الموضوع: مساعدة بنات الكويت في الشوبينج

سلام عليكم

ممكن مساعدة من أهل الكويت

أنا جاية الكويت على آخر نوفمبر انشاء الله و بسكن في فندق المارينا
بجي بس في الويك اند فأبي استغل الوقت


أولا: أكو تخفيضات على وقت جيبتي الكويت ولا لا؟

ثانيا: متى تسكر المحلات في المجمعات التجارية مثل مارينا مول و الأفنيوز
و شقد تبعد الافنيوز عن فندق المارينا؟؟

ثالثا: وين أقدر أحصل جلابيات حلوة و رخيصة يعني في حدود 15 دينار

أبي اذا ممكن مجمعات رخيصة و عندها أشية حلوة


وبكون شاكرة لكم

مواضيع عشوائيه ممكن تكون تعجبك اخترناها لك:

• طلبتكم طلبة تسألون لي وتعطوني خبر مع الشكر الوفير والدعاء لكم بالجنه
• بخصوص المطاعم
• افضل منطقة للسكن بالكويت وكم استفسار صغير
• صوراحترافيه جميلة للكويت حديثة
• ايميل أو تلفون شاليهات الجون بالجليعة
• زيارتي الاولى لدولة الكويت يرجى الدخول للمساعده
• استفسار على سريع لدانة الخليج
• كرنفال انطلاقة هلا فبراير تغطية مصوّرة خاصة
• ياهل الكوووووووويت خدمة بسيطة واكون شاكرا لكم
• فندق كمبينسكي
• دليل السياحة في الكويت 2017
• الطريق من الكويت الى الدمام
• مدينة الحرير
• ايهم افضل فندق
• اجمل ما اختارات عدسات المصورين للكويت
• ملاهي مائية
• بخصوص الافنيوز موول
• رتبت الطيران الفندق الجدول وابـــي رايـــكــم
• مولات الكويت؟
• منتجع حديد

الجلابيات الرخيصه ممكن تلقينها بمجمع العربيد للدراريع
فيه دراريع اشكال والوان و رخيصه
بس المهم تكاسرين
و حياكم الله

المجمعات تفتح من 10 صباحا الى 10 مساءا

والافنيوز يبعد 20 دقيقة تقريبا عن الافنيوز

وزين تسوين انج اخترتي فندق المرينا واهو من احسن فنادق الكويت

حياج الله في ديرتج الثانية الكويت
بالنسبة للجلابيات مجمع الاوقاف ومجمع العربيد بالفراونية
وبالنسبة لاوقات العمل من 10 صباحا الى 10مساءا

سلام عليكم

ممكن مساعدة من أهل الكويت

أنا جاية الكويت على آخر نوفمبر انشاء الله و بسكن في فندق المارينا
بجي بس في الويك اند فأبي استغل الوقت



عليكم السلام
حياكم الله بالكويت .. و فندق المارينا من اجمل الفنادق بالكويت









أولا: أكو تخفيضات على وقت جيبتي الكويت ولا لا؟

ثانيا: متى تسكر المحلات في المجمعات التجارية مثل مارينا مول و الأفنيوز
و شقد تبعد الافنيوز عن فندق المارينا؟؟



مادري عن التنزيلات !!
من ال10 الصبح لي 10 بالليل او ال11







ثالثا: وين أقدر أحصل جلابيات حلوة و رخيصة يعني في حدود 15 دينار

أبي اذا ممكن مجمعات رخيصة و عندها أشية حلوة

وبكون شاكرة لكم



مجمع الاوقاف و العربيد

حياج الله

شكرا لكم على الرد السريع

وانا صار لي 4 سنين ما اقدر بالسنة مرة ما اطب الكويت
وااايد أحب هالديرة


بس ولا مرة رحت مجمع للدراريع
مرة بس صديقتي شرت دراريع رووعة من سرادب في المباركية انا بروحي مو مصدقة انه في المباركية في اشية جذي حلوة

مشكوورين مرة ثانية

المباركية لو ادورين في دواعيسها تلقين اشياء حلوة
و دراريع و بجايم بس حق البيت

شيّ pPp=








و بالنسبه للتنزيلات..
ماعتقد
اتوقع هالفترة new collection شتوي..

لان احنا لى اخر 11 يكون الجو خريفي بداية الشتا

يعني عجيب الوقت ^^

هلا وغلا بديرتج بحرينيه ولنا الفخر والعز بزيارتج للكويت وبين اهلج وربيعج انا بصاااحه بقط ويهي دام تقولين ابي البنات يساعدوني انا اقولج لا وقفي هم الشباب لهم دور شدعوه ناس وناس ههههههههه

الردود كانت حلوه واايد وماقصرو بكل شيء

1-) مجمعات واااايد بأسعار حلوه واسعار عاليه جدا المجمعات ساعه 10 تفتح وتسكر ساعه 10

2-) فندق المارينا وايد كوول وحلووو اايدج على هالفندق طبعا مايبيله وانتي مغمضه تروحين تتمشين للسوق

3-) بعد ماتخلصين من المارينا روحي للفنار وبنفس الشارع في 6 مجمعات افتري فيهم دام عندج خبره

4-) الافنيوز لايطوفج بس وايد غالي

5-) سوق السالميه القديم بنف شارع المارينا من داخل في كل شيء

6-) سوق السالميه اليديد جبيييييييييير كأنه قلعه حمراء حسافه ماعندي صوره له ولاحطيته لج

7)- مجمع الراية بالديره ( شرق ) .. مجمع الصالحية بالديره .. ومجمع مريم بالسالمية .. مجمع السالميه بالاس بالسالميه .. ومجمع زهرة السالمية.. مجمع ليلى غاليري السالميه ..

8-) مجمع مرينا مول السالمية .. مجمع بلازا حولي .. مجمع سوق شرق (شرق) .. مجمع الفنار بالسالميه.. مجمع البستان ..مجمع الكوت بالفحيحيل .. مجمع المهلب حولي

9-) مجمع الجنوبي والشمالي حولي .. مجمع البحر سنتر حولي .. مجمع سندس حولي .. مجمع الايوب حولي.. مجمع الحمرا مول الفروانيه..وكويت ماجيك بو حليفه .. وسناء بحولي

تعبت شد عضلي بصبعي

سي يو