الموضوع: كيف الزحمه في البحرين

ناوي اسافر إلى البحرين ظهر الخميس القادم لمدة ثلاثة ايام يعني إجازة المدارس في السعودية على نهايتها وحبيت اسأل:
1ـ كيف الزحمة يوم الخميس وانت طالع
2ـ هل اجد سكن بسهولة وسعر معقول واين بالضبط (انا وزوجتي وطفلتين) شقق فندقية ـ مطبخ ـ
3ـ ماهي اهم الفعاليات التي ستقام نهاية هذا الاسبوع وبداية الاسبوع القادم
ودمتم يارواد بوابة البحرين

مواضيع عشوائيه ممكن تكون تعجبك اخترناها لك:

• تعتزم تدشين فندق جديد في الجفير الشهر المقبل
• أيهم أفضل في الحجز
• استفسار ياهل البحرين
• منتزه عين عذاري مثبتالأماكن الترفيهية
• ارجواااااا المساااااعده لا تبخلواا علي يا أهل البحرين ؟؟
• ارجو المساعدة بخصوص الشقق الفندقية
• اوتكر الألمانية تنوي إنشاء فندق في البحرين
• ضروري يــــــــــــــا أهل البحرين
• محتاج جدا جدا رأيكم
• ربـي يسعدكمممكن خدمة لـلـغـااالـيـة
• ابي فزعتكــــــــــــــــــــــــم
• بخصوص الشقق في البحريين
• فزعتكم ياعضاء المنتدى الكرام
• اللي يروح للبحرين ولا يمرّ عذاري تراه غلطان
• ممكن مساعدة من اهل البحرين؟؟
• تكفون ساعدونيأبي أدل فندق
• جاية للبحرين ياأهل الخبرة
• جامعة هال فالبحرين
• الفنادق
• مطعم

هلا فيكم أخوي ....

بالنسبة للزحمة ... أحسها عادية .. بس مع نهاية الاسبوع تزيد الزحمة ... وبالذات يوم الخميس .. وبالأخص المجمعات والشوارع المحيطة بها ...

الفنادق ... أنصحكم قبل لا تجون احجزوا ... حسب ما أسمع من الاخوان ان أغلبية الفنادق والشقق الفندقية .. مليانة ..

الفعاليات ... هالاسبوع بإذن الله سيتم افتتاح منتزه عين عذاري ... هذي اللي عندي علم بها .. والباقي الاخوان ما بيقصرون معاك ...

وحياكم الله في بلادكم ..

يوم الخميس هو نهاية ايام العمل وبداية الويك اند في البحرين و هو اليوم الذي يخرج فيه الكثيرون

و الان نعيش اسبوع عطلة المدارس في السعودية مما يعني ان الكثيرون هناك في البحرين

لذلك و بناء على ما تم ذكره يتضح لنا أن هناك اعداد اكثر من المعتاد.

انا كذلك مخطط اطلع هناك نفس الويك اند لكن أنا لوحدي

اتمنى لك اجازة سعيدة اخي العزيز في دولة البحرين الحبيبة

بما اني قريب وحول الجسر ...الايام هذي زحمة غير عادية لوجود اعداد كبيرة قادمة من خارج المنطقة ومتجهة للبحرين..انصحك بالآتي..
1 - اضمك حجز فندق او شقة قبل الاتجاه الى البحرين ..واعتقد ان الامكانية قائمة كون كثير من الاسر تغادر هذا اليوم لتعود للملكة خاصة االقادمين من اماكن من خارج المنطقة الشرقية

2 - بالنسبة للجسر ..اختار الوقت المناسب بالذهاب والعودة ...وفترة الصباح هي الانسب وكلما بكرت كانت حركتكم سريعة وسلسة ...ولا تحاول السفر بين الساعة الثانية والسابعة مساءً باتجاه البحرين ..او بعد الساعة التاسعة مساءً باتجاه السعودية في نهايات الاسبوع
3 - تاكد من جمل الوثائق المطلوبة ومدة سريانها

توكل على الله ولاتنسى ان تختار فترة الصباح للسفر الى البحرين يوم الخميس ..وكلما بكرت كلما اصبحت الامور اسهل

تحياتي

انا اليوم رجعت من البحرين والله فنادق الخمس نجوم كلها فل والريتزكالرلتون شفنا فيه بس غالي قال سويت ما في غرف بالفين وثلاثمية تقريبان
وبعدين دورنا ولقينا شقة بالجفير مرة حلوة وانصحك فيها اسمها شقق الجابرية 2كل شي حلو حتى التلفزيون كبير ومرتبة مرة والله
الليه اخذنها غرفة نوم وصالة 300 ريال وانصحك فيها ان شاء الله تلقى فيها

اخواني الغالية ، نادر الود ، ابو فيصل 99 ، عذبة الاحساس اشكركم على ردودكم بس هل تعتقدون لو اجلت رحلتي وخليتها من يوم الثلاثاء القادم 22/4 إلى الجمعة بتكون الزحمة اقل خاصة ان التأجيل ممكن .
وهل احد منكم يعرف مكتب لحجوزات الفنادق والشقق المروشة بالدمام .

لو تم تأجيل موعدك للي مقترحه من يوم الثلاثاء ..اكيد راح يكون انسب بالنسبة للجسر وايضا السكن بالبحرين خاصة انه لايصادف نهاية الشهر..اما بخصوص السكن في الدمام والخبر فستكون متاحة وارخص من الاسبوع الحالي ... رغم نصحي لك بالسكن في الخبر انسب واحلى في كل المجالات ...

تحياتي