الموضوع: ممكن تساعدوني عن الاماكن اسواق وكافيهات ومطاعم في البحرين

مرحبا أختي
دام انج من 3 سنين مازرتي البحرين ( ترى البحرين وايد تغيرت)
عندج
مجمع السيف ( التوسعة الجديدة اكيد ماشفتيها )
مجمع الدانة
ومجمع العالي

الاسواق
سوق المحرق ( فيه الجلابيات و الحلوى والمتاي وكل شي)

الحدائق
محمية العرين
جنة دلمون المفقودة ( برك سباحة و العاب مائية )
منتزه عين عذاري ( العاب ومطاعم )
متحف البحرين الوطني

اما الباقي فالاخوان مابيقصرون
واي سؤال لاتترددين

اخوي بحريني و افتخر ما قصر :24: واحنا بالخدمه
حياك الله بالبحرين

يعطييكم ألف عافيه ما قصرتوا :106:

من الأماكن الي اتردد عليها دايما مجمع جواد .. فيه كذا مطعم وكوفي شوب والمنطقة الي يقع فيها جميلة جدا على شارع البديع .. وعلى نفس الشارع مجموعة كبيرة من المطاعم المفتوحة (في الهوا) موجودة في مكان واحد بتلاحظونها اكيد اذا مريتوا على الشارع.

مزون البحرين بالنسبه لكافيه لو شوكولا وين موقعه بالضبط وفيه(شيشه) ولا لا

انا سمعت ان مجمع الشيراتون لسه مافتح

واذا كان مفتوح وين موقعه. . . وفيه سينما ولا لا

المشاركة الأصلية كتبت بواسطة عادل عبدالعزيز
http://www.arabtravelersforum.com/tr...0/#post2071732

مزون البحرين بالنسبه لكافيه لو شوكولا وين موقعه بالضبط وفيه(شيشه) ولا لا

انا سمعت ان مجمع الشيراتون لسه مافتح

واذا كان مفتوح وين موقعه. . . وفيه سينما ولا لا



مجمع الشيراتون (مودا مول) لم يغلق ابدا فالمجمع القديم مفتوح والمجمع الجديد ايضا مفتوح لكن معظم المحلات لم تفتح بعد. مجمع الشيراتون هو المجمع الملاصق لفندق الشيراتون وبرج التجارة العالمي.

لاشوكولا مطعم وكوفي شوب اكلة وحلوياتة ممتازة فية جلسة داخلية وخارجية ومسموح فية التدخين لكن ما فية شيشة. يقع مقابل مجمع السيف مباشرة عند دخولك منطقة السيف فهو مقابل الاشارة المرورية قيل ما تلف يمين وانت جاي من تحت الكوبري.

اذا كنتي من عشاق الأكل اللذيذ...فأنصح بزيارة كوفي شوب ليلوز في مجمع العالي او فرعه الثاني في العدلية بالقرب من فندق الخليج.في نفس الشارع راح تحصل نخبة من المطاعم الراقية مثل ميراي (ياباني) هاش هاوس (تايلندي) ميت كو (أفضل محل للستيك) زوي (عالمي بس بعد لذيذ).

آخر مطعم فتح عندنا اسمه نو (يعني نيو اسيا) عبارة عن 4 مطابخ ياباني هندي تايلندي صيني انا ماجربته بس يقولون حلو وطبعا لأنه جديد ف شوي صعب تحصلين حجز