الموضوع: بنات الكويت تعالو

السلام عليكم
وش اخباركم ياحلوات
عندي استفسار موجه لكم يا بنات جنسي
ممكن تقولون لي عن الاماكن الي يبيعون فيها الدراعات الكويتيه ويكون سعرها معقول
وبعد ابي محلات موجوده عندكم وموموجوده عندنا في السعوديه

الله يخليكم لا تتاخرون علي لاني انشاء الله السبت باكون في الكويت الى الاربعاء وودي اتقضى واشتري لي اشياء حلوه
لان اسواق الكويت يمدحونها مره

مواضيع عشوائيه ممكن تكون تعجبك اخترناها لك:

• هل تعرف مكان قعده هادئ بالكويت ؟
• صور منوعة لشروق و الغروب حول الكويت
• واخيرا زرت الكويت
• تخفيضات على منتزه الخيران
• استفسار عن مشروع تحويل الكويت الى مركز عالمي
• ابحث عن سكن بمسبح خاص
• استفسارات حول الكويت
• ممكن برنامج هلا فبراير م
• قريباً جداً سنشهد افتتاح مجمع
• استفسار بسيط
• استفسار عن فندق او شاليه
• تغيير ارقام الهواتف ؟
• الكويت في مارس هل هى مناسبة للتمشية ؟
• وين الاقي اغراض لتجهيزات القرقيعان
• ياجماعة انا جاي الكويت في فبراير
• استفسار عن عدد الكافي شوب في الكويت
• مميزين وخبراء البوابه الكويتيه
• رحلتي لـ جزيرة قيلكا بالصور ومعلومات عنها
• ارجوا المساعده عن شقق مفروشه بها حمام سباحه خاص
• ريحونى الله يخلييييييييييييكم

العربيد ثم العربيد ثم العربيد ثم سوق المباركية ثم سوق الجمعة ثم الحمراء مول


صحيح اني مو بنت بس سألت وحده نسخت هذا منها

المشاركة الأصلية كتبت بواسطة ولد خمس نجوم
http://www.arabtravelersforum.com/tr...0/#post3377080

العربيد ثم العربيد ثم العربيد ثم سوق المباركية ثم سوق الجمعة ثم الحمراء مول


صحيح اني مو بنت بس سألت وحده نسخت هذا منها






تسلم اخوي لاهنت
بس سؤال اخير
وين مواقع هالاسواق
يعني لو بسال هناك سهل القاه

ارجع واشكرك جزيل الشكر اخوي

العربيد في شارع حبيب مناور و الحمراء مول في شارع حبيب مناور في الفروانية ( في محافظة الفروانية )

سوق المباركية في مدينة الكويت

سوق الجمعة في منطقة اسمها الري موقعه صعب بس يستحق الزيارة ( محافظة الفروانية _ شمال الدائري الخامس ( الجهراء ) قريب من مجمع الافنيوز) اسئلي عنه يوصلونج اياه

مجمع الاوقاف كله دراريع

عندج بمجمع المهلب بالدور الاول فيه محل حق دراريع وفساتين بنفس الوقت واسعارهم ماتتعدا الميتين كذا
لايطوفج

الدراريع موجوده في اغلب الاسواق في الكويت
ولكن هذا يعتمد على انواع الدراريع اللي بتاخذينها
يعني على سبيل المثال في دراريع استعمال منزلي ورخيصه نوعما ما
وفي دراريع للاستقبال والطلعات والوانها مميزه وتكون غاليه نسبيا
سوق المباركيه فيها النوعين منها
تحصلينها في سوق الدعيج في الميزانين
وفي سوق الصفاة محل اسمه التراث الهندي عنده اجمل انواع الدراريع المميزه جدا



وشكرا

العبايات ودراريع عندج في مجمع النقره الشمالي في منطقه حولي

بس العربيد افضل لأن اغلب الخليجيين يروحن له علشان الدراريع


و الحمراء مول و سوق الجمعة و سوق المباركية و مجمع الاوقاف

مشكورين جميعا
وراح احاول اروح لاغلبها اذا قدرت
لاني ابي دراريع البيت والاستقبال بس ابي اسعارها ماتتعدا الالف ريال
اشكر كل الي ردو على

اهما قالولج عن اماكن الدراريع العاديه

انا بقولج دراريع لمصممات كويتيات :-

1- عندج اتيليه انسام الخلف في الجابريه عندها دراريع حلوه ..

2- و محل زوغه (لمصممه كويتية ) على شارع الخليج العربي جبال برجر كنج ..

3- ومحل دار يوشا (لمصممه كويتية ) يم الكنيسه ..

4- واتيليه عواطف الحاي في الجابرية ..

[b]5- محل طريق الحرير (لمصممه كويتيه ) مكانه في مجمع المهلب الدور الثاني في منطقة حولي وهالمحل لبست دراريعها لـ الفنانه هدى حسين في احد المسلسلات اذا كنتي شايفه ..

والى بعافيك ولد خمس نجوم شدخل سوق الجمعة بالدراريع ؟؟؟؟؟؟؟؟؟؟؟؟؟؟؟؟خابرته بسطات يعنى سوق للزل والمونيوم والمطابخ تكون ارخص من اسعار المحلات الفراونية بس دراريع رزه او للبيت السنعة نووووووووووووووو