الموضوع: ساعدني برأيك ولو كان بسيط

السلام عليكم جميعا
استفساري عالسريع عشان على حسب اجاباتكم راح اقرر اسافر او لا واذا بأسافر ان شاء الله بأدخل اقرأ التقارير واهلككم اسئلة بعد

- الجنسية الماورية وشهم هذولي وابي المدن اللي ما القاهم فيها بكثرة
- المدن راعية الطبيعه والجو الممطر (رذاذ مو سيول وغرق) اللي مافيها صخب المدينة وزحمة وبواري سيارات
- انا احب اول يومين اماكن قهاوي اللي ارضيتها تكون حجر وين هالاماكن
- اقل تكلفة طيران وعلى اي خطوط وايش يكون خط الرحلة ومدتها
- كم يكلفني المصروف اليومي يعني غداي وعشاي فاست فود وفطوري كيك مع كوفي لاتيه ومالي بالملاهي ولا بالتسوق (المسألة اشرد من حر الرياض) لكن اقددددددددر الرحلات الجماعيه اللي تركب باص ويدور فيك لاماكن سياحيه مو تاريخية يعني كم بيكلفني اليوم ولو بالاجمال كم مصروفي لمدة اسبوعين
- ابي اعرف حساب المصروف لشخصين عشان على اساسه احدد اسافر مع شباب او مع المدام وللعلم لو مع شباب بأستأجر سيارة ولو مع المدام ماني متحمل تبعات الطريق الله يخلي الباصات والمترو والقطارات

آسف عالاطالة لكن اجاباتكم بتسهل علي القرار مع الشكر مقدما

مواضيع عشوائيه ممكن تكون تعجبك اخترناها لك:

• يا أهل نيوزلندا عندي لكم كم سؤال
• مساعدة في الحجز على الخطوط السنغافورية
• الله يوفق من يساعدني بالدنيا والاخره تكفووون
• استفتاء
• بلييــــــــــــــز مساعده قبل ما يطيح الفاس على الراس
• الي رايح استراليا علشان يدرس بكالوريوس طب الرجاء الدخول للاهمية
• عاجل جدا تخصص أشعه في الجامعات النيوزلنديه
• ياأهل نيوزلندآ آستفسار بخصوص المكملات الغذائية
• بقي لي شهر في كرايس شيرج وش تنصحوني أزور؟
• عيدكم مبارك
• جاني قبول من ثلاث جامعات
• شكراّ المظلوووم
• الى مشرف البوابة اخونا سامر
• ابي رايكم في المعهد الي بدرس لغة فية في نيوزلند ؟ ضروري يا اخوااان
• مارأيكم بتكلفة هذا المعهد لمدة أسابيع ؟
• نيوزيلانداغير السياحة والدراسة
• اخوكم في نيوزلندا
• ابي فزعتكم تنصحوني بشهر العسل بنيوزلندا
• ارجو المساعدة
• هام جدا كيف تنسق مع الجهة المختصة لاستقبالك في المطار أرجو المساعدة ضروري

الظاهر بدأ البيات الشتوي عندكم ولكن هل من مجيب !؟

المشاركة الأصلية كتبت بواسطة alprince7777
http://www.arabtravelersforum.com/tr...8/#post6395184

السلام عليكم جميعا

وعليكم السلام

استفساري عالسريع عشان على حسب اجاباتكم راح اقرر اسافر او لا واذا بأسافر ان شاء الله بأدخل اقرأ التقارير واهلككم اسئلة بعد

- الجنسية الماورية وشهم هذولي وابي المدن اللي ما القاهم فيها بكثرة

هذولي الشعب الأصلي لنيوزلندا من شكله أو أوشمته تعرف انه ماوري او كيوي .۔ ونسبتهم قليله
كلما اتجهت جنوب يقلون لأنهم ما يحبون البرد (على كلام العائلة اللي سكنت عندهم)

مامنهم خوف ألا المشردين منهم أو السكارى .۔ هم شعب زي اي شعب فيهم الزين والشين لكن لأن أشكالهم مخيفة واجسامهم ضخمه الناس يتحاشونهم

- المدن راعية الطبيعه والجو الممطر (رذاذ مو سيول وغرق) اللي مافيها صخب المدينة وزحمة وبواري سيارات

أغلب مدنها الصغيرة و قراها بهالشكل .۔ لكن المطر قوي نوعاً ما

- انا احب اول يومين اماكن قهاوي اللي ارضيتها تكون حجر وين هالاماكن

مافهمت

- اقل تكلفة طيران وعلى اي خطوط وايش يكون خط الرحلة ومدتها

اسأل اي مكتب سفريات .۔ لكن الخطوط اللي توصل هناك هي السنغافورية .۔ الكاثي باسيفك .۔ الماليزية .۔ بروناي .۔ الاماراتية (تحتاج فيزة لأستراليا)

ومدتها تختلف بحيب مكان الترانزيت لكن بشكل عام حوالي19 ساعة طيران

- كم يكلفني المصروف اليومي يعني غداي وعشاي فاست فود وفطوري كيك مع كوفي لاتيه ومالي بالملاهي ولا بالتسوق (المسألة اشرد من حر الرياض) لكن اقددددددددر الرحلات الجماعيه اللي تركب باص ويدور فيك لاماكن سياحيه مو تاريخية يعني كم بيكلفني اليوم ولو بالاجمال كم مصروفي لمدة اسبوعين

صعب التحديد

- ابي اعرف حساب المصروف لشخصين عشان على اساسه احدد اسافر مع شباب او مع المدام وللعلم لو مع شباب بأستأجر سيارة ولو مع المدام ماني متحمل تبعات الطريق الله يخلي الباصات والمترو والقطارات

صعب التحديد أيضاً

آسف عالاطالة لكن اجاباتكم بتسهل علي القرار مع الشكر مقدما




موفق ...........

اخوي البرنس حياك الله
اسمع ، أنا حاليا في نيوزلندا اوكلاند صار لي تقريبا ثلاث شهور و اسبوعين و باقي لي شهر
انا الي فهمته انك تبي سياحه ، نصيحتي لك و من تجربة رح ل كوينزتاون في الجزيرة الجنوبية مدينة جبلية صغيرة و فيها كم معهد و الماورية فيها شبة معدوميين و تقدر تروح للاماكن السياحية الي حواليها مثل ملفوردساوند و قالسيا و وناكا و كثر نشاطات سياحية تقدر تسويها
انا رحت للجزيرة الجنوبية قبل شهر و استاجرت سيارة من المطار و طلعنا تقريبا ست ايام لكن ما كانت كافية لان فيه الكثير من الاماكن ما جيناها

المصروف بقولك انا شصرف وانت احسبها
الصبح اخذ كوفي و كوكيز او كيك 5 - 7 دولار
الغداء 13- 20 دولار
اي شي ثاني تقريبا 10 دولار

يعني المصروف باالاسبوع يمكن 230 دولار معيشة بس من غير السكن

اثناء رحلتنا كنا ننام في شي اسمه ( باك بيكر ) نفس الفندق لكن رخيص 27 دولار لليلة ( الفرد )
احب اضيف لك الفترة الحين الكرسمس و يمكن تكون الاسعار اغلى لان العالم في اجازة
اتمنى اكون فدتك ، و ترى انا ما اكون موجود بأستمرار و دعواتكم لنا والله يوفق الجميع

وعليك السلام ورحمه الله وبركاته
الشعب الماوري ما شفنا عليه شي عادي مثل اي شعب
الجزيره الجنوبيه احلى بوايد عن الشماليه من حيث الطبيعه والنشاطات
انصحك تروح بعد او قبل الكرسمس لانه هالفتره كنت هناك وزحمه -.-
كرايست شيرش وكوين ستون ملفورد ساوند والطريق المودي لها لا يفوتك
وعن تجربه استأجر سياره لانه نيوزلندا متعتها في طرقها مناظر حلوه تستاهل
انك توقف وتستمتع وتكحل عينك تسمع ولا لا ههههه
المصروف انت وصرفيتك في مطاعم تركيه واسعارهم معقوله واكلهم لذيذ