الموضوع: مسافر للبحرين ومحتاج شوية معلومات

[align=center]السلام عليكم ورحمة الله وبركته[/align]
[align=center]اخوكم مسافر انشالله لدولة البحرين في مهمة عمل وتمشيه وابغي اعرف اسم فندق مستواه 5نجوم يكون قريب من المنطقة الدبلوماسيه :114: وبعدين فيه مكان اسمه سترا موجود وين وايش فيه
الشى الثاني المهم بالنسبة لي تنصحون استاجر سيارة ولا المواصلا ت متوفرة
:114: طيب لو حبيت اروح للشرقيه من البحرين كيف الطريقة فيه باصات ولا اقدر اجر سيارة واطلع فيها من البحرين
للمعلوميه اكون انشالله في البحرين يوم 10 نوفمبر ولمدة سبعة ايام
وتقبلو تحياتى[/align]

مواضيع عشوائيه ممكن تكون تعجبك اخترناها لك:

• منتجع البندر
• الفزعه ياهل البحرين خويكم من الامارات ابغي المساعده
• رحلتي الى البحرين الحيبه وسمر ست
• البحرين نظيفة من وباء انفلونزا الخنازير
• سمعت ان فيه فندق ب دنانير الليله؟؟؟؟
• ميركور قراند فاااااشل نوعا ما
• مطار البحرين
• فندق برج السفير خيار عائلي مناسب تقرير مصور
• كيف الجو في البحرين؟؟؟
• مطعم ومقهى بانوراما في البحرين ؟
• هل المقيم بالسعودية من الجنسية اليمينة يحتاج الى تأشيرة
• ساعدوني طلبتكم الله يجزاكم الجنه
• وشلون ادق على البحرين تكفون؟؟
• اين تقع شقق المنار ؟
• استفسار عن الهوية الوطنية والتنقل بين دول الخليج
• مسافر للبحرين بعد يومين ان شاء الله
• اريد مساعدة اهل الطيب البحرينيين في شقة
• ارتفاع عدد الشركات المشغلة عبر مطار البحرين الدولي إلى
• اول مره بروح البحرين ممكن مساعده؟؟؟
• الدخول للبحرين بالبطاقة او الجواز افيدوني

أخي الكريم

حياك الله

يوجد في المنطقه الدبلوماسيه فندقين خمسة نجوم

الأول : فندق كراون بلازا .. محدثه أكثر غرفه
الثاني : فندق الدبلومات رادسون ساس ( وحقيقه لا أنصح به لموقف حصل معي )

لو إستأجرت سياره أفضل وأرخص من التكاسي .. والبحرين بلد صغير ما تضيع فيها
وتقدر تروح للشرقيه .. سواء عن طريق باصات سابتكو أو تقدر تستأجر سياره .. أو شركات التوصيل

الاخ مهاجر
تحيا وتدوم
يعطيك العافيه وبارك الله في وقتك اخي العزيز
الدبلومات رادسون ساس حاط عليه كمن اكس من يوم ما قريت تقريرك
بالنسبه لكراون بلاز بشوف موقعهم
بس وين الشباب المشاهدات تعدت الستين والرد واحد وينكم يالعرب المسافرون
الا اجار السيارة وش محتاج من اوراق والتامين مطلوب والا لا
شباب اذا فيه فندق تنصحون فيه للعوائل فلا تبخلون علينا
وسترا Sitra هذه منطقه في البحرين ولا حى ولا ايش بالظبط
مع خالص التحيه

هلا اخوي انا من البحرين و انصحك تسـتأجر سيياره لانه مثل ماقال اخوي مهاجر البحرين بلد صغير و ماتضيع فيها و بالسياره تاخذ راحتك و تروح وين ماتبي , و افضل من التكاسي لانه التكاسي غير متوفره في كل مكان و لكن فيه تكاسي حديثه اسمها (بحرين ليمو) بسيارات مرسدس حديثه يوصلونك و اهم تحت الطلب يعني تتصل لهم و يجونك وين ماكنت هذا اذا ماحبيت تستاجر سياره , و فيه التكاسي العاديه . بس السياره افضل تستاجرها مثل ماقلت لك . و اعتقد تدفع مبلغ للتأمين تسترده بعد ماترجع السياره.

و بالنسبه للفنادق مثل ماقالك اخوي المهاجر و بالاضافه لهم يوجد فندق ميركوري فندق جديد و ممتاز و اسعارهم اعتقد جيده بجانب مجمع العالي تماما و اعتقد اخوي مهاجر سكن فيه او احد الاخوان الثانيين و اشادوا فيه و بالسياره من هذا الفندق راح تصل للدوبلماسيه في خلال خمس دقائق .

و فيه فندق بجانب المطار (موفينبيك) فخم و حديث و تعبر جسر المحرق و تلاقي روحك عند الدوبلماسيه .

تحيتي

بالنسبه لستره اخوي هذي منطقه في البحرين منطقه سكنيه كبيره و قديمه نوعا ما لانها تعتبر جزيرة و لكن يوجد بها و عندها مصانع و اكثر وكالات السيارات عدا ذلك مافيها شي المنطقه .

تحيتي

وعليكم السلام ورحمة الله وبركاته
شوف اخوي بالنسبة للتنقلات انصحك تعتمد عالتاكسي اول يومين لين تدل شوي وبعدين تستاجر سيارة اما السكن افضل فندق عندهم برايي هو الريتز ويقع في منطقة السيف ويطل عالبحر موقعه اكثر من ممتاز بس الفترة اللي فاتت كان فيه تجديد وان شاء الله يكون انتهو منه وتراه خمس دقايق عن المنطقة الدبلوماسية وفيه عندك بعد الشيراتون حلو وقريب جدا من المنطقة الدبلوماسية... رحله موفقه

شوف ياطويل العمر
اول شي انصحك تستاجر سياره واذا استاجرت السياره تطلب من المكتب الذي استاجرت منه السياره تفويض وهو بمبلغ خمسين ريال اذا استاجرت طبعا من المفتاح اذا اخذت التفوةيض الخاص بالمكتب تذهب للمرور سواء مرور الخبر او مكتب المرور الذي على الجسر لكي تستلم تفويض الخاص بهم وياخذوا منك تفويض المكتب ويجب انك مايكون عندك مخالفات سدد اول شي
الشي الثاني الفنادق ماعندك الا الدبلومات والا رادسون ساس مثل ماقالوا لك الاخوان
ستره اللي قلت عليها مافيها شي بالمره منطقه عاديه جداااا
اتمنى لك اوقات ممتعه

الأخ راشد
يعطيك العافيه وما قصرت
styel11
اسعدنى ردك و الف شكر
علبة فكس
جزيت خيرا اخي الكريم وجعلها في ميزان حسناتك
:113: :113: :113:

السلام عليكم
كمان فندق هيلتون مقابل فندق الشيراتون

بالنسبة للريتز امس زرته انتهوا من التجديدات بس فيه ريحه الصبغ مززززززعجة جدا فمانصحك فيه الفترة الحالية

مرحبا ..
للأخ الزائر للبحرين .. ترى منطقه سترة فعلا لا يوجد بها شي مميز ولكن لا تنسوا بان منتجع البندر بمنطقة سترة وهذا المنتجع من أحلى الأماكن السيحية في البحرين وبه شاطئ جميل نظيف وبرك سباحة:surf وشاليهات فخمه :115: تصلح للعائلات والعزاب ..


وشكرا ..:106:


طير البحرين:106: