عن هالشارع افضل واحسن وبالتوفيق



مشكور على هالمعومات اخوي desh1 بس لو تكرمت ريجنسي بلاس وين موقعه بالنسبه للمعارض عند ايش يعني اوصفه عند شي معروف بهالشارع لاني ماادل زين ومشكور مره اخرى

المشاركة الأصلية كتبت بواسطة أبوالمهند
http://www.arabtravelersforum.com/tr...6/#post1019643

عموما منطقة الجفير كلها فنادق حلووه وبعضها ينصحون فيه الشباب

مثل الفارس للشقق الفندقية فيه مبنيين قريبه من بعضها تقريبا

بانوراما يمدحونه ايضا

وانت اذا رحت منطقة الجفير بتشوف الفنادق بشكل خيالي وتعدد طب وتخير لنظافة تلك المنطقة



يعطيك العافيه اخوى ابوالمهند ماقصرت بس ليه بانوراما مايمدحونه؟ شكل زملائي بالعمل بيورطوني اوريك فيهملانهم يقولون نظيف جدا وهادي وجلسة اللوبي حلوه ورايقه بس ممكن انه غالي ولكن لاتنسى انا بروح يوم الاحد هل ممكن القاه ارخص من الويك اند؟ منتظر اجابتك يالغالي

والله ياخوي مادري شقولك مافي جمبه بالضبط معروف هو صاير في اخر شارع المعارض يعني قبل لاتوصل الاشاره على اليمين تجيك يعني اخر دخله في شارع المعارض على اليمين وانت جاي يعني من اول شارع المعارض يجيك مجمع التأمينات يصير على يسارك المجمع وتكمل كله سيده سيده وتعدي الدوارات الى اخر الشارع قبل لاتوصل للاشاره الاخيره تجيب لفه على اليمين ادخلها وتمشي مسافه كم متر ويجيك الفندق على ايدك اليمين جمبه فندق الكمدور انا هذا دايما اسكن فيه لانه فندق مريح والغرف كبيره ورخيص سعر الليله 13 دينار = 130 ريال واشوف كثير شباب سعودين يسكنون فيه وعلى العموم انت على راحتك يعني هو بس مجرد اقتراح يعني افضل من السكن في المناطق البعيده مثل الجفير وماشابه خلك قريب وبالتوفيق

مرحبا...... أخوي
فندق مشتان جديد والغرف واسعه وجميله وهو يتواجد بالمنامه قريب من السوق والمنطقه مزدحمه وهو لايطل على شارع رئيسى يطل على نافذ لكن الفندق ممتاز

اذا معاك العائله وعندك سياره أفضلك منطقة الجفير .

انا الصراحه ما انصحك بشارع المعارض او ما جاوره ابد ...

الفنادق اللي هناك كلها مسخره...خمور و مراقص و و و و و السرير اوصح من الكلب عزكم الله.

اذا اتبي اسكن في ميركور اللي عند السيف. من الجسر تقدر تحجزه بحدود 600

اشكركم جميعا وجزاكم الله خير على الافادة

منطقة الجفير افضل اخوي وبعدين خذ شقق مفروشة افضل لك