الموضوع: منتجع البندر

السلام عليكم

اخواني ارجو منكم مساعدتي بوصف طريق منتجع البندر بكل دقه
من جسر الملك فهد لاني اول مره ازور البحرين

مواضيع عشوائيه ممكن تكون تعجبك اخترناها لك:

• أخيرا تم الحجز بس توجد مشكله صغنووووووونه
• مساعدتكم
• الافتتاح قبل الصيف الحديقة المائية جنة دلمون المفقودة
• عاجل الرجاء الافاده مطلوب مكان للسهر عوائل
• الذهاب للبحرين
• ممكن مساعده بسرعة
• اعتمد على النقل العام من الدمام استفسارات
• اخوووووكم محتاااااااج مساعده ياهل البحرين
• استفسار ضروري عن فندق
• فندق سمرست الفاتح الجديد
• كيف الزحمه في البحرين
• تكفون يا اهل البحرين واهل الخبره
• ابي سكن في البحرين؟؟؟؟؟؟؟؟
• ترانزيت مطار البحرين
• رحلة شبابية لمملكة البحرين
• موعد اغلاق الأسواق ، وترشيح بوفيه أفطار ممتاز
• هل يمكنني الحجز بجزر الحوار ؟
• المناطق الطبيعية في مملكة البحرين تقرير متكامل بالصور مثبت في مواضيع رائعة
• المحلات النسائيه في المجمعات تفتح ايام العيد ؟؟
• مساعده ياهل البحرين ابحث عن مكان افطار في رمضان

تفضل رابط الصورة http://www5.0zz0.com/2010/02/19/10/148725504.jpg

شيخ الغلا
ما قصرت والله يعطيك العافيه اذا ممكن وصف ادق بدون خرايط لان ما اتظح الوصف عبر الخريطه

واذا ممكن اسوق شعبيه واين تقع

ضروري جدا لان السفر غدا باذن الله

وين خبراء البحرين والمشرفين

ماشاء الله ولا شخص يعرف موقع منتجع البندر والله غريبه

اخوي صقر
اول ماتطلع من الجسر تروح سيده
راح تطوف منتزه عين عذاري الي بيكون على يدك اليسار
وبتطوف مطعم الطازج الي بيكون على يدك اليمين
بعدها راح تجوف اعمال صيانه على كوبري
تاخذ السيد اليمين ولف على جسر ستره وتواصل سيده
ماتذكر اي اشاره بالضبط الي المفروض تلف عليها بس اذا جفت محل مفروشات ووراه براميل كبيره على يدك اليسار يعني هذي اهي الاشاره الي تاخذها يسار وبعدها تروح سيده على الشارع لي نهايته تقريبا راح تجوف اللوحه مالت البندر

لااااااااااااااااااااااااااااااااااااااااااااااااا ا

السلام عليكم ... في اكثر من طرق بس انتبه ثم ويلك و ويحك لا تروح من جسر ستره لان عينك بتطلع من الزحمة

اول ما تطلع من الجسر بيجيك كبري من اليمين الى اليسار خله ... روح سيده بيجيك ثاني (حق السيف) روح يمين مع مدينه حمد والرفاع .... امش سيده بيجيك جسر و تحته دوار انزل من تحت و روح يسار ..... سيده سيده سيده لين ينتهي الشارع روح يسار و سيده مره ثانيه و بيجيك كم دوار عدهم .... بعدهم انتبه لليمين و بتشوف لوحه للبندر.

يا هلا أخوي واسمح لنا على التأخير

أول شي انسى انك تروح على جسر سترة ( رغم انه الطريج الأجرب ) ولكن الأعمال الإنشائية فيه راح تعطلك تعطيل لا صار ولا استوى

عموماً انا بوصف لك طريج مفتوح وشارع سريع وحلو وبعيد عن الأعمال الإنشائية وخذ نصيحة أخوك , تنزل من جسر الملك فهد ,, مباشرة إلى الأمام ,, خذ المخرج الثاني إلى اليمين ,, وواصل بعدها مباشرة إلى الأمام راح تحصل جسر واصل المسير فوقه ،، وبعدها راح تحصل نفق انزل فيه وبعدها راح تحصل نفق آخر انزل تحت وواصل المسير إلى الأمام راح تحصل جسر استمر فوقه وراح يلف تلقائياً فيك إلى أسفل نفس الجسر وبعد ذلك خذ المسار الأيسر وواصل إلى الأمام - لأن المسار الأيمين يوديك جامعة البحرين ،، عموماً بعد ما تاخذ المسار الأيسر وتواصل إلى الأمام الحين دربك كله راح يكون إلى الأماااااااام حتى الوصول إلى سترة ,, بعد ما تاخذ المسار الأيسر - الي خبرتك عنه - تواصل إلى الأمام وراح تحصل إشارة ضوئية بعد حوالي 500 متر ,, واصل بعدها إلى الأمام راح تحصل دوار بعد حوالي 500 متر ,, واصل بعدها إلى الأمام حوالي 3 إلى 4 كيلومترات راح تحصل دوار ثاني ,, واصل بعدها إلى الأمام راح تحصل دوار ثالث - وهو مدخل منطقة عوالي - ، واصل إلى الأمام وتقريباً بعد حوالي 3 كيلومترات راح يصعد فيك الشارع شي قليل لأن المنطقة هناك فيها تلال صخرية ،، وبعد حوالي كيلومتر ونصف راح تحصل إشارة ضوئية اتركها وواصل إلى الأمام ،، راح تحصل إشارة ضوئية أخرى كذلك اتركها وواصل إلى الأمام ،، بعد حوالي كيلومترين راح تحصل دوار كبير ،، خذ هالدوار بعد إلى الأمام يعني ادخل في المخرج الي مكتوب عليه ( سترة ) وراح تشوف عليه لوحات إرشادية.
واصل إلى الأمام وراح تحصل دوار ثاني بعد حوالي كيلومترين ،، اتركه وواصل إلى الأمام مباشرة لا يمين ولا يسار ,, وبهالصورة انت دخلت جزيرة سترة من المدخل الجنوبي ،، وأول إشارة ضوئية راح تصادفك في الأمام خذها إلى اليمين مباشرة ( راح تشوف خزانات نفط ضخمة جداً أمامك لونها أبيض ) ،، بعد ما تاخذ الإشارة الضوئيثة إلى اليمين راح تشوف دوار بعد أمتار بسيطة ،، خذ هالدوار إلى اليمين بعدين راح تكون على شارع فرعي واصل عليه مباشرة إلى الأمام حوالي 5 أو 6 كيلومترات وبذلك تكون وصلت إلى منتجع البندر,

يمكن إني طولت في الوصف ولكن خذها مني نصيحة أن هالوصف دقيق جداً وراح توصل إلى المنتجع بعيداً عن الزحمة والأعمال الإنشائية المملة من جسور وأنفاق. أما لما يجهز جسر سترة بشكل تام فأكيد راح يكون الطريق المفضل من جسر الملك فهد وحتى منتجع البندر.

,,