الموضوع: مطعم فيروز لبناني

بصراحه سمعت عن هالمطعم وقالولي فاتك نص عمرك إنك ماكلت فيه

قلت أستشيركم

تنصحون فيه

وين مكانه بالضبط

فيه صور عنه

أي شي

بصراحه أروح وطي عند الأكل اللبناني

فيه مطعم عجبني كثير في مجمع الأفينوز إسمه ليلى صرت مدمن عنده

بس قالوا لي فيروز أفضل

بإنتظاركم

مواضيع عشوائيه ممكن تكون تعجبك اخترناها لك:

• بغيت خدمة من اهل الكويت
• أخواني فيدوني جزاكم الله خيرا
• أحسن شركة لتأجير سيارة
• الف مبروك التميز للاخت الايماان
• ابغي شقق رخيصه في الكويت
• صور من الكويت
• بالنسبة لابراج الكويت
• حجزت على طيران الاتحاد من بو ظبي للكويت يومين
• لـ عشاق الـ
• الجو في الكويت؟
• خريطة الوصول الى سليل الجهراء
• محتاج فزعتكم يا أخوان
• الشاطيء الأجمل الكويت
• من الدار البيضاء الى الكويت أسئلة
• مطاعم في الكويت
• جولة مصورة لمطاعم شارع الخليج العربي الكورنيش
• صــور رائعه للأفنيـوز المرحلـه الثالثــه ابـــــــداع
• لخبراء السفر براً بين الكويت و السعودية
• شقق مع غرفه للسواق
• ممكن تعطوني اسماء المنتجعات اللي تكون بوسط الكويت؟

أخوي مطعم فيلا فيروز جدا جميل واسعاره اقل شوي من اسعار ليلى طبعا المطعم ليس كبير الحجم لكن لمسات الديكور الموجودة فيه تنم عن ذوق رفيع واكله حلو وخاصة :

الفتوش

كبة البرغل ( كبة مقلية)

متبل أو بابا غنوج

كبدة الدجاج مع دبس الرمان ( من اروع الاكلات التي تجدها عنده)

الريش رهيبة

تكة اللحم

العرايس

( الكباب والشيش طاووق طعم عادي وليس مميز)

جربه وراح يعجبك .

السلام عليكم ورحمه الله وبركاته

مطلعم فيلا فيروزن يصير بالشعب على خط فحيحيل السريع

وهو اكله حلوة بس اذا تبي مطعم ليناني اكله حلو واحلى من فيلا فيروزن

كافية بلاز الي بالمرينا كرسينت اكله عجيبببببببببب وقعدته حلوة سواء داخل المطعم او برى على البحر

الصــراحة المطعــم حلــو و أكلــه لذيذ

و اهــوا مطــعم صغيــر و بالشعـــب

جربــه و ان شـاء يعجبـك

وايد حلو فيلا فيروز

انا بالنسبالي افضل سيرفس شفته موخرا اب مطعم لبناني و من السيرفس حسيت انه الاكل الذ من كل مرة.......................... برج الحمام 10 من 10

فيلا فيروز من احلى المطاعم اللبنانية

روح اكيد راح يعجبك

وبالعافية

اكله وااااااااااااااااااايد لذيذ

مكانه : الشعب البحري

على طريق الاستقلال ..

تقريبا بجانب "معهد فلكس الضحي" + "عمارة يورك"

ليلى الله يزيد النعمه مو زووود كلش وغالي بعد

فيلا فيروزز مو طبيعي اكلهممممم
كل شيئ لذيذ وخاصه الكباب المحمرررر شيئ مو طبيعي

بس جبده الدياي الله يزيد النعمه

حتى انا ودي اشوف المطعم من كثر ما سمعت عنه
ان شاء الله ان رحت له ابشروا بالتقرير

مطعم فيلا فيروز عادي ما شوف فيه زود عن باقي المطاعم اللبنانيه

والافضل حاليا الميجانا اللي في الكوت ... بس معقوله نفس شركه فيلا فيروز

ايه نفس الشركة

مره جيتهم وكان واحد جرسون لابس لبس مكتوب علية فبلا فيروز ولما سألته قال احنا نفس الشركة

انا من عشاق الاكل المريكي..

بس اذا حبيت اغير واكل لبناني اروح قصر البردوني..

من احلى والذ المطاعم اللبنانيه..

مطعم فيلا فيروز اكله حلو وعادي.. وهو على شارع الاستقلال بالقرب من نادي فلكس..

وفي مطعم تابع له بمجمع الكوت اسمه ميجانا.. ما جربته بس يمدحونه..

شكرا لكاتب الموضوع

والله أحترت

أول شي مشكورين على تفاعلكم بس الحين بزور إثنين قصر البردوني بس ما أدري وين ومكانه

والثاني فيلا فيروز وواحد بعد ذكر مطعم في مارينا أهههههه قريب أروح وأجربهم بس أبغى وصف أوضح لمواقعهم

تسلمون كثير

فيروز ما يعلى عليه في كل شي

ودي اعلق على فيلا فيرز مره ثانيه

الحمص لذييييذ مادري اشحاطين فيه كريمه؟! و مشاويه تحلى مشاوي ذقتها بالكويت

اما شيش برك ما عجبني

حبيت اضيف مطعم قصر يلدز ببرج حمود مقابل مجمع المثنى
مطعم راقي واكله حلوو

قصر البردوني وكافيه بلان وايد احلى من فيلا فيروز من جميع النواحي نكهة الاكل والسيرفس والاسعار بس الشي الوحيد اللي عجبني بفيلا فيروز كبه باللبن وايد حلوه عندهم يقدمونها مع رز ابيض مو موجوده بالمطاعم الثانيه والناس اذواق .

ياناس أبغى وصف سهل يعني مثلا أنا في شارع الخليج وعلى يميني مركز سلطان وأطلع على طول

كأني رايح الأفينوز هو من هذا الطريق لاتقولون لي شعب أنا أدل دلاله لا بأس فيها في الكويت

بس عندي مشكله ما أحفظ أسامي

هلا اخوي اهوه مكانة علي خط السريع لشارع الفحيحيل الموازي لمنطقة مشرف وبيان وسلوي وخليك كله سيدة ليما توصل علي خط الاستقلال وراح يكون عندك علي يمينك منطقة الشعب البحري وعلي ايدك اليسار منطقة الشعب المنازل واهوة يكون علي ايدك اليمين حاول تخفف اشوي لأنة يكون مكانة في زاوية ومقابلة محل لابيجيت وراءه عمارة يورك ان شالله يكون وصللك العنوان يا اخوي ،،،

وانا ان شالله اليوم راح اروحلة لأن معزومة فيه وبعدين راح اقولك عن الطعم والشكل والمذاق للاكل معنه الاكل اللبناني موطبيعي ،،،

مطعم ايام زمان في فندق هوليدي إن كراون بلازا (في السالميه) من افضل المطاعم اللبنانيه في الكويت إن لم يكن افضلها!

و على العكس منه، مطعم ايام زمان في فندق هوليدي إن كراون بلازا (الفروانيه) فهو من اسوأ المطاعم قاطبه في الكويت من ناحية الخدمه و الأكل!!!!!!!!

هلا والله اشلونج يا اعضاء المنتدي الطيب ،،،،،،،،،،،،،،،، وابية رحت حق مطعم فيلا فيروز ابية موطبيعي اكله خاااااصة الحمص شي عجيب وبصراحة حتى القعدة عندة عجيبة ،،،،،،،،،،،،،،، وبس حبيت اقولكم عن رايى للمطعم وحتى بعد المشاوي لذيذةماشالله ،،،

انا من عشاق الاكل اللبناني اليوم قريت اعلان مطعم ايامي بمرينا كرسنت شكله يديد
منو جربه ؟ او شلون قعدته

بصراحه مطعم فيلا فيروز وااايد أكله حلو ولازم تجربه وأكيد راح يعجبك. الكبه والكباب والحمص عنده روووعه. وموقعه بالضبط يوم صالون ديسانج العالمي اللي عند الشعب.

هااي
انا انصحك بقصر البردوني حده عجيييييييب:113:

و انا بدليك مكانه اذا انت ياي من البحر خل حديقة الشعب على ايدك اليمين و طوف اول اشاره ( الي تدخلك على الشعب ) سيده لما ثاني اشارة لف يمين سيده تييك اشاره ثانيه جدامك خلك جهة يسار بعدين اقلب فوق تحت و اول لفه على ايدك اليمين دشه كمل سيده لما اخر الشارع بعدين لف يسار امش شويه تلقى مطعم كبييير عندهم خدمة سيارات روح و اطلب : تبوله و كبده الدجاج مع زياده دبس الرمان و ستيك المشروم او شيش طاووق و راح تدعيلي :24:


تحياتي لك ام حمني

يعطيكم العافيه أنا مدمن الأكلات اللبنانيه ومتورط بنفسي

والحمص هذا يدور راسي

كل المطاعم المذكوره بجربها

لا تدور غيره بالأكل اللبناني
المطعم فوق الممتاز
ومكانه بالشعب البحري
مقابل منطقة الشعب من جهة شارع الإستقال
وتحديدا مقابل بيت بهبهاني الي فيه اريلات كبيرة

مطعم فيلا فيروز لا يعلى عليه ،،،،
ونفس الشي برج الحمام وقصر والبردوني والديك الرومي أفضل المطاعم اللبنانية بالكويت

ماعندي فكره

فيلا فيروز أكله حلو ، بس في مطعم سراي اللي بالبدع أكلهههههههههههم لذيييييييييذ وخصوصا الحمص بالمحمرة والريش المتبلة

السلام عليكم..

يا جماعه في احد جرب مطعم المياس الي بشيك؟؟؟

اكله عجيب عجيب عجيب...

وبصراحه انا حطيت اكس على فيلا فيروز..

رحت لهم قبل رمضان وكان الاكل مو مظبوط..

يعني طلبت شيش طاووق.. يابو لي والا مو ناضي كلش..

حتى الدم مبين..

والكباب نفس الشي..:112:

لاعت جبدي وطلبت المسؤول وقعد يتعذر بالشيف اليديد.. !!!:105:

المهم من ذاك اليوم وانا كاره المطعم..

وطيحت بميس الغانم.. بصراحه لا يعلى عليه..:24:

بس المياس غيييييييييييييييييييييييير :113:

البردوني - مقابل مركز سلطان البحر ( المطعم )

فيلا فيروز - خط فخيخيل السريع عند الشعب

قصر السرايا - قرب دوار البدع

ميجانا - الكوت

ميس الغانم - الشرق - شارع الخليج

ايامي - مارينا كرسنت

مطعم تنورين - سوق الفحيحيل

كلها مطاعم لبنانية شهية ...

الي مجربهم واثق فيهم قصر السرايا والبردوني ...هم اشهر اثنين

شباب نقدر نحصل عندكم إحداثيات مطعم فيلا فيروز؟

ياسلام عليكم جميعا

قربت الزيارة إن شاء الله

مشكورين وماقصرتوا

حياكم الله في بلدكم الثاني...
و ان شاء الله تقضون فيها اجمل الأوقات...

الصراحة لاهذا ولاذاك كلهم اللة يزيد النعمة أكلهم زفررررررررررر ماعلى مطعم سراي عججججججججججججيب وميس الغنم فقط لاغير