الموضوع: طلب وصف سوق المحرق ومتحف البحرين ومحمية العرين

السلام عليكم ....ابقى وصف لهذه الاماكن ......

من بداية الجسر ...يعني وانا على الجسر وين اروح ...ارجو وصف دقيق ...واي لوحة ادخل عليها قولو لي اسمها

واسمحو لي على الاطالة ...ويعطيكم العافية

مواضيع عشوائيه ممكن تكون تعجبك اخترناها لك:

• عااااجل وان شاء الله ماتقصرون
• خبراء البحرين ابغي مساعدتكم
• خرائط البحرين
• عندي زيارة قريـــبا للبحرين ان شاء الله وبغيت استفسر عن بعض الاشياء
• مساعدة في سوق باب البحرين
• استفسارات عن البحرين ضروري
• عاجل مطعم رينديفو
• طلب هل من مساعدة
• صناعه الحلوى في البحرين
• مساعدتكم يا اهل البحرين
• الاخوه اهل البحرين ارجو المساعده للاهميه
• من سعودي إلى شباب البحرين ألف تحية وشكر
• من تجميعي البحرين
• التأشيرة مطلوبة ام لا؟
• استخراج الفيزا مهم جدا
• تذاكر من الرياض للبحرين ؟
• كيف نصل لفندق النوفيتيل
• شكرا لكم سلفا ،، متردد في السفر الى اللؤلوة الآن
• استفسار بخصوص مواقف المطار
• استخراج رخصة قيادة

حياك الرحمن ..

وانت داخل من الجسر إلى ( متحف البحرين + سوق المحرق ) .. بعد دخولك إلى البحرين واصل إلى الأمام وخذ ثالث مخرج إلى اليمين عليه لوحات إرشادية مكتوب عليها ( المنامة - ضاحية السيف ) .. بعدها راح تركب فوق جسر وتلف تلقائياً .. واصل بعدها إلى الأمام لا يمين ولا يسار .. راح تصادف جسر آخر واصل معاه إلى الأمام .. بعدين راح يلف الشارع شوي وراح تركب جسر آخر بجوار مجمع السيف ( على يدك اليسار راح يكون ) .. واصل إلى الأمام لا يمين ولا يسار إلى أن تدخل في زحمة شارع الملك فيصل ( الشارع اللي عليه أبراج مرفأ البحرين المالي والمركز التجاري العالمي ) .. طبعاً على هالشارع راح تصادف إشارات ضوئية .. عند الإشارة الضوئية الرابعة انعطف إلى اليمين مباشرة وبعد حوالي نصف كيلومتر راح تحصل إشارة ضوئية ثانية خذها إلى اليسار ..

بعد ما تنعطف من الإشارة الأخيرة إذا كنت تحب تروح متحف البحرين لازم تاخذ أول منعطف إلى اليمين .. وراح تحصل لوحة إرشادية مكتوب عليها ( متحف البحرين الوطني ) .. بعد ما تلف يمين راح تلف على الشارع تلقائياً .. بعدها واصل إلى الأمام بتحصل دوار انعطف معاه إلى اليسار وبتكون في مدخل متحف البحرين الوطني ..

أما إذا كنت تحب تروح سوق المحرق فبعد الانعطاف يسار من آخر إشارة ضوئية ذكرتها لك .. واصل إلى الأمام وبتكون على جسر المحرق القديم اللي عليه منتجع الدانة نوفيتيل ومنتجع اليت سيويتس اند سيا .. واصل إلى الأمام عند الوصول إلى أول إشارة ضوئية بعد ما تنزل من الجسر على طول خذ تقاطع الإشارة الضوئية إلى اليمين وتكون دخلت في سوق المحرق ..

ملاحظة / سوق المحرق قريب من متحف البحرين المسافة بينهم جسر بحري فقط .. لذلك من الأفضل انك تضبطهم في دفعة واحدة ..

..

محمية العرين قصتها ثانية تماماً .. موقعها في جنوب غرب البحرين بينما المتحف والمحرق في شمال شرق البحرين ..

باختصار ..

بعد دخولك الأراضي البحرينية خذ ثاني منعطف إلى اليمين , وعليه لوحات ارشادية مكتوب عليها ( حلبة البحرين الدولية + منتزه ومحمية العرين ) .. واصل بعدها إلى الأمام لا يمين ولا يسار يمكن حوالي 20 كيلومتر راح تصادف جسر واصل معاه إلى الأمام .. بعدين نفق وبعده بشوي نفق ثاني وبعد واصل إلى الأمام .. بعد النفق الثاني خذ ثاني منعطف إلى اليمين من الشارع نفسه .. راح تنزل تلقائياً لأنك فوق منطقة فيها تلال صخرية .. بعدين راح يلف فيك الشارع يمين .. واصل إلى الأمام .. بعد الوصول إلى ثاني تقاطع من إشارة ضوئية خذها إلى اليسار .. واصل بعدها إلى الأمام راح تحصل حلبة البحرين الدولية مبناها واضح جداً على يدك اليسار .. واصل على نفس الشارع إلى الأمام وبعد حوالي 4 إشارات ضوئية راح تحصل لوحات إرشادية تشير إلى موقع محمية العرين وراح تحصل مبنى مكتوب عليه ( العرين ) على يدك اليسار .. ويعتبر مدخل المحمية ..

وان شاء الله قدرت أفيدك ..