الموضوع: الكويت في مارس هل هى مناسبة للتمشية ؟

سلام عليكم
ودي بفزعتكم
انا رايح الكويت مع الزوجه وطفلين الاسبوع القادم يعني في شهر مارس يوم الاربعاء الى الجمعه
وودي اقتراحاتكم لو تكرمتوا
هل الوقت مناسب يعني مافي زحمه وهل الاسعار مناسبه في هذي الوقت . وين افضل سكن للعائله
لو ممكن جدول لهذين اليومين مع العلم اني احب اروح سوق المباركيه والاسواق القديمه & المركز العلمي
اكون شاكر لكم

مواضيع عشوائيه ممكن تكون تعجبك اخترناها لك:

• استفسار على الطاير
• الكويت ترحب بكم
• سؤال بخصوص الطريق البري الي الكويت والسكن في الكويت
• افيدوني عن مطار الكويت
• الدينار كم فلسضروري
• غراند افنيو الافنيوز
• بسافر الإمارت وأبي شوركم
• بغيت فندق بسعر 30 دينار بحريني وياريت يكون مع الفطور لثالث ايام العيد
• سوق شرق صورة رائعة من صور الكويت
• تقرير عن رحلتي الى شانغهايايووكوانزو
• زياره عمل خاطفه
• تعالو نتمشى بسوق المباركية وسلاح ؛
• مسافر للكويت نصايحكم
• الي اهل الكويت ممكن مساعده
• سوال مهم لاهل الكويت النشامى بخصوص تاجيلا السيارات
• وشلون الجو عندكم
• الكويتيات فزعتكم
• شارك فـّوٍضـٍٍوٍيـّ عن الكويت
• مجمع العربيد بالفروانية
• الدخول بلهوية الوطنية

حياك الله بالكويت
ان شالله مو زحمه اخوي الخليفه بس عالعموم كل دول الخليج تكون عندهم زحمه ايام الويك اند بس الحين اللي يختلف ان عندنا الجمعه والسبت هما يومي عطله
واذا تبي جدول مقترح تقدر اتشوف مواضيع الاخ ضاري وايد راح اتفيدك لانها مدعومه بالصوروارقام التليفون

كفيتوا وفيتوا
شكرا اخويDhari & الملك
يارب اقدر اخدمكم
بس ممكن سؤال المجمعات فاتحه يوم الجمعه الصبح
شكر

أهلا و سهلا فيك اخي الكريم...
و هذا واجبنا...!

-------

و بالنسبة للمجمعات الكبيرة...!
نعم تكون فاتحة من الـ10 حتى الـ10 طوال أيام الأسبوع...!
مثل المارينا-الكوت و المنشر-سوق شرق-الإفنيوز و غيرهم.

-----

تقبل تحياتي.

شكر اخوي ضاري
ودي سؤال ثاني بتعبك معاي شوي تحملني
مطعم السلطان هل فعلا يقدم وجبات افطار عند البحر؟
ونعم للكويت وابنائها
سلامي للجميع

ماقصروا الاعضاء وخصوصا ضاري مشكورين
ودامك تدور التراث والكويتي على اصله :
الاسواق عرفتهم اما الاكل واهم شي بالسفر الاكل ،،، مطعم فريج صويلح قرب المارينا (كويتي 100% ) ، ومطعم دلق سهيل بسوق المباركيه

المشاركة الأصلية كتبت بواسطة الخليفة
http://www.arabtravelersforum.com/tr...0/#post1859050

شكر اخوي ضاري
ودي سؤال ثاني بتعبك معاي شوي تحملني
مطعم السلطان هل فعلا يقدم وجبات افطار عند البحر؟
ونعم للكويت وابنائها
سلامي للجميع




اذا كنت تقصد مطعم مركز سلطان اللي على البحر
فيقدم الافطار تطل على البحر من النافذه
آخر مره فطرت فيه بوفيه الشخص 3.5دك ( غلوه ، كان ارخص )
وتفضل هالموضوع حق استاذتنا ( احلى كيميائيه ) عن هالمطعم
http://www.arabtravelersforum.com/travel132947/
والسموحه

بالنسبه لمطعم مركز سلطان له ثلاث افرع

الفرع الرئيسي بجانب مرسى اليخوت وهو الاكبر والاقدم

الفرع الثاني في شارع سالم المبارك في الدور الثاني وموجود في السوق المركزي نفسه

الفرع الثالث موجود في مركز سلطان اللي في سوق شرق
وجميع الافرع تقدم بوفيهات الافطار والغداء والعشاء
وحياك الله بالكويت

مشكورين ياخوان
انا حجزت بلتلفون في شقق ارينز تاور بس ان شاء الله تكون زينه
يسلموا

السلام عليكم ورحمه الله وبركاته
نتشرف بزيارتك للكويت اخوي بس حبيت انصحك بعض النصايح بما انك ماراح اطول بالكويت

طبعا لازم تروح المركز العلمي وابراج الكويت خل حجزتهم العصر احسن وقت للزيارة

المجمعات الي انصحك تزورها طيعا كل مجمعات الكويت حلوة وكل مجمع له طابع بس عندك الافنيوز لازم ما اطوفه وسوق شرق والمرينا تقريبا نفس الطابع يعني الاثنين فيهم مطاعم والعاب للاطفال ومرسى لليخوت وقعدات على البحر فذا بتروح حاول تختار واحد بس عشان توفر وقت مع انه المحلات مختلفه وماتقدر تقرر منو الاحسن الاثنين فيهم ماركات وفي محلات متشابهه
وعندك الكوت انصحك تروحله روحله حجزة مغرب او عشى على راحتك بس اهو مافي وايد مطاعم راقية في مطعم ميجنا ليناني اكله حلو وايد وقعدته روعه وديكوراته خيالية وراقي جدا
اما الباجي وجبات سريعه وفي الكافيهات الي برة عند النافورة حلوين بعد بس انا انصحك بميجنا واذا رحت الكوت مر المنشر لانهم يم بعض فيه العاب راح يستانيون عليها اليهال وفي محلات جذي تحف وتراثية بتعجبك

والمباركية روحله ريوق انا اقول مع انه حتى حلو بالليل بس مادري وعلى طاري الريوق ترى حتى المرينا في القعدات الي على البحر حلوة الصبح الجو منعش يصير وانصحك بمطعم زعتر وزيت عجيب للريوق وعلى البحر

واي استفسار احنا بالخدمه بس ياريت تحدد شنو الي يهمك اماكن حلوة وغريبه ولا تسوق ولا تونس الاطفال

الاقتراحات الي قتلك عليها تناسب الاثنين التسوق الاطفال بس بعد عندنا اماكن جدا راقيه للتسوق ماذكرتها لانه معاكم اطفال وماراح تناسبهم

وحياك الله مرة ثانية بالكويت