الموضوع: عاجل جداسوق المحرق الشعبي وووين موقعه؟؟

مرحباااا... سمعت ان افضل الحلوى البحرينية توجد في سوق المحرق الشعبي وانا مالي خبره في البحرين ممكن تساعدوني ...
- كذلك ودي اسأل عن محلات بيع الجوالات (الهاتف النقال)وووين؟؟
مشكورررين واتظر مساعدتكم..

مواضيع عشوائيه ممكن تكون تعجبك اخترناها لك:

• رايكم في بوفيهات البحرين وتقيمكم لها
• احداثيات مطعم كوكوز Coco's
• سؤال عن مطعم رانديفو لو تكرمتووو
• يااهل البحرين ممكن ارقام شقق مفروشه في الجفير؟؟
• زيارتي للبحرين ولأول مرة
• سعودية تبي فزعتكم ياهل البحرين
• عاجل وهام للأحبة في بوابة البحرين
• كوافيره اطفال استفسار
• سافر معنا من دولة الكويت الى مملكة البحرين رحلة صور
• ممكن مساعده
• ساعدوني
• مليون سعودي زاروا البحرين في أشهر
• جوازي البحريني منتهي و ابي اروح دبي بالبطاقه الذكيه
• زهقت ابي شقق فندقيه
• ســــــــــــاعدوني في الشاليهات
• رحلات بالأسبوع من مطــــار الـقصيم الى مطــار البحـرين الدولي مباااشررهـ
• استفسار بخصوص العمل فى البحرين
• ماهي الاماكن السياحية بالبحرين
• سؤال حق اهل البحرين بخصوص كلية الجراحين الملكيه
• الحمد الله اليوم رجعت بالسلامة من بلدي الثاني البحرين

السلام عليكم ورحمه الله وبركاته
أخوي وانت ياي من الكبري اللي صوب السيف يعني السيف على ايديك اليسار تخليك متجه سيده باتجاه شارع الملك فيصل راح تمر على 4 اشارات ضوئيه تقريبا وكانك متجه اتجاه جسر المحرق الجديد تحصل اشاره اشاره خذ يمين ولا توقف عند الاشاره تدخل على شارع ثاني راح تحصل اشاره ضوئيه خذ مسار يسار واوقف عند الاشاره راح يكون المتحف مقابلك في الاتجاه المقابل طبعا يسار راح يوديك على جسر المحرق تتجه على الجسر وخلك ماسك المسار الايمن راح تشوف لفه يمين اتركها وامشى سيده مسافه بسيطه بس ولف يمين تحصل سوق المحرق وعلى ما عتقد في اشاره ضوئيه تروح جديده تروح شوي سيده طبعا سوق الحلوى تلاقيه على يمينك ببدايه السوق.اتمنى الوصف يكون مفيد وما يضيعك وأهل البحرين ما بيقصرون اذا سألتهم بيدلونك.

أخوي نيو ستار انا من الكويت أدل سوق الحلوى بالمحرق من قبل بس على وصفك هذا يمكن أوصل تنزانيا !!!!!!!!!!!! وصفك صعب جدا خاصة للي مايدل البحرين أبدا

السلام عليكم،،
بالنسبة لمحلات الجوالات فأفضل تجمع لهم تجده في مجمع التأمينات في شارع المعارض ..؛
.
.
تحياتي ..؛

اتوقع اسهل وصف لسوق المحرق اهو التالي
لو انك ياي بالسياره
اكيد راح تفتر في البحرين
وبتعرف انه في 3 جسور تربط المحرق بالمنامه
اذا تبي توصل لسوق المحرق بابسط طريقه تفضل
تاخذ جسر الشيخ حمد اللي اهو اقصر جسر وموقعه بالوسط بين الجسرين الثانيين
وانت رايح المحرق الجسر بيكون 3 مسارات ( اليمين راح يوديك عراد )
انصحك تاخذ المسار الاوسط
في نهاية الجسر راح تشوف اشاره ضوئيه وفي لفة لليمين
اخذ انت اللفه اللي لليمين وروح سيده راح تحصل سوق المحرق
واشارة ضوئية صغيره جدامك
اعبرها وبتحصل عقب على يمينك محلات الحلوى كلها

ان شاء الله افدتك بخصوص السوق

أخوي فهد والله زين تروح تنزانيا ببلاش بس اخوي هذي دليل احنا البنات ما نعرف نوصف المكان بس حبيت اساعد لان محد رد عليه يلا اعذروني اذا الوصف يضيع

موضوع مرة ممممممتاز ونفس السوال ابى السوق الشعبى وين مكانه وش فيه اماكن عويل
برجا الرد بسرعه الوالده تبى توح السوق الشعبى .

مشكووووورين على ردودكم ... بس للأسسسسسسسسسسف الكبير اني رجعت الرياض قبل ما اشووووف ردودكم ... ياللا اهم شئ استفدت وافدت غييري مع اني احس ان الوصف صعب وانا ماعندي خبرة بالبحرين حدي المعارض والسيف وشارع الملك فيصل اكررري شكري على تعاونكم يعطيكم ألف عافية وان شاء الله اكرر الزيارة واسألكم مرة ثانية ناوية تتعبكم

معلش أختي نوستار عندنا وعندكم خير حتى إحنا ساعات تخونا دقة الوصف ونضيع السائل عموما البحرين وأهلها على راسي والله ، إشتقت لج يابحرين من الصيف اللي فات مارحت ما أقدر بس آخذ إجازة إنشاللة بسافر الخبر والبحرين ، عموما ممكن تفيدوني شنو أحلى محل للحلوى ، انا يعجبني جاسم شويطر بس في ناس تقول مروج البحرين ما أدري عنه صج طيب؟؟ أفيدونا افادكم الله.

حياك الله أخوي فهد في البحرين واذا ما شالتكم الارض نشيلكم في عيونا.بالنسبه لحلويات شويطر لا يعلى عليها سواء من المحرق او المناطق الثانيه لانها توصل للمحل طازجه بنفس اليوم.حلوى المروج هم حلوه وفي ناس تفضلها على غيرها. الحلو في سوق المحرق ان الخيارات متعدده وتذوق الحلوى وتختار اللي يعجبك اكثر. اتمنى تستمتع في زيارتك القادمه للبحرين ولا تنسى تاخذ ماي اللقاح ترى انتو اهل الكويت تحبونه وايد.
تحياتي

الله يسلمج نيوستار اللقاح والمتاي والزموته والمرقدوش والحلوى من لوازم المشتريات بالبحرين أصلا الأهل مايدخلوني البيت لو ما جبتهم هاها!!:109: ، وسؤال ثاني معلش كثرنا الأسئلة السوق الشعبي مثل ما أسمع عند السليمانية ممكن وصفه من جانب جامع الفاتح أو الشيراتون والهيلتون؟

هلا فيك اخوي فهد بالعكس احنا حاضرين لك.اللي اعرفه ان السلمانيه ما فيها سوق شعبي .اهم الاسواق الشعبيه في البحرين سوق المنامه وسوق المحرق وسوق الرفاع الشرقي والسوق الايراني في مدينه عيسى وسوق واقف في مدينه حمد.بس ممكن تحدد اسم المحل اللي تبيه في منطقه السلمانيه وانشاء الله اقدر افيدك.
عموما اذا تبي توصل لمنطقه السلمانيه من جامع الفاتح هذا الوصف وانشاء الله ما يكون صعب هالمره.وانت طالع من منطقه الجفير والجامع على يدك اليسارفي الشارع الرئيسي تاخذ اول اشاره يسار كانك متجه الى شارع المعارض امسك الشارع سيده وراح تمر على 3 اشارات ضوئيه بعدها راح يجيك دوار القصر (قصر القضيبيه ) تكمل الدوار سيده متجه الى دوار حديقه الاندلس وخلك سيده لين ما تطوف اشارتين عند الاشاره الثانيه راح تشوف محلات سناء على يدك اليمين ومستشفى السلمانيه على يدك اليسار اذا مشيت سيده توصل الى دوار السلمانيه وعلى يمينك في مجمع صغير يحتوي على بعض المحلات ما ادري يمكن هذا السوق اللي تقصده.اخوي اتمنى ما توصل ساحل العاج هذي المره .
تحياتي

مشكورة ويعطيج العافية

أخوي فهد هذا واجبنا ، بس أهم شي خبرني اذا وصلت السلمانيه والا ساحل العاج.

تحياتي

ها ها انشالله اذا سافرت (بعد 3 أسابيع بحيل الله) ومشيت على وصفج هناك يبين عاد وين اوصل:109: ، شكرا مرة أخرى