الموضوع: قمت بزيـــارة البحرين في ابريل

السلام عليكم ورحمه الله وبركاته
اشكر جميع الاعضاء فيـ?ِ هذا المنتدى الرائع
لمن يشكك فيـ?ِ الأوضاع الأمنيه
حركه الجسر كانت شبه خاليه خلصت من الجوازات السعوديه 6وربع ودخلت للجوازات البحرينيه ،، وقالي الموظف وشعندك جاي فيـ?ِ هذا الوقت ! طالعت فيه وقلت أنا ما يحلالي جو البحرين إلا الساعه ثنتين الفجر هههه المهم ابتسم موظف الجوازات وقالي حياااك ،،، مريت الجمارك البحرينيه والأوضاع طبيعيه
قمت بدخول البحرين اليوم فيـ?ِ الساعه السادسه والنصف صباحاا
شوارع المنامه كانت بالمزحومه ممكن عشان دوامات أنا عصبت فقلت بيني وبين نفسي أنا أدل البحرين دار دار زنقه زنقه
دخلت من دوار باب البحرين واختصرت من الحواري اللي هناك الى شارع القصر والمعارض،. ورحت فظرت بمطعم شعبي جنب فندق كازا ،، لقيت شباب وبنات واجد مرحبين بملك الانسانيه ربي يحفظه سواء بالصور أو طرق أخرى ،،،وأنا أتمشى بالأماكن لقيت بيوت حاطين الأعلام السعوديه والبحرينيه ،،،، بصراحه فرحت مـــره وتحمست ،،، ،،، رحت تمشيت بشارع الحب بالعدليه وشربتلي كوفي وكان الجو بدأ يسخن ،،،،طلعت على شارع الملك فيصل ونزوولا على الطريق اللي فيه مجمع السيف وجالس أفكر وشفت الأوضاع ما شاء الله أوكيه قلت خلني أروح الرفاع الشرقي أسلم على بعض الناس اللي أعرفهم،،، مريت من شارع الرفاع مرورا بالمستشفى العسكري طبعا أكثر البيوت معلقه الإعلام السعوديه والبحرينيه.ونسبه الشباب واااجد المضامنين ، الى أن وصلت سوق بوكواره وإلأوضاع ممتاااازه ،،، فيـ?ِ سوق بوكواره نزلت لزين وأخذتلي رقم ودقيت على أخوياي اللي يدرسون بالبحرين تواعدنا عند لولو هايبر بنده ،،، برمنا كم لفه مممم ورحت سوق الرفاع مريت بقاله تايلنديه شريت حلى وبسكوت ،،،، وبعدها رحنا مجمع أوسيس اللي فيـ?ِ شارع أم النعسان ،،، والله كان المجمع مليان رحت سنتر. بوينت و سيتي ماكس ،،،، وبعدها طلعنا نشوف مطعم أكلت مع أخوياي مشويات وطلعت من الرفاع الشرقي الين الطريق اللي يودي لمدرسه قياده السيارات ،،،، الين نقطه التفتيش اللي قبل ماندفع رسوم الجسر ،،، ووصلت بيتنا فيـ?ِ الخبر فيـ?ِ تمام الساعه سته وربع مساء

ملاحظات
فيـ?ِ فتره المشاكل
زرت البحرين أسبوعيا عده مرات كانت الأوضاع بالعاديه جدا ،،
زرت البحرين قبل دخول درع الجزيره بيومين كانت الوضع سيء

زرت البحرين فيـ?ِ خبر افتتاحه والحمدلله كنت من 35000 ألف مسافر،،، والوضع كااان ممتااااز



وما يسعني بالنهايه إلا قول اللهم أنعم علينا نعمه الأمن والأمان
والله ينصر البحرين بالحق
واسف على الإطاله إخوكم سعودي كوول

مواضيع عشوائيه ممكن تكون تعجبك اخترناها لك:

• سؤال مهم
• ابي مساعده من احلى منتدى
• مطار البحرين الدولي يفوز بجائزة سكاي تراكس العالمية
• تفويضي منتهي وش الحل ؟
• المركز الهندى للمساج بالاعشاب
• المرحلة الأولى من مشروع توسعة مطار البحرين الدولي
• سؤال عن شروط الاستقدام
• سؤال
• مهرجان ربيع الثقافة
• ممكن يااهل البحرين باسرع وقت
• الله يعآفيييكم عندي استفساار المجمعات تفتح يوم الجمعه؟
• استفسار عن هذه الفنادق بالبحرين ارجو المساعدة ؟
• يااهل الخبره والتجربه من الافضل والارقى منتجع البندر او نوفيتيل الدانه ؟
• سين سؤال لأهل البحرين الشقيق الكرام
• اليت جراند
• كم تكلفة البحرين
• كيف اصل الى فندق النوفيتيل ؟؟
• رحلتي المتواضعه للبحرين
• سوال من اهل نجد عن اسواق البحرين؟
• اول طلعه للبحرين ومحتاج مساعدتكم

مشكــــور يا كووووول


.

حياك الله يا الغالي سعودي كـــول بين أهلك وأخوانك ,


والله يعطيك العافية واحنا محتاجين مثل هذي الشهادات لأن هناك إشاعات وأقاويل هدفها ضرب الامن والاستقرار في البحرين ولكن الحمدلله الأوضاع جداً مطمئنة وهادئة ومستقرة واحنا نكلمكم من قلب الحدث وأخونا سعودي كولـ خير شاهد على الأوضاع هذي ,

طبعا بوضح للاخوه اسماء الطرق والشوارع التي سلكتها عشان يكونون بالصوره الصحيحه ولكي تعم الفائده للجميع ,,,,
البدايه كانت من شارع الملك فيصل ومع ثاني اشاره لفيت يمين كانك بتروح على باب البحرين ,, بتكون مواقف السيارات والباصات على يمينك تواصل الطريق الى ان وصلت لدوار باب البحرين ومريت في طريق الحكومه وتعديت اول اشاره الى ان وصلت الى شارع القصر ,,, نزولا الى فندق كازبلانكا مع طريق القضيبيه ,,,الى شارع المعارض ,,
في طريقي ل العدليه سلكت طريق الشيخ دعيج مرورا بحديقه الاندلس ومرورا بشارع الشيخ عيسى الى ان وصلت بطريق اسامه بن زيد اللي فيه كوستا كوفي ,,, الى طريق العدليه ومن ثم سلكت طريق احمد كانوو مرورا بطريق الجفير القديمه وكان هدفي المرور على جامع الفاتح ( طريق الفاتح ) ,,, تعديت جامع الفاتح وحبيت اشوف البحر عن قريب دخلت من المواقف الكورنيش اللي عند ( المطعم التركي وكورال بيش ) .... وطلعت من المواقف حقت الكورنيش وعديت التقاطع لجسر الملك حمد الى ان وصلت الى طريق الملك فيصل رحمه الله وكان الهدف العوده الى السعوديه ,,, لكن بسبب امان البلد قررت زياره اصدقائي بالرفاع باتجاه المرفأ المالي ,, مرورا ب سيتي سنتر و السيف ,, طريق الشيخ خليفه بن سلمان .... تعديت الكبري اللي تلف منه يمين للسعوديه , كملت طريقي ل الرفاع مسكت الخط المحلي عشان انزل تحت الكبري حق الدوار ( وذهبت لطريق ولي العهد ) وصولا بدوار ساعه الرفاع والتكمله الى طريق الرفاع,,,, عند الاشاره ناخذ يسار ,,, حتى نروح بوكواره ,,, خرجت من السوق كان الهدف الذهاب لولو هايبر ماركت ,, سلكت طريق ام جليد طريق ام النعسان ومن الطريق الفرعي لمدرسه الرفاع الشرقي للبنين ,,, ومن ثم مجمع الواحه مرورا بطريق ام النعسان ومن ثم سوق المحرق مرورا بطريق الرفاع ,, الى مدخل السوق الرفاع ,,
طريق العوده من الرفاع الى السعوديه كان من طريق الرفاع الى طريق الشيخ سلمان ,,,, الى طريق عالي ,,,طريق زايد .. طريق الشيخ خليفه بن سلمان ..... طريق الشيخ عيسى بن سلمان طريق الجسر

حمد لله على السلامه.

المشاركة الأصلية كتبت بواسطة Steven Gerrard
http://www.arabtravelersforum.com/tr...8/#post5217468

مشكــــور يا كووووول


.

حياااك الله يا Steven Gerrard وهذا اقل شي سويته وحقكم اكبر من كذا







المشاركة الأصلية كتبت بواسطة Discover Bahrain
http://www.arabtravelersforum.com/tr...8/#post5218188

حياك الله يا الغالي سعودي كـــول بين أهلك وأخوانك ,


والله يعطيك العافية واحنا محتاجين مثل هذي الشهادات لأن هناك إشاعات وأقاويل هدفها ضرب الامن والاستقرار في البحرين ولكن الحمدلله الأوضاع جداً مطمئنة وهادئة ومستقرة واحنا نكلمكم من قلب الحدث وأخونا سعودي كولـ خير شاهد على الأوضاع هذي ,



تسـلـم والله يا مشرفنا الغالي Discover Bahrain

افضل منتدى سياحه وسفر معروووف ( العرب المسافرون )
انا من القدامى في هذا المنتدى الرائع ولكن تواجدي قليل
اما الاشاعات فكثر ولا حرج ,,, السبب الغزوو الفكري ,,, والهدف الى تشويه صوره البلاد

المشاركة الأصلية كتبت بواسطة طائر بلا حدود
http://www.arabtravelersforum.com/tr...2/#post5219382

حمد لله على السلامه.



الله يسلمك يا غـالــي

طبــعا بـقـــولكم اول يوم في افتتاح جســر المحبه
كنت طفشااان بالمره وكان معاي واحد من اخوياي وصديق ثالث ولا مره سافر الى مملكه البحرين,, كنا نتمشى في كورنيش الخبــر وراودتتنا الفكره بالسفر
قررنا الذهــاب للبحرين
طبعا وصلنا جوازات البحرين , وقالولنا ايش سبب الدخول وكذا !! يعني سين جيم
كان تدقيق الجمارك نص نص وكان ازدحام في الجمارك
وكانت دبابات عسكريه في طريق الملك فيصل ,, احتراز امني عادي .. كانت وجهتي شارع المعارض وما جاوره والغرض معرفه الاوضاع ,, كنت متردد اقول بنفسي السياره سعوديه ومشاكل وتكسير وكلام فاضي ولكن كسرت حاجز الخوف ,, تعشينا همبرجر في مطعم جان برجر لانه مشوي على الفحم في شارع عبدالرحمن الداخل مقابل,, فندق عمر الخيام ,, انتهينا من العشاا وكملنا الجوله التفقديه
تجولنا في كل مكان هنا وهناك وجذب انتباهي راينا شباب من نفس الاحياء السكنيه وفي بعض الاحياء رايت مجموعه من الشباب البحرينين يشربون شاي ويتسامرون بقرب الرصيف ,, وانتم عارفيين الاحياء السكنيه ضيقه وهم ما شاء الله يمكن عددهم 6 او 7 شباب ,, وكانوو في قمه الاحترام من حيث فسح بعضهم الطريق ومررنا بالسياره بدون اي مضايقات ,, مررت من عند مجمع التامينات وشرطه الحوره كان عدد سيارات الشرطه كثير وذلك بسبب مركز شرطه الحوره ,, فقررت الذهاب الى الجفير وذلك بسبب روعه التصميم للمباني والانوار الجميله في الليل ,, فاخذنا الجوله البسيطه من جنب برادات الجزيره ,, الى اسواق ميدوي والعوده عن طريق الميناء ,, مع الجسر الجديد الذي تم انشاءه ووصولا الى جسر الملك فهد ,, ولكن عند الوصول كانت نقطه تفتيش ,, رجل الامن طلب البطاقات فألقى نظره سريعه ومن بعده سمح لنا بالدخول لكبينه ال 20 ريال ,, وعند وصولنا للجوازات كان الجسر فاااضي وذلك اتوقع بسبب تاخر الوقت ل 3 فجرا ....
واسف على الاطاله واتمنى انكم استمتعم بالقصه

يعطيك العافية أخوي ما شاء الله عليك سردت لنا زيارتك بالتفصيل الدقيق وحياكم الله الأوضاع كل ما لها تصير أفضل ننتظر زيارتكم القادمة واحنا حاضرين.

حمدله علي السلامه اخوي سعودي و ذكر انطباعك عن زيارة البحرين

المشاركة الأصلية كتبت بواسطة discover bahrain
http://www.arabtravelersforum.com/tr...2/#post5220112

يعطيك العافية أخوي ما شاء الله عليك سردت لنا زيارتك بالتفصيل الدقيق وحياكم الله الأوضاع كل ما لها تصير أفضل ننتظر زيارتكم القادمة واحنا حاضرين.



ههههه الله يعافيك يا مشرفنا الغالي
وان شاء الله زيارتي القادمه ستكون يوم الأربعــاء

المشاركة الأصلية كتبت بواسطة فيصل 2006
http://www.arabtravelersforum.com/tr...4/#post5221584

حمدله علي السلامه اخوي سعودي و ذكر انطباعك عن زيارة البحرين



الله يسلمك يالغالي وبقولك انطباعي الشخصي لما رأيته من دانه الخليج
الجميع يعلم أن ملك البحرين قام بتوزيع 1000 دينار لكل عائله
وتلتها مباشره أحداث الدوار ،،، في هذه الفتره كانت الحركه في الشوارع غريبه
ما الومهم عندهم ألف دينار هههه
طبعا تجاريا وسياحيا كانت في حركه بالأسواق والمطاعم من جميع أنواعها الى المؤلات وطبعا اللي لاحظته
كان ازدحام النساء مذهل في( المشاغل النسائيه)

وهذه الفتره ماراحت بعيد نهايه الشهر ووقت الروانب يعني مثل ما كانت سابقا
أنا أقول البحرين فيـ?ِ أفضل حالاتها الاقتصاديه أو السياحيه

يعطيك العافية اخوي لاكن ايش اسباب منع بعض الاشخاص من دخول البحرين ؟ اسباب مذهبية ؟ او قضايا سابقة او حسب اخلاق الموظف ؟ واذا كنت جاي من الرياض على شان البحرين ويرجعوني ايش الحل ؟

الحمد لله علي كل حال

المشاركة الأصلية كتبت بواسطة saudi_cool
http://www.arabtravelersforum.com/tr...2/#post5217406

فيـ?ِ سوق بوكواره نزلت لزين وأخذتلي رقم ودقيت على أخوياي اللي يدرسون بالبحرين تواعدنا عند لولو هايبر بنده ،،، برمنا كم لفه مممم ورحت سوق الرفاع مريت بقاله تايلنديه شريت حلى وبسكوت واسف على الإطاله إخوكم سعودي كوول




هلا وغلا اخي الغالي ... الحمدلله ع السلامه .. انا لفت انضاري اللي فوق بالاحمر .. انت متاكد من الاسم والا ههههههههههههههههههههه متعود على هايبر بنده خخخخخخخخخخخخخخخخخخخ

المشاركة الأصلية كتبت بواسطة عشقي البحرين
http://www.arabtravelersforum.com/tr...8/#post5227018

هلا وغلا اخي الغالي ... الحمدلله ع السلامه .. انا لفت انضاري اللي فوق بالاحمر .. انت متاكد من الاسم والا ههههههههههههههههههههه متعود على هايبر بنده خخخخخخخخخخخخخخخخخخخ




هههههههه الله يسلمك شاكر لك تصحيحك
متعودين على بنذه ‏??{..هہْہْْہْْْہْْْہْْہْـ(=)))ـہْہْْہْْْہْْہْہ??? ي..}(y)

المشاركة الأصلية كتبت بواسطة top speed
http://www.arabtravelersforum.com/tr...6/#post5225776

يعطيك العافية اخوي لاكن ايش اسباب منع بعض الاشخاص من دخول البحرين ؟ اسباب مذهبية ؟ او قضايا سابقة او حسب اخلاق الموظف ؟ واذا كنت جاي من الرياض على شان البحرين ويرجعوني ايش الحل ؟



يمكن عشان كل الأسباب اللي ذكرت ،،،