الموضوع: أول سمك مشوي و أول حميسة و أول تقاريري عن مطعم شعبي مطعم الشمم في سوق المباركية

السلام عليكم ورحمة الله و بركاته

شأخباركم مع الحر :105:
بما انه مافي سفر ب هالصيف ... ف ... ما شاء الله علي ...ما خليت مطعم ما جربته :109:
بس يا ليته يبين علي :110:
المهم ... بالتقرير اللي طاف كتبت عن المطعم الايراني شباستيان ...
و كثير من الاعضاء مدحوا مطاعم المباركيه ... و منهم الاخ الملك في رده على موضوعي :







المشاركة الأصلية كتبت بواسطة الملك
http://www.arabtravelersforum.com/tr...8/#post2221808

اللي يسأل عن المطعم الايراني اللي بسوق المباركية اسمه مطعم ( الشمم )

عنده حميسة لحم عجيبة وبعد عنده سمج مشوي على كيف كيفك


وبالعافية مقدماً



و أنا طبعا ما صدقت خبر ...و رحت جربت المطعم امس
بنفس اليوم اللي قال لي عنه اخوي بحر :109:
جزاه الله خير
بالاول تمشينا في سوق السلاح ( للعطور) و تمشينا عند المكياج و الشنط
و بعدين رحنا تعشينا بمطعم الشمم... داخل سوق المباركيه ...
فيه دورين ... اللي تحت للشباب و اللي فوق للعوائل ...
أول ما شفت الزحمه قلت اكيد انه حلو ...
لكني انصدمت بالمكان ... ما عجبني ..و ضيق
و عشان تطلع للدور الثاني لازم تمر من جنب المطبخ
لكن الحمدلله الاكل عجبنا :24:
و ترى رخيص حييييييييييييل ... حسابنا طلع 4 دنانير و نص :24:

أخليكم مع الصور ....



صورت المطبخ و احنا طالعين للدور الثاني :105: و طبعا الجرسون شافني و طول القعده طايح فيني خز ... يمكن يحسبني صحفيه :109: علمت زوجي عليه و لا زوجي يطيح فيه خز :109: عشان يروح عننا ... صارت مسابقة خز :115:
المهم انه بالاخير راح


المنيو :



أول ما قعدنا جابوا لنا :


طلباتنا :
حميسة لحم :


خبز ايراني :


صحن كباب :


صحن كباب مع عيش : الكباب تحت العيش :


6 حبات سمك ميد مشوي : هو المفروض الصحن 12 حبه ...لكن قلت له واجد قال خلاص اجيب لج 6 حبات :


مرق بطاط : يجي مع عيش و كباب :


صوره فاشله للمطبخ و احنا طالعين من المطعم : كنت توني بأصور ولا يطلع بوجهي رجال خرعني :109:


هذي طلباتنا مع 2 ميرندا و 2 ماي
طلع حسابنا كله ب 4 دنانير ونص :101:
المطعم اكله جيد و رخيص جدا
على فكرة ,,, هذي اول مره اكل بمطعم شعبي رخيص :109: و أول مره أكل سمك مشوي بمطعم و أول مره أكل الحميسة من مطعم :109: ,,, أول مرة بكل شي ... عشان جذي كانت تجربة غريبة و حلوه
و انا دايم أقول التغيير حلو :24:
أنتظروني بتقاريري الجايه :106:

مواضيع عشوائيه ممكن تكون تعجبك اخترناها لك:

• الكويت حلمي القديم يتحقق
• افضل الحلاقين بالكويت وين احصلهم ؟
• تفصيل جلسات عربية
• افضل الفنادق والشقق الفندقة في الكويت مع ظرورة توفير وجبة افطار مجاني
• مطعم ومقهى نهر الفنون
• انا من عمان الاردن استفسار بخصوص الفيزا الي الكويت
• تأجير يخت في الكويت
• صور الامطار الغزيرة التي هطلت على الكويت
• تقرير عن المدينة الترفيهية مع صور
• المدارس بالكويت
• هلا فبراير يدشن موقعه الالكتروني
• الكويت ترحب بكم
• بلادي الغاليه
• يا اهل الكويت الكرام
• اريد افضل محلات جلبيات بيت حريمي في الكويت
• ابي من يدلني
• استفسار عن رحلتي القادمه لهونج كونغ وشنغهاي
• من عنده علم لا يبخل
• استفسار لاهل الجود
• فعاليات عيد الفطر المبارك

يعطيج العافية على التقرير الحلو ...
والاكل شكله لذيذ ...
وبالعافية ...

يامال العافية

تقرير جميل . شكرا أختنا المرام.

أتمنى زيارة الكويت يوم من الايام
دمتم بود

يعطيج العافية
وبالعافية حبيبتي ان شاءالله بجربه .

هههههههههه

صحه وعافية

ما شالله عليج قول وفعل

بس اشرايج بالحميسة شغل عدل صح:24:


على فكرةاشياب الميد مع الكباب حلات الميد ينوكل ابروحه



ويعطيج العافية على الموضوع

:106: حرم الملك :106:

ههههههههههههههههههههههههههههههههههه

اكتفي بالضحكه

الله يعطيج العافية و التغيير حلو والله.......

مشكورة اختي المرام على التقرير الحلو

والاكل شكله عجيب

حميس ودميس يم يم يم يم





شئ حلوووو ... وترى روعة التقرير ليس بغلاء المكان أو رخصة




بس ليش ما جربتي حميسة الربيان (( رائعة )) المرة الجاية إن شاء وراح تدعيلي




مشكوووورة يا المرام

بالعافية

وفعلا مطعم الشمم من أنظف المطاعم بسوق المباركية ( انا ما أقصد الأكشخ) لا كلهم مستوى واحد من ناحية الشكل العام يعني طاولة وكراسي شغل حيا الله بس الأكل فعلا الشمم أحلى وأنظف

اللي وده يجرب خل يجرب عندهم مرق الهامور وسبيطي مشوي والله إنه روعة

عاد انا موتي بالهامور والسبيطي والشيم و الصبور أحلى أنواع السمج المشوي

دشينا بحري عدل هاهاها

المرام

اتابع مواضيعك بشغف

و انتظر جديدك

موفقة

متميزة

ما شاء الله عليك

فعلا يا فهد الأحمد الشيم اكل الحشيم يا سلام عليك الى مو داخل بحري الى مخربها هههههههههه
الله يعطيج العافيه المرام ومبين الميد يا سلام مطرح مايسري يمري ويعل عافيتو احلى من طعموو

يعطيج العافيه

اهم شي عندي الاكل يكون نظيف موومهم مكان عندي

انتظر جديدك

المشاركة الأصلية كتبت بواسطة ibrahim20
http://www.arabtravelersforum.com/tr...7/#post2229467

يعطيج العافيه

اهم شي عندي الاكل يكون نظيف موومهم مكان عندي

انتظر جديدك



تسلم اخوي ابراهيم على مرورك
فعلا اهم شي النظافه
و الحمدلله هالمطعم كان نظيف :24:

مشكورة أختي المرام ..
صراحة أنا من طاعم سوق المباركية ما رحت إلا لملك الصاج و دايم زحمة حيل عندهم.. . بس وين مكانه بالضبط هالمطعم عشان نغبر عالأقل

المشاركة الأصلية كتبت بواسطة بهااء
http://www.arabtravelersforum.com/tr...1/#post2233251

مشكورة أختي المرام ..
صراحة أنا من طاعم سوق المباركية ما رحت إلا لملك الصاج و دايم زحمة حيل عندهم.. . بس وين مكانه بالضبط هالمطعم عشان نغبر عالأقل



هلا فيج حبيبتي
هو داخل سوق المباركيه
أدخلي السوق و أسألي عن المطعم
تسلمين على مرورج