الموضوع: الجوال في البحرين أم شريحة بحرينية

يسعد مساكم .. حبايبي
أنا رايح الأسبوع القادم للحرين ، ولمدة خمسة أيام أنا وأم نواف
وودي أسأل هل أشتري شريحة جوال بحرينية ولا أظل على السعودية .. وكم سعر الشريحة البحرينية؟
أنتظر رأيكم ونصيحتكم
وممنووووووووووووووووووووون لكم
محبكم
أبونواف

مواضيع عشوائيه ممكن تكون تعجبك اخترناها لك:

• الفزعه يا اهل البحرين
• عاجل إلغاء سباق الفورملا في البحرين
• يأهل البحرين
• تقدر تشوف الزحمه قبل ماتقرر انك تروح البحرين
• طالبتكم يا اهل البحرين
• يا اخوان بني مشاركتكم
• بليييييييييييز
• تصريح السفر للبحرين مساعده ضروري ؟؟
• سؤال عن بعض الأماكن في البحرين
• ما هو أفضل فندق أو شقق بالحرين قريبة من المطار المحرق
• ميركور قراند فاااااشل نوعا ما
• استفسار لأهل الخبرة
• مطعم الصواني هل ماأسمعه حقيقي ؟
• استفسار
• بروح للبحرين ومعي الخادمة هل هناك اجراءات
• مين اللي يعرف محل يبيع شنط ماركة باريس هيلتون؟؟
• شقق السومرست فى البحرين
• رحلتي السريعه الى البحرين
• سؤال ضروري بليز
• من بوابة تركيا إلى بوابة البحرين حول

اذا ما تبي تجيك الاتصالات على رقمك ويصير عليك السعر دبل
اخذ لك شريحة من البحرين ام تي سي
او بتلكو
في شركة ام تي سي عندهم الارقام بـ 3 دينار وتقدر انت تعبيها بالسعر اللي تبيه عشرة دينار والا عشرين ديناروالا دينارين بس عيبها هالشركة معظم الاحيان ما يكون فيها ارسال لانها جديدة الشركة وبعد فيها خدمات اكثر للزبائن
بتلكو اوك بس سعر المكالمات اعلى من الشركة ام تي سي والشرائح على حسب الرقم فيه بثلاثة دينار فيه بخمسة دينار والارسال لشركة بتلكو دايما ممتاز

اختي بحرينية و افتخر بالعكس ام تي سي فودا فون تتميز بقوة الارسال !!

و الدليل وجود ابراج ام تي سي للاتصالات في كل مناطق البحرين ,, صحيح ام تي سي شركة جديدة لكنها ثبتت اقدامها بوجود بتلكو , و انا عندي بطاقتين ام تي سي و ايضا بتلكو ,,

و نصيحتي للاخ من السعودية انه يطلع بطاقة بحرينية سواء ام تي سي او بتلكو اللي يعجبه ,, لان من خلال تجربتي لما اسافر و استخدم تلفوني البحريني يجيني البيل بمبلغ ما اتوقعه ,, و كل شركات الاتصالات جذي ,, فالاحسن الواحد لما يسافر لعدة ايام يطلع له بطاقة للبلد اللي يروح له ..


تحيتي

المشاركة الأصلية كتبت بواسطة rashed2002
http://www.arabtravelersforum.com/tr...94/#post963394

اختي بحرينية و افتخر بالعكس ام تي سي فودا فون تتميز بقوة الارسال !!

و الدليل وجود ابراج ام تي سي للاتصالات في كل مناطق البحرين ,, صحيح ام تي سي شركة جديدة لكنها ثبتت اقدامها بوجود بتلكو , و انا عندي بطاقتين ام تي سي و ايضا بتلكو ,,

و نصيحتي للاخ من السعودية انه يطلع بطاقة بحرينية سواء ام تي سي او بتلكو اللي يعجبه ,, لان من خلال تجربتي لما اسافر و استخدم تلفوني البحريني يجيني البيل بمبلغ ما اتوقعه ,, و كل شركات الاتصالات جذي ,, فالاحسن الواحد لما يسافر لعدة ايام يطلع له بطاقة للبلد اللي يروح له ..


تحيتي




اخوي انا اعاني اذا اتصل حق اختي
اختي عندها شريحة ام تي سي لكن والله ينرفع ضغطي وقت اللي اتصل لها لان على طول يقول لي ان الجهاز مغلق واحنا حطيناها على التلفون خربان وبدلنا الشرايح لتلفون ثاني وطلع لنا مثل الشي يعني العيب انه الارسال ضعيييف
انا مجربة بنفسي

انا عندي بطاقتين ام تي سي و بتلكو و ماصارت لي مشاكل في الارسال في ام تي سي ,, و رفيجي عنده بتلكو و احيانا اتصل له و اهو في بيتهم و ينقطع الارسال ,, و لكن ممكن المنطقة اللي انتوا فيها مافيه برج لام تي سي و هالشي ياثر على الاتصال ,, و بالنسبة لسعر البطاقة اعتقد بتلكو خمس دنانير بطاقة سمسم ,,


و ام تي سي اعتقد ثمانية دنانير بطاقة ايزي ..

تحيتي

السلام عليكم،،
دائماً عروض البطاقات المؤقتة الأفضل تكون من نصيب شركة أم تي سي فودافون (عن تجربة)،،
وبالنسبة للإرسال أنا الآن أستعمل بطاقة ام تي سي من أكثر من سنتين (حوار) ولم أعاني يوم من مشاكل في الإرسال أبداً ..؛
ولا يهونون بتلكو .. كلاهما شركتان ممتازتان والشهادة لله ..؛
.
.
عزيزي abunwwaf دائماً إذا سافرت قم بشراء شريحة مؤقتة من البلد الذي تسافر له وأرسل رقم هاتفك الجديد مع فتح الخط لخمسة من أهم الأشخاص في بلدك،، بالإضافة إلى تسجيل رقمك المؤقت في رسالة صوتية (البريد الصوتي) لمن يتصل عليك على جوالك المغلق،، وبهذا لن يتصل لك إلا من يريدك إضطراراً وعلى حسابه،، فتوفر مالك للاستمتاع في سفرك
.
.
تحياتي ..؛

طيب سؤال يسدح نفسه :

بكم سعر الاتصال عن طريق باتلكو للسعودية ؟

وبكم تكون الدقيقة لو كان على جوالك السعودي ؟

بانتظاركم :115:

هلا اخوي بو احمد ,, اعتقد سعر الدقيقة للسعودية و كل دول الخليج عن طريق الاتصال من شريحة بتلكو , تبلغ الدقيقة 160 فلس , و ممكن فيه عروض و تقدر تتاكد من بتلكو مباشرة ,

و اما الاتصال عن طريق جوال سعودي فماعندي فكرة الاخوة السعوديين ادرى مني


و كلام اخوي دكتور ماهر صحيح ايضا ..

والله خجلتوني من طيبتكم وكرمكم .............. صدقوني معلوماتكم مفيدة لي وللغير
تحياتي للجميع

أبو نواف وانا اخوك ألاحظ أسئلتك تارسة المنتدى !؟ ورا ما تحط أسئلتك كلها بموضوع واحد وتجد الإجابة الشافية الكافية من الجميع
ثم إذا استفسرت عن كل شي راحت حلاوة السفرة والتجربة والمغامرة !!

اذا انت بتجلس 3 ايام او اقل خلك على السعودية
اذا اكثر خذ شريحة بتلكو لان تغطيتها كاملة في البحرين واحيانا تقدر تلقط الارسال وانت على كورنيش الخبر