الموضوع: من عنده علم لا يبخل

السلام عليكم ورحمه الله وبركاته مشكورين على هذا المنتدى الرائع والذي مهما شكرت لن أوفيه ولو جزء بسيط من حقه

استفساري انا مسافر للكويت قريبا واستفساري يدور حول الاماكن السياحية والمجمعات التجارية والاسواق الشعبية .....بالكويت وأحببت مساعدتي باسماء الاماكن السياحية ومواقعها مقسمة حسب المنطقة اختصارا وتوفيرا للوقت حتى استطيع اشوفها قد ما اقدر مثلا السالمية وش فيها من مجمعات واسواق شعبية ومطاعم واماكن ترفيهية ألخ :113::109::108::112::115::114::110::105::24::101:: 108::112::11ight::surf:surfing::8888::bounce8:

مواضيع عشوائيه ممكن تكون تعجبك اخترناها لك:

• قالو عن الكويت
• فيكتوريا سيكريت تنطلق في المنطقة عبر فرعين الكويت و دبي
• استفسار سريع ،،،، أرجو الرد بسرعه
• تفاصيل رحلتنا الي الكويت
• مطعم فريج عقاب
• منتجع بلومون
• الدخول لدولة الكويت ؟
• معرض المنتجات السورية يبدأ ؟؟؟
• سؤال وارجو الرد عليه
• الشنط تقليد الماركات يا بنات الكويت
• الحجز على الخطوط الكويته
• مطعم لا يطوفكم
• عندي سؤال لو سمحتو ؟؟
• مساعدة
• أماكن بيع الاقمشة الشتوية الرجالية
• عضو جديد
• كويت السبيعنات صور نادرة
• وين الأماكن الزينه وكذلك المتاحف والمطاعم اللي تمثل ماضي الكويت وإذا أمكن احداثياتها
• أول مرة أعيد خارج السعودية واخترتكم يا أهل الكويت
• هل بالكويت فنادق ملاصقة لمجمعات تجارية؟

السالميه فيها السوق الوردي او سوق السالميه : حلو عائلي واسعاره مناسبه وفوق صاله العاب للاطفال

مارينا مول كافيهات واسواق ماركات ومطاعم ومقاهي اطلاله على البحر وسينما
المباركيه سوق تراثي العطورات والخلطات الشرقه والبخور ملافع يصلح لهدايا

اولا- السالميه: مجمع المارينا مول , مجمع الفنار , وماركس اند سبنسر , واتش اند ام , وسنتر بوينت طبعا هذي المجمعات كلها بشارع واحد ,,,, وعندك سوق السالميه الوردي الموجود عند دوار الجوازات هالمجمع عجيب فيه كل شي ملابس احذيه اكسسوارات اواني منزليه تحف ومطاعم وكافيهات وووووو واسعاره روووعه ببلاش رخيص وايد ....
ثانيا- حولي: مجمع المهلب محلاته حلوه وفيه سينمات ومطاعم ,, وعندك سوق المعلم حولي سوق يعتبر شعبي وايد حلو كل اللي تبيه موجود وفيه محلات 100 فلس موجوده فوق , وعندك البحر فيه محل ماكس 3 ادوار اسعاره رخيصه ..
ثالثا- سوق المباركيه: واي احلى سوق شعبي بالعالم كله كل اللي تبيه موجود اصلا حرام توصل الكويت وماتشوفه طبعا سوق المباركيه موجود في مدينه الكويت ...
رابعا- سوق شرق: مجمع كبير وراقي فيه محلات زارا ومانجو واويسس و دابنهامز وووو واحذيه وفيه سينمات ومطاعم ومركز السلطان (سوبر ماركت كبير جدا) و بصراحه موقعه روووعه على البحر ...
خامسا- مجمع الصالحيه: الموجود في مدينه الكويت من ارقى واغلى المجمعات في الكويت كله بوتيكات ماركات لوي فيتون ديور وجفينشي وفيرساتشي وفيندي وبولغاري ورولكس وشوبارد وووو يعني لاتنسى قبل لاتروح تاخذ معاك البك المركزي
سادسا- مجمع الافينيوز : موجود على طريق الدائري الخامس وبصراحه هالمجمع من احلى المجمعات بالكويت واي واي شي عجيب هالمجمع لازم تخصصله يوم كامل خاص فيه وتدخل سينما بعد بس هاالله هالله بالكشخه لازم تتكشخ قبل لاتروح وسامحني على القصور والله ايدي اتعبت وحيااااااااااااااااااااك الله بالكويت ...

مشكور إخوي ركاز تسلم لي ، أختي ايس كريم فنيليا مشكوووووووووووووووور جعلي ما اعدمك واسف على إني تعبتك معي مدري انتي كاتبه لي المجمعات بس فيه المتاحف والمنتزهات والاماكن الترفيهيه ومحلات الجلابيات النسائية الكويتيه اللي مثل اللي تلبسها إلهام الفضاله وغيرهم مع الشكر

تآمر امر افا عليك .. بالنسبه للاماكن الترفيهيه 1- المدينه الترفيهيه في منطقة الدوحه طبعا هذي تقضي فيها يوم كامل كبيره جدا وفيها موطبيعيه 2- منتزه الشعب الترفيهي (ملاهي) على البحر وفي العاب خطره وتجنن 3- حولي بارك موجوده في حولي ويضم ايضا مكتبه جرير 3- ابراج الكويت 4- المركز العلمي عجيييييييييب فيه الاكواريوم موجود على البحر 5- بيت الشهداء 6- متحف الكويت الوطني 7-حديقه الحيوان (عزك الله) .. هذا اللي طرى بالي حاليا ,, بالنسبه للجلابيات تلقاهم بمجمع الاوقاف موجود في مدينه الكويت مليان دراريع واللي تلبسهم الهام الفضاله اغلبهم تصميم مصممات كويتيات بس مجمع الاوقاف في نفس المستوى بس اسعاره ارخص مليون مره من المصممات .. وأي شي ثاني انا حاضره

اي ونسيت شي خطير ومهم جدا جدا بالنسبه للدراريع هم بعد تلقى دراريع عذاااااااااب ويجننون واسعارهم حلوه موجودين بمجمع العربيد في منطقه الفروانيه خلف جمعيه الفروانيه ...

السلام عليكم مشكوره ايس كريم المجمعات اللي ذكرتيها في البداية أغلبها اعرفها بس في المنتدى ومن كثر ما قريت عورني راسي من كثر ما قريت عن مجمعات واسواق اخرى ممكن تكون غير مشهوره ولكن قد تكون رخصيه مثلا او متخصصه بشغلات معينه مثلا ممكن تساعديني فيها وشكرا .....متاسف وتحملينا راح اكلف عليك يازينك يا كويت انتي واهلك احــــــــــــــــــــــــــــــــــــــــــــــــ ـــــــــــــــــــــــــــــــــــــــــــبــــــ ــــــــــــــــــــــــــــــــــــــــــــــــــ ـــــــــــــــــك

هلا اخوي حياك الله ،، ياريت تدخل علي نفس البوابتنى للموسوعة الكويت تلقي كلشي فيها وحتى بعضها فيها الخرايط توضيحية

وحياك الله بين اهلك ودارك

السلام عليكم مع الاسف تراني مبتدأ في المنتديات كيف اوصل للموسوعة اللي ذكرتيها إذا تكرمتي اختي كويتيه ساعديني (دليني) حبه حبه معليش وشــــــــــــــــــــــــــــــــــــــــــــــــ ــــــــــــــــــــــــــــــــــــــــــــكرا

حتى الكويت تحبكم وتموت فيكم شوف اذا تبي مجمعات رخيصه :
1- منطقه الفروانيه: مجمع الحمرا مول فيه كل مايلزم واسعاره ارخص من المجمعات اللي ذكرتها , مجمع مغاتير , مجمع العربيد بلازا بجانب الحمرا مول غير عن العربيد اللي خلف جمعيه الفروانيه اللي فيه دراريع ... طبعا هالمجمعات حلوه واسعارها بعد حلوه يعني ما تتقارن بالمارينا والافينيوز ..
2- منطقه حولي: مجمع النقره الشمالي ومجمع النقره الجنوبي مجمعين يفصل بينهم جسر مشاه اسعارهم خيال بس كل المحلات الموجوده في المجمعين لملابس النساء والاطفال والاكسسوارات وبدل السهره والعبي بس واااااااايد اسعاره رخيصه.. , وعندك المعلم سوق شعبي وكبير جدا جدا رخيييييييييصه ببلاش وفيه كل مايلزم من اواني وتحف ملابس احذيه اكسسوارات وووو ..
3-منطقه السالميه : عندك سوق السالميه الوردي الموجود عند دوار الجوازات , وفيه سوق السالميه عباره عن شارعين طوال موجودين عند وكاله مرسيدس طبعا هذا الشارع طويل وممتد من اوله لي آخره محلات كل اللي يطري على بالك وباسعار بلاش ويقع هذا الشارع في نهايه الدائري الرابع تعدي الاشاره وتكمل سيده وتتدخل السوق وووبس هذي اهم واشهر المجمعات الرخيصه ولا تنسى المباركيه

ايس كريم مشكورة على فكرة عندي سوال تعرفين الشوارع بالكويت زين واسمائها انا حاجز بفندق ايبيس وعندي دورة بمعهد التخطيط تعرفين كم المسافة بينهم جعلي ما اعدمك راح اهريك اساله تحمليني أحبك يا كويت مووووووووووووووووووووووووووووووووووووووووووووووووو وووووت

والكويت تحبك موووووووووووووووت ... للاسف والله ما اعرف اسماء الشوارع والله انا ساعات اضيع وانا اسوق السياره يعني ما ادل الا الاماكن المهمه والسياحيه وووبس والله ودي افيدك بس للاسف ما عرف اتمنى غيري يفيدك ..

عموما مشكورة بس اسفساري اذا العضو وده يتواصل مع اعضاء المنتدى خارج المنتدى كيف (سوال خارج الموضوع عارف والسموحه)

ايبس في منطقه السالميه شارع سالم المبارك تقريبا المسافه بين المعهد بالشويخ والسالميه 15 دقيقه بدون زحمه بالزحمه توصل نصف ساعه وقت الذروه طبعا

مشكورة شجن بس مدري كيف التواصل بين اعضاء المنتدى خارج المنتدى واسف على الازعاج

لا يفوتك مطعم فريج صويلح

التواصل مايكون موجود الا في المنتدى
بس انت اذا عندك اي استفسار ان شاء الله ماراح نقصر معاك وراح نجاوبك على كل استفساراتك

وبالنسبه للموسوعه والخرائط راح تلاقيها موجوده اول ماتدخل بوابه الكويت تلاقي من فوق الصفحة مواضيع مثبته
اقراهم راح تستفيد منهم وااايد قبل سفرتك


وحياك الله :smile:

المشاركة الأصلية كتبت بواسطة أخونك ليه
http://www.arabtravelersforum.com/tr...9/#post2708439

عموما مشكورة بس اسفساري اذا العضو وده يتواصل مع اعضاء المنتدى خارج المنتدى كيف (سوال خارج الموضوع عارف والسموحه)



آسفه على على التأخيييييييييييييير والله كنت مشغوله حدي :106: .... والله ماعندي فكره .... :114:

انا صراحة انصحك بزيارة سوق المباركية وسوق السالمية وكارفور

تحياتي لك

المشاركة الأصلية كتبت بواسطة أخونك ليه
http://www.arabtravelersforum.com/tr...9/#post2708439

عموما مشكورة بس اسفساري اذا العضو وده يتواصل مع اعضاء المنتدى خارج المنتدى كيف (سوال خارج الموضوع عارف والسموحه)



هممممممممم؟؟؟ :114:

شكرا للجميع انا قصدي بالتواصل خارج المنتدى بالماسنجر مثلاً يعني بشكل ثاني اذا ودي ايميل واحد من الاعضاء كيف احصل عليه او اطلبه من العضو مباشرة ايس كريم حاولي تفكرين وتشوفين لي حل ممكن ،،، أحبك يا كـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــويت

المشاركة الأصلية كتبت بواسطة vanella
http://www.arabtravelersforum.com/tr...4/#post2703624

سوق السالميه الوردي الموجود عند دوار الجوازات هالمجمع عجيب فيه كل شي ملابس احذيه اكسسوارات اواني منزليه تحف ومطاعم وكافيهات وووووو واسعاره روووعه ببلاش رخيص وايد ....



سؤال هل هذا السوق اللي فيه السيتي سنتر وداخله مركز المعلم المركزي؟
وكأنه كل بوابة عليها اسم مثل بوابة دسمان والخ

ممكن وصف لسوق السالمية الشارعين اللي بعد الدائري الرابع ؟؟؟

ياليت تفاصيل أدق

ومجمع المغيتير وييين بالضبط؟

الاخوان بيض الله الله وجهم ماقصرو