الموضوع: استفسار ما رأيكم بفيزا التسوق مسبقة الدفع من الراجحي

السلام عليكم جميعا

ابسأل عن فيزا التسوق مسبقة الدفع اللي عند الراجحي
طبعا الكتابه اللي عليه محفوره مو طباعه
وش رايكم فيها؟؟؟
ابستخدمه لحجز الفنادق والسياره والتسوق في المانيا وسويسرا والنسا

هل فيها مشاااكل ؟؟

واكووون شاكر لكم

مواضيع عشوائيه ممكن تكون تعجبك اخترناها لك:

• من يعرف مترجم جيد في المانيا وله جزيل الشكر وعنوان فندق قريب
• بخصوص استلام سيارة من ميونخ ما افضل مكان
• برنامج رحلة الى أروبا ألمانيا ، النمسا ، هولندا ، فرنسا من الى
• شقق في دوسلدورف
• برلين
• سيارة أوتماتيك راكب تكفون تكفون تكفون ثم تكفون
• الحقوني يا اخوان عندي دورة في المانيا ولا ادري وين الله حاطني
• ياريت احد يقدر يفيدي
• استفسار عن الامور الماليه
• كيف تتعامل مع السيارة داخل ميونخ؟
• رحلة علاجية لـ هامبورغ إيسن ، ساعدوني ياخوان
• اخواني تكفون نخيتكم الفزعه الفزعه تكفون
• استفسار بأسافر إلى ألمانيا في الكريسمس
• ألمانيا النمسا سويسرا أرجو المساعدة في أعداد جدول
• رأيكم في مخطط سير الرحلة ؟؟؟
• السياحة في ميونخ شهر ديسمبر اللي عنده خلفية يفيدني
• استشارة في جدول سياحي
• اسستششااااره في مخطط الرحله والتنقل
• ماهو الافضل ؟سؤال بخصوص فندق في ميونخ
• الطيران الاوروبي الداخلي

البطاقه ممتازه ومقبوله في كل مكان اذا كانت الارقام بارزه اهم شيء تأكد من وجود رصيد كافي في البطاقه قبل الشراء وتأكد من مطابقة الاسم لما هو مكتوب في جواز السفر .

المشاركة الأصلية كتبت بواسطة ابو عبدالله400
http://www.arabtravelersforum.com/tr...3/#post6633913

البطاقه ممتازه ومقبوله في كل مكان اذا كانت الارقام بارزه اهم شيء تأكد من وجود رصيد كافي في البطاقه قبل الشراء وتأكد من مطابقة الاسم لما هو مكتوب في جواز السفر .



جزاك الله خير اخووووي ابو عبدالله

انا وضعت الاستفسار لاني سمعت ان الفيزا مسبقة الدفع فيها مشكله الفتره الاخيره

الله يجزاك خير اخوووي

شوف اخوي بالمختصر المفيد البطقه هاذي ماراح تنفعك الا في الفنادق فقط لاغير ويمكن في عملية السحب لكن استئجار السيارات يرفضونها بتاتا لانها فيزا انترنتيه ولها اسم معين ما اذكره حتى ولو كانت محفوره

عموما نصحيه شخصيه خل عندك فيزتين وحده احتياط والثانيه رسميه وخل فيها مبالغ ماليه كافيه


وبالتوفيق لك

المشاركة الأصلية كتبت بواسطة crafty milan
http://www.arabtravelersforum.com/tr...7/#post6642427

شوف اخوي بالمختصر المفيد البطقه هاذي ماراح تنفعك الا في الفنادق فقط لاغير ويمكن في عملية السحب لكن استئجار السيارات يرفضونها بتاتا لانها فيزا انترنتيه ولها اسم معين ما اذكره حتى ولو كانت محفوره

عموما نصحيه شخصيه خل عندك فيزتين وحده احتياط والثانيه رسميه وخل فيها مبالغ ماليه كافيه


وبالتوفيق لك



اول شي اسف على التأخير
والف شكر لك اخوووي على الرد على موضوعي

تقول ما راح استفيد منها الا بالفنادق
طيب بالنسبه للسياره حجزت عن طريقها وانخصم من البطاقه قيمة الاجار
كيف استئجار السياره يرفضونها؟؟؟؟؟؟
والسؤال الثاني اذا كنت ابتسوق عنطريق الفيزا مسبقة الدفع فيه مشكله؟؟

اتمنى احد يرد على استفساري

شغاله ايجار سيارة

المشاركة الأصلية كتبت بواسطة فــيـصـل
http://www.arabtravelersforum.com/tr...7/#post6651257

شغاله ايجار سيارة



هلا بالمراقب العااام
هلا اخوووي فيصل

(شغاله ايجار سيارة) تقصد اذا ابستأجر سياره بفيزا التسوق ما فيه مشكله؟؟؟؟
سؤال ثاني
بالنسبه للتسوق في ميونخ او في اوروبا عامه فيزا مسبقة الدفع(فيزا التسوق)فيها مشكله او مقبوله هناك؟؟؟؟؟

والف شكر لكل اللي ساعدوني وردوا على استفساراتي
الصراحه استفدت من المنتدى فايده كبيره

up

سبحان الله وبحمده

طيب وش رايكم في بطاقة البنك الأهلي الي تحط فيها مبلغ معين هل هي مجدية في المانيا للفنادق والمطاعم وايجار السيارة ؟؟
والا ما تفيد ؟؟

انا ناوي بعد استأجر بها هاليومين سيارة في المانيا
وكلمت مكتب سكست بالرياض وقال اذا هي بارزة ماعندك مشكلة مقبولة هناكحتى لو هي مسبقة الدفع
وانا مثلك اخوي فيزا تسوق الراجحي وراح احجز بها ان شاءالله خلال هالاسبوع

فيزا التسوق
سواء أهلي أو راجحي أو أي بنك
في استئجار الفنادق أو الشراء أو الدفع بها في أي مكان وحتى حجز السيارة ما عندك أي مشكلة
ولكن مشكلتها عند استلام السيارة من شركة التأجير
يمكن تتوهق ويرفض الموظف تسليمك السيارة - انتبه أقول يمكن - ( ومثل ما هو معروف البطاقة تبين عند استخدامها هل هي فيزا تسوق - ديبيت - أو فيزا ائتمانية - كريديت - )
أتمنى من الإخوة اللي يردون في أي موضوع زي هذا إعطاء المسافر جميع الاحتمالات وترك الأمر للمسافر فهو الذي يختار إما المخاطرة أو عدمها فليس معنى أنك استأجرت بهذه البطاقة أن غيرك يستطيع الاستئجار بها بدون مشاكل
وهذا ما ورد في موقع ترافل جيغسو لحجز السيارات
ملاحظة هامة جدا: يرجو أن تعلم أنه يجب أن يحمل سائق السيارة الرئيسي بطاقة ائتمانية باسمة تكون بارزة المعالم عند موقع أخذ السيارة, ولا تقبل البطاقات مسبقة الدفع والبطاقات الالكترونية الأخرى

الله يجزاك خير
بديت اخاف والله
طيب ليه موظف سيكست بالرياض يقولي ماعندك مشكلة ببطاقتك اهم شي محببه اي يقصد بارزة وقلت له انها فيزا مسبقة الدفع قال مافيه مشاكل؟؟

اليوم قدمت على الراجحي اسم البطاقة ( فيزا مسبقة الدفع) فيه بطاقتين وحدة اسمها انسان والثانية فيزا مسبقة الدفع اخترت بطاقة الفيزا

رسوم الاصدار 100 ريال



اشحنها بالمبلغ الي انت ابغاة وتقدر تشتري من النت وتحجز فنادق وتستخدمها في اوروبا

هذا كلام الموظف لي اليوم .. بكرة اخذ البطاقة (ناوي اشحنها ب 10.000 ريال )

وابدا بالحجز من النت من بوكينق او اي موقع اخر وراح احجز السيارة واخذها معاي للنمسا علشان استخدمها
تكفون اذا كان فيها اي مشكلة او اذا فيه احد استخدمها وواجهته مشاكل في النمسا او اي دولة اوروبية يفيدنا ؟؟؟؟؟؟؟؟؟؟؟؟؟؟؟؟؟؟؟؟

مشكلتها مع ايجار السيارة فقط وصارت للاخوان بصيف 2010 و 2011 شفنا مواضيع كثيرة تتكلم عن رفض شركات
التأجير إعطائهم السيارة بسبب بطايق الراجحي والاهلي مسبقة الدفع .
أنا متأكد من هالكلام 100% وإذا تقصد موظف سيكست اللي بفندق الضيافة ماعنده سالفة قال لي ياخذون تامين ربع مبلغ الايجار
وكانوا الشباب هنا يقولون ياخذون مبلغ تامين يساوي مبلغ الايجار وبالفعل طلع كلام الشباب هو الصح وكلامه خطأ إضافة إلى أن حجز
الانترنت أرخص منه على وقت روحتي لذلك كنسلت حجزه وحجزت غيره .. الزبدة هو شخص ماعنده احترافية وربما البطاقة تمشي
مثل ما يقول بس يمكن عنده لانه هو ممكن يؤجرك ببطاقة عمل او تأمين كاش أوروبا مافيها هالحكي .

اخوي حدي ابها وش الخيارات الاخرى طيب اذا كان هذي فيها مشكله
انا معاي مسبقة الدفع من الراجحي اذا كان بيصير فيها مشاكل من الحين بغير عنها ولا بشوف لي دبرة
ماني ناقص وجع راس ومثلكم خابر انت طالع تبي امورك مربتة تطلع لك مشكلة مثل هذي تحوسك هناك
لما طلعت انت وش الفيزا الي كانت معك وكيف تصرفت
اخلي معاي كاش يعني قيمة السيارة ولا كيف ؟؟

أخوي السيف هم يبون البطاقة الائتمانية العادية وليست مسبقة الدفع ولا يهم من أي بنك ..

مثال لو معاك بطاقة فيزا العادية من الأهلي أو الراجحي موب مشكلة لكن لو معاك مسبقة الدفع من الاهلي او الراجحي او غيرهم هنا المشكلة .

ممكن تطلعها من بنكك وتقولهم أبي فيها أقل رصيد ممكن أعتقد أقل رصيد ممكن يكون 3000 وأنت تزيد عليه المبلغ اللي تحب .

شركات التأجير لا تقبل الكاش نهائيا ولا تقبل مسبقة الدفع .. تقبل الفيزا العادية فقط وأنا كانت معاي العادية فلم اتعرض لمشكلة واستلمت السيارة
في خمس دقائق .

الله يعطيك العافية اخوي بس المشكلة ان بطاقة الفيزا او الماستر كارد الي من البنك قال الموظف يعطونك فيها ثلاث الاف فقط ...... طيب يابن الحلال ماهي مشكلة بزودها فلوس من عندي ؟؟ قال لا ماتقبل طيب وش الحل قال مالك غير هالثلاث الاف ؟؟ مادري وش اسوي الحين اخذها واخليها لايجار السيارة فقط طيب افرض طلع ايجار السيارة اكثر وش الحل ؟؟؟ ......اليوم طلعت من دوامي لفيت على البنوك من ساب للفرنسي للراجحي للاهلي كلها نفس الحكاية من الفين لثلاث الاف ريال بس
زي ماتكرمت انت انك اخذت بطاقة عاديه فيها فلوس طيب انا اخاف بعد ان المشكلة تصير حتى بالفنادق وش سويت انت ؟

لا تقدر تزيدها ولا عليك منهم .. انا مطلعها من الفرنسي البطاقة الكلاسيكية .. حدها الائتماني 7000 وممكن تطلب 3000 وتقدر تزيد
فوق الحد الى 37000 ريال يعني يصير فيها 40000 الف مع الحد الائتماني وتستخدم فلوسك وتخلي حق البنك .

أنا ماقد نزلت تحت الحد لأني إذا جيت أسافر حطيت فيها على حسب السفرة من 10000 الى 15000 بحيث احاول ما المس قروش البنك .

ايضا لنفترض انك طلعتها من الفرنسي وما شحنتها وحبيت تستخدم فلوسهم .. تقدر تقول للبنك أبي السداد يكون 100% شهرياً . بحيث ما يركبون
عليك اي فوائد .

طبعا تقدر تطلعها بدون تحويل راتب .

المشاركة الأصلية كتبت بواسطة حدي ابها
http://www.arabtravelersforum.com/tr...5/#post6830375

لا تقدر تزيدها ولا عليك منهم .. انا مطلعها من الفرنسي البطاقة الكلاسيكية .. حدها الائتماني 7000 وممكن تطلب 3000 وتقدر تزيد
فوق الحد الى 37000 ريال يعني يصير فيها 40000 الف مع الحد الائتماني وتستخدم فلوسك وتخلي حق البنك .

أنا ماقد نزلت تحت الحد لأني إذا جيت أسافر حطيت فيها على حسب السفرة من 10000 الى 15000 بحيث احاول ما المس قروش البنك .

ايضا لنفترض انك طلعتها من الفرنسي وما شحنتها وحبيت تستخدم فلوسهم .. تقدر تقول للبنك أبي السداد يكون 100% شهرياً . بحيث ما يركبون
عليك اي فوائد .

طبعا تقدر تطلعها بدون تحويل راتب .







ياشـــــــــــــــــــــــــــــــــــــــــــــــ ـــــــــيخ الله يبيض وجهك على هالمعلومات
السبت بروح للفرنسي وابروح للراجحي والف على البنوك واشوف لي حل
ومثل ماقلت اذا عطوني فيها فلوس ماني مستخدم فلوسهم كذا اسلم حل

والف مبروك تركك للدخان والله يثبتك ويعصمك منه
ولو انها متاخره لكن ماقريت الموضوع الا اليوم
انا لي تجربة مثلك واستخدمت الحبوب الي ذكرتها
ماستمريت عليها ولا كنت مقتنع بترك الدخان واضحك على الي يقول اتركه ...
المهم بعد فقرة طويلة يمكن تدخين حوالي 19 سنة كرهت الدخان كره ماتتخيله فجأه وكرهت حتى ريحته وكرهت اجلس مع ناس تدخن واشم رحيته من بعيييد ووالله بدون مبالغة حتى وقت ما اوقف عند احد الاشارات بالشارع ويكون فيه احد يدخن بسياره بعيده عني اشم ريحته واقفل الشباك واشمئز منه


تركته بدون سبب سبحان الله
كنت ابي اعرف السبب وبيني وبين نفسي اقول وش خلاني اتركه كذا بدون تعب
ف يوم دخلت على الوالدة بعد ماحبيت على يدها قالت ماشالله ياوليدي مامعك ريحت المخيزي
هههه قلت لها تركته .. مانتبهت الا وهي ترفع يديها وتقول ياربي لك الحمد استجبت لدعوتي
اثرها الله يحفظها ارسلت دعوه وانا مادريت
هذا فضل دعاء الوالدين وتصديق لكلام رسولنا الكريم صلى الله عليه وسلم
نصيحة لوجه لله
الي يبي اموره تزين يلجا لله اولا ثم لدعاء الوالدين

وجهك أبيض أخوي ..

أنت شف اللي يناسبك .. واتصل على البنوك بالرقم المجاني أفضل لك من اللفلفه :d

الفرنسي عن كل 50 الف مشتروات يعطونك 500 ريال .. طبعاً ممكن توصلها إذا اعتمادك مشترواتك وسداد فواتيرك ومصاريفك
سواء هنا او بالخارج عليها . رسومها بالفرنسي اللي هي الفضية ( 150 سنوياً )
الأهلي أعرف إن عندهم عدة بطائق منها بطاقة فرسان على كل 5 ريال مشتروات تحصل على ميل لدى الخطوط السعودية . بس مشكلتها
رسومها 400 سنوياً .. تنفع للي سفره كثير واعتماده على الخطوط السعودية بحيث تجمع أميال من أسفارك + مصاريفك وتطلع لك تذكرة .

أنا مجرب الفرنسي فقط .. وعموماً البطاقات متشابهة بس إسأل عن الرسوم والمميزات طبعاً إذا أنت ناوي ما تستخدم فلوسهم أو ناوي تسددهم
100% في فترة السداد .

بالتوفيق .

**

تسلم اخوي الله يعصمنا عنه ويبارك فيك ومبروك لك أيضاً تركه ..
هو مشكلته ريحته ولا هو كويس ههههههه

الله يجزاك خير ويعطيك على قد نيتك
ويسهل امورك
وانتضرني تراني بشغلك بكثر الاسئلة

طلعت اليوم فيزا الراجحي وكنسلت مسبقة الدفع عطوني فيزا كلاسك فضية فيها اربع الاف وخمس
انشالله مايكون فيها مشاكل
والفضل بعد الله سبحانة وتعالى يعود لكم وبالاخص
اخوي حدي ابها بارك الله فيهوفعلا قالو لي حط المبلغ الي تبي الى مئة الف ريال عادي
الضاهر الموظف الاول ماعندة ماعند جدتي بغى يورطني هههه

يالغالي .. انا موظف راجحي ..وسفرتي بحيل اللي ماتنام عينه .. 22 مايو . بعد شهر من ردي هذا ان شاء الله


معي مسبقة الدفع " تسوق " .. وحجزت بها الطيران . وحجزت بها السكن كله ..
جيت للسياره شفت اغلب الاعضاء يقولون مامشت معنا .. وخصوصا ان تسوق اللي معي " بارزه " ..
بس ماحبيت اضحي . اروح هناك وانا ابي سيارهـ وفي الاخير يرفضها الموظف .. مابي اروح على احتمال


طلعت كلاسيك فضيه .. " لازم تتاكد انها نفس اسمك بالجواز " .. ولو يختلف . اتصل بالهاتف المصرفي واطلب اعادة اصدار للبطاقه وتغير الاسم ..


يعطيك بالبطاقه " فيزا كلاسيك فضيه " .. 100% من راتب شهريهًا فرصه تستديد 45 يوم . بدون اي فوائد حتى لو تأخر تسديدك


باخذها واروح بها وانا حاط ببطني بطيخه صيفي .


مع ان فيه سعوديين مشت معهم وتقاريرهم موجوده .. وفيه كويتي قريت له قبل اسبوعين تقرير انها راح بمسبقة الدفع من عندهم ومشت ..
لكن العب ع المضمون وانا اخوك كلها .. 300 ريال رسوم اصدارها واروح بدون وجع راس


بس انصحك وبشدهـ عشان ماتبتلش بها اذا رجعت .. سدد التزاماتك اللي عليها ووقفها

المشاركة الأصلية كتبت بواسطة 4qp4.com
http://www.arabtravelersforum.com/tr...3/#post6840283

يالغالي .. انا موظف راجحي ..وسفرتي بحيل اللي ماتنام عينه .. 22 مايو . بعد شهر من ردي هذا ان شاء الله


معي مسبقة الدفع " تسوق " .. وحجزت بها الطيران . وحجزت بها السكن كله ..
جيت للسياره شفت اغلب الاعضاء يقولون مامشت معنا .. وخصوصا ان تسوق اللي معي " بارزه " ..
بس ماحبيت اضحي . اروح هناك وانا ابي سيارهـ وفي الاخير يرفضها الموظف .. مابي اروح على احتمال


طلعت كلاسيك فضيه .. " لازم تتاكد انها نفس اسمك بالجواز " .. ولو يختلف . اتصل بالهاتف المصرفي واطلب اعادة اصدار للبطاقه وتغير الاسم ..


يعطيك بالبطاقه " فيزا كلاسيك فضيه " .. 100% من راتب شهريهًا فرصه تستديد 45 يوم . بدون اي فوائد حتى لو تأخر تسديدك


باخذها واروح بها وانا حاط ببطني بطيخه صيفي .


مع ان فيه سعوديين مشت معهم وتقاريرهم موجوده .. وفيه كويتي قريت له قبل اسبوعين تقرير انها راح بمسبقة الدفع من عندهم ومشت ..
لكن العب ع المضمون وانا اخوك كلها .. 300 ريال رسوم اصدارها واروح بدون وجع راس


بس انصحك وبشدهـ عشان ماتبتلش بها اذا رجعت .. سدد التزاماتك اللي عليها ووقفها



حياك الله عزيزي وبارك الله فيك على هالنصايح لا خلا ولا عدم
تروح وترجع سالم وغانم باذن الله


اما اخر التطورات بالنسبة لموضوعي ف خذو عندكم


بعد اخذ ورد ومره يقولون تعطل الجهاز ومره يقولون ماهي موجودة البطاقة المهم بعد يمكن اسبوعين وانا في دوامه مع الراجحي
طلعت اخيرا بطاقة كلاسك فيزا من الراجحي
لكن مثل الي يقول ابشرك بولد
بس مات هههههه
فرحت ثم رجعت على طيري يالي
طلعت البطاقة وقبل ماتقولون مبروك شوفو وش حصل
اخذت البطاقة وبعد كم يوم وانا احاول افعلها كلمت الهاتف المصرفي قالو لا ياخي الله يصلح الموظف الي عطاك البطاقة هذي قديمة لزوم الله لا يهينك ترجع تاخذ وحدة جديدة
رحت اليوم وبعد انتضار اكثر من ثلاث ساعات مره يقولون ماهي فيه ومره يقولون طيب اصبر شوي وراك عجل الله يصلحك وهم مادرو ان كل ساعة تاخير فيها فرصه حجز تطير وش عاد اسبوع واثنين
عطوني البطاقة بس لا تقولون مبروك بعد
اناظر البطاقة ولاهي مثل بطاقة الصراف بالضبط مطبوعة طباعة ولا فيها لا شريحة ولا ارقام بارزة
قلت للموظف ياخي وين الحروف البارزة والارقام البارزة هذي فيزة ولا كرت مراجعة تدرون وش قال الموظف
قسما بالله ماظلمتة ولاني قايل عليه كذب
بعد ماضحك ضحكة استفزازية ونظرة استصغار لي حسستني اني بصف اول ابتدائي كنه يقول انت ماتفهم قال ( البطاقة الي حروفها وارقامها بارزة هذي مخصصة للمعوقين علشان يلمسونها ويعرفون الارقام وانت الحمدلله مافيك شي ) المعوقين وماقال المكفوفين اسئلكم بالله وش ارد عليه وش اقوله
المهم اخذت البطاقة رحت فيها للموظف الثاني قلت له الموظوع
قال اييييييييييييييييييييييييييييييييييييييييه هذيك يبيلنا نطلبها من الادارة ولازم تنتظر ثلاث اربع ايام
قلت طيب اطلبها الله لا يهينك قال راجعني بعد كم يوم
وهذي السالفة
في انتظار هالبطاقة ماندري وش تنتج عنه عاد بعد اربع ايام
وسلامتكم

البطاقة غير مقبولة لإستأجر السيارات
انا جربتها و رفضوها و كان معي بطاقة ثانية

المشاركة الأصلية كتبت بواسطة مسافر عالمي
http://www.arabtravelersforum.com/tr...5/#post6847065

البطاقة غير مقبولة لإستأجر السيارات
انا جربتها و رفضوها و كان معي بطاقة ثانية





تقصد بطاقة مسبقةا لدفع اخوي ؟؟؟
وش البطاقة الثانية الي كانت معك ؟

المشاركة الأصلية كتبت بواسطة الـسيف
http://www.arabtravelersforum.com/tr...9/#post6842969

اما اخر التطورات بالنسبة لموضوعي ف خذو عندكم


بعد اخذ ورد ومره يقولون تعطل الجهاز ومره يقولون ماهي موجودة البطاقة المهم بعد يمكن اسبوعين وانا في دوامه مع الراجحي
طلعت اخيرا بطاقة كلاسك فيزا من الراجحي
لكن مثل الي يقول ابشرك بولد
بس مات هههههه
فرحت ثم رجعت على طيري يالي
طلعت البطاقة وقبل ماتقولون مبروك شوفو وش حصل
اخذت البطاقة وبعد كم يوم وانا احاول افعلها كلمت الهاتف المصرفي قالو لا ياخي الله يصلح الموظف الي عطاك البطاقة هذي قديمة لزوم الله لا يهينك ترجع تاخذ وحدة جديدة
رحت اليوم وبعد انتضار اكثر من ثلاث ساعات مره يقولون ماهي فيه ومره يقولون طيب اصبر شوي وراك عجل الله يصلحك وهم مادرو ان كل ساعة تاخير فيها فرصه حجز تطير وش عاد اسبوع واثنين
عطوني البطاقة بس لا تقولون مبروك بعد
اناظر البطاقة ولاهي مثل بطاقة الصراف بالضبط مطبوعة طباعة ولا فيها لا شريحة ولا ارقام بارزة
قلت للموظف ياخي وين الحروف البارزة والارقام البارزة هذي فيزة ولا كرت مراجعة تدرون وش قال الموظف
قسما بالله ماظلمتة ولاني قايل عليه كذب
بعد ماضحك ضحكة استفزازية ونظرة استصغار لي حسستني اني بصف اول ابتدائي كنه يقول انت ماتفهم قال ( البطاقة الي حروفها وارقامها بارزة هذي مخصصة للمعوقين علشان يلمسونها ويعرفون الارقام وانت الحمدلله مافيك شي ) المعوقين وماقال المكفوفين اسئلكم بالله وش ارد عليه وش اقوله
المهم اخذت البطاقة رحت فيها للموظف الثاني قلت له الموظوع
قال اييييييييييييييييييييييييييييييييييييييييه هذيك يبيلنا نطلبها من الادارة ولازم تنتظر ثلاث اربع ايام
قلت طيب اطلبها الله لا يهينك قال راجعني بعد كم يوم
وهذي السالفة
في انتظار هالبطاقة ماندري وش تنتج عنه عاد بعد اربع ايام
وسلامتكم



90% من موظفي هالبنك تحسهم في دائرة حكومية .. انا طلعت من عندهم من ثلاث سنوات بسبب تافه وهو ابي افتح حساب
ثاني وصرفوني 1000 مرة وطلعت للفرنسي وخدمتهم افضل 100 مرة .

لو قلتلهم ابيها على فيدكس افضل لك .. والبطاقة اللي عطوك مستعجلة سلامة عيونك ولا علاقة للمكفوفين وغيرهم لكن
غالبية موظفي البنوك بالذات اللي بالواجهة غير ملمين بكل شيء .

طبعاً أعتقد إنك مُلم بكل شيء لكن ما ودي تطيح بغلطتي .. إذا أعطوك البطاقة ان شاء الله اطلب الرقم السري للبطاقة ( الرباعي )
يعطونك إياه بظرف لأنه لن تستطيع فعل أي شيء بدونه .. طبعاً إذا البطاقة بها شريحة
ملاحظة :
الرقم السري الرباعي للبطاقة نفسها ، وهو مختلف عن الرقم الثلاثي خلف البطاقة

أنا أخذته من البنك وما اعرته أهمية ومن حسن الحظ إني أخذته بنفس يوم سفري في ورقة ويوم وصلت
فرانكفورت ما طلبوه مني شركة سيكست وطلبوه الهوليداي ان وجلست احاول اتذكره ولله الحمد كان على البال
وذكرته مع اني كنت معتقد انه غير مهم .. هم طبعاً يستطيعون السحب لكن هم يريدون التأكيد إن هذه بطاقتك .

حياك الله مره اخرى اخوي حدي ابها وشاكر ومقدر لك هالمعلومات والردود الله لا يخلينا منك
بالنسبة للبنك والله ان بنك الراجحي يجيب المرض وموظفينه الاغلب الاعم منهم غير مؤهلين حتى للوقوف في معرض سيارات
بالنسبة لاستلام البطاقة الضاهر زي ماقال لي الموظف اذا ماهو غلطان اني استلمها من فيدكس قال يتصلون عليك وتروح فيدكس تستلمها
اما بالنسبة للرقم السري واستخدام البطاقة والله ياخوك ماعمري استعملتها واول مره اخذها وياليت تقول لي طريقة استخدامها انا ناوي احجز من بوكنق
لاني لقيت شقق وفنادق اسعارها مناسبة يوم رحت المكاتب مالقيت باقل من 700 ريال بالليلة وهذا بالنسبة لي مبلغ كبير اذا نضرت للمدة الي راح تجلس فيها بالفندق الي هي وقت النوم بس
اما اغلب الوقت راح تقضية برا ف انا احاول اني القى فنادق ماتتعدى 300 الى 400 ريال بالليلة وانشالله ما يكون اختياري سيء من بوكنق
اقل تذكره لقيتها على الخطوط التركية 8600 ريال للشخصين وعلى ما اضن الوقت له دور لاني قبل شهرين لقيت بارخص من كذا
ياليت اذا فيه فنادق او شقق نضيفة ورخيصة تفيدني فيها انت والاخوان
تقبل تحياتي وشكرا لك

السلام عليكم جميعا
اشكر كل من تفاعل معي بالموضوع

بس حبيت اضيف معلومه
اخوي قبل شهر سافر المانيا واستأجر سياره من شركة سكست ودفع قيمة الآجار من بطاقة الراجحي مسبقة الدفع ( فيزا تسوق )
طبعا استخدم البطاقه في حجز الفنادق بالمانيا والنمسا واستأجر سياره من سكست وتسوق
والحمدلله لم يواجهه مشاكل

ان شاء الله يكون الجميع استفاد من هذا الموضوع

السلام عليكم ورحمة الله
تم استلام فيزا الراجحي الفضية .. سبب استخراجها هو سفري باذن الله للنمسا شهر يوليو القادم
بعد ماطلبت فيزا مسبقة الدفع من الراجحي قمت بالغائها بسبب ان كثير من الناس الي سافرو للنمسا يؤكدون عدم قبولها لدى شركات استئجار السيارات في دول اوروبا خصوصا
(ناوي استأجر السكن من بوكنق والسيارة من يورب كار )
الان وصلتني بطاقة الفيزا الفضية عندي بعض الاسئلة
اولا تفعيل البطاقة من الموقع كما هو معروف
بعد التفعيل ماهو المقصود ب (الباي بال )
قرأت في كثير من المنتديات انه يجب ربط الباي بال بالفيزا ؟؟
كيف ولماذا
هل استطيع بعد تفعيل البطاقة الدخول على البوكنق والسيارات واحجز وخلاص ولا لازم باي بال ؟
بالنسبة للمبلغ المحدد في البطاقة
فرضا اذا حجزت للسفر بمبلغ 10000 عشر الاف ريال هل تتم العملية بما ان البطاقة محددة بمبلغ 4500 ريال فقط ؟؟ ولا لازم احول من حسابي للبطاقة بحيث يكون ال 10000 موجوده فعليا ؟
هل استطيع الحجز مثلا بالفيزا .. والدفع كاش اذا وصلت الفندق بكذا ما اكون ملزوم اني ازود رصيد الفيزا ؟؟ صح ولا انا غلطان
هل لابد ان يكون في البطاقة مبلغ مطابق لمبلغ الحجز ولا كيف ؟؟

مبروك والله يعطيك خيرها ويكفيك شرها ..
الفيزا أمر مختلف عن الباي بال يعني شبيهة الفيزا .. المطلوب منك فقط تفعيل البطاقة وأخذ الرقم السري من الفرع

ثم تعمل حجوزاتك عادي

بالنسبة لسؤالك هل تتم عملية شراء قيمتها أكبر من رصيد البطاقة .. هذا السؤال توجهه للبنك أفضل مع معرفتي السابقة
أن الراجحي لا يسمح بعمليات قيمتها أكبر من رصيد البطاقة ..

بالنسبة لحديثك إنك تحجز فنادق وتاخذ كاش تقدر .. وأساسا عند حجزك انظر سياسات الدفع لان بعض الشقق والفنادق
تشترط مبلغ كاش ولا تقبل الائتمان وحصل معاي سابقا في رست ..
لكن أشوف الأفضل إنك تشحن البطاقة وتحاسب عن طريقها يعني حاول ما يكون معاك كاش واجد إحتياطا من سرقات لا قدر الله

الله يبارك فيك ويرحم والديك بيض الله وجهك على الرد
بالنسبة للبطاقة انا استلمتها من فيدكس جاتني في ضرف فيه رقم مخفي من اربع ارقام مكتوب عليه سري لاستخدام البطاقة في مكائن الصرف الالي
فعلت البطاقة عن طريق المابشر
جالس ابحث عن فنادق في فينا وكابرون وانترلاكن واحترت من كثرها في بوكنق
الله يسهل الامور
تقبل تحياتي وشكري