الموضوع: أبغي برنامج يوم واحد في الكويت الفزعة ياأهل الخبرة

ياجماعة الخير انا عازم على زيارة كويتنا الحبيبة الأربعاء القادم وأبغي أقضي يوم كامل فيها أنا جاي بالسيارة مع زوجتي فقط

نحب الشواطئ اللي فيها انشطة مائية
السينما
الألعاب الترفيهية للكبار طبعا

مجمعات جديدة وفخمة

أحلى المطاعم وأفخمها

يعني أبي أقضي الليوم بأحلى شي في الكويت

لا تبخلوا علي خابرنكم ببرنامج ولا أروع ياهل الخير

مواضيع عشوائيه ممكن تكون تعجبك اخترناها لك:

• مطعم ليالي روز بالجهراء لايطوفكم
• استفسارات عن الاماكن في الكويت
• تقرير زيارتي الأخيرة لمنتجع كمبنسكي الجليعه بالصور
• بخصوص مولات الكويت
• شو رايكم في
• منتزه السالمية الجديد
• الكويت باختصار
• استفسار عاجل جدا
• منتجع السفير جون
• افضل المواقع لسكن
• آبي مسآعده يآهل الككويت
• سؤال عن زحمة السيارات
• فندق ميسوني
• بكره مسافر للكويت ابى معلومات مع الشكر
• استفسار ومساعدة ،،
• مبروووووووووووووووووووووووك عودة المرام
• دليل الزائر السياحي للكويت مدعم بالمعلومات والصور
• أريد معلومات عن محمية الامير صباح الأحمد
• تساؤل من وجهة نظري في مكانه قلت راي
• فندق كويت يارد الراية

هلا اخوي

انا الآن بالكويت وانصحك بالمركز العلمي

لا يطوووووووووووفك

شيئ يفوق الخيال وهو بشارع الخليج العربي

مع أنه بنظري يوم واحد ما يكفي أبدا:108:

حياك الله بالكويت

يوم واحد مو شنها الزياره وايد قصيره .... على العموم هذا البرنامج ليوم واحد

صباحا اخذجوله بالسياره لشارع الخليج العربي وتبديها من يوم البحار وتمر على سوق شرق وتاخذ فيه جوله مع تناول وجبه الفطور ف مركز سلطان ( عندهم خوش ريوق )
وبعدها اتمر على الابراج وقص لك تذكره واصعد وشوف منظر الكويت من فوق

ثم مر على المارينا مول واهناك فيه سينما وبعدها اخذ جوله في مارينا كريسنت واكلك حلو في شوكليت بار

وبعدها انصحك اتروح المركز العلمي واهناك فيه اكبر اكواريوم في الشرق الاوسط

( على فكره كل هالاماكنتلقاها على شارع الخليج العربي يعني ماراح اتضيع ان شالله )

واذا فيه عندك وقت تقدر تروح الافنيوز ( مجمع ضخم فيه محلات كبيره + مطاعم فخمه + سينمات + كيفهات + ايكيا + كارفور )

جدول اخوي الملك خووش جدول ليوم واحد

أخوتي الأعزاء بصراحة والله فشلة ... وما ادري كيف أشكركم صحيح أهل الخير




alrashedq8

الملك

أبا عبد الله

Dhari


عساكم كلكم على القوة والعافية ومشكورين وما قصرتوا كلكم وأنا راح أدرس كل اللي قلتوه وراح إنشاء الله استانس كلش بالزيارة

حياكم الله والاعضاء ماقصروا
ممكن نزيد عليهم دام اللي عندك يوم واحد فقط وجاي عبر البر فبامكانك الاختيار اما التوجه الى السالميه والعاصمه ( البوابه متروسه عنهم )
او الى محافظة الاحمدي وهي الاقرب اليك
تقدر تروح مجمع المنشر والكوت بالفحيحيل على البحر تقدر تقعد عالنافوره الجميله وتتمشى على البحر ( صعب اماكن سباحه الجو لسه بارد ) وتقدر تمر مجمع اجيال بالفحيحيل وكذلك كويت مجك ببوحليفه وفي داخله العاب للاطفال ، وفي بعد العاب بره يمه بس مادري اذا للاطفال او الكبار ،
وبالنسبه للاماكن الترفيهيه عندك المدينه الترفيهيه بالدوحه ، وكذلك منتزه الشعب الترفيهي

*المجمعات الكبيره والفخمه == عليك بالديره والسالميه والري ( الافنيوز )