الموضوع: ترتيب رحلتي ميونخ زلامسي باريس ؟؟؟

السلام عليكم

رحلتي باذن الله في 7 يونيو ... مدة الرحله 11 يوم انا وزوجي وطفلين ...
ناويه تكون الرحله يوم الوصول ناخذ سياره من ميونخ الي زلامسي ونجلس 5 ايام ثم نرجع الي مطار ميونخ ونسلم السياره ومن ميونخ الي باريس بالطيران الاقتصادي .. ونجلس 3 ايام وبعدين نرجع الي ميونخ وننجلس 3 ايام وبعد كذا الي الرياض طبعا احنا حجزنا الطيران الرياض ميونخ والعوده ميونخ الرياض يعني مانقدر نغير الحجز بس كيف الترتيب لاني في خاطري اشوف باريس
هل الترتيب حلو واذا لا ياليت تعدلون فيه ؟؟
ابي فندق في باريس بسعرحلو بالقرب من الشانز ...

مواضيع عشوائيه ممكن تكون تعجبك اخترناها لك:

• ماهو افضل موقع لحجز سيارة في ميونخ
• الى خبراء الفيزا الرجاء الدخول
• محتاجه رايكم في فنادق المانيا والنمسا
• ايهما اجمل في الطبيعة قارمش ام فوشن او شوانجو
• ابي شقة عائلية ممتازة في ميونخ
• المساعدة يا أعضاء وخبراء المنتدى عاجل جدا جدا
• طلب اقتراح جدول لرحلة تبدء من المانيا وتنتهي بفرنسا مرورا بسويسرا ؟
• ممكن مساعده
• افضل 7 فنادق في بون المانيا 2017
• حجز قطار من كولون إلى باريس
• ابو عمرابي فزعتك السفر قرب وانا محتااار
• هل جربت فندق في ميونيخ ساعدني
• آرائكم تهمنا
• تغيير الحجز ضروري
• استفسار بخصوص ايجار سيارة
• ايام في مدينة فيسبادن محتاجة لمساعدتكم
• رحلة مناسبة لكبار السن
• ميونخ وكلون
• ماهي افضل فنادق يوروبا بارك؟
• فرانكفــــــــورت تقرير مصور

هلا فيك

حرااام اتعي نفسك بالروحه والرجعه الى باريس من اجل 3 ايام .. وطيران وحزم شنط وتكت .. يعني بتتعب ..

ما تندم لو جعلت فيها سالزبورخ بدال باريس .. خصوصا انك ما تقدر اتغير الحجوزات .. خل باريس مره اخرى مع سويسرا ..

يعني سالزبورخ 3 ايام وزيلامسي 5 وميونخ 3 وراح تنبسط والملاهي موجوده بميونخ

تحياتي

مشكور اخوي ابوعمر والحمد لله على سلامتك
كيف الملاهي الي في ميونخ وين فيه بالظبط وهل مستواها مثل دزني ؟؟؟

طيب لو غيرة في الحجز وخلينا خط الرجعه باريس الرياض هل في ضريبه ادفعها على التغيير بالنسبه للخطوط المصريه وكم ؟؟ وهل سعر لتذكره من باريس الي الرياض اغلا من ميونخ الي الرياض ؟؟

اولا

لا طبعا ليس بمستوى ديزين لاند .. وانا اقصد ملاهي ليكون لاند للاطفال ..

شوف التغيرر وشوف الفرق وخبرنا ..

انت اصلا حاجز على اي خطوط ؟؟

بالانتظار

الله يجزاك خير ويسعدك يابوعمر فعلا انك انسان خدوم الله ينولك اللي في بالك ......
راح اعطيك الصوره كلها احنا اربع اشخاص انا وزوجي وطفلين 4 و8 سنوات الرحله باذن الله في يونيو لمده 11 يوم على الخطوط المصريه طبعا احنا حجزنا الرياض ميونخ والعوده ميونخ الرياض ...
الرحله الساعه 4 الفجر يوم الخميس والوصول الساعه 2 ونص الظهر لميونخ ان شاء الله طبعا راح تتوقف الطائره في مصر خمس ساعات وناوين ناخذ سياره من المطار وعلى طول الي زلامسي ونجلس من يوم الخميس الي يوم الاربعاء يعني ست ايام في الكابرون شقه وراح تكون الرحله استرخاء والتمتع بالطبيعه ثم العوده الي مطار ميونخ يوم الاربعاء الصباح ونرجع السياره في مطار ميونخ ونكون حاجزين رحله الي باريس على الطيران الاقتصادي ياليت اذا تنفعنا باسم خطوط الاقل تكلفه وهل الاطفال لهم سعر خاص ؟؟ والحجز بنحجز من الان بعد ماتنورنا لانا بدونك ظايعين
راح تكون التذكره ذهاب وعوده وبعد مانوصل باريس يوم الاربعاء بنحاول ناخذ الرحله تكون الظهر ننتقل الي الفندق ونجلس فيها الاربعاء نكتشف المنطقه والخميس برج ايفل ( حلمي ) والشانز و ركوب الباص الاحمر وشوبنق فقط واذا فيه وقت نزور اللوفر مش متحمسه مره له لاني ماحب الاثار والمتاحف ...ونقص تذاكر دزني ..
والجمعه من الصباح نذهب الي دزني يوم كامل علشان الاطفال ينبصطون حلم ولدي دزني ....
والسبت ننتقل الي المطار والعوده الي ميونخ ونجلس يوم السبت والاحد ويوم الاثنين العوده باذن الله ..
وش رايك في التخطيط احسه حلو ولا فيه تعب لان سبق زياره ماليزيا مع اطفالي وكنو اصغر من كذا والمده 13 يوم وتنقلنا من كولا الي بينانج وبعدين سلانجو والعوده الي كولا واحس الرحله مو متعبه لاني بصراحه نفسي اشوف باريس ولا تقول خلوها مره ثانيه لان زوجي يهدد يقول هذي اخر سفره خخخخخ طفرته يبي يخطط للمستقبل....

مانقدر نغير لان المصريه تاخذ ضريبه لتغيير وزوجي رافض لان سبق وحجزنا في شهر مايو وغيرنا لشهر يونيو واخااااف يعصب ....
والي خلاني اتشجع شفت الحجز على الرحلات الاقتصاديه من ميونخ الي باريس ذهاب وعوده اقل سعر من الذهاب فقط ؟؟؟

اعرف ان الحجز على الطيران الاقتصادي رايح جاي .. ارخص

لكن لو نجعل العوده من باريس افضل...

عموما ممكن عمل ما ذكرتي .. لكن زيدي يوم للرحله حتى ما تكون سريعه واليوم هذا بباريس .. رغم ان رأيي العوده من باريس افضل...

شوفي نفسكم اذا ما كنا هناك تعب علييكم

تحياتي

مشكور اخوي بس حتى لو زدنا يوم ياخذون ضريبه ...
بس ياليت تقترح لنا اسم ارخص طيران وهل ممكن نحجز من الشهر الجاي .. وكيف طريقة الحجز ؟؟

هلا فيكم

انتي شفتي اي موقع الي حصلتيه بسعر ممتاز

في طيران مثل اير برلين.. ايزي جت ... الطيران الفرنسي .. والخ