الموضوع: ما هي افضل اماكن في البحرين

الطموحه اولا كل سنه وانتي بالف صحه وسلاااااامه بالنسبه للبحرين لولوه في بحر كل شي فيها حلوووووووو ومايبيلها شي سوى انك تركبي سيارتك وتلفينها كلها علشان ما يفوتك شي طبعا عندك شارع المعارض فيه كل شي مطاعم وفنادق واماكن كفيهات وعندك السيف برضو مجمع روعه وفيه فندق البنوراما فيه بوفيه مفتوح يجنن واسعاره معقوله ...

هذي نبذه بسيطه عن الي اعرفه عن البحرين وانشالله تروحي وترجعي بالسلاااااامه

حياك الله اختي طموحة

انا اشوف من افضل الأماكن مجمع السيف في كل الي تبي

تمشية + اسواق+ سينما+ مطاعم + العاب اطفال
.................................................. ..............................................

وانا من رأيي إن افضل الهدايا

الأطفال: خذي معك كرتون بسكويت ريكو ووزعيه عليهم اذا رجعتي :24:

الكبار: درزن اقلام bic ام نص ريال ووزعيها (للذكور) :115:

والحريم خذي معك ربطة ديرم وانتي ابخص :101:

الف شكر وجزاكم الله خير

والحريم خذي معك ربطة ديرم وانتي ابخص


هههههههههههههههههه ، الله يرجك ما وسع صدرك

مغليك :109: :109: :109:

هلااااااا بيكم في البحرين

اذا تبي هديه مميزه من البحرين فما لك الا الحلوى البحرينه معروفه في الخليج
وتقدر تاخذ ماء اللقاح بعد اشوف الخليجين يحبونه وااايد

اذا هديا تذكاريه عندك في سوق المنامه باب البحرين بالظبط محل كله هدايا تذكاريه عن البحرين

وايد حلوه

الأخت الطموحه أولا أتمنى أن تستانسين في مملكة البحرين... ثانيا أنا ماأنصح بشارع المعارض لأنه شارع مشبوووووووووووووه خاصتا نهاية الاسبوع ..... ثالثا عندك مجمع السيف والدانه وشارع ابو كواره وسوق المحرق الشعبي وفي النهايه أتمنى اني قلت شي مفيد

احلى شي تاخذين من البحرين عطورات من جنيد و اصغر علي

اما الهدايا التذكاريه هذي خليها للاجانب ههههههههه

المشاركة الأصلية كتبت بواسطة طموحة
http://www.arabtravelersforum.com/tr...13/#post955066

حياكم الله اخواني واخواتي

ان شاء الله اول مرة مسافرة للبحرين :101:

ممكن اعرف افضل الامكان فيها، وماهي افضل الهدايا ؟؟

جزاكم الله خير




الاماكن اللي في البحرين معروفه ومكرره... بس ما ينمل منها... لها جوها..
الاسواق:
مجمع السيف
مجمع العالي
الدانه
البحرين
كلهم تقريبا عند بعض
في مجمعات اكل الدهر عليها وشرب ... مثل
يتيم
الزينه
و فيه مجمع جديد ما دخلته الا الان عند ستره "حتى اسمه ما اعرفه"

الاسواق الشعبيه:
سوق المنامه
سوق المحرق "وانا اشوفه افضل"
السوق الايراني في مدينة عيسى
و شارع السوق بالرفاع "على قد الحال" صغير


بالنسبه للمطاعم:
احلى شي على قلبي الكفتريات الصغيره... تلاقينها بكل مكان... لاتقولون وصخين... عندهم دجاج فليه و حركات خطيره.
مطعم الابراج
مطعم بلو اليفنت
مطعم صيني ما اذكر اسمه ... مقابل مركز اللولو "حلو مره"
ابل بيز في مواقف مجمع البحرين
وفيه مطاعم في العدليه بس المشكله فيها (شراب) لكن وقت الظهر محد حولك ... بس ما بقولها لان فيها شراب.

اماكن حلوه:
طبعا السينما بتلاقينها في مجمع السيف والدانه
كوفي شوبز في الدانه
و فيه محل ودي اقوله ... بس لو فيه رسايل خاصه كان علمتك....
الصراحه الكوفي شوب رايق ... اروح له مع المدام ولا احد يدري عنه ... محل داخل محل داخل محل
حلوها عاد.

فيه متحف البحرين ... من حوالي 15 سنه ما رحت له و كل مره ابي اروح بس ما عندي وقت.
فيه الفنادق الكبيره امثال الدبلومات والمريديان و غيرها عندهم بوفيه حلو... بس لا تحاولون تروحون اي فندق غير 5 نجوم ... 4 مقبول نوعا ما...

فيه كوفي شوب رايق ... في مركز جواد اللي على طريق البديع ..اذا الجو حلو الجلسه برا حلوه الصباح او العصر

بالنسبه للهدايا:
الحلوى اكثر شي ينبسطون عليه الناس ... اهم شي يريحون البطون...

المحرق فيها محلات وااااايد تقدرين تاخذين
حلوى
غريبه
زلابيا
سمبوسه حلوه
نشاب
و انواع كثيره من الآجارات



عموما ان شاء الله اني لحقت قبل لا تسافرين واذا محتاجه شي انا حاضر

سيتي سنتر البحرين هو المفضل عندي، كل الالعاب والمحلات الموجودة في، بجنن ما بينزهق منو، لازم تروحو
http://www.citycentrebahrain.com/ar
هاي الرابط اذا حابب تشوف المحلات والترفيه اللي في