بسم الله الرحمن الرحيم
السلام عليكم .. إنشالله اليوم ببدأ عرض تقرير رحلتي لهذا الصيف في نيوزلندا
· اليوم أنا بأول يوم من الرحلة وبستمرمعكم شهرين كل ماجمعت أحداث كافية لتقرير بنزلها إذا صار في تفاعل من قبلكم
بسم اللهنبدأ
التقريرالأول : القرار + الحجز + السفر + الوصول + دوام اول يوم
في يو ممن الأيام في نهاية السمستر الاول وانا أصول وأجول في الأنترنت وكذا مع الحماس بديت أقرأ عن مبتعثين وكذا و أقول في خاطري والله وراحت عليك الفرصة .. فجأة مع التفكير .. ليه ما راح شيء !!
أرفع الجوال بسرعة وأدق رقم الوالد الله يحفظه بحكم أني أقيم في مدينة الدمام لظروف الدراسة بعيداً عن الأهل
ألو
أيوه غريبة متصل بهذا الوقت المتاخر من الليل
والله ياالوالد محتار كيف أبدأ وكذا وكلي
أيش فيكفي شيء ؟؟!!
أي والله كل شيء تمام بس صراحة ودي أطلع برا هالصيف
وأيش اللي جاب هذه الفكرة على بالك
والل هأبد بس أني تعبان نفسياً من سنة أولى وكذا يعني
وانتهت المكالمة على وعود بالتفكير
بعده ابكم يوم إتصال من يبشرني بالموافقة
ياولد اللحين قربت فرصة حياتك بس لا يكون ان هذه الفرصة تضيع دراستك ..!!
يعني ماينفع أنا أرتب نفسي .. توجهت لأحد المكاتب بمدينة الدمام وهو رتب الوضع كله
بعد تفكير طويل نقاشات رسا النقاش على نيوزلندا لأكثر من سبب أهمها الفيزا + الطبيعة الساحرة
و أنها كلها امطار وجو رهيب .. بعد كم يوم دفعت العربون قريب المغرب قبل ما ادخل الكلاس اليوم الثاني
ألو ..السلام عليكم معك مكتب .... قبولك وصل من معهد .....
!!!متأكد .. أي والله توافيق من الله ووصل خلال أقل من 12 ساعة
الحمدلله رب العالمين كان الشتاء تقريباً خلص بالسعودية وفرص شراء الملابس الشتوية محدودة
توجهت أسرع ما يمكن بعد الدوام لأغلب مجمعات الخبر وللأسف ماحصلت الشيء الكثير ولكن الحمدلله جمعت كمية من الملابس الشتوية لا بأس فيها وأسرع ما يمكن حجزت تذاكر الطيران عشان يكون السعر أرخص ومع كذا كلفتني 8000 ريال تقريباً على الطيران السنغافوري
أتت إختبارات الفصل الأول لازم أبدع فيها وأعدي من سنة أولى الهم الأكبر الحمدلله انتهى السمستر بكل سلام وأتى السمستر الثاني المصير الحقيقي لأن مناهجنا بالنظام السنوي وبعد عناء وسهر ليال لا تنتهي عدت سنة أولى وباقي على الرحلة 10 أيام باقي نواقص كثيرة لا تعد ولا تحصى يومياً أطلع مع الشباب أخلص جزء من أشغالي وأكمل الليلة أفرغ هم الإختبارات قدرت أسوي أشياء كثيرة وخلصت كل شيء وتبقى لي مظلة +جاكيت جلد وإلى يوم اللي مشيت ما حصلت للأسف في السعودية إلا في زارا جاكيت جلد وقيمته 2400 ريال صراحة شيء مبالغ فيه جداً بالنسبة لي . قرب موعد الرحلة وأتت اليلة المرتقبة ليلة الوداع الوداعات كلها كانت حزينة بين أهل وأصدقاء بعضها سادها الضحك لتغطية حقيقة الفراق المرة وبعضها سادها صمت قاتل لا أحد يعرف معناه سوا أن كلا القلوب منصدمة من الفراق .. ذهبت إلى المنزل الساعة 2 بالليل و بي مشاعر مختلطة لدرجة لا يمكن أن يتصورها أحد هل هذا وقت الفرح بقدوم وقت السفر .. أم وقت الحزن على فراق الأحباب عدت الليلة بنوم متقطع صحيت في الصباح الباكر 7 تقريبامتوجهين من الشرقية لمطار الرياض وصلنا مطار الرياض قريب الساعة 12 توجهت لاخذالبوردنق ولكن قالوا لي انت جاي مبكر كثير من الحماس ههههههههههههههه باقي4 ساعات على الرحلة
المه مطلعنا أنا والوالد توجهنا للصلاة ودعيت الله ان ييسر أموري ويسهلها وأكلنا شيء خفيف من المطار والوالد وراه خط رجعه طويلل قلت له خلاص تطمن ولدك ذيب انت اللحين روح وأنا كل شوي بكلمك انشالله
وفعلا مشا الوالد وبعد كذا بلحظات فتحوا كونتر الطيران السنغافوري توجهت لأخذ البوردنق
· لو سمحت السيت جنب الممر
· لا ماأقدر المكتب اللي حجز لك أكدها لك عند النافذة
· مستحيل انا طويل وما أقدر أتحمل عند النافذة
· بعد الشد والرد وكذا قلت له انسا جيب السوبر فايزور اتفاهم معه
وصل السوبرفايزر وشاف التعب والشر في عيوني هههههههههههههه بدون ما يكلمني قال للموظف خلص موضوعه هههههههههههههههه المهم شيء غريب أن المطار الداخل في موسوعة غينيس كأكبر مطار بالعالم لا يوجد به إلا 3 مطاعم وأثنين منهم للمعجنات فقط .. اخذت لي صحن بروستد وكان منظره مغري ولكن الطعم سيء
قلبي مرتاح دخلت الشناط وأخذت البوردنق وكل شيء تمام ما بقى إلا الطيارة توصل وننطلق والوضع مضبوط
الرحلةالساعة 4 وللأسف رغم كل المديح اللي سمعته عن الطيران السنغافوري إلا أنها كانت كبوة الجواد يالطيران السنغافوري .. أنطلقنا الساعة 5 اعتذر الطيار من التاخي رولكن المصيبة أن الرحلة المنطلقة من سنغافورة في الترانسبورت الثاني مدتها ساعة وحدة فقط فلما راحت ساعة في التأخير كيف بنوصل للطيارة الثانية
أنابالنسبة لي كنت متطمن قليلاً لأني عارف أن الرحلة كاملة نفس الطيران بالعربي هم بيدبرون حالهم وأوسوء سيناريو انهم بيحجزوا لنا في فندق المطار
وبالفعل وقفنا ساعة في دبي ماكان فيها تغيير طيارة وبعد كذا في سنغافورة لما وصلنا كان فيموظف ينتظرنا ووصف لنا الطريق بس أنه ماجا كنا تقريبا 7 سعوديين اللي رايحين للطيارة الثانية والله ركض يا شباب المفاجأة أن ماحد يعرف الطريق مضبوط وقفنا سألنا وصراحة المطار كان فخم وضخم بس الموظفين في حالة فهاوة تامة
بعد محاولات طويلة ( هنا فقدنا الأمل أن احنا بنركب الطيارة في موعدها ) عرفنا أنه لازم نركب قطار للتوجه لصالة أخرى من المطار توجهنا وبعد كذا تقريبا 10 دقايق على السير الكهربائي وصلنا وركبنا الطيارة جميعاًالحمدلله مافاتنا الموعد .. أطالع في الساعة لحظة وقت الرحلة مر أصلا كيف دخلونا؟؟ سألت المظيفة قالت عشانكم اخرنا الرحلة ساعة هنا خالص ثارت أعصابنا طيب موالمفروض تخبرونا مادخلنا دورات مياه " اكرمكم الله " والمدخنين ما دخنوا وحالة من الركض الغير متناهي واخر شيء الرحلة متأجلة ؟!! أيش هذا الاهمال .. +الوضع كان حر حر حر الطيارة احترقنا فيها والله بدون مبالغة .. بس بعدين من سنغافورة لأوكلاند كان عادي الوضع مو برد بعد الحلو في الطيران انه كان يوفر الأكل الاسلامي الوجبات كلها كان طعمها متوسط لممتاز ما عدا وجبة واحدة سمك كانت سيئة .. بعد ماركبت الطيارة من سنغافورة كنت في حالة لا أحسد عليها من تعب جسمي ونفسي وكل شيء وجابوا وجبة فطور جسمي تخدر ودخلت في سبات عمييييييق صحيت من النوم فتحت الشاشة أنا أتذكر أن الرحلة 11 ساعة واللحين باقي 7ساعات بس اللي مر في الساعة 8 ساعات والله حسيت أن خلاص ضايع هههههههههههههه ..بعدين أستوعبت أن الوقت جالس يتقدم عشان كذا مر كل هذا الوقت .. بعد رحلة 21 ساعه شاقة وصلنا لمطار أوكلاند الوضع كان رهيب تفتيشات كثيرة بس المطار بارد وأنا كنت حران من الطيارات الخايسة كل شيء سهالات سمعت الصوت اللي كنت أنتظره من زمان
طق طق welcome to newzealand لبى هالصوت وراعيهههههههههههههههههههههه
رحت لصالة الأنتظار شفت أسمي على ورقة سلمت على الرجال كان فلاوي والله كنا 6 معه +امرأة فرنسية تقريبا قالي أنت اول واحد يوصل روح حول فلوس أذا تبي + اكل + طلع لك شريحة
كان عندي دولار أمريكي محوله للاحتياط رحت ماك ولأول مرة في حياتي أطلب وجبة سمك من ماك ولكن كان هذا الخيار الوحيد المتاح للأكل الاسلامي وهنا بداية الأحساس بالتطور لماصار هذا النقاش
7.9 Ndollar
Do u acceptAmerican dollars ?
Sorry thepolicy of MC's accepts only the currency of the country
But u canbuy by credit card
Wooow MC'swith credit card
صراحة شيء رهيب وإلى لحظة كتابة التقرير ما أضطريت ادفع ولا مرة كاش إلا في القطار وبعدما سألت اتضح لي أنهم ما يضعون البطاقة في وسط القطار ولكن لو تبي تحجز بالبطاقة تاخذها من المحطة لأن بين كل محطة ومحطة دقيقتين فاذا ركبوا كثار ما يمديه ياخذمنهم بالبطاقة
أكمل لكم أخذت وجبتي الماك وجلست على الطاولات وفجأة هواء بارد أخذ روحي ورجعها بحلظة شعورما عمري حسيته ألتفت ألا أنا اجلس بجوار باب المطار 200 متر تقريباً وكل مرة ينفتح الباب الهواء ثلج فيني والاكل برد قبل لا أكلمه بس ما عليه حماااس ههههههههه كانتدرجة الحرارة تقريببا 45 بالرياض قبل ما اغادر وصارت 8 !! ههههههههههههه تقلبات جوية مو طبيعية المهم بعد فترة أكتملوا كل الركاب وركبنا الباص وأنا بموت من البر دوكل ملابسي صيفية خفيفة بشكل مو طبيعيي وما كانت متوقع البرد لهذه الدرجة طلعنا منالمطار وصلنا 2 وأنا كنت الثالث وصلت البيت وكانت العائلة نايمة صحيناهم من النوم كانت الساعه 12 ونص تقريبا دخلت المنزل وكان الكل في حالة فهاوة والصدمة الكبرى كان في واحد يشاركني الغرفة ؟؟ مين هذا قالوا لي هذا زميل لك من السعودية؟؟
What
I have paid a single room fees ??
Oooh really I will see tomorrow
الحمدلله بعدها بيوم طلعوني من الغرفة وحطوني بغرفة مفردة
اللي اكتشفته بعدين انهم منفصلين فعشان كذا كان ينام بالغرفة الثانية والله كسروا خاطري..
جلست الصباح والأم بحالة فهاوة مو طبيعية وانا افها منها من سوء النوم وتعب الطائرة + البرداللي ضيع نوم الليلة الماضية حاولت توصف لي كيف أروح المعهد ب 8 طرق هههههههههههههههههههه المهم بعدين جلست تفكر قالت لي خلاص هذا أحسن طريق طبعاً خلاص مخي خبط من كثر الطرق اللي قالتهم لي .. قالت لي أول يوم قوم أوصلك لمحطة القطار عشان أول يوم وهي توصلني ضيعت الطريق فخلاص أنا أفتر مخي وصلت القطار بعد السؤال وكذا الوجوه كلها بشوشه قالوا لي قطار رقم 2 هو اللي يوصلك لمنطقتك NewMarket
وصلت دخلت المعهد كانت قريب الساعه 11 بعد ضياع عجيب ونهاية تحدي من التحديات الصعبة هذرة طويلة لا تنتهي وبعد كذا قالوا لي أنت ما لحقت على الإختبار اليوم الصباح تعال ببريك الغداء اختبر طبعا قبل البريك بساعة طلعونا جولة نتعرف على المنطقة قبل لا نطلع وزعوا علينا مظلات وطلبوا منا نرجعها انا قلت لا انا احب المطر ما ابي وكان في البداية الوضع مطر خفيف نسماتباردة والوضع رهيب وفجأة زاد المطر قليلاً يعني ابتليت خفيف مع الهواء تخيلواالوضع الباقي من الحر .. خلص البريك قالو تسوقوا وتغدوا وتعالوا إلا انت يلا تعال عشان الاختبار رحت اختبرت وانا اتصرقع من الجوع هههههههههههههه والبرد رحت اختبرت وكذا الحمدلله حطوني بمستوى 4 من أصل 6 مستويات رحت تطمنت ما معي سعوديين يعني مافي اختلاط بعرب كثير بس في الممرات بعد الدوام جاو كلموني سعودين عشان نروح السفارة السعودية نسجل دخولنا نيوزيلندا رحت معهم والمفاجاة انها كانت بالكوينستريت الشارع اللي طال انتظاره ما تجولت فيه على طول رحنا السفارة سجلنا طلعنا رحتفودافون اخذت خط كلفني 60 دولار فيه 250 ميقانت + 2500 رسالة + 100 دقيقة مجاناًداخل نيوزيلندا + رقم جوال تختاره داخل نيوزلندا رسايل ومكالمات مفتوح مجاناًواعتبارا من الشهر الجاي بس 45 دولار صراحة السعر مررة معقول بس اللي صدمني أني ماأقدر أفعل خدمة البلاك بيري الا اذا اقمت سنة بالبلد ولكني توصلت لحل اللي هو اني ركبت الشريحة النيوزلندية بجوالي الثانية وخليته يبث واير لس وشبكت واير لس على البلاك بيري وانا مفعل فيه الخدمة من الشريحة السعودية فبكذا صار عندي بلاك بيري J XD البارت الأكشن من اليومرجعت ورحت محطة القطار سألت وين القطار اللي يرجعني لمنطقتي Avondale قالواباقي له 30 ثانية ويمشي واللي بعده بعد ربع ساعه وانا تعبان ووصل المغرب ركض والحمدلله امداني اركب وصلت الحي راسي مفتر مو قادر اوصل البيت ميت تعب + الأم جابت راسي قبل توصلني فخلاص جلست ادور بدون دليل ولا شيء بس على أمل أني أحصل البيت اللي ما أعرف شكله أصلا تكسرت رجولي طاح الكبرياء مني اتصلت على الطيبة الو أنا ضيعت تعالي
اوكي وينك عند محطة البانزين يلا انا جيتك جتني انا كنت بالسوبر ماركيت أتسوق ههههههههههههه من الزهق فجأة احد يمسك يدي التفت وكلي رعب بنتهم البالغة7 سنوات من العمر والله حسيت بتأنيب الضمير اني طلعتهم من البيت ومشورتهم لي بس صار اللي لوشارع صار رعب وصرت ااسمع صوت خطواتي وراي دخلت البيت قالت لي أنهم شروا لي اللحم الحلال واللحين بيطبخون لي الأكل كان غير مقبول اطلاقا وكنت جداً مسستحي أني أقوم وانا ما أكلت شيء وهم شاريين لي لحم بس صراحة الطعم كان مأساوي غداً دوامي يبدأالساعة 8 ونص صباح ويوم جديد وتجارب جديدة .. أنتظروني بكمل الجزء الثاني لو كانفي تفاعل
في أمان الله
* أغلب النقاط المذكورة موجودة في صور تنزل بالتقرير القادم كله مصور باذن اللهمواضيع عشوائيه ممكن تكون تعجبك اخترناها لك:
- ساعدني برأيك ولو كان بسيط
- محتاج مساعده من اهل الخبره في اوكلاند لو تكرمتوا
- ضيف جديد الله الله بالترحيب فيني
- تعبئة كرت الدخول إلى نيوزلاندا الان بالصور لمن يسأل عنه
- جاوبوني السفر قريب
- هل يوجد سكان عائلي في مدينة ولونجونج
- مشكله في نيوزلاند
- ما ابي اطول عليكم
- الاسواق في كرايستتشرش؟؟؟ طالبيــــنكم
- ما افضل بطاقة للاتصال بالسعودية
- الكلاب والقطط أعزكم الله هي اللي تحدد سفرتي من عدمها
- الناس للناس وحقكم الدعاء الصادق طالبكم المساعدة يا خبراء نيوزيلندا
- التذاكر الداخليةوالمطار الداخلي
- اي استفسار او سؤال عن نيوزلندا انا حاضر من اماكن سياحية ومعاهد
- هل نيوزيلاندا دوله سياحيه؟
- فيزا نيوزيلاندا للمصريين
- أي خطوط أحجز عشان اروح نيوزيلاندا
- مواقف
- اخواني سؤال مهم هل موقع محجوز كوم معتمد؟
- ارجوا منكم المساعده يا رواد المنتدى
رد مع اقتباس
المشاركة الأصلية كتبت بواسطة nanaabuabed
* انا اللي على اليسار
المشاركة الأصلية كتبت بواسطة المظلوووم
المشاركة الأصلية كتبت بواسطة فــيـصـل
" 
بحثت بكل السبل عن أي مكان فاتح أشتري منه مظلة ما فيه 
المشاركة الأصلية كتبت بواسطة فــيـصـل
)
المشاركة الأصلية كتبت بواسطة فــيـصـل
المفضلات