الموضوع: شباب و بنات البحرين المحترمين تعالو بليز

السلام عليكم

اخواني شباب و بنات البحرين

ياليت أحد يفيدني عن أماكن الترفيه العائلية بالبحرين
واهم شي أبي اماكن السهر العائلية الفخمة اللي يمكن اسهر فيها
وتكون محترمة


والكوفي شوبات الرومانسية


وأفضل أماكن عرض السينما
وهل الاطفال يدخلون السينما والا لا ؟


واماكن ترفيه الاطفال من سن 4 الى 9


وافضل الاماكن ع البحر


على فكرة ما احب احد يعطيني رابط لموضوع ويقول ادخل وشوف
ابي تحديد الاماكن هنا اذا امكن


وبالنهاية كيف الأوضاع الآن هناك هل هي ملائمة والا تحتاج لحذر


ياليت ما تتأخرون علي لأني طالع من الرياض بكرة (الأثنين)
بانتظار ردودكم الحلووة اللي زيكم
ياحبي للبحرين و أهلهاااا
فديتكم الله لا يهينكم

مواضيع عشوائيه ممكن تكون تعجبك اخترناها لك:

• عيد زواجي بعد شهر وابي منكم خدمة
• متجر ارسنال الانجليزي في البحرين
• استفسار عاجل الله يوفقكم
• السلام عليكم
• ارجو المساعده من ذوي الخبرة
• استفسار بخصوص الجفير
• استفسار بخصوص منتجع العرين
• دخول مباريات خليجي بالمجّان
• استمارة السيارة
• ابي خبير مقاهي وكافيهات شغل مرتب
• استفسار يا اهل البحرين
• إلى أهل البحرين و خبرائها
• أيهما أفضل للعوائل ؟؟؟
• طلب وأسئلة للأخت الغالية
• وين أحصل بركة راااقية لزوجين ؟؟
• مطلوب عاجل شاليهات بالبحرين
• ماذا ينقص البحرين من مشاريع ترفيهيه نرجوا المشاركه
• التخفيضات بالبحرين
• مساعدددة ياهل الخير بموضوع الترانزيت
• زائر جديد للبحرين وعندي كم سؤال

وعليكم السلام ورحمة الله وبركاته

يا هلا بالغالي @Dior ويا مرحبا فيك في البحرين بين أهلك وأحبابك

أنا يالغالي راح أكتب لك الأماكن السياحية وبعدين راح أعلق على باقي الأسئلة، تفضل هذي الأماكن السياحية بحسب المنطقة:
* منطقة السيف:

- مجمع السيف: فيه محلات تسوق وسينمات ، الاحداثيات:
N 26.13.56
E 55.32.10

- مجمع سيتي سنتر: فيه محلات تسوق وأكبر مجمع سينمات ومدينة واهوو المائية، الاحداثيات:
N 26.14.00
E 50.33.15

- فعاليات مهرجان صيف البحرين 2012 بمركز البحرين الدولي للمعارض، الاحداثيات:
N 26.13.49
E50.32.29

* المنامة:

- مرفأ البحرين المالي: فيه كوفي شوبات وبعض المحلات التجارية، الاحداثيات:
N 26.14.15
E 50.34.24

- سوق باب البحرين: مجمع عند باب البحرين التراثي يباع فيه التذاكارات، الاحداثيات:
N 26.14.02
E 50.34.32

- مجمع مواد مول: فيه محلات للماركات العالمية وبعض المطاعم والكوفي شوبات، الاحداثيات:
N 26.14.23
E 50.34.56

- شارع المعارض: فيه مطاعم وكوفي شوبات ومحلات تجارية، الاحداثيات:
N 26.14.00
E 50.35.40

- كورنيش الفاتح (النادي البحري): فيه منتزه الدولفين لعروض الدولفين وممشى على البحر، الاحداثيات:
N 26.13.43
E 50.36.00

* العدلية:

- شارع العدلية: فيه مطاعم وكوفي شوبات ذات طابع خاص، الاحداثيات:
N 26.12.55
E 50.35.32

* الجفير:
شارع الجفير: فيه مطاعم وكوفي شوبات وبنفس المنطقة توجد مجموعة من الشقق الفندقية والفنادق، الاحداثيات:
N 26.12.40
E 50.36.32

* المحرق: (مدينتي إاللي أحبها - المدينة الشماء)

- منتزه الأمير خليفة (الله يحفظه): منتزه جميل جداً وممشى على البحر وفيه تأجير للقوارب المائية وبعض الدراجات الهوائية غريبة الشكل يقع على جسر الشيخ خليفة بن سلمان (الله يحفظه) المؤدي إلى مدينة الحد بمحافظة المحرق

- جزر أمواج: فيها مجمع ذا لاغون، مجمع الخور التجاري به مجموع من المطاعم والكوفي شوبات على بحيرة داخلية داخل المجمع نفسه، الاحداثيات:
N 26.17.18
E 50.39.49

- منتزه ومحمية دوحة عراد: ممشى بطول 3 كيلومتر في داخله بحيرة لحماية الحياة الفطرية يقع بالقرب من مطار البحرين، الاحداثيات:
N 26.15.45
E 50.37.22

سوق المحرق: محلات تجارية ومحلات الحلوى: الاحداثيات:
N 26.15.02
E 50.36.32

* المحافظة الجنوبية (الزلاق):

- جنة دلمون المفقودة: مدينة للالعاب المائية، الاحداثيات:
N 26.00.50
E 50.30.34

- محمية العرين: محمية طبيعية للحيوانات الأليفة والمفترسة، الاحداثيات:
N 26.00.55
E 50.29.39

* بالقرب من مدينة عيسى والسهلة:

- منتزه عين عذاري، الاحداثيات:
N 26.11.53
E 50.32.44

بالنسبة عن الكوفي شوبات راح تلاقيها في معظم المجمعات المذكورة بس عندك يالغالي بعض الكوفي شوبات مميزة ومشهورة في البحرين غير الكوفي شوبات العالمية، منها مثلا (ليلو) راح تلاقي له فرع في شارع العدلية وفرع ثاني في على الطرف الخارجي لمجمع العالي بمنطقة السيف

وعندك يالحبيب tea club موجود في جزر أمواج في مجمع ذا لاغون على البحيرة الداخلية اللي في المجمع، وعندك كوفي شوب في فندق سوفوتيل الزلاق على البحر يمدحونه بعد، وعندك الكوفي شوبات المذكوره أعلاه

بالنسبة لاماكن السينمات راح تلاقيها في مجمع السيف وكذلك مجمع سيتي سنتر وهو أكبر مجمع سينمات وتكون السينمات فيه على فئات يعني:
- فيه الفئة العادية سعر الكرسي للشخص 3 دنانير
- VIP1 وسعر الكرسي للشخص 10 دنانير
- VIP2 سعر الكرسي للشخصين 10 دنانير يعني الشخص بـ 5 دنانير بس الكرسي عبارة عن سوفا لشخصين

وبالنسبة للاطفال عادي يدخلون السينما، وأماكن لعب الأطفال راح تلاقيها في مجمعي السيف وسيتي سنتر وعين عذاري وجنة دلمون المفقودة (للصغار والكبار)

- الاماكن اللي على البحر عندك جزر أمواج، وكورنيش الفاتح (النادي البحري)، وممشى دوحة عراد، ممشى شارع الغوص


أما بالنسبة للاوضاع فلله الحمد طيبه وكل أمورنا بخير وحياك الله في بلدك البحرين بين أهلك وأحبابك

اخوي mahmeed99

يا حبي لك يالغلااا
فديتك
ما قصرت الله يعطيك الف مليون ترليون عافية
بس شكلك نسيت تقولي اماكن السهر العائلية
قال لي واحد عن مكان حلو بفندق الدبلومات فيه فرقة استعراض بالبداية
واخر السهرة طرب خليجي لمدة ساعة تقريبا
وعلى ما اضن يقول سعر التكت 150 ريال تقريبا للشخص
ويقول مكان حلو وراقي ومرتب
مدري عندك فكرة عنه والا لا
وفيه مكان ثاني اضن انه مطعم مغربي بالدانة راقي وحلو
اذا عندك فكرة لا تبخل علينا الله يخليك ويحفظك
وسمعت عن مطاعم رووعة ورايقة بالرتز كالرتون


ايه قبل لا انسى وش رايك بشاليهات البندر يقولون حلوة
وش رايك فيها وكم اسعارهاا


ياربي يخلي لك غاليك ومغليك ويحفظك اليوم ودم يالغلاا

الله يسلمك يالحبيب
بالنسبة عن أماكن السهرة أنا ما عندي أي فكرة عنها لأني مو من محبي السهرة دايما انا مبكر

أما بالنسبة عن فندق الريتز كارلتون نعم فيه مطاعم حلوه وفيه بعد كوفي شوبات حلوه وفيه على ما اعتقد جلسات للعائلات على البحر

بالنسبة لشاليهات البندر يفضل إنك تبتعد عنها حالياً لأن موقعها قريب من قراهم وراح تتضايق شوي بسبب هذا الأمر، لكن إذا تبقي اقتراحي عندك مشروع تالا في جزر امواج يأجرون شقق على شكل شاليهات على البحر وبعد في جزر امواج تأجير فلل على البحر ويكون سعرها بحسب عدد الغرف اللي تبقيها

وبعد عند فندق نوفوتيل جميل جدا وله منظر رائع على البحر من الموبايل

الله يسلمك يالحبيب
بالنسبة عن أماكن السهرة أنا ما عندي أي فكرة عنها لأني مو من محبي السهرة دايما انام مبكر

أما بالنسبة عن فندق الريتز كارلتون نعم فيه مطاعم حلوه وفيه بعد كوفي شوبات حلوه وفيه على ما اعتقد جلسات للعائلات على البحر

بالنسبة لشاليهات البندر يفضل إنك تبتعد عنها حالياً لأن موقعها قريب من قراهم وراح تتضايق شوي بسبب هذا الأمر، لكن إذا تبقي اقتراحي عندك مشروع تالا في جزر امواج يأجرون شقق على شكل شاليهات على البحر وبعد في جزر امواج تأجير فلل على البحر ويكون سعرها بحسب عدد الغرف اللي تبقيها

وبعد عندك فندق نوفوتيل جميل جدا وله منظر رائع على البحر

وتوصل البحرين بالسلامة وحياك الله بين أهلك وأحبابك من الموبايل

الف الف شكر
ما قصرت
أتعبناك معنا

شكلي تورطت بشاليهات البندر حجزت عندهم عن طريق النت
بكنسل من الموبايل

الحمدالله سعدوك وشكرا لكم

لا شكر على واجب يا أخوي

نسيت بعد أقول لك عندك بعد رحلات بحرية يومية لجزر الدار تقدر تستمتع بها، وهذا الرابط مالهم:
http://www.al-darislands.com/

وبالنسبة يا أخوي عن شاليهات البندر يعني أتمنى إنك تقدر تكنسل الحجز لأنهم كفندق ما عليهم غبار فندق ممتاز ومشهور بس السبب هو الطريق الموصل لهذا الفندق يمر على قراهم وهم بين فترة والثانية يحاولون يسون بعض المشاكل، عشان جذي أنا نصحتك إنك تغير الفندق عشان تستمتع بسفرتك وما تتضايق

وإن شاء الله تكون سفرتك سعيدة، وحياك الله بين أهلك وأحبابك

مرحبا فيه مطعم كورال على البحر سارع الفاتح عندهم مطعم عوائل حلو وفيه فرقه موسيقيه ومطربه لبنانيه واكلهم لبناني روعه لايفوتكم واي استفسار تحت امرك من الموبايل

الله يعطيكم الف الف عافية
ما قصرتوا يا حلوووين

يا حبي لكم

بصراااحة البحرين رووووووعة و خيااال
مرة انبسطنا فيهااااا

أنا الان لي تقريبا 4 ايام بالبحرين
قمة المتعة والوناسة

وكنت مخطط ارجع بس شكلي بمدد القعدة بالبحرين

وصار لي موقف مرة مضحك مع كلمة >>>>> مبطلين ههههههههههه
بس مراح اقول لكم الان
خلوها بوقتهااااا

باااااااايو من الموبايل

الف شكر لك يالغلااااا

بليز ابي وصفه بالضبط وأكون شاكر لك من الموبايل

المشاركة الأصلية كتبت بواسطة خيال 2020
http://www.arabtravelersforum.com/tr...3/#post7050253

مرحبا فيه مطعم كورال على البحر سارع الفاتح عندهم مطعم عوائل حلو وفيه فرقه موسيقيه ومطربه لبنانيه واكلهم لبناني روعه لايفوتكم واي استفسار تحت امرك من الموبايل




الف شكر لك يالغلااااا

بليز ابي وصفه بالضبط وأكون شاكر لك من الموبايل

المشاركة الأصلية كتبت بواسطة @Dior
http://www.arabtravelersforum.com/tr...7/#post7051337

الف شكر لك يالغلااااا


بليز ابي وصفه بالضبط وأكون شاكر لك من الموبايل




ياهلا ومرحبا Dior

حمدلله على السلامه وان شاء الله انبسطوا

كورال بيتش يقع في الكورنيش فيه المطعم وفيه استئجار رحلات بحرية