الموضوع: الجو في الكويت؟

السلام عليكم

مرحبا بحبايبنا هل لكويت

بإذن الله على نهاية الإسبوع بنكون عندكم فالكويت..من 30\11\2006 إلى 3\12\2007

بس حابه أعرف شو الجو عندكم بارد ولا عادي بروده خفيفه ... يحتاج ناخذ ملابس شتويه.

جزاكم الله خير ، والسموحه منكم


حياج الله اختي والاسئلة توضع في ساحة الاستفسارات ... سوف يتم نقل سؤالج الى ساحة الاستفسارات ...

مواضيع عشوائيه ممكن تكون تعجبك اخترناها لك:

• الكوويت ثاني وجهة للعربية للطيران مصر
• اسئله عن جزيرة فيلجا
• ويش رايكــم بخطوط الكويتية؟؟ موعد سفري بعد اسبوعين
• بلادي الغاليه
• مشرف الكويتابي مساعدة
• أين تباع أدوات الطبخ الغريبة والأجهزة الخاصة بالمطبخ
• منتجعات و فنادق
• الـــشقق الفندقيـــه بالكـــــويت
• مساعدة في أختيار سكن مناسب في منطقة السالميةضروري لوسمحتو
• مطعم معهد ايليزيم الصحي بالصور
• مسافرين للكويت لأول مره وابي مساعدتكم يا هل الخبره
• استأجار السيارات بالكويت
• بيت الكويتي
• ارجوا المساعده ضروري
• فنــادق الكـويــــت خلال عطلة عيد الفطر السعيد
• مقولة السكن غاااالي؟
• حقيبة العنق أو الخصر للمسافرين، من أين أشتريها؟
• الفقع
• مطعم حسني للمأكولات المصريه و المنيو الجديد بالصور
• عاجـل مطلوب سيارة مع سائق

وعليكم السلام ورحمة الله وبركاته
ياهلا ويامرحبا فيكم .. وبيزيد نور الكويت بوجودكم فيها
عزيزتي .. الجو واااايد حلو بارد برودة خفيفة يعني ما تحتاجين ملابس شتوية بس احتياط خلي وياج جاكيت أو شال خفيف لأن للحين ما يانا الشتا الأصلي وآنا شخصيا للحين ما طلعت الشتوي
على قولة سعاد حسني -الله يرحمها- الدنيا ربيع والجو بديع .. :109:
وحياكم الله بديرتنا .. ومرحبا مليوووووون

اختي بنوتة الامارات نتشرف بزيارتكم انتو وكل اهلنا في الامارات الحيبة

بالنسبة للجو بالكويت بالشتاء يختلف عن كل مدن الخليج بسبب الموقع الجغرافي القريب من منطقة المرتفعات السيبيرية القادمة من المناطق الروسية لذا يكون الطقس بارد الي معتدل نهارا ويكون بارد جدا خلال الليل حيث سجلت درجات الحرارة نهاية الأسبوع الماضي 5 درجات مئوية فقط وهي مرشحة للنزول ايضا ولكن خلال اليومين الماضين الطقس معتدل حيث درجة الحرارة العظمي 22 والصغري 10

الرجاء متابعة حالة الطقس من خلال هذا الرابط ل 5 ايام القادمة
http://weather.edition.cnn.com/weath...p?locCode=OKBK

اختي بنوتة الامارات انصح باخذ لبس شتوي برد الكويت يدش العظم الا اذا كنتي تبين تشوفين مستوصفاتنا شي ثاني

انصحج اذا كان عندج يهال اخذ الملابس الشتويه لهم لان الجو بارد وخصوصا بالليل
وحياكم الله بالكويت

يا هلا فيج و حياج الله بديرتج
بالنسبه للبرد أتوقع لو تيبيين معاج شتوي او لبس خريفي معه جاكيت خفيف بيكون كافي لانه الجو طول اليوم دافي و مافي بروده بس بالليل يكسر الله يهداه و يصير برد حده ...بس العجيري يقول أنه في الأسابيع القادمه بيكون في أمطار متفرقه و أحنا الحين بموسم الوسم (موسم أمطار) يعني حطي في أعتبارج أنه ممكن يقلب الجو و يكون حتي في النهار بارد ... الله يوفقج و يا هلا فيج بين أهلج و ناسج

اشكر الجميييييييييع ...على مروركم

ماقصرتو يزاكم الله خير. :101: ... لأن الكل مخوفنا من برد الكويت على قولتهم يدش العظم :36_1_26: :11ld: :36_1_31:

عيل نحن سبقناكم بالمطر...ما شاء الله اليوم من الصبح لحد الآن المغرب المطر ماوقف

وخلال الإسبوع إلي طاف بعد كانت امطار خفيفه...

بعكس المناطق الشرقيه عدنا الأمطار ماتوقف عندهم ما شاء الله

اشكركم مره ثانيه

هلا بنوته حياج الله
اي والله الجو بارد واخذوا شتوي احسن خصوصا للاطفال
ومبروك عليكم المطر الله يعطيكم من خيره

هلا اختي بنوتة الامارات

طبعا الجو بالكويت متقلب انا اقولج شلون :
الصبح الساعه 7 برد ودرجة الحراره من 7-10 درجات
الساعه 12 تكون درجة الحراره 19 درجه
الساعه 2 درجة الحراره 22 درجه
بليل تكون درجة الحراره 5 درجات

وطبعا الجو الصبح غيم فجأه ينقلب شمس بعدين ينزل مطر

وحياكم الله بالكويت